ام عريس مكااااااااااااااااوية

المكااااوي

تاجر مميز
من كتاب لفيت السبع اللفات
أدور حكم والألغاز وحكايات
للأستاذة/ عزيزة عبدالله الصيرفي



خلص ولدي الدراسة الجامعية .
أتوظف وأستلم المهية.

قلنا ندورله العروسة إللي هية.
مؤدبة وحلوة ومصلية.

سألت عن بنت حلوة ومتربية.
قالوا لي : روحي زواج بنت عمك صفية.
تلقي البنات بالعشرات والمية.

رحت الزواج ويا لله يا لله ...إيش شافت عنيّة.
شافت بنات تقولي ورد في مزهرية.
إيش أحمر وإيش أخضر وبرتقالية.
الوجيه ماتنعرف بنت مين هية.
العيون عدسات ملونة عسلية.
يا زرقة أوخضرة أوموفية.
وعليها ألوان الطيف بالوقية.

والرموش من طولها كأنها مكانس يدوية.
والحواجب منتوفة أو مسواية شيطانية.
والشعر نصه توصيلة ونصه خروق محشية.
يعني يعني من طوله الباقي خصل على الظهر مرمية.

الوجه مغطى بطبقة بودرة أندنوسية .
وأحمر الخدود ملطوع كأنه وردة جورية.
بالصراحة ماعرفت لهم ملامح بشرية.
قلت أعصر عليهم مزرعة ليمون مستوية.

قربت من بنات وسألت وحدة كأنها جنية.
إنتم مخطوبين ولا متجوزين يابنية.؟؟!!
رجت القاعة بضحكتها الغجرية.
وقالت لي:لا ياخالة ..عندك عريس ليا.
الحقيني بيه وسيبي هادول العربجية.
أنا لا أبغى أكمل دراسة ولا أدخل كلية.
أبغى أتجوز وأتستت وأعيش عيشة هنية.

صنيت في مكاني ...إيش هادي البلية.
إشبهم بعض البنات رفعوا برقع الحيّا والمزية.
تحسب الوحدة كل موضة لازم تطبقها ولاصارت من العصور الجاهلية.
تطلع زينة تطلع شينة المهم ينقال عنها بنت كووول عصرية.
أخذت بعضي ومشيت وأنا أقول: تحرم عليّ.

وأنا ماشية لمحت بنت في الفجرية.
وجهها تقولي قمر ليلة البدرية.
جلست جنبها أسألها تجاوبني بكل أدب وروية.
دخلت مزاجي وقلت في نفسي : هية هية.
وإحنا بنتكلم جات بنت صغيرة جلست على الكرسي مستحية.

قالت لها بصوت ناعم : أبغى حلاوة سمّسمّية.
قلت لها: هادي أختك المهلبية.
قالت: لا ..هادي بنتي الوسطانية .
قلت: ماشاء الله بنتك حلوة وسكرية.
وقمّت والخيبة على وجهي مدارية.
وأنا أقول: خيرها في غيرها المرّة الجية.
وضاعت الليلة وأنا أدور ألين الصبحية.
وخرجت من الزواج من غير نتيجة مرضية.

ثاني يوم دقت عليّ التلفون بنت خالتي نجية.
قالت لي : مادّريتي عن إستيتة زهية؟!.
ماتت البارح بشرقت وصلة حلاوة طحينية.
قلت لها: ووووه يا ندامة كانت شمعة مضوّية.
بكرة وخير أروح العزى بعد المغربية .

لبست القنعة ورحت للواجب وفي نفسي متمنية.
ألقى لولدي العروسة إللي في بالية متخبية.
ومن بعد صف العزى لقيت كنبة مدارية.
جلست عليها أشوف الرايحة والجية .
وعينك ماتشوف إلا النور ياعنية.

إللي حاطة مكياج خفيف وحمرة بنبية.
وإللى حاطة عدسات ملونة ورموش إصطناعية.
وكأنهم في حفلة أوعزيمة بمغنية.
لا في إحترام لمشاعر أهل الميت في مصيبتهم القوية.
قلت في نفسي:
حتى في الموت ماسلمت الوجيه من الزخارف الإسلامية.
جلست في مكاني ومرت عليّ ساعة زمنية.
وأنا أستغفر رب البرية.


وخرجت وأنا أقول:
يامين يدلني على أصحاب الوجيه الطبيعية.


توضيح بعض الكلمات:

المهية: الراتب.
أتستت: أجلس سيدة في منزلي.
صنيت: وقفة صمت بحيرة.
البلية: المصيبة.
الين: حتى.
القنعة: العباءة.
إستيتة: تقال للأكبر سناَ.









 

KHALID400

تاجر مميز
ههههه
فعلا هذا اللي حاصل
مجتمع منغلق عشان تدور على عروسة اما في فرح او ميتم .
 

