مشروع فدو في الاعمال الفنية

فدو

تاجرة ثقة
معاكم فدو من المدينة المنورة...
بكالريوس اسلامي جامعة طيبة...
أعشق الاعمال اليدوية الفنية ولله الحمد...
وعندي حلم كبير وخيال كبير ...سأروي لكم خيالي ووشاركوني بالخيال ولو عجبكم الخيال ارسلوا لي شو اتخيلتوا معايا
انا أتخيل نفسي أكون المؤسسة لمؤسسة فدو وأعمال حرفية العالمية..
وأتعامل مع داخل وخارج المملكة..
وتكون عندي بناية فيها أقسام ويكون عندي مكتبي المديرة
وألعب دور المدير وأدير شؤون الموظفين وأوقع على المعاملات وأعمل خصومات وعقوبات
لا لا امزح
ترى عشرتي مره حلو
وطبعا أصرف رواتب
ودا المهم ...
انا قبل فترة كبيرة طرحت فكرة الاعمال الحرفيه وفي ناس مره عحبهم وطرحت الفكره على مستوى المملكة ...
شو هاي الفكرة؟!
هو اني أعمل قروب هنا بالواتس ماشي ...
واهم شي القروب ماراح نرسل مسجات واتس اب مقاطع وهيك على اساس ما يعلق القروب علينا ..
قبل أبدأ لكم بفكرتي ..
يا بنات ..
من جد ...
في حاجة في نفسي اتجاه حريم ورجالهم الصين ..
مره أحترمهم اقدرهم ..
بنروح نحن ابو ريالين ونشتري كل شي من شغلاتهم وبيشتغلوا كمية ونحن ممكن نجيب هالقطعه نص ريال بس..
طيب ليش تفكير الصين مش زي تفكيرنا؟!
يعني مثلا يصفى بجيب العاملة ربع ريال ..
طيب ليش ما قالت أتعب واخد ربع ريال!!
الربع ريال دا يجيب حبة صامولي الواحد ياكلها ويقول يارب لك الحمد ..
وربي مره كنت صغيرة وشفت بعيني عيال صغار دخلوا حاوية القمامة وصاروا يأكلوا حبات الطماطم المعفنة..
ودا الكلام اذكر فيه نفسي أنا لان صار عمري 30سنة
وانا اصرف صرفيات مال أمها داعي وبصراحة نفسي أعمل ستوب ...
نفسي أعمل ادارة ذات في صرفياتي واحاسب على النص الريال ..
وما تلاحظوا فينا حركة
لمن نشتري مثلا سفن بريال ونصف ويقوم الرجال يدفنا بلبان او مناديل ونحن مش محتاجينه وناخده ..
بينما الصين النص الريال دا عندهم شي مقدر ...
وشوفي حياتهم منظمة ومرتبة ومو قاصرهم شي..
خلونا من جد نحسب حساب للنص ريال ..
وهالعيد ما نروح السوق وهات مقاضي ....
ترى في رمضان والعيد ماشاء الله بتجي للوحده مبالغ حلوة ممكن تشيل منها وتبدأ مشروعها وتنطلق..
مشروعي انا أشوفه ما شاء الله قوي وجبار ويلبي احتياجات الناس ..أي نعم فكره مطروحه ..
ولكن هنا نحتاج مجهود كبيرة لادارة هالمشروع ..
وكلنا حنكون متكاتفين باذن الله..
أنا ترى حالتي مثل حالتكم على الحديدة بالعربي
بس جلست أفكر وأفكر متى أغتني وأسافر للصين
وربي طموحي أطلع الصين واتمشى بين أسواقهم
نطلعها كلنا ان شاء الله كشتة بنات حيجي دا اليوم باذن الله
تفاءلوا بالخير تجدوه..
شوفوا الان تقسيمي للمشروع..
أعمال الفنية الحرفية فروع مره مره كثيرة ..
1/الرسم اما زيتي او قماش أو خشب أو جدار
2/ تغليف الهدايا والتوزيعات
3/عمل مجسمات بالفلين وحفر كروشيه
4/كروشيه
5/خياطة
6/تجميل
7/هواية الكتابه
8/اعمال الكمبيوتر
9/أساور المطاط وغيره
10/ اعمال الكمبيرتر وطباعه الكروت ..
