رسالة تناقلتها زوجات سعوديات أزعجتني ارجو التعليق

لقد اثار إهتمامي رسالة تتناقلتها زوجات سعوديات عن اللي تبي الدلع والكلام الحلو وين تلاقيه.


فحوى الرساله؛ إن اللي تبي الدلع تاخذ لبناني واللي تبي الكلام الحلو تاخذ سوري واللي تبي...واللي تبي

<O:p






واللي تبي الأجر تاخذ سعودي. عاد الأخيره هي الي أزعجتني.




وحبيت أقول لهم


العاقل يفهم من غمزه والجاهل يفهم من رفسة <O:p




معلومة أفتتح فيها رسالتي:

أنا من بيئة زراعية تؤمن أن الأرض الطيبة تعطيها تعطيك،​




وكثر ما تهتم فيها يكون الثمر أطيب.

**ولا نقول كل النساء السعوديات لان بعضهن في قمة الانوثه والكامل في حق زوجها والكامل وجه رب المسلمين .<O:p></O:p>




ولكن !!

إلى كل إمرأه سعودية تعتقد أنها مأجورة لأنها مآخذه زوج سعودي.....
إلى كل إمرأه سعودية تعتقد أنها فاقدة الدلع مع زوج سعودي.....
إلى كل إمرأه سعودية تعتقد أنها فاقدة الرومانسية مع زوج سعودي.....
إلى كل إمرأه سعودية تعتقد أنها فاقدة الكلام الحلو مع زوج سعودي.....
إلى كل إمرأه سعودية تعتقد أنها مظلومة عاطفيا لأنها مع زوج سعودي.....
إلى كل امرأة سعودية تبحث عن زوج حق دلع ولا كلام حلو.....​



أختي الفاضلة:
أجلسي مع نفسك صباح يوم من الأيام بعد أن يغادر زوجك السعودي إلى العمل.​




راجعي يوم الأمس الذي مضى لحظة بلحظة،


وأجيبي عن الأسئلة التالية:​


صباح الأمس الباكر؛ من أيقظ زوجك للعمل؟ أنت أم الساعة المنبهة؟
إذا كانت الساعة؛ أين كنتي؟
إذا كنتي أنتي؛ كيف أيقظتيه؟ وبأي صوت نبهتيه؟ وفي أي صورة كنتي عندما تفتحت عينيه؟
بعد أن استيقظ، ودخل الحمام للدش؛ هل وجد حمامه جاهز؟
لما خرج والأمل يحذوه في وجبة إفطار؛<O:p></O:p>​




هل كنتي جهزتي له إفطاره؟

(ولا كوب قهوة وكيك على المكتب)
قبل أن يخرج للعمل؛ من أين أخذ ملابسه؟ (من بين يديك ولا من الدولاب)
هل ساعدتيه في لبسه؟ (وكشختيه وعطرتيه)
بعد اللبس (وقت الخروج)؛<O:p></O:p>​










هل من مودع؟ ولا أحسن إختاري أجابه واحدة مما يلي:

1- خرج وأنا نايمه.
2- صحيت من حركته في البيت، فتحت وحده من عيوني وقلت: وين رايح، العمل؟ بالسلامة.
3- كنت جالسه بالصالة، وهو خارج قلت له لا تنسى الأغراض اللي وصيتك عليها.
4- رافقته للباب، وكان وداع حار.
( تبين مساعدة، نحذف إجابتين؟ بس المشكلة مانقدر نحذف إلا إجابة وحده بس​


لما وصل المكتب (طبعا إذا قام يفطر الشباب بالمكتب عرفوا وش أنتي من حرمه)؛<O:p


هل أتصلتي فيه تطمئنين عليه إنه وصل بالسلامة؟​




تالي النهار وهو راجع البيت من العمل،<O:p




دق الجرس ( معه مفتاح بس يبي أحد يفتحله و يحسسه إن له وحشه)؛​



هل أستقبلتيه؟ وشلون؟​


بدا ينزع ملابسه؟ هل كنتي معه ونزعتي له ملابسه و..و..<O:p></O:p>​




ثم علقتيها بالدولاب؟ (ولا منطوله بطرف السرير)

