أبغى سواااق ساعدوني

بسم الله الرحمن الرحيم
حبايبي أبغى سواق يودي أخويا الصغير سنه 2 إبتدائي المدرسة ويرجعه
وماعندي احد أنا عندي دورة إنجليزي في جده ومني لاقي أحد يوديه ويجيبه
أنا ساكن في الشوقيه عند الإشارة ومدرسته في الإسكان إسمها حنظلة بن أبي عامر
ياليت إللي يقدر يقولي ويحطلي كم السعر روحه ورجعه وإذا مايقدر يوديه أنا أوصله بس أبغى أحد يرجعه يخرج من البيت الساعه 6 وربع يوم السبت إلين الإتنين يخرج الساعه 12 الظهر والتلوت والربوع الساعه 11 ونص ياليت ألقى أحد أمين ويعتبره زي ولده وأكون لكم من الشاكرين​
 

ام عبد الاله1433

اللهم اجعل رزقي صبا صبا
مووووووفق بطلبك
 
يعطيكم ألف ألف عافيه يلي ردوا على موضوع الله لايحرمني منكم ويسعدكم يارب اللهم أمين
وجاري الإتصال..........
 

الدهليز

الـــــعـــــمـــدة
العضوية الفضية
والله يا رفيقي لو كان ليا مشوار هناك اخده ببلاش
الصوغار هدول احباب الله
ربي يحميه ويفتح عليه ان شاء الله وعقبال ما تفرحوبه ان شاء الله

وان شاء الله ربي يرسلك ولد حلال ياخده ويجيبه
شوف الجيران اصحابه في المدرسة
ازا كنت تعرف ابهاتهم والا عندهم سواقين اسمنو جمب بعض في الروحة والجية
الدورة يونسو بعض في الطريق
 
أبو عبادي أمين يارب الله يسمع منك حبيبي
الدهليز والله من طيب أصلك يالغالي ناس زيك ماتحصل زيهم إلا نادرا وزي منته عارف أنا ساكن جديد في الشوقيه ومني عارف أحد زي الناس كنت في شارع منصور كان يروح برجله المدرسة قريبه أما دحين تكره عمرك توديه المدرسة بسبة الزحمه إللي عند الإشارة الله لايوريك بس أقوم من بدري اوديهم مدارسهم وأنزل جده على طول وأخش في زحمة جده ياسلااااام هههههههههههه والأمريكان هناك مايتفاهموا أجي متأخر يمسكوني الباب على طول اليوم رحت جده ودرست وأنا راجع وأضيع في جده هيا دورلها ترجع مكه قاعد ألف إلين ماطفشت وأمشي ع اللوحات كرهت عمري الله يحفظ مكه كلها كم شارع وخلصت هههههههههههه يلااا بايووو حبايبي
 

الدهليز

الـــــعـــــمـــدة
العضوية الفضية
ياحبيبي كان الله في عونك من جد
تلاقيها من هنا والا من الخواجات على قولك
يمكنك زي حالاتي جدة ما انزلها الا 5 ستة مرات في السنة طيييييييييييييييييييييييييب
اول حاجة الرطوبة تنكبلي رجولي اجارك الله
وغير الزحمة وفورة الدم ورفعة السكر مهي ناقصة
وازا حبيت اروح جدة اروح الصواريخ والمينا
والاهلية والحبايب في الشمال واروح عن طرق عسفان زي الجن لحااالي
ولا طريق الحرمين وبهدلته خط سريع مافيلو اشاير نمشي فيه 40
بالزات في الصبحية والضحوية

وحتى مكة انزحمت بالزات جهة الجامعة حقت البنات ودحين يجيك الحج وشي يبكي
المشكلة في زحمة مكة الله يعمرها تخطيطها قديم لمن مكة كانت 300 سيارة

وازا كان لازم هدم وازالة الافضل يهدو الشوارع ويوسعوها
احسن من قطار يشتغل يومين تلاتة في السنة ويتقفل

ويارب تلتقي سواق ييسر امركم
ويبغالك تتخشخش مع الجيران وتعرفهم مزبوط
 
أعلى