---------------------------------- التمويل للأفراد ----------------------------------

السلام عليكم ورحمة الله وبركاته​

انا عندي استفسار اتمنى احصل اجابة عليه لانه بجد مهم لي ولاكثر الشباب​

هل اقدر اروح لاي وكالة واخذ سياره بنظام الاقساط وابيعها بنفس الوقت او​

مافيه حاليا لان الشركة اللي انا اشتغل فيها ما عندها اتفــــاقيه مع اي بنك​

علشان كذا مافيه الا الطريقة هذي علشان آخذ فلوس كاش اللي عنده اي​

معلومات عن الشروط والوكالة يعطيني خبر تكفون ظروري ​

 

ولا رد يا جماعه بليز الله لايجعلكم في ضيقه

 

99% من الوكالات ما تقسط ولا ما اخترعوا اجار منتهي بالتمليك انا مره من خمس سنين كنت بأخذ من الحمراني ولكن كانت شروطهم تعجيزيه كفيل مدني مرتبه سادسه وفوق وكفيل عسكري من رتبة رقيب وفوق طيب دور في معارض النسيم والشفاء بس تقريبا نفس الشروط او راتب على الراجحي وكفيل . أسال الله ان ييسر امورك موفق.

 

والله اذا على الكفيل الموضوع هين وفي المرتبه الثامنة

ولكن المهم موجود والا لا هذا اهم شيء

 

عندك الحمراني

عندك شركة مملكة التقسيط

عندك شركة متاجر

عندك افراد يقسطون لك بس ياخذون نسبه عاليه .. اذا تبي راسلني على الخااص علشان اجيب لك ارقامهم
تحياتي

 

إذا أنت مخربها ومحتاج ضروري
بأقل فائدة فيهم

بيت التقسيط السعودي
مكانهم في طريق خريص بعد السدحان يمينك وانت متجه شرق قبل الإشارة

تقدر تروح لهم وتعبي الطلب ببيناتك
قبل ما تطلب تعريف وتجرجر الكفلاء معك
وبينات الكفلاااء لازم حكوميين مدنين او بنوك او شركات معروفه
ويعطونك الموافقه
وبعدها تجيب اوراقك واوراقهم

تراني لا اسوق ولا شي

بس حبيت اخدم
وبالتوفيق للجميع