تاجرة مكة

_moonstyle
هههههههههههههههههه
صح لساانك وويسلم فمك
كلاام ووصف حال البنات بذا الزمن الله يعين بس
 

Lavita

تاجر مميز
ههههههههههههههههه حلوة وتحكي الواقع اللي حاصل
 

الدهليز

الـــــعـــــمـــدة
العضوية الفضية
ربي يسعدك في الصبحية الحلوة زي ما اسعدتنا

وزي ماقال المسل احتارت المقينة في الوجه الغلس
الحلو حلو ولو قام من النوم والوحش وحش لو غسل وجه كل يوم

بنات اليومين هادي وبدون زعل
ربي يهديهم ليل نهار وهم في المحلات المكياج والكوفيرات ووووو
ليش قد كدة منتو حلوين يعني

يعني اقل مناسبة تجي لو جواز مسلا
تلاقيها قبل المناسبة باسبوعين تلاتة في السوق تدور على فستان
واسبوع عزك الله على جزمة وشنطة ومكياج
و7 ساعات قبل الجواز في الكوفيرة
وساعتين علبال ما تلبس
واللي تجلسها في الجواز يادوب 4 ساعات على بعض
وبعدين لمن يروحو الفرح كل وحدة توايق للتانية وهادي ايش لابسة وهديك ايش مسوية في عمرها
وحش ليوم الحش
ماتسيبو الناس في حالهم وكل مين يلبس على كيفه
ازا ما عندي فستان مني رايحة جواز
وازا ما وديتني كوفيرة مني رايحة
وازا وازا
ياستي انطقي في البيت والله محد دري عنك جيتي والا ما جيتي

اللي بيخطب اليومين هادي صعب يلاقي طلبه
واللي حابب يعرف السبب يسأل البنات
 

المكااااوي

تاجر مميز
يسلمؤؤؤؤؤؤؤؤؤؤ
يسلم غاليك
ههههههههههههههههههههه يسلمووووو
يديم سعدك

كلام ميه ميه
والله يهدي بنات اليوم
آمين وتسلم طلتك

ههههههههههههههههههههههههههههههههه
يديم ضحكتك
ههههه
فعلا هذا اللي حاصل
مجتمع منغلق عشان تدور على عروسة اما في فرح او ميتم .
مسااااااااااااااااكين رجعيين يدوروا في فرح والا عزا على قولك

طيب تركنا لكم البحث في البلاج والنايت والأسواق

ههههههههههههه صدقتي بنات هذا الزمن الله يهديهم بس
آمين
وتسلم طلتك
 

المكااااوي

تاجر مميز
سلمتي يالغلا من جد هذا اللي الحاصل في مجتمعاتنا الاسلامية
الله يسلمك

شاكر مرورك

هههههههههههههههههه
صح لساانك وويسلم فمك
كلاام ووصف حال البنات بذا الزمن الله يعين بس
ياستي هذا من اللي نشوفه اليومين هذي

لكن الله يهديهم ويكملهم بدينهم وعقلهم



ههههههههههههههههه حلوة وتحكي الواقع اللي حاصل
الله يحلي أيامك

وتسلم طلتك
 

المكااااوي

تاجر مميز
ربي يسعدك في الصبحية الحلوة زي ما اسعدتنا

وزي ماقال المسل احتارت المقينة في الوجه الغلس
الحلو حلو ولو قام من النوم والوحش وحش لو غسل وجه كل يوم

بنات اليومين هادي وبدون زعل
ربي يهديهم ليل نهار وهم في المحلات المكياج والكوفيرات ووووو
ليش قد كدة منتو حلوين يعني

يعني اقل مناسبة تجي لو جواز مسلا
تلاقيها قبل المناسبة باسبوعين تلاتة في السوق تدور على فستان
واسبوع عزك الله على جزمة وشنطة ومكياج
و7 ساعات قبل الجواز في الكوفيرة
وساعتين علبال ما تلبس
واللي تجلسها في الجواز يادوب 4 ساعات على بعض
وبعدين لمن يروحو الفرح كل وحدة توايق للتانية وهادي ايش لابسة وهديك ايش مسوية في عمرها
وحش ليوم الحش
ماتسيبو الناس في حالهم وكل مين يلبس على كيفه
ازا ما عندي فستان مني رايحة جواز
وازا ما وديتني كوفيرة مني رايحة
وازا وازا
ياستي انطقي في البيت والله محد دري عنك جيتي والا ما جيتي

اللي بيخطب اليومين هادي صعب يلاقي طلبه
واللي حابب يعرف السبب يسأل البنات
آمين

وربي يسعدك في كل أيامك

سلمت أناملك اخي الدهليز

وكل ما كتبته صحيح ميه في الميه

وفيه لسع أمور ثانية الله لا يورينا هيه

تسلم طلتك
 
أعلى