رأيكم في لابتوب Fujitsu الألماني

وردة الجوري

مصممة مواقع WWW.7O4.ORG
#1
السلام عليكم ورحمة الله وبركاته​

عساكم بخير يا اعضاء اسواق سيتي​

ممكن رايكم في جهاز لابتوب Fujitsu الالماني من حيث الاستخدام

انا لقيته بـ1800 ريال
مواصفاته
الهاردسك 250
السرعه 2G
واير لس
بلوتوث
المعالج انتل بنتونيوم​

انا بصراحه غرتني صناعته الالمانيه
كنت بشتري ديل لكن صناعته صيني​

وصاحب المحل نصحني بـالفوجيتسو رغم ان سعره اقل من الديل​

تنصحوني فيه او لا؟
افيدوني بتجاربكم
<!-- / message -->
 
#2
الســــــــــــلام عليكم

اشــــــــــــتري وانتي مغمـــضه
الجهاز انتاج شراكه بين فوجيتسو اليابانيه وسيمنس الالمانيه
عندي جهاز له الان حوالي 7 سنوات قبل ما يجي له وكيل في السعوديه جايبه من امريكا والا الان يدهر
والل يموجود بالسوق الحين ممتاز مافيه كلام
الديل مجرد سمعه ودعايه
توكلي على الله
تحياتي
 
#3
انا شخصيـ(ن) ما انصحتس فيه
ولايغرتس سعره يعني تدفعين زياده 500 ريال
وتاخذين مواصفات افضل من بكثير ( ديل , توشيبا , ايسوز )

ثاني شي والاهم لو خرب شي مثلن بطاريه او قطعه داخل الجهاز
ماراح لقينه الا بصعوبه وغالي . لكن الانواع الثانيه تلقينها متوفره في كل محل واسعارها معقوله
او حتى لو جيتي تبيعينه محد راح يشتريه منتس لان المعالج انتل بنتونيوم

وسلامتس
 
#4
هلا وغلا في الجميع



تنا اضم صوتي للاخ نايف

ثاني شي والاهم لو خرب شي مثلن بطاريه او قطعه داخل الجهاز
ماراح لقينه الا بصعوبه وغالي . لكن الانواع الثانيه تلقينها متوفره في كل محل واسعارها معقوله
او حتى لو جيتي تبيعينه محد راح يشتريه منتس لان المعالج انتل بنتونيوم

والشي الاهم

الفوجيستو حسب علمي


شركه المانيه

صناعه فلبينيه او اندونسيه


ليس الماني 100%

اذا كان الماني

وانتي من سكان المدن الكبيره

الرياض جده الخبر

اشتريه وانتي مغمضمه

وكيله جرير اعتقد

وله وكالات كثيره

ومحلات متخصصه
 
#6
كل الاجهزة الي عندنا صينيه سوا
ديل او توشيبا او ايسوز او سوني او الفوجيتسو ............. الخ
لا يغركم المكتوب عليها ( صناعة كذا .. )
اذا جيتا تشتري ركز على المواصفات
ولا تبعد عن ديل وتوشيبا وايسوز
 
#7
السلام عليكم

هلا غاليتي

شوفي هو كصناعه وقوة تحمل فهو ممتاز واكبر دليل التوشيبا والدل وغيرها بعد سنه

تبدا انواع الأصوات تطلع من اللاب توب لكن ماشاء الله سيمنس فوجيتسو ماشفت فيه هالشي

وهذا من واقع تجربه

لكن السيمنس انواع يعني على حسب المواصفات انتي انتبهي للمواصفات بالنسبة للمعالج لا تاخذين اقل من

انتل سنتيريو
 
#8
انا ما اعرف للجهاز بس ما فيه ناس تستخدمهـ كثير وسعرهـ تدفعي زياده 200 ريال وتشتري توشيبا أحسن منهـ وأفضل استخدامـ

غير كذا انا اعرف فني كمبيوترات وصيانه وقال لي أفضل أجهزه بالسوقـ هي السوني ويجي بعده الأسوس وبعده التوشيبا أما الدل والأتش بي فمشاكلها كثيره وخاصه الأتش بي والأيسر معروف بردائته ..

