اول مره ادخل تبوك الورد

#1
السلام عليكم

كيفكم يا اهل الورد

ندش في الموضوع

انا ضيف جديد على منطقة تبوك وتعرفون الغربه كيف تسوي في الواحد لكن انا حسيت اني

بين اهلي وناسي

ولكن زعلني شيء وهذا الشيء انا ماني متأكد منه عشان كذا انا دخل هذا الموقع عشان اتأكد

انا سمعت انه سرقت السيارات في تبوك منتشر بشكل كبير

بصراحه انا خايف لاني غريب في هذه المنطقه الجميله بأهلها

ماهي النصائح التي تودون ان تنصحوني بها ؟

وماهي الاحياء الاكثر امن في المنطقه ؟

وشكراً
 
#2
انا كنت اشتغل في تبوك سابقا
تبوك حلوة ترى وفيها مطاعم شي شي شي

لكن في احياء مروحة ولاتقربها ولاتجيها

مثل الدخل
و ابو سبعه وابو كريم والبساتين وسلطانة وملحق سلطانةكل هذي الجهات ابعد عنها

وخلك في المروج ثم الورود بس
وعليك في المرووج غالي صح بس ترتاح...
 
#3
الله يكرمكم

انا اشهد انك اهل وحبايب وان شاء الله تنسونا الغربه

لكن يا اخواني انا الحين سكنت في العليا قريب من بنده وش رايكم في الحي
 

البــاز vip

دليلك الى سوق السيارات
#4
العليا ممتاز
واخوي الفيصل كفا وافا
بس اهم شي دائما سواء بتبوك او غيرها لا تخلي السياره شغاله ابدا وتوكل على الله فمن توكل على الله كفاه..

وحياك الله بين ربعك واخوانك واذا احتجت شي حنا بالخدمه طال عمرك..
 
#5
تسلم اخوي الباز والاخوان ما قصروا وانت مثلهم بيض الله وجيهكم

لكن انا الي سمعته انه بعض الناس انسرقت سياراتهم من امام منازلهم


ياليت ياخوان تفيدونا عن افضل مطاعم

الرز والدجاج البخاري

والبروستد

والمندي

والمشاوي
 
#6
جمعان انا سكنت بتبوك فتره

صراحه فيه مطعم يحبه قلبك < اهم شيء البطن

بالسوق لكن والله بالضبط ناسي الوصف لأني من زمان عنه

اهم شيء عند استريوا الأغاني طبعا اللي يبيع فيه من الجنسيه اليمنيه حبيب بالمره ..

عليه سندويتش جبن كرافت ومربى بالرااس وحليب عدني او شاهي عدني اللي تحب

وشرط تطلب 4 حبات ولا تشبع ههههههههههههههه

بس لا تنساني من الدعاء

والله يوفقك بالسكن المريح

تحياتي ..
 
#7
عليك بمطعم الاخوان للرز البخاري
ومشويات المدائن التركيه
وفطائر وشاورما درة المروج


ولاشبعت صحه وعافيه تروح لكهربائي بالدخل المحدود بكستاني بأول بنشر بعد محطة الجوهره
وتقوله يسويلك فصال كهربائي داخل السياره عباره عن زر مخفي يقطع الكهرب عن السياره اذا طفيتها واذا قمت الصبح بس تكبس الزر وتشغل


وبالتوفيق اخوي الله يكفينا شر حرامية السيارات:cnf3:
 

m.9

مسوّقه لـ تجّار تبوك
#8
اهلا وسهلا فيك اخوي
وانتبه لايسرقونك بس :d
<< انسرقت سياراتهم 2 من قدام البيت
ماقصروا الاخوان معك ولاتنسى توصياتهم
ومووووفق يارب
 

البــاز vip

دليلك الى سوق السيارات
#10
اخوي بارك الله فيك خل نيتك حسنه اكيد الرجال مادخل على الموضوع

انا اشكرك بالنيابة عنه الف شكر وماقصرت ..
 
#11
حياك الله اشرقت وانورت

السرقة منتشرة بكل مكان اللهم استودعها الله

-------

ابراهيم الفهد هذي بوفية بالجادة الظاهر اسمها التوفيق

وحلالاتها بالمشتا :)
 
#12
اهل تبوك الطيبين
انا جديده في تبوك وين تنصحونا بمطاعم للعوائل غير سفن ديز والبستان ولازم يكون فيها معسل عشان ابو الشباب الله يعطيكم العافيه
 

m.9

مسوّقه لـ تجّار تبوك
#14
اختي ام لميس منوووورين
<< مو من اهل تبوك بس عايشه فيها

روحي المطعم الصيني في فندق هلا
و ميس الريم و المطاعم العالميه ماك - كنتاكي - وغيرها
وبالنسبه لـ الشيشه ماعندي فكره ..
 
#15
انا كنت اشتغل في تبوك سابقا
تبوك حلوة ترى وفيها مطاعم شي شي شي

لكن في احياء مروحة ولاتقربها ولاتجيها

مثل الدخل
و ابو سبعه وابو كريم والبساتين وسلطانة وملحق سلطانةكل هذي الجهات ابعد عنها

وخلك في المروج ثم الورود بس
وعليك في المرووج غالي صح بس ترتاح...
_____________________________________
نرد عليك وماتشكرنا............ اشكرو الله يشكركم
_____________________________________


_____________________________________
استغفر الله العظيم.... تبي الرجال يشكرك على ردك !! ثم تقول اشكرو الله يشكركم!!


وبعدين سرقه السيارات مو شي غريب ! بل في كل بلد بالعالم .


وانت يا k.s.a خليت احياء تبوك (مروحه) !!وانت عملت فيها فترة !! مايجوز انك تسمي


احياء كامله وتعم وتوصفها بما في نفسك.

واتوقع انك استعجلت بالرد قبل ما تقرأ الموضوع !! اقرأ طلب الاخ جمعان

ثم اقرأ ردك ( :eek:) اذا كان هذا بدايه الرد :
.
(تبوك حلوة ترى وفيها مطاعم شي شي شي لكن في احياء مروحة ولاتقربها)


الشخص يرد بفائده ليرقأ بنفسه امام صاحب الموضوع والقراء.



لكن رد ضيفنا يكفينااااااااا

الرجال تفزع من باب النخوه والمرجله ,,,,,


اخي جمعان يا هلاااا والفين ترحيبه......

اعقلها وتوكل ....

تحيااااااااتي لك ولعموم القراء الافاضل
 
أعلى