كل واحد منكم يعطيني رأيه (أبي مشورتكم ) ...!!

#1
السلام عليكم ورحمة الله وبركاته

كيفكم أعضاء المنتدى من رجال ونساء

أبي رأيكم في هذا الموضوع

أنا موظف ببريدة وأروح للجوف تقريبا كل أسبوع وآخذ معي من معمول القصيم وأبيعه هناك
آخذ كمية قليلة مرة
وأنا أبيع على راعي المحل اليمني دخل علينا يمني آخر قال شوف أنا أصير لك مندوب وأوزع لك كل شهر (10000) عشرة الآف علبة والارباح النصف بالنصف ( وعنده سيارة اليمني هذا )

وقال راعي المحل هذا اليمني مندوب بلاستيك

وعاد أنتم حبايبي وش رأيكم لاني متخوف من الموضوع ومدري وش أسوي

وإذا أبي أتفق معه وش الشروط

لاني أول مرة أشتغل بالتجارة ...

لاتبخلون علينا بتوجيهاتكم...

وجزاكم الله خير / محبكم / أبو أسامة الرويلي .
 

محبوبه

الفقيره الى الله
#6
استخير الله اولا واخير
وثاني شئ المؤمين على شروطهم يعني الله سبحانه وتعالى قال لو بينكم بيعه شاهدو بينكم اثنين انا ماكتبت لك نص الايه ولكن معنها
المفروض يشهد بينهم احد ويكون بينكم ورقه بتوقيع يده انه استلام شئ منك وعدد الكيمه التى اخذها منك
والشاهد الله سبحانه وتعالى
وبالتوفيق ان شاء الله اخي الكريم
 

madam

تاجر مميز
#9
وانا اختك احيانا الرزق يجيك من شريكك ,,

لا تخون ولا تثق ثقه عميا ولا تفوت عليك الفرصه ,

اليمنى شُطْار في التجاره ,,

خذ عليه عهد وشهد عليه واكتب عقد بينك وبينه واضح والفلوس تجيك اول بــ اول ,,


ولاتنسى الاستخاره

والله يجعله لك باب واسع من الرزق الحلال ,

آمين
 

me99

رحمتك يارب (قمرهم)
#10
بالتوفيق واهم شيء الكتابة علشان الامور تمشي تمام ولاتنسى تستخير
 
#13
اللي فهمته من كلامك انه يبيك انت تمول وهو يبيع؟صح؟
مفروض تحط راس مال مبدأي 1000 منك و1000 منه يعني تقريبا 40 علبه . وتوزعوها ببلاستيك صغير وتحسبو الربح ,وبيكون الشغل متساوي بينكم انت تجمع وتشتري وهو يصرف البضاعه.و لااااااااااااتزيد انت شيء من جيبك ولا هويزيد ولا تأخذون ربح .خلو ال 2000 هذي بمكاسبها تنمو وتزيد التجاره . ومع الوقت اذا شفت رفيقك ثقه تزيدون راس المال بالتساوي..ولو ضاعت عليك ال1000 ريال . الحمد لله احتسبها عند الله . ولو ماضاعت خير وبركه وتعرف الرجال اللي قدامك زين ..
اسأل الله ان يبارك لك ويوفقكم في شراكتكم .
على فكره اليمنيين هم اهل التجاره والربح,,,,,,,,,
 

امبراطورة الزين

تاجرة بخوروعطورملكيه%100
#14
بحكم تعاملات زوجي بالتجاره كم مره ينصب عليه لثقته الزايده
انت خلك حريص
ويفضل انك تاخذ بياناته كامله ومقدم ثمن نصيبك
لانه احتمال 90% اذا خذا مبلغ محترم يسحب على السعوديه
واخر مره نصب عليه وحد يمني خذا بضاعه بقيمة 8الاف وطبعا قال له السعر مؤجل وافق زوجي والاخ اليمني مستلم فلوس البضاعه من المحل وطق بها لليمن
((ومثل مافي خير فيه شر ))
انت حرص بعدها تعامل معاه
 
#15
والله ياخوي مدري
لكن كل ما اقدر اقوله الله يوفقك ويبعد عنك عيال الحرام
وبعدين جرب تدخل منتديات في الجوف واعرف المعمول لان المعمول هنا ماشي فما بالك في مناطق بعيده
وراح تشوف الطلب مع ذالك توكل على ربك وخل شكلك كله قانوني الناس ماتنظمن الان
تحياتي
 
أعلى