رد على مقالة الي تبي الأجر (تتزوج سعودي)

#1

منقول

[FONT=Lucida Handwriting, Cursive]سبحان الله وبحمده سبحان الله العظيم[/FONT]


<STYLE>.ExternalClass .ecxhmmessage P{padding:0px;}.ExternalClass body.ecxhmmessage{font-size:10pt;font-family:Verdana;}</STYLE>لقد اثار إهتمامي رسالة تتناقلها زوجات سعوديات عن اللي تبي الدلع والكلام الحلو وين تلاقيه
فحوى الرساله إن اللي تبي الدلع تاخذ لبناني واللي تبي الكلام الحلو تاخذ سوري واللي تبي..... واللي تبي
واللي تبي الأجر تاخذ سعودي عاد الأخيره هي الشاهد


معلومه أفتتح فيها رسالتي :
أنا من بيئة زراعية تؤمن أن الأرض الطيبة تعطيها تعطيك
وكثر ما تهتم فيها يكون الثمر أطيب .....
إلى كل إمرأه سعودية تعتقد أنها مأجوره لأنها ماخذه زوج سعودي.....
إلى كل إمرأه سعودية تعتقد أنها فاقدة الدلع مع زوج سعودي.....
إلى كل إمرأه سعودية تعتقد أنها فاقدة الرومنسية مع زوج سعودي.....
إلى كل إمرأه سعودية تعتقد أنها فاقدة الكلام الحلو مع زوج سعودي.....
إلى كل إمرأه سعودية تعتقد أنها مظلومه عاطفيا لأنها مع زوج سعودي.....
إلى كل إمرأة سعودية تبحث عن زوج حق دلع والا كلام حلو.....

أختي الفاضله :
إجلسي مع نفسك صباح يوم من الأيام بعد أن يغادر زوجك السعودي إلى العمل
راجعي يوم الأمس الذي مضى لحظة بلحظة
وأجيبي عن الأسئلة التاليه:

صباح الأمس الباكر؛ من أيقظ زوجك للعمل ؟ أنت أم الساعة المنبهه ؟
إذا كانت الساعة ؛ أين كنتي ؟
إذا كنتي أنتي ؛ كيف أيقظتيه ؟ وبأي صوت نبهتيه ؟ وفي أي صورة كنتي عندما تفتحت عينيه ؟
بعد أن استيقظ ، ودخل الحمام للدش ؛ هل وجد حمامه جاهز ؟
لما خرج والأمل يحذوه في وجبة إفطار ؛ هل كنتي جهزتي له إفطاره ؟
(ولا كوب قهوه وكيكه على المكتب)
قبل أن يخرج للعمل ؛ من أين أخذ ملابسه ؟ (من بين يديك ولا من الدولاب)
هل ساعدتيه في لبسه ؟ (وشخصتيه وعطرتيه)
بعد اللبس ( وقت الخروج ) ؛ هل من مودع ؟ ولا أحسن إختاري أجابه واحدة مما يلي :
1- خرج وأنا نايمه.
2- صحيت من حركته في البيت ، فتحت وحده من عيوني وقلت : وين رايح ، العمل ؟ بالسلامه .
3- كنت جالسه بالصاله ، وهو خارج قلت له لاتنسى الأغراض اللي وصيتك عليها .
4- رافقته للباب ، وكان وداع حار .
( تبين مساعدة ، نحذف أجابتين ؟ بس المشكله مانقدر نحذف إلا إجابه وحده بس!!!)