وسلامتكـ يعني الزبده حرام ادفع فيه هالمبلغ وفيه التوشيبا افضل منه بنفس المواصفات

تحيتي
 
#9
خايس

فري منه فرارك من الاسد

حرام يندفع فيه ريال واحد

من واحد مجرب كان وكيلة بدل ثم حول الوكالة الى جرير

جهاز خايس بمعنى الكلمة

حتى لو كان سعرة 500 ريال
 
#11
ورده ..

طبعا لا ازيد مدح للجهاز على الاخوان والاخوات اللي مدحوا الجهاز ولكن بجد الجهاز روعه وللمعلوميه

اسم المعالج انت بنتيوم دول كور وسرعته 2.1 أو 2.0 جيجا هيرتز ووصراحة السيمنز روعه ويصبر

كان عند قريبي وجلس فتره طويله معه وباعه بسعر ممتاز
للمعلوميه يعني بالسوق لا يهم الماركه الآن من ناحية المستعمل ..
المواصفات هي الأهم
والالماني يصير اكثر من الاجهزة الأخرى ..
وبالنسبه لسعره ممتاز والله
بس تأكدي من المعالج لازم يصير اسمه دول كور ..

بالتوفيق يارب ..

تحياتي ..
 
#13
طبعاً أكيد معالجة بالسعر هذا ( انتل بونتيوم ) فقط يعني بيكون سعرة طبيعي
واذا كان استخدامك فقط نت وتصفح جهاز فهو بيكفيك
ولو كان ( دول كور ) فخذيه وسعرة بيكون ممتاز
أما بالنسبة للصناعة فتأكدي أن ألمانيا واليابان لاتصنع لنا لابتوبات وتبيعها 1800 ريال

موفقه يارب
 
#14
من واقع تجربه طويله انا واخواني مع الاجهزه
بنصحك ماتبعدين عن ماركتين :
ديل واسوس
هذولي للي يبي لك وللزمان
يتحملون حتى الطياح والصوع والقوع
وادفع فيهم اكثر ولا جهاز رخيص سنه وارميه
وبالذات الدفعات الاخيره من اسوس غطت على كل تقنيه
والنصيحه هذي عن مهندس تقنيه خبير بالاجهزه
دكتور في جامعة الملك سعود
وربي يسهل امرك
 

slar

مؤسسة التسويق المبتكر للتجارة
#15
السلام عليكم

اختي الكريم

من واقع خبرتي في الاجهزة كوني اقوم بالشراء بصفة مستمرة لاقربائي وزملائي

الجهاز اولا : صناعة المانية وهو مثل ما ذكره بعض الاخوه اتحاد لشركة فوجي اليابانية وسيمنس الالمانية والشركتين غنية عن التعريف

ثانيا : اذا كان الاستخدام للانترنت وبرامج الاوفيس وغيرها من البرامج التي لا تحتاج الى ذاكرة عاليه ولا يوجد لديك اي اشكالية في الشاشة 15

انا اؤيدك وقد قمت في رمضان الفائت بشراء نفس الجهاز لاحد الزملاء وهو من افضل ما يكون ولم يشتكي من اي عطل

غالبية الاجهزة الموجود في السوق وان تعددت اسماء الشركات إلا انها تصنع جميعا في الصين والديل في بولندا (مشابه للصين من حيث رخص العماله) ما عدا شركات قليلة من ضمنها السوني بالنسبة للاجهزة ذات القدرات العالية والفوجي سمنس الذي ذكرتيه

وبالتالي لم يعد اسم الشركة يعطي الجودة بقدر ما تعطيه المواصفات الخاصة بكل جهاز

وبالتوفيق اختي الكريمه بالجهاز الذي اخترتيه


= ملاحظة =
استخدم اجهزة benq منذ عام 2003 وهي شركة غير معروفة للغالبية إلا اني لا استبدله بأي شركة اخرى لما وجدته من كفاءة وجودة





 

aqar

مواضيع مشابهة

أعلى