1. مرحبا بكم في أسواق ستي أكبر المواقع التجارية شعبية
    إستبعاد الملاحظة

رواية روعة من جد منقولة طبعا

الكاتب: rose2008, بتاريخ ‏16 نوفمبر 2009.

  1. rose2008

    rose2008 تاجر محترف

    إنضم إلينا في:
    ‏12 أكتوبر 2009
    المشاركات:
    1,136
    الإعجابات المتلقاة:
    0
    <!-- google_ad_section_start -->السلام عليكم
    تفضلو هذي روايتي و ما اوصيكم في التشجيع

    هذي الروايه كتبتها لكم بعد ان عشتها في خيالي و اردتكم ان تشاركوني هذه المتعه فسطرتها لكم تحت عنوان (تكفى يا زمن تكفى دخيلك لا تفرقنا ) و ارجوا بان تستمتعوا بها مثل ما استمتع بها و هي الكثير من الخيال و لا شي من الواقع و جميع اسماء العائلات مزيفه و ارجو من الناقلات بان ينقلوها باسمي قد لا تكون بذالك الجمال و لكنها تعني لي الكثير و لقد كتبت ب ( س ) لاني احب هذه اللهجه و لكنها ليست لهجتي سنبداء الان بتعريف
    البارت الاول

    البطله :
    شموخ: 16 سنه بنت حلوه يعني جميله << لا يكثر بس مخربه عليها حوحبها قصيره شوي بس و لا يهمكم شموخ تطولها بالكحله هي احلى وحده في بنات العايله بس اللي مخرب عليها العربجيه ، شعرها قمحي لونه غريب و نادر تشوفونه يعني يلفت الانتباه وموصل لحد نص ظهرها وناعم ، تحب المغامرات على قولتها اكشن و تموت في شي اسمه مباريات و السيارات و تحب تلبس لبس الشباب << كانت تبي تقص شعرها بس اعناد في بنت خالها وضوح ما قصته << البطله هي في الواقع بنت خالي و صديقتي الغاليه
    شخصيات بارزه :

    وضحى : 16 سنه طيوبه اخلاقها عسل ، شعرها كيرلي بني جاي على عنابي ، شوي هبله ، وهي اقرب وحده لشموخ صوتها جنان

    ريم: 16 سنه بنت عسوله قلبها ابيض ، شعرها اسود كاريه ، ما فيها عقل بس لحظات تجيهم بنت عاقله بس أول ما تشوف واحد مزيون تنسى الدنيا و ما فيها .

    ساره:16 سنه بنت ناعمه ومايعه ،احلى ما فيها عيونها , تحب تكشخ و تعرف كل صيحات الموضه و لا خلطه تفوتها و بيضاء .

    جواهر اخت ريم:15سنه بنت دفشه عبيطه ما عندها عقل بس هذا الي محليها ، تسوي اشياء غبيه بس لها مكانه في الشله وشوي دبدوبه دلعها ( الجوري ).
    .

    مها : 15 سنه بنت مملوحه و مرحه وسوالفها حلوه , وفيها دفاشه و عاقله .

