1. مرحبا بكم في أسواق ستي أكبر المواقع التجارية شعبية
    إستبعاد الملاحظة

يقول خطبتني مطلقـه .. وصــار للقـــدر كلـــمة ..

الكاتب: ابي انساك, بتاريخ ‏5 أكتوبر 2011.

  1. ابي انساك

    ابي انساك يااانعمــة النسيـــــان

    إنضم إلينا في:
    ‏12 مايو 2010
    المشاركات:
    688
    الإعجابات المتلقاة:
    0
    الوظيفة:
    ]نصيبي والقدر حاكم وانـا مثلـكـ تـرى محكـوم
    الإقامة:
    صباح الأمس / صباح اليوم / صباح الخير يآ بـكـره
    السلام عليكم ورحمه الله
    ...
    ..
    ....
    .....
    ......






    قصه واقعيه حصلت لاحد الاعضاء باحد المنتديات


    ببداية الموضوع يشهد علي الله ان ما بقولة صحيح وحصل لي بوقت قريب وماكن ببالي اطرحه هنا بالمنتدى لإنه ماراح يضيف لا لكم ولا لي شي لكن نهايته فيها رسالة لأي بنت مطلقة او ارملة او متأخرهـ عن الزواج او بنت مالقت راحه والسالفة من والى :
    جار لنا اتواصل معاهـ دائماً بالمسجد واحياناً ببيته او ببيتي الرجال ماشفنا منه الا كل خير واقصد بشفنا
    انا وجيراني جميعاً رجل معروف بالصلاح والرجولة كان دائماً وابداً يكيل المدح لي وللوالد رحمة الله عليه
    كنت اعتبرها مجامله مثل كثير من المجاملات اللي تتداول بين الناس وبمجالسهم وبلقائاتهم
    يثق فيني الرجال ثقة عمياء لدرجة انه طلب مني وبمرتب عالي جداً اتكفل بنقل بناته وبنات بناته للمدارس والجامعه بحجة انه رافض مبدأ السواقين وبنفس الوقت
    مايقدر على مشاويرهم ورفضت باعتذار لإني مو متفرغ .. ولدرجة انه ايام كثيرهـ بحال سفرهم يعطيني مفتاح للبيت بحال اي طارىء لا سمح الله يعني باختصار وببساطة الرجال يثق فيني ثقة عمياء
    ويقدر الوالد ويعزه معزهـ مايعلم فيها الا الله
    الشاهد .. من فترهـ طويلة وهو يروح ويجي على سالفة بنتي فلانه بنتي فلانه لدرجة اني مليت هالموال والسالفة مع الوقت عرفت مغزاهـ وهدفه من تكرارهـا بس ماصرحت له بأي شي ولا بأي ردة فعل
    لين زاد الرجال العيار وبدأ بالتلميح اكثر واكثر بأكثر من مناسبة لين حصل فعلاً انه قال ابو البنت .. واشهد الله على ذالك حرفياً .. خذها والله موجودهـ البنت والله ان تركب معك الحين ..
    يقصد السيارة قلت له برد مباشر
    والله والف نعم فيك وفيها يابو فلان بنت رجل واخت رجال بس الله يرزقها بمنهو احسن مني دار بيني وبينه كلام طويل بعد هالكلمة المهم دخل بأطباع الرجال الحادهـ المباشرة قال كانك تعزني وانا ابوك
    فلاتخلي بنتي بيد غيرك وان نويت خل زينك وشينك لبنتي مو لغيرها وما اعطيته كلمة ولا رد راح بحال سبيلة
    كتمت على الموضوع تماماً يعني ما احد يدري الا انا وابو البنت تفاجئت الصباح وانا رايح لشغلي اتصال من