لما وصل المكتب ( طبعا إذا قام يفطر الشباب بالمكتب عرفوا وش أنتي من حرمه) ؛ هل أتصلتي فيه تتطمنين إنه وصل بالسلامه ؟
تالي النهار وهو راجع البيت من العمل ،
دق الجرس ( معه مفتاح بس يبي أحد يفتحله و يحسسه إن له وحشه) ؛ هل أستقبلتيه ؟ وشلون ؟
بدا ينزع ملابسه ؟ هل كنتي معه ونزعتي له ملابسه و..و.. ثم علقتيها بالدولاب ؟
(ولا منطوله بطرف السرير)
يبي يدخل الحمام وياخذ دش ؛ ( كرري السؤال حق دش الصباح ).
بعد الدش يبي أسترخاء ، رجليه تألمه من الوقفه طول النهار والمشي ، جسمه هلكان ؛ هل ريحتيه ؟
(طشت مويه وملح وهاتك يا تدليك)
الآن يبي غفوه قبل الغدا ، هل ساعدتي على توفير الجو الهادئ ؟
لما صحي ؛ هل وجد الغداء جاهز ولا أهو اللي جابه معه من المطعم ؟
بعد الغدا أكيد يبي شاي ، هل قدمتي له الشاي ، وجلستي معه سواليف ، وكيف كان يومك ؟
الآن فتره مستقطعه إلى الليل ، وشلون قضيتوها ؟
بالليل وقبل النوم على الأقل ساعتين ( إذا فيه عيال أكيد ناموا ) ؛ وش كنت لابسه ؟ كيف رائحتك ؟
وشلون صورتك وهيئتك أمامه ؟
خلال الساعتين : وش من جو عيشتيه فيه ؟ يمكن تتابعون برنامج والا مسلسل طيب وسواليف ، بس الجو العام شلون ؟
وقت النوم ، وأنتي رايحه السرير ؛ وش كنت لابسه ؟ كيف وضعية النوم مع زوجك ؟
(وضعية حنان ولا كأنكم أثنين أصدقاء أستأجروا غرفه بفندق وما لقولهم الا غرفه بسرير واحد
(كنج بد) وكل واحد نايم بجهه)

بإختصار لكل الأسئله السابقه :
هل كنتي أنثى مع زوجك السعودي وعيشتيه جو زوج وزوجه ؟

طبعاًَ هذى مو كل الأسئله المطلوبه من زوجه أنثى ، لكن المهم منها والمطلوب حتماًَ وحق الزوج فيها.

إلى كل إمرأة سعودية تبحث عن زوج حق دلع والا كلام حلو:
ضعي درجه من 100 على كل سؤال ، ووزعيها بحسب الأهميه ، ثم أجيبي الإجابه الصحيحه ،
ومن ثم اجمعي الدرجات التي حصلتي عليها.
كم مجوع الدرجات اللتي حصلتي عليها؟
0% ولا 10% ولا 50% ؟

طبقي النتيجه على المعلومه الزراعيه التي أعطيتها أول الرساله عن الأرض
إعتبري النتيجه هي نسبة إهتمامك بالأرض والأرض زوجك كيف بتكون الثمره اللي تحصدينها ؟
(الثمره أكيد الدلع والكلام الحلو و... و....) الخ .

في النهايه :
أتمني من المرأه السعوديه اللي تبي الدلع ما تاخذ لبناني ،
واللي تبي الكلام الحلو ما تاخذ سوري واللي تبي...واللي تبي....واللي تبي....الخ

كفايه يكون في العالم العربي كله بس
السعوديين محرومين من أنثى

معلومة أختتم فيها رسالتي :
تعرفون ليه الزوج السعودي يفغر لما يشوف امرأه متبرجه وتطيح سعابيله.
تعرفون ليه الزوج السعودي لما يجلس وزوجته يتابعون التلفزيون وتطل المذيعه عيونه مفنجله بالشاشه.
تعرفون ليه الزوج السعودي لما يتزوج من سوريه ولا ولا...ولا...
يحس ان فعلاًَ فيه جنس آخر بالكون غير الذكور.
لأنه في الأصل عايش مع واحد من ربعه .


منقول من الواقع

و انا برأيي الشخصي
انه لو فيه زوجة تسوي ما ذكر اعلاه
ما راح زوجها يفكر مجرد تفكير بالزواج عليها الا اذا كان مجنونا او مريضا نفسيا

ملاحظة هامة
الموضوع طرح بهذا الاسلوب كتذكير للمتزوجين والمتزوجات والمقصرين والمقصرات فقط
لأن ذلك يعني أيضاً بعض الرجال الذين هم أشباه الرجال فقط
دمتم بوافر الودّ والمحبة


















 
#2
تسلم يدك خليهم يفهمو همهم السوق والثرثره وقالت فلانه وعلانه وابى زى فلانه وعلانه وفستان سهره همهى الوحيد طبعا الى من رحمه الله وهم كثر اتمنى من الطرف الاخر ان ينتبه
 
#4
تسلم يدك بس انا ما الوم السعوديات لانهم عاشو في بيئه مختلفه تماما ولكن عل الزوج ان يغير من سلوك زوجته بالمناصحه والتدريب وفي عالم اليوم كل شي متوفر حتى لو اظر الامر دخول دورات تهتم بهذا الجانب
 