    كلهم يقربون لبعض بنات عم الا شموخ تقرب لهم بنت عمتهم وهم يعيشون في بيوت جنب بعض ما عدا بيت الجد في الشارع الي مقابلهم و الشارع عباره عن ثلاث بيوت فبيت الجد في الوسط وفيه مصعد لان الجد و الجده ما يقدرون يركبون من الدرج وجنبه ارض لبنته شيخه
    التعريف بالعائلات :.
    الجد عبدالله : طيب و قلبه يحن على البنات اكثر من الاولاد ، والجده نوره : ما تدري وين ربي حاطها ، وما ننسى الدلوع محمد: 24 سنه مملوح يحب يقهر شموخ عايش وياها في نفس البيت وهوايته يقهرها ، شيخه : ام شموخ تهتم في عمرها ساعات تكون فري و كله برا البيت << بزنس ومن
    العم علي يموت في شموخ وحاطها كانها بنته ، ام شموخ متطلقه من ابو شموخ سيف ، محمد يعامل شموخ على انها اخته ، عايله الصالح غنيه عندها كذا شركه و شوي فري ، وخليفه و سعود موب تؤام خليفه انولد في شهر 1 و بعدها بشهرين ومن دون سابق انذار حملت امه بسعود وجابت به في شهر 11 .
    ...........................
    (عائلة علي)
    علي ابو خليفه : طيب و حبوب وحنون <<<< ابو مها و وضحى
    هيا : متقلبة المزاج
    الهنوف : متزوجه و عندها بنت عمرها 29
    خليفه :17 سنه ولد مملوح لاعب كرة قدم << انشاء الله ما اصيده عين لانه داخل مزاجي و بقو بعد
    سعود : 17 سنه مزيون مزيون حيل عيونه كبار << هو تقريبا احلى واحد بين الشباب
    عبدالله :10 سنوات ولد طيوب و صوته يهبل << هذي الاسره وارثين الصوت الحلو
    صالح : 8 سنوات مملوح يشبه خليفه ما يسكت 24 ساعه يتكلم لسانه ما يتعب هذا السؤال اللي شاغل بالي
    راشد: 4 سنوات و تؤامه سلطان وارثين من اخوهم صالح الهذره بس هم على اكثر
    ............................
    (عائلة سالم )
    سالم ابو عبدالله: شخص مزيون و وسيم و طيوب على طول مشغول هو احلى خوانه <<< ابو ريم و جواهر
    اسماء : اهم شي عندها مصلحه اعيالها و زوجها
    عبدالله : 27 سنه نفس أي شاب و متزوج من بنت خالته العنود و عايش في اسبانيا هو وزوجته يهتم في حلال العايله
    نايف : 18 سنه نسخه عن ابوه و ما ينثبر في البيت << اااه خاطري اثبته بمسمار
    فيصل : 17 سنه جماله عادي بس فيه شي يجذب و كذب الكذبه و صدقها و اللي هي انه مزيون
    بدور : 10 سنوات مشكلجيه ام وجهين
    غلا : 4 سنوات دلوعة ماما و بابا
    .................................................. .....
    (عائلة ناصر)
    ناصر : يحب الوناسه و وقت الجد جد
    حصه : طيوبه و حبوبه
    جواهر : متزوجه و حامل عمرها 28 سنه
    عبدالله : 22 سنه يدرس في فرنسا قانون
    حمد : 17 سنه مملوح طيب و اجتماعي بس فيه نذاله بس ما يبين عليه
    فهد: 16 سنه يلاحظ كل صغيره وكبيره مع ان عيونه صغار صيني
    خالد: 10 سنوات قدوته في الحياه هو الشيخ جاسم ما ادري ليش
    مها : 9 سنوات وجودها مثل عدمها و دلوعه
    .................................................. ..........
    (عائلة صالح )
    صالح : انسان مملوح و هادي و حنون وطيب ويحب بناته وما يحب يقول لهم لا<< ابو ساره
    سلطانه : الام المثاليه طيوبه مهتمه في نفسها و عيالها وزوجها
    غاليه: 10 سنوات حلوه احلى ما فيها شعرها الاسود الحرير
    مياسه : 4 سنوات تشبه اختها ساره عيونها كبار و كانها مكحله
    سلمان : سنه وحده يشبه السوريين نفس البياض وشعره جاي على بني
    .................................................. ....................