بشكل عام عالم الاعمال الحرفية بحرررر لا ساحل له بصراحة ..
شوفوا يا بنات حلمي الي بداية الكلام راح يصير باذن الله بس اكيد بعد صبر وتخطيط جيد وتعاون من الجميع ووكل وحده لازم يكون عندها داخليا الاحساس بالمسؤوليه تجاه هالمشروع ...
ترى للمعلومية الشغل الحر رحمة لان لا قدر الله انفصلتي من عملك عندك شغلك الحر يضمن حياتك..
فحتى لو كنتي موظفة مافيها شي تدعمي مشروعك بنفسك حتى لو خسرتي شو يعني ...
أنا اقلكم شي حلو عن نفسي ...
انا موظفه بمستشفى وراتبي 3الف ريال ..
والله ليا شهر اول مره اشوف مقاطع اليوتيوب اساور المطاط وبشوف أشكال خرافيه مره وطلعت افكار من راسي كثيرة ....
بعدين اطرحها..
وربي يابنات اشتريت علب علب مطاطات وربي لو احسب انا متاكده قربت اقفل الف ريال...
عندي مبدأ أشتري العلم بالدهب ..
وصنعة باليد أمان من الفقر ..
وربي يا بنات يدور عليكم الزمان وحتلقى نفسها وحده محتاجة للريال أشد حاجة ..
ووقتها لمن تكون بيدها صنعه راح تقول الحمد لله
بس لا بد من الفن والذوق ..
ولا تعتزل الغرام ههههه
طيب تجي وحده عجبتها فكرة مشروعي وتقول انا مالي لا بالتاجرة ولا الفن ولا بهاالكلام ...
بقلها في فكره ...
أشتغلي معايا على الموقع مجلة فدو كدعم منك لين نأسس مشروعنا ووقتها تكون باذن الله وظايف وتكوني انتي الاساس يا ست الكل..
انا مركزة على موقع فدو تدروا ليش!!
www.fadyh.com
لان موقعي مأرشف على قوقل وبدل تسجلي في مواقع وتدخلي متاهات
اي احد بالعالم يكتب حاجة يبغاها راح يظهر له موقعي
فحاولوا يا بنات كلككم تشتغلوا معايا على الموقع تراه يعتبر المفتاح الي راح ندخل فيه ...
كل وحده لها تخصص معين
تدخل عليا ونتفاهم ونشوف شوف الافكار الي تشتغل عليها عشان هي تنتج
ويكون انتاجها تدخل فيه بثقة ومغامرة وتحدي..
يعني مثلا جات وحده قالت لي انا شاطره بالمطاطات واعمل اسوار
اقلها شو رايك تعمل سوار سنتيان يعني حبل للستنااية بالمطاط وعجبتها الفكرة مره
حقلها يالله انتجي مثلا ألف قطعة عندك استعداد!!

حتقول ايوه
شو خطتي معها..
بتابع انتاجها ومشترواتها وادير امورها وانا فكرت وقلت احسن حل ننتج من بعد العيد لين الحج
وحيبدا باذن الله محرم وهنا الشغل يكون جدي
حفتح باذن الله موقع غير المنتدى وحعمل اقسام وننزل صور ونسجل الكميات وحيكون شغلنا قطاعي وجملة ...
حتقولوا شو نضمن يتباع!
التجارة لا بد من الدراسة الغير عشوائية ...
ولمن تكون فكرتك حلوه وعندك احساس انها تبهر الناس فتوكلي على الله ...
لمن تعمل مثلا الف قطعه او 500مش كثير
بل العكس الناس لمن يشوفوا العدد كبير حتى المحلات راح تتطلب منك بالجملة
انتي بس اشتغلي وانا راح انزله بالموقع وادير الموضوع كله واذا في طلب راح اقلك اشحني او وصلي
انا لمن ادير امورك كلها ولمن نبيع في الموقع كله راح اخد نسبة حسب خاماتك واتطمنوا ماراح اخد االا نسبه بسيطة لا تذكر
انا هدفي الشاغل أشجع المواهب المكبوتة وفرص وظيفية كشغل حر
ولمن نكون كلنا سوا
حنكون مثل المثل
الموت مع الجماعة رحمة..