#7
اخوي الرساله هذي سبق وصلتني بعد ولكن كان يصل جوال زوجي قبلها بقتره طوووووووويله رسائل تقارن بين الزوجه السعوديه و الاجنبيه وبدون تفاصيل اكيد الكل عارفها..
بعدين اللي يفغر اذا شاف متبرجه مو شرط يكون دليل تقصير زوجته لكن فراغة عين مايملاها الا التراب.. و زنا نظر وفقدان للعفه والشرف ومن طق باب الناس طقو بابه يعني انت تشوف السوريات تحس ان فيه جنس غير الذكور ... والنساء بعد اذا شافوا الشوام يحسون فيه جنس اخر غير الوحوش..(معذره)

ترى حلاة الثوب رقعته منه وفيه وهذا موجه للنساء والرجال على حد سواء
 
#8
ياشباب ويابنات هدوا اللعب والله كلكم فيه خير ومامثل البنت السعوديه ولا الرجل السعودي بس هدوا القصف لايصير قتلى وجرحى
 
#9
:clapinghand::clapinghand::clapinghand::clapinghand:


كلام سليم



 
#10
شر البلية مايضحك ,,,
 
#11
شر البلية مايضحك ,,,

فعلا..... و الدليل ان الزوجات السعوديات الغالبيه طبعا مهتمين شوف سوق اللانجري و الرومانسيات كيف ماشي في المنتدى اللي هو عباره عن عينه من المجتمع..


عموما الناس قاعده تفكر في الكارثه اللي بجده و احنا نتكلم في توافه
 
#12
طرح جميل :clapinghand:

ويكفي انة اكبر دولة مصنعه عالميا حاليا تعتمد على هالبلد فى تصديرها لنا اكسسورات وادوات تجميل وملابس وموضه . واشهر دور الازياء والعطور والمكياج حول العالم .الخ
دليل ان الحرمة السعودية تهتم بنفسها وموضتها لمن تحب وكذلك الرجل السعودي فهو متميز يهتم بنفسه ومظهره لمن يحب :) ويكفي انك سعودي او سعودية :clapinghand:
 
#13
والله عيب
المشكلة انه بالنهاية مالنا الا بعض
عييييييييييييييييب ياشباب ويابنات
حنا اهل
كيف الواحد يرضى يسب اهله ويشهر فيهم
انا مااقبل غير السعودي لو صفقني كل يوووووووووم

خلوكم اعقل يارجال ولاتردوا بنفس الاسلوب مع ان اول من نشر هذا الاسلوب هم الرجال
الله يسامحهم رغم تشويههم لصورتنا بكل المنتديات والجوالات وهذا اللي جعل البنات يردوا بنفس الاسلوب

ارجوكم خلوا همنا اكبر من هالتفاهات
احترامي ومودتي
 
#14
كفايه يكون في العالم العربي كله بس


السعوديين محرومين من أنثى

فااااااااااااقد الشيء لايعطيه ؟؟؟؟

اذا وجدت رجل ثلاجه طبيعي تتكيف مع وضعه

اذا دلعته قال اخلصي وش عندك

اذا جات تشيل شماغه قال حطي الغداء سريع؟؟؟؟؟؟؟؟ظ

لانقول الا لاحول ولاقوة الا بالله
 
#15





معلومة أختتم فيها رسالتي :
تعرفون ليه الزوج السعودي يفغر لما يشوف امرأه متبرجه وتطيح سعابيله.
تعرفون ليه الزوج السعودي لما يجلس وزوجته يتابعون التلفزيون وتطل المذيعه عيونه مفنجله بالشاشه.
تعرفون ليه الزوج السعودي لما يتزوج من سوريه ولا ولا...ولا...



يحس ان فعلاًَ فيه جنس آخر بالكون غير الذكور.
لأنه في الأصل عايش مع واحد من ربعه .

كل ممنوع مرغوب

تظل بالساعات تحت يدين رجاجيل يحورفون فيها الين يطلعونها اخرى

ونساءنا تحمل وتلد وترضع وتربي وكله على حساب صحتها واعصابها

ويكفينا انها تجاهد في بيتها

وردي على سالفه الفطور 0000000 تحت هذا الرابط

http://islamqa.com/ar/ref/119740

واختم حديثي حفت الجنه بالمكاره والنار بالشهوااااااات
 
أعلى