    كانوا الشله في الطابق الثاني من بيت الجد (ملاحظه كل خميس يجتمع الاهل في بيت الجد ويوم الجمعه والسبت احيانا يروحون له و الشباب ما يفارقون المجلس و ما فيه الا مجلسين واحد دايم مفتوح والثاني للمناسبات ) والشباب تحت في الصاله يسلمون على الجد والجده وعمتهم شيخه وعمامهم و كانوا زوجات العمام رايحين مع بعض لعرس << ام شموخ ما تحب العروس المهم ما سمعوا الا صراخ البنات فوق
    فوق:
    البنات في الصاله الي فوق البنات يصارخون وساره مسويه مناحه وتبكي و جواهر تصوب بالنعال على الشي الاسود الي يطير (عرفتوه صرصور ) الا وجات في راس مها و ازيدكم من الشعر بيت كانت كعب وشموخ قاعده وتصارخ وتشتم في جواهر لا نها كبت دله الشاي عليها و وضحى قاعده كانها في الجيش ترفع رجل وتنزل رجل لان الصرصور تحول من هجوم جوي الى بري وريم قاعده فوق الكنب وتصارخ صوتها جايب الي في اخر الدنيا في الاصل الصرصور يبي يروح ورى الكبت ما يبيهم
    الصاله الي تحت:
    الشباب يسمعون صياح وصراخ وقالوا حق عمهم محمد يروح
    فوق :
    دخل محمد على البنات يشوف جواهر عندها كعوب البنات و زنوبات الحمام في جلابيتها تستخدمها كذخائر و ريم فوق الطاوله ذابحه عمرها صراخ ومعاها ساره الي عيونها حمر لان الصرصور مشى عليها لانها كانت مقابل الباب و الباب كان مفتوح يوم دخل الصرصور وشموخ قاعده تشتم وتسب و مها تاخذ الكعب الي جا على راسها وتطارد الصرصور به و وضحى واقفه على الكنب بس دموع من دون صوت << افلام اول بصوره من دون صوت وبعدين طنش لهم محمد و نزل تحت وهو ميت من الضحك
    تحت:
    الجد قاعد على نار يبي يعرف السالفه
    الجد : حميدان وش السالفه
    محمد : ههههههههههههههه ههههههههههههههههه
    الجده : حمود (اخر العنقود اكيد لازم تدلعه ) شفيهم يصارخون
    محمد:ما ههههههههه فيهم الا العافيه بس دلع بنات
    علمهم محمد شنو المجزره الي قاعده تصير فوق وقعدوا يضحكون و بعدين طلعوا الشباب ، وبعد ثلاث دقايق من الصراخ وصوت الكعوب على الارضيه عرفوا الاباء انهم قتلوا الدخيل الي هو الصرصور
    نزلت لهم الجوري و مها تطاردها بالكعب تبي تاخذ بثأرها و ريم وهي تنزل من الدرج طيحتها ساره
    ساره : تستاهلين يا بنت اااااا << بعد ما شافت عمها ’ الحلوين << ترقع , ليش تدزيني من فوق الطاوله
    وريموه طاحت قدم عمامها و ريم وهي تصارخ : ياللعينه الله ياخذس
    وشموخ و وضحى وهم يركضون و تنط شموخ من فوق ريم و تتعثر وضحى في ريم وتتمسك في ساره الا وهم طايحين فوق ريم
    وشموخ و هي مشمره يد التيشيرت الي انكب عليها الشاي
    شموخ : كوماري الله ياخذس وياخذ حمود الصالح وياس جيبي ثلج بسرعه
    العم علي ماسك بطنه و حمود قام على شموخ و العمه شيخه تضحك وقلبها يحاتي بنتها و صالح قام على دلوعته ساره الي عيونها حمر و فوقها وضوح و جواهر قاعده وراى ابوها و ابوها يهدي
    في مها الي عيونها يطلع منها شرار.
    العم سالم : مهوي تعوذي من ابليس واذا راحت الهنديه الي وراي ذبحيها موب تصوبين عليها وهي وراي
    مها : يبا ودها من وراك علشان انتقم منها لا بارك الله فيها
    سالم :ليش شنو مسويه فيس ذي البطه
    مها وهي ترويه الكعب : ضربتني بهالكعب على راسي
    جواهر : قصدس خشتس
    مهوي : شفت شفت بنتك و فكها علشان اتوطى في كرشتها الي كنها كرشت حامل
    عند شموخ وحمود شموخ خافت من خالها وقبل لا يجيها قالت: اسفه والله اسفه استغفر الله استغفر الله خلاص حمود لا تقدم
    محمد: حمود في عينس اصلن ما ابيس ابي اطلع من الباب الي وراس
    شموخ وهي تلتقط انفاسها : اااااااه تفضل حياك
    توها تبي تلتفت الا والشغاله جايه في وجهها و شموخ شوي و تبوسها الا و شموخ تصارخ
    شموخ : وعععععععععععععععع انقلعي روحي << كلها نفس المعنى ، تسبحي
    ردت شموخ على ورى الا و تطيح في مفرش جدتها (الحمدالله ربي انقذ الجده من الموت المحتم لانها كانت على الكنب ) شموخ وقاعده تتالم الا وتجيها هذيك العصا على راسها
    امها شيخه : عيب تسبين الشغالات
    شموخ وهي مازالت على نفس الوضعيه : اااااااااااااااااااي يعني تبيني اكذب
    نرجع للعم صالح
    صالح : حشى ناقه اختفت بنيتي
    ساره : يبه شيلها يا مال المرض ، توجه كلامها لوضوح : جعلس الموت ما اسمنس
    وضوح عاجبها الوضع : جب جنبي يعورني من عضامس الي كانه شوك
    ريم : لا تخافون علي انا حيه ارزق و بتشوفين يا النذله سوير << ما احد معطيها وجهه