وفي مواهب ممن تنضاف لبعضها
مثلا نبغى ننتج كتيبات فيها قصص اطفال مصورة واسمحوا لي الى الان ما احس في قصص عدله بصراحة او كتيبات ممتعه لاطفالنا ...
وقتها حيكون اجتماع اهل الاختصاص مع بعضها
الرسامات والكاتبات والي بيشتغلوا على الكمبيوتر يطبعوا لنا وينسقوا ونتتج انتاج مطبعي من اهل الاختصاص بالكمبيوتر
غير كتب الطبخ والي حابة تطرح دروسها
مش شرط انتاج يدوي
في انتاج ذهني ...
الكلام هو ..
يا ناس متى نطلع مواهبنا وانتاجاتنا!!
بالنسبة للطباخات
مفتاح وصولكم للجمهور اعملوا كتيبات طبخ اعمالكم ولا تقولوا دي مهنة سر
لان في النهاية الناس عجازين ببغوا جاهز
وانا عندي افكار مميزة كيف نعمل كتب طبخ غير مطروح بالسوق اكيد بيحمل اسم كل طباخة
عموما تقريبا الفكرة اترسمت في طرق للانتاج
اما الشغل اليدوي أو التدريب للناس أو الكتابة لتعليم المهنة او عمل كتب وقصص ومجلات وحتى بنات
الكوافيرات في كل منطقة باللمملكة الي يشتغلوا بالبيوت اعمالهم تنزل بالموقع وتتحول الطلبات لهم .....
المشروع الي عرضته انا بالنسبة الي حيكون صعب وتحدي كبير...
لاني بكون نقطة وهمزة وصل باهل الاختصاص والجمهور وادارة اعمالكم ومتابعتها ..
وانا احس اني اكتفي بالادارة ومتابعات جميع الاعمال عن طريق موقعي ومنتداي وطرح الافكار
وايضا انشاء بازارات لاعمالنا وغير الدورات وافكار كثيرة ان شاء الله..
هو الخلاصه..
ادخلي معايا بعزم وحماس وجديه ولا يكون همك ربح ربح ..
هو اكيد مافي مشروع والا في نتائج
ولكن النتيجة الحلوة ....
وعن خبرة
سبحان الله لو كم يوم بالاسبوع تنتجي اي شي تحبيه والناس يتفرجوا على انتاجك ...
وربي يغير من نفسيتك 180درجة
في كل شي ...
ما راح أطول عليكم اكثر من كده ..
لنا كلام اخر ان شاء الله
انا رسلت هالرسايل فردية بس ضروري الي تبغى تشترك معايا اجمعها بالقروب وخاص ...
وبليز الكل ينشر هالرسايل الي تعبت ...
يقول المثل
يد وحده ما تصفق...
اتخيلوا يا بنات لو مبدئيا صار عددنا 100بنت
والله حاجة حلوة
وعقبال الالف موزعين في كافة انحاء قرى ومدن المملكة...
الي برة المدينة وقت نعمل بازار او في طلبات بالبريد السعودي لانه ارخص شي وموزع على كل المناطق ..
اناشد بصوتي ...
للخياطات ايضا ترى في افكار حلوة وممكن نعمل معرض لخياطاتهم وندعم هالمشروع ...
والان مبدئيا حنركز على الموقع بالنت التجارة الالكترونيات ..
وممكن ناس يدعمونا ويدخلوا معانا تخصص تسويق...
يعني الوحده الي تشوف لها في كل شي تقدر تمسك كدا الشغلة
بس ضروري كلنا نبني المنتدى لان مفتاح نجاحنا وشهرتنا
لو نزلتي كل يوم عشر مواضيع بمنتدى فدو
نهاية الاسبوع 70موضوع وربي نعمة ونهاية الشهر 280
بقية التفاصيل الحلقات الجايه
باي...
كده الفكره وضحت كاملة ..
سي يو
مع تحيات فدو
0590822994
 
أعلى