كم قيمة الساعة في مواقف مطار الرياض

السلام عليكم

انا مسافر ان شاء الله لمدة اسبوعين وودي اترك سيارتي في مواقف المطار.. هل هي امنة ومظللة ؟ وكم قيمة الساعة ؟


شكرا
 

ترم

تاجر
هلا اخوي سلمان
تسافر وترجع بالسلامة إن شاء الله
مواقف المطار مظللة وآمنة ورسومها الساعه بريالين وعليك الحساب

تحياتي
 

rose2008

تاجر محترف
انصحك توقفها في احد مواقف المولات او شارع رئيسي يكون فية اشجار او قريب من احد البنوك افضل وآمن لك اوعند احد من اقاربك اوفر واحسن لك والله يوفقك وترجع بالسلامة
او في مكان عملك وانت ورايك
 
الله يجزاكم خير جميعا

انا من الخبر ومضطر اسافر من مطار الرياض وماعندي معارف في الرياض ولا ادري اذا مافيه مشكله لو وقفتها داخل مواقف احد الاسواق المغلقة

ياليت تنصحوني وشكرا لكم
 
خلها بالمطار أزين لك

واحد أعرفه جااء من ينبع وخلآ سيآرته بأحد الشوارع بمخرج 14

ورآح لإجتماع للعمل وجاء من بكرآ لقآهآ مآخوذه

ودوروها أسبوعين ولقوها بوادي الدواسر على مآ أظن

مكسره ورآيحتن فيها

والقهر إنها اوريون وقاعد يقسطها هالحين
 

assadd

تاجر محترف
والقهر إنها اوريون وقاعد يقسطها هالحين
ليش ماعنده تامين التامين يشملها ضد السرقه

عموما لو تخليها بالمطار اضمن لان المطار 24 ساعه حركه
 
^^

والله يآخوي ماادري عنه تأمين ومآ تأمين مدري والله

لكن هذي السالفة كمآ جتني

وتوه متوظف ومستانس فيها يعني

وهو على قد حاله

الله يرزقه بس ويوفق الجميع
 

رصيف

تاجر مميز
شوف لك فندق فيهـ مواقف تحت وووقف فيهـ

مواقف المطار الساعه بريالين والحسابه بتحسبـ
 

ترم

تاجر
لا يالغالي مواقف الأسواق المغلقه ممنوع الوقوف فيها لفترة طويله لأن فيها رجال أمن يتابعون المواقف بعدين تحصل سيارتك عند المرور !!!!

أعرف واحد راح للحج ووقف موتره بمواقف ايكيا على مخرج 17 مواقف كبيره مره لأنها تخدم أكثر من مجمع تجاري لكن للأسف مو مظللة والأمن أتوقع لك عليه شوي

عندي لك حل وهو إنك توقفها بمواقف بنك مظلله وآمنه وحط ورقه من داخل السياره على الطبلون واكتب فيها أي استفسار الرجاء الاتصال على الرقم وحط رقمك.

بالتوفيق يالغالي
 
الله يجزاكم خير جميعا

انا من الخبر ومضطر اسافر من مطار الرياض وماعندي معارف في الرياض ولا ادري اذا مافيه مشكله لو وقفتها داخل مواقف احد الاسواق المغلقة

ياليت تنصحوني وشكرا لكم
الاسواق اذا وقفتها راح تنسحب
 

تــمــيــم

تاجر محترف
اقول اخوي سلمان

هاتها عندي بالبيت وسافر واذا رجعت تأخذها

وابشر ولايهمك مجاناً :)

وأهلا بك بالرياض

واللي تامر فيه حاضرين لك :)
 
وقفها بالمطار

الاسواق تسحب السياره عند ملاحظه وقوفها اكثر من يومين او 3 ايام

صارت معي في احد الاسواق وتم اخرج سيارتي للحجز

وقفها بالمطار في آمان وكل شيء دائما اسافر واتركها اسبوع عشر ايام 5 ايام ماعليها خوف

ادفع رسوم الموقف بس تروح وترجع وانت مطمئن ومرتاح مره

والاهم الراحه
 

مواضيع مشابهة

أعلى