    بعد ما قاموا وضحى و ساره من على المسكينه ريم ، وبعد ما حطت شموخ الثلج على يدها ، ونرجع لجوري و مهوي ، مهوي لفت وجها على ابوها تكلمه

    مهوي : يبه الفزعه مع بنتك امسك بنت اخيك
    علي : خليس بنت قويه
    ومها تحاول في ابوها وتتحلطم ، وجواهر فرصتها قعدت تنقي من النعال بمعنى اصح الكعوب الي
    في جلابيتها وتختار لكم زنوبة الحمام وتحذفها في ظهر مهوي .

    مهوي وهي معصبه : يا الحقيره اذا فيس خير تعالي فوق
    وتلم البنات وتوديهم فوق لغرفت شموخ معادا الجوري
    بعد ما راحوا البنات
    جواهر وهي تتصنع الزعل : كله منك يا علي عمي ليش ما فزعت لها كان يلحين انا فوق معهم
    فوق:
    كل البنات فوق ما عدا جواهر و ريم وهي تسب ساره ، و مها تروي البنات مكان الزنوبه في ظهرها ، و وضحى وهي حاطه رجلها فوق الطاوله

    بنات تكفون قولو لي ارائكم و تقيمكم بكل صدق عن الروايه و انتظروا في البارت الجاي احلا و احلا و اذا شفت فيه تفاعل من عيوني انزل لكم البارت اليوم
     
  2. rose2008

    rose2008 تاجر محترف

    إنضم إلينا في:
    ‏12 أكتوبر 2009
    المشاركات:
    1,136
    الإعجابات المتلقاة:
    0
    للرفع..............
     
جاري تحميل الصفحة...
المواضيع المشابهة التاريخ
اكسسوارات ساعة كورين Curren رجالي .. روعة الاسود والذهبي من لاروز ‏الأربعاء في 23:08
اكسسوارات كبك اجنر Aigner .. ذهبي روعة من لاروز ‏الإثنين في 18:41
اكسسوارات ساعة رولكس Rolex نسائي .. فضي روعة من لاروز ‏21 نوفمبر 2016
اكسسوارات شنطة شانيل Chanel .. اسود روعة من لاروز ‏15 نوفمبر 2016
اكسسوارات نظارة لاكوست Lacoste .. اسود في ذهبي روعة من لاروز ‏1 نوفمبر 2016

مشاركة هذه الصفحة