يبي يدخل الحمام ويأخذ دش؛ (كرري السؤال حق دش الصباح).
بعد الدش يبي استرخاء، رجليه تألمه من الوقفة طول النهار والمشي،<O:p></O:p>​




جسمه هلكان؛ هل ريحتيه؟ (طشت مويه وملح وهاتك يا تدليك)

الآن يبي غفوة قبل ألغدا، هل ساعدتي على توفير الجو الهادئ؟
لما صحي؛ هل وجد ألغدا جاهز ولا هو اللي جابه معه من المطعم؟
بعد ألغدا أكيد يبي شاي،<O:p




هل قدمتي له الشاي، وجلستي معه سوالف عن كل شيء،<O:p




وكيف كان يومك؟

الآن فتره مستقطعه إلى الليل، وشلون قضيتوها؟
بالليل وقبل النوم على الأقل ساعتين (إذا فيه عيال أكيد ناموا)؛<O:p




<O:p






وش كنت لابسه؟ كيف رائحتك؟ وشلون صورتك وهيئتك أمامه؟

خلال الساعتين: وش من جو عيشتيه فيه؟ <O:p></O:p>​




يمكن تتابعون فلم ولا مسلسل وسواليف، بس الجو العام شلون؟

وقت النوم، وأنتي رايحه السرير؛ وش كنت لابسه؟ كيف وضعية النوم مع زوجك؟<O:p></O:p>​




(وضعية حنان ولا كأنكم أثنين أصدقاء استأجروا غرفه بفندق<O:p></O:p>​


وما لقولهم إلا غرفه بسرير واحد (كنج بد) وكل واحد نايم بجهه)​


باختصار لكل الأسئلة السابقة:
هل كنتي أنثى مع زوجك السعودي وعيشتيه جو زوج وزوجه؟​



طبعاًَ هذى مو كل الأسئلة المطلوبة من زوجه أنثى،<O:p></O:p>​




لكن المهم منها والمطلوب حتماًَ وحق الزوج فيها.​


إلى كل امرأة سعودية تبحث عن زوج حق دلع ولا كلام حلو:
ضعي درجه من 100 على كل سؤال، ووزعيها بحسب الأهمية،<O:p></O:p>​




ثم أجيبي الإجابة الصحيحة، ومن ثم اجمعي الدرجات التي حصلتي عليها.

كم مجموع الدرجات أللتي حصلتي عليها؟
0% ولا 10% ولا 50% ؟​



طبقي النتيجة على المعلومة الزراعية التي أعطيتها أول الرسالة عن الأرض.<O:p></O:p>​




إعتبري النتيجة هي نسبة اهتمامك بالأرض. والأرض زوجك كيف بتكون الثمرة اللي تحصدينها؟<O:p></O:p>​


(الثمرة أكيد الدلع والكلام الحلو و... و....) <O:p></O:p>​


<O:p> </O:p>


اسألي مزارع إذا احتجتي مساعدة.<O:p></O:p>​


<O:p> </O:p>



في النهاية: أتمني من المرأة السعودية اللي تبي الدلع ما تأخذ لبناني، <O:p></O:p>​


واللي تبي الكلام الحلو ما تأخذ سوري واللي تبي...واللي تبي....واللي تبي....

كفاية يكون في العالم العربي كله بس السعوديين محرومين من الأنثى.​



معلومة أختتم فيها رسالتي:
تعرفون ليه الزوج السعودي يفغر لما يشوف امرأة متبرجة وتطيح سعابيله.<O:p></O:p>​




تعرفون ليه الزوج السعودي أكثر رجل في التاريخ متواجد في القهاوي والاستراحات؟ <O:p></O:p>​


تعرفون ليه الزوج السعودي لما يجلس وزوجته يتابعون التلفزيون وتطل المذيعة عيونه مفنجله بالشاشة.

