بعض البنات بعد الخروج من الزواج !

#1


أخوهم : أركبوا السياره وكل وحده تنتبه لا تصك باب السياره على عبايتها

وبمجرد ما أنقفل باب السيارة .. بدأ الأستديو التحليلي .. أسمعوا الحش ..


الأولى : ويش فيك تأخرتي؟

الثانيه : ساعه قاعده ادور على عبايتي .. انتي ما شفتي الحريم يتطاقون عند العبايات

العبايات تلخبطت وأنحاست كلن بس يدور عبايته ..

الثالثه : يا ليتنا ما رحنا زواجهم

أخوهم : ليش؟

الثالثه : زحمه والبزران يتضاربون بقشر البرتقال ويلعبون بالمويه

الأولى : ماشفتي ذيك العجيز اللي متمدتها على الأرض بغيت أوطاها يومها مو قد العرس وشوله جايها .. بس مسببه زحمها لنا

الثالثه : لا والله ما شفتها .. أنا ما شفت ولا شي في الزواج .. طول الوقت قاعده ادور على خاتم بنتي ضيعته هالفاهيه مو كفو من يشتريلها ذهب

الثانيه : أقول وش رآيكم في الفستان اللي لابسته هدى ؟

الأولى : شين يحوم الكبد ..

الثانية : تدرين أنها تقول لي : في التلفون أني مفصلته 2000 ريال .. بصراحه مايستاهل إلا 350 ريال وبعد يخب عليه ..

الأولى: أنا أعجبني مكياج أمل .. بصراحه مرررره حلو .. تقول أن أختها جابته لها من باريس ..

الثالثه : هههههه من باريس .. تضحك عليك يا هبلا .. تلقينها شاريته من محلات أبو عشره أذا ما كان محل بو ريالين ..

وقفه

************ ***

الغريب والعجيب انهم واثناء حديثهم في السياره يقولون لبعضهم .. خلاص يا بنات

بس .. ترى ما يجوز نتكلم على الناس

تكمله ************ ******

الثانيه : صح والله كلامك يا اختي .. ما يجوزنتكلم عليهم .. بس شفتي الحرمه اللي كانت

قاعده جنبي على العشاء وتقطع لي لحم؟

الأولى : أيه شفتها .. هههههههه متوصيه فيك .. شكلها بتخطبك لولدها

الثانيه : وجع في شكلها هي وولدها .. قاعده تقطع لي من اللحم الكبار اللي ما ينوكل .. وهي طايحه في اللحم الزين
************ **

العشاء

أخوهم: وش رايكم في العشاء

الثالثه : دسم وكله شحم

الأولى : بارد

الثانيه :اللحم كبار ، وفيه حريم ما تعشوا .. قاعدين على الكراسي اللي في الكوشه .. شايفين نفسهم

الأولى : حتى ام العروسه .. ما تعشت مسكينه طول الوقت قاعده تبكي

الثالثه : هههههههههه تبكي من الفرحه يا الفاهيه .. ما شفتي صدرها منتفخ من الفلوس

بس .. خلاص .. ما يجوز ..

صح والله .. ما يجوز .. بس شفتي .. وشفتي .. وشفتي

واخيراً وصلوا البيت

اخوهم: شوفوا لي حبتين باندول اكسترا

راسي بينفجر ............ ......... ......... .........
 
#2
اقول فيك اليوم شيء على البنات
لا يكون تأثرت .
 
#5
ههههههههههههه
بس باقي المعرس والعروسه ماقالو عنهم شي
زين اسلمو المعاريس بالسالفه

يعطيك العافيه
 
#8
شكلك انت كل يوم تاكل حبتين بندول اكسترا
ههههههههههههههههههههههههههههه
ههههههههههههههه الحمدلله والله يسعدك يارب قول كرتون بندول خخخخخخخخخخخخخخ
 
#9
هههههههههههههههه

ههههههههههههههههههههههه

اي والله من جد مانسكت لين نوصل البيت

هاذا لو ماتكلمنا بالشارع ودرج البيت وقبل ننام كمان
 
#11
هههههههههههههههه

ههههههههههههههههههههههه

اي والله من جد مانسكت لين نوصل البيت

هاذا لو ماتكلمنا بالشارع ودرج البيت وقبل ننام كمان


هههههههههههههههههه الله يسعدك يارب

اجل تكلمي وانت على رنات خفيفة خخخخخخخخخخخخخخ موفقة يارب
 
#14
ههههههههههههههههههههههههههههههههههههههههههههههههههههههههه

صحييح واقع بس الكل مو كذا انا اتذكر رقص البنات الهبلات واضحك فقط.........الله يسعدك ..ضحكتني..
 
#15
ههههههههههههههههههههههههههههههههههههههههههههههههههههههههه

صحييح واقع بس الكل مو كذا انا اتذكر رقص البنات الهبلات واضحك فقط.........الله يسعدك ..ضحكتني..
الله يسعد يااااااااااااااااااااااااااااااااااااارب
 
أعلى