تعرفون ليه الزوج السعودي لما يتزوج من سوريه ولا مغربيه ولا...ولا...<O:p></O:p>​




يحس إن فعلاًَ فيه جنس آخر بالكون غير الذكور.

لأنه في الأصل عايش مع واحد من ربعه.<O:p></O:p>​




<O:p> </O:p>



منقول من الواقع

و أنا برأيي الشخصي انه لو فيه زوجة تسوي ما ذكر أعلاه ما راح زوجها يفكر مجرد<O:p></O:p>​




تفكير بالزواج عليها إلا إذا كان مجنونا أو مريضا نفسيا​


ملاحظة هامة / الموضوع طرح بهذا الأسلوب كتذكير للمتزوجين و المتزوجات و المقصرين والمقصرات فقط . <O:p></O:p>​




<O:p></O:p>​


دمتم بوافر الودّ والمحبة<O:p></O:p>​

<O:p></O:p>​
 
ع

عبدالله البراهيم

Guest
نسئل الله ان يولف بين الازواج
وان يتبعوا سيره نبينا صفوه الخلق في التعامل مع زوجاته وتعامل امهات المؤمنين رضي الله عنهن معه صلى الله عليه وسلم
والله المستعان
 

ام منااان

تاجر مميز
اخوي حبيت اشارك بموضوعك بما اني عندي خلفيه عنه من قبل
وسمعت كثير من النساء يشتكون من ازواجهم
وكثير من الرجال يشتكون من زوجاتهم

بس راح اضيف لك نقاط مهمه

ان مافي انسان كامل لا امرأه ولا رجل والكمال لوجه الله العزيز الحكيم
ولو يرجع كل انسان مع نفسه ويسأل وش رغباته من الطرف الآخر ويحاول انه يطلبها منه وبأسلوب جدا راقي وبذوق
كان صارت محاسن الأنسان تعميه عن العيوب
بس في عيب موجود فالأغلبيه مننا

مافي جرأه ولا مقدره على تغيير الأنسان من حسن الى الأحسن
مثلا:
تلاقي المرأه تبي تسمع كلام حلو تبي دلع وتبي وتبي وتبي.....الخ وحاسه بالنقص
بس ما عندها المقدره على انها تخلي زوجها يعطيها هالشي
يعني لو شوية غنج شوية دلع منها تثيره وتخليه يدلعها
لو تردد لها كلمات حلوه بأستمرار اكيد انه بيتطبع من اطباعها لو كان يحبها فالمرأه لو تبي شي تحاول هي تسويه بشكل مستمر علشان يتعود عليه ويسويه لها
يعني ( الطفل على ما ربيتيه والرجل على ما عودتيه)
لما هي تصحيه من نومه بدلع
تسوي له فطوره وتأكله بيدها
لما ولما ولما ....الخ
اكيد رح يعاملها بالمثل
يعني اي شي تبيه المرأه من زوجها تحاول هي تسويه له علشان هو يسويه لها والأغلب يتطبع من اطباع زوجته لو كان يحبها
ولو كان ما يحبها او حاولت معه وما نفع وما تطبع منها شي
في حل افضل وافضل وافضل
انها تلجأ لرب العالمين وتدعيه وتطلبه وترتجيه لو كانت تحب زوجها وتخاف الله
بس ما في جرأه ولا قدره ولا استعداد لهذا الشيء اغلب النساء ما يبون يتعبون نفسهم تلاقي الحل الأسهل لها انها تتشكى منه او انها تكمل هالنقص بشخص غير زوجها او .. او.. او.. الخ
وهذا اكبر غلط

والرجال نفس الشيء
تلاقيه شايف نقص بزوجته ونضرب مثال دائم يشتكون منه الرجال
انها ما ترقص له مثلا ما تلبس له ما تتغنج له وما تدلعه وما ... وما... وما...
ودايم يشوف بالقنوات الفضائيه هالشي او انه يدور عليه بأماكن ثانيه
يعني يدور على هالنقص برا
مع انه لو حاول انه يطلب منها هالشي
او حاول يجرأها عليه بأنه يشغل مثلا اغنيه ويمسك ايدها ويحاول يرقص معها يعني من باب انها تخجل منه او من باب انه اول مره يطلب منها هالشي
فتكون بطريقه غير مباشره
ممكن يلاقي ان زوجته افضل من اي رقاصه بالاماكن المحرمه
وحتى لو ما كانت تعرف ممكن يطلب منها تتعلم او انه يقول لها احب نوع معين من الرقص تحاول تتعلمه علشانه
يعني انه يحاول يكمل النقص اللي حاسه من زوجته بطريقته الخاصه
واذا كانت ما تتدلع لها يحاول يكذب على نفسه يوم من الأيام ويقول لها يا دلوعه او انتي دلع او يا غنوجه يحاول يناديها بهالكلمات يناديها بوصف مو موجود فيها بيلاقيها تنتبه لنفسها وراح تتغير معه
واذا ما فاد ايضا هناك حل افضل وافضل وافضل
يلجأ لرب العالمين ويدعيه ويطلبه
ربي كريم
مو انه يختار الحل الأسهل ويروح يسافر او انه يطالع نساء لا يحلون له او انه يتشكى منها او.. او.. او...الخ

بالأول وبالأخير الامر يرجع للرجل والمرأه

يا امرأه ان كنتي ذكيه وقويه وفاهمه للحياه ومثقفه وعندك حكمه وتبين ترضين ربك وتبين ترضين نفسك بتلبية جميع رغباتك وتشوفين ان انتي كامله وزوجك الناقص
اثبتي لنفسك انك فعلا تتصفين بهذه الصفات :

واجعلي زوجك للأحسن لشي انتي تحبينه
اجعليه للأحسن لشيء ترغبين له
اجعليه للأحسن لشيء تبحثين عنه وصدقيني بتلاقينه فيه
بتشوفين ان عنده هالشي بس محتاج معزز
اطلبي ربك وألجأي له وربي كريم

ويا رجال ان كنت ذكي وقوي وفاهم للحياه ومثقف وعندك حكمه
وتبي ترضي ربك وتبي ترضي نفسك بتلبية جميع رغباتك وتشوف انك انت الكامل وزوجتك الناقصه
اثبت لنفسك انك فعلا تتصف بهالصفات:

واجعل زوجتك للأحسن لشي انت تحبه
اجعلها للأحسن لشيء ترغب له
اجعلها للأحسن لشي تبحث عنه وصدقني بتلاقيه عندها بس محتاجه معزز لهالشي
واذا ما فاد الجأ لربك واطلبه وادعيه وربي كريم

اي امرأه تتشكى من زوجها فهي ناقصة عقل
واي زوج يتشكى من زوجته فهو ناقص عقل

ومافي انسان كامل بهالدنيا

لأن الحل عند رب العالمين

ألجأو له بهذا الدعاء

<!-- google_ad_section_start -->((اللهم وفق بيني وبين( زوجي/ زوجتي) واجمع بيننا على خير ..اللهم اجعلني قرة عين (لزوجي/ لزوجتي) و(اجعله / اجعلها) قرة عين لي واسعدنا مع بعضنا واجمع بيننا على خير ..اللهم اجعلني (لزوجي/ لزوجتي) كما (يحب / تحب)و(اجعله / اجعلها) لي كما احب واجعلنا لك كما تحب وارزقنا الذريه الصالحه كما نحب وكما تحب .. اللهم اهدني واهدي (زوجي/ زوجتي) واجعلنا من اهل بيت صالحين"



"اللهم (اجعله اباً ) (اجعلها اماً ) لي في الحنان... و(اخاً / اختاً) لي في الطاعه... و(حبيباً / حبيبتاً) لي في الفراش ...
اللهم امين لي ولجميع المسلمين ياكريم ياحي ياقيوم برحمتك نستغيث اللهم اجب دعوتي وحقق لي امنيتي "


"اللهم اهدي (زوجي/زوجتي) للايمان و(ثبته/ ثبتها) عليه
اللهم (اجعله/ اجعلها) من عبادك الصالحين الملتزمين بطاعتك واتباع سنة نبيك محمد صلى الله عليه وسلم


"يارب تسخر لي (زوجي/ زوجتي) وتحنن (قلبه/ قلبها) علي
يارب تضع لي في (قلبه/ قلبها) مواضع الرحمة والمودة والالفة من عندك
اللهم جملني في عين (زوجي /زوجتي) وحبني الى (قلبه/ قلبها)

(واجعلني الزوجة الوحيده له)<<<خاص للنساء
وارزقني ذرية صالحة (منه /منها)،اللهم ارزقني (حبه/حبها) وارزقنا حب وجهك الكريم وطاعتك، اللهم (احفظه/احفظها) لي يارب يا ارحم الراحمين
يا ذا الجلال والاكرام
اللهم اغنني بحلالك عن حرامك

"اللهم اجعل (خيره/ خيرها) بين (يده/يديها) و(شره/ شرها) تحت (قدميه/ قدميها)

..اللهم اجعل (غضبه/ غضبها ) بردا وسلاما علي كما جعلت النار بردا وسلاما على ابراهيم

سبحانك يارب العالمين
لا اله الا انت سبحانك اني كنت من الظالمين
لا اله الا الله وحده لا شريك له , له الملك وله الحمد وهو على كل شيء قدير
استغفر الله
استغفر الله
استغفر الله
 

shelpy

ام عبدالرحمن
السلام عليكم ورحمة الله
بصراحة لما قرات الموضوع انقهرت كثير من الاسلوب وقلت لازم اشارك واستاذنت زوجي باستخدام اسمه بالرد
اولا
المراه السعودية فعلا مظلومة الى حد كبير وهذي حقيقه حتى لو حاولت تنكرها
هي الام والاب بنفس الوقت تربي داخل البيت وتهتم بعيالها من الصغيره للكبيره بتقول واجبها
اكيد ان واجبها مافي شك لكن لو ظل هو فقط واجبها ولكنها حتى تتحمل واجبات زوجها
فتلاقيها تروح السوق مع ذا السواقين وتدفع وتتبهذل وتروح لبنده او لغيرها وتقضي مقاضي البيت وتنتظر مسكينه بالشارع الى ان يجيها السواق اللي يطير فيها ماتدري مسكينه هي ترجع بيتها اولا من السرعه ..
وين الزوج السعودي ؟
تلاقيها تتصل وتتابع عيالها بالمدرسة واكيد انها يتلاقي مضايقات من الاتصال بالمعلمين للسؤال عن اولادها او اي ملاحظة تحتاج توضيحها للمعلم ،، ويمكن يكون الرد ترى المعلم الفلاني مايكلم حريم !!!
ليه خير ان شاء الله يعني انا بكلم المدرسه اغازل !! مثلا !! سبحان الله .. اين الزوج السعوي ؟؟
تلاقيها تروح من مشغل لمشغل وتدفع مئات الريالات عشان الكريم الفلاني للتبييض والتخسيس وما الى ذلك
كل هذا عشان تنال رضا صاحب السمو ( الزوج السعودي ) ويمكن يدخل البيت ويطلع وهو ماطالع بوجهها !!
ليش !! من زينك يالزوج السعودي !!
يعني انت تقول بكلامك .. تهتم بلبسه،،، بالدش ،،، بالتوديع ،،،
طيب هو وين دوره بالحياه بصراحه ؟؟
تقول يتعب ويداوم ووو ماقلنا شي طيب نجي لمصروف البيت يمكن مايتعدى 500 ريال يرميها بوجهها نهاية كل شهر ويقولها دبري نفسك ...
وتعال شوف لو في طلعه مع الشباب او قطه او او تلاقيه مسوي حاتم الطائي ..!!
وهذي قصه بسيطه من ضمن قصص كثيره انا اعرفها.. ولكن عشان ماتقولون اني ابالغ بكلامي ..
وحده اعرفها من سنين تزوجت صغيره وتحب زوجها وعندهم عيال الكبير الان بالكليه .. كل شي ممكن تتصورونه تسويه لزوجها واهذا الشي عرفته بحكم قربي من هذه الانسانه عشان ماتقولون وش دراني !!
المهم انه حتى ملابسه توديها للمغسله ،، وتحجز له لابغى يسافر وتتصل عليه وهكذا من الاهتمام ,,
وللاسف اسوا معامله تلاقيها منه ويسفها ولا يعترف برايها ويقصر معاها بامور كثيره .. وهي اللي تحط وتجيب بالبيت ،، وين الزوج السعودي ؟؟
عموما ماودي اطيل على الجميع بموضوعي
لكن فعلا الله يعظم الاجر بس .. وانتو افهموما وشكرا للجميع ..
ام عبدالرحمن
 

متجر الفراشه الجميله

تــآجـره ثـقـه vip
انا عن نفسي اقوووول مو كل السعوديين مقصرين ومو كل السعوديات مقصرات
ومعليش اخوي زي ماهو يبغى انا بعد ابغى اهتماااااااااام

اقسم بالله اعرف وحده مو مقصره بزوجهااا ابدا طبخ نظافه اهتمام بالاطفال وهي دايم تولد بقيصريه مع ذلك مومقصره عليه بشئ مع العلم انها ساكنه ببيت الحموله وماتشوف اهلها الا بالسنه حسنه
وكل شهر تروح المشغل """ والمصيبه انه يحطه ع المسلسلات والاغاني ويقول شوفي الجسم اللي مو جسمك شوفي البشره شوفي الجمااااال مالت عليك تخيلووو بقارن زوجته الطاهره بالساقطااااااااات
هههههه صدق سخاااافه
وهي كل الرجال حاسدينه عليها
مومقدر النعمه ابد
رافسهااااا برجوووووووووووله
الحين اسألكم بالله يالرجال لو حرمتك شافت رجال وسيم وقالت يالله شوف الجمااااال ترى هذي الوسامه اللي مو وسااااااااااامتك بربك وش بتكون ردة فعلك؟؟
قسم بالله بتطلقهاا وبعدين بتنتحر ههههههههههههه

وترى الجماااااااااااال مو كل شي اهم شي الحرمه اللي ساتره نفسها وحافظه عرضها وبيتها
لان النتيجه بتطلع ع تربيتها لالطفالهاااااااا

وبالنسبه للرسايل اللي تقول اللي تبي الاجر تاخذ سعووووودي ::: طبيعي تنتشر هالمسجات لان لكل فعل ردة فعل
لان قبلهااااا انتشرت رساااائل سب فالسعوووديااااااات
فأكيد انهن رح يسبوووون لان البادي اظلم ياعم
هههههههههههه

وع فكــــــــــــره ترى فاقد الشي لايعطيه
اذا الزوجه فاقده الحب والاهتمام والحنان من زوجها اجل كيف بتبادله وتعطيه؟؟
عجيب امركم ؟؟/

تحياتي للجميع....
 
عجبني رد ام عبدالرحمن وهي تقول استاذنت زوجي عشان اهزئه بالرد


على العموم

الكمال لله

وانا بكتب شهادة حق

متزوج من 15 سنه ولله الحمد لو يرجع التاريخ من جديد ماتزوجت غير زوجتي

وهي فعلا لها الأجر من رضاي عليها ودعائي لها بظهر الغيب
 

shelpy

ام عبدالرحمن
عجبني رد ثلاثيني وهو يقول متزوج من 15 سنه
ومسمي نفسه ثلاثيني يعني متى تزوج وعمره 15 سنه
وعلى فكره انا استادنت زوجي لاقول كلمة حق
وماتوقع فيها تهزيء وكل عارف نفسه وامكاناته
لكن هذا اكبر دليل ان حتى محرومات من قول الحقيقه
التي تخدش مشاعر الرجااااااااااااااااااااال
 

جريحة زماني

تاجر مميز
موضوع فعلا مهم للطرفين

في ازواج مقصرين وفي زوجات مقصرات

بإخــــــــــــــــــــــتصاااار كل ماهتم فيها واحترمها وقدرها

راح تهتم وتقدره وتحترمه وماتقصر عليه

ومثل مايبيها تلبس وتكشخ وتهتم بنفسها

هيا بعد تبغاه يهتم بنفسه ولبسه

موحلال عليكم وحرام علينا

مثل ماتبون نبي واكثر
 

ام شذى1

تاجر مميز
اقول الرجال ما يملا عينه غير التراب وشي طبيعي كل وقته بالقهاوي من خلقته داج وعينه زايغه بزياده الظاهر لخبطه بالجينات اعرف حريم عايشين بذل وصابرين على شان عيالهم وانا اتكلم عن الرجال بصفه عامه حتى السوري والبناني فيهم الزين والشين بس السعودي نقطة ضعفه الوحيده المراه اذا شاف حرمه يخلف الله والطامه الكبرى يجي الواحد يتشرط يقول اصبغي وقصي وانحفي وهو شيفه ويتشرط يحمد ربه صابره عليه هو يبي لنفسه كل شي وهي تنطق ليه الاحتقار واكبر مصيبه الخيانه اعرف حريم رجالهم يخونونهم مع الشغاله وش فيها زايد عن ام عياله المشكله السعودي عنده حب استطلاع زايد يحب يجرب كل شي لازم نفك شفرة السعودي ونعرف كيف يفكر
 
انا بصراحه اشكر كل اللي شاركو بالموضوع وانا فتحت الموضوع علشان نعرف وين المشكله بالضبط لكن اللي احب اقوله مو كل الرجال سوا ومو كل الحريم سوا وفيه رجال ينحسدون على زوجاتهم اقول الله يديم المحبه والتفاهم بين الزوجين
وشكرا
 
ع

عذب الوصايف

Guest
ام شذى يعني لازم الفضايح وش له تفكون شرايح الرجال السعودين
 
لقد اثار إهتمامي رسالة تتناقلتها زوجات سعوديات عن اللي تبي الدلع والكلام الحلو وين تلاقيه.



فحوى الرساله؛ إن اللي تبي الدلع تاخذ لبناني واللي تبي الكلام الحلو تاخذ سوري واللي تبي...واللي تبي

<O:p

ولكن !!

إلى كل إمرأه سعودية تعتقد أنها مأجورة لأنها مآخذه زوج سعودي.....

إلى كل إمرأه سعودية تعتقد أنها فاقدة الدلع مع زوج سعودي.....
إلى كل إمرأه سعودية تعتقد أنها فاقدة الرومانسية مع زوج سعودي.....
إلى كل إمرأه سعودية تعتقد أنها فاقدة الكلام الحلو مع زوج سعودي.....
إلى كل إمرأه سعودية تعتقد أنها مظلومة عاطفيا لأنها مع زوج سعودي.....




الرجال كلهم صنف واحد سواء سعودي او لبناني او سوري

وما نشاهدة في مسلسلتهم من الكلام الحلو والدلع انما هي مهارات تجذب الناس لمتابعتهم وكسب القلوب واختيار الاساليب المتجددة لمتابعة قنواتهم

ولكن في الحقيقة عكس ذلك


كلا الجنسين يرغب في الدلع والكلام الحلو , ولكن باللطف واللين والاخلاق الطيبة ولطف وحسن التعامل تفتح جميع الابواب
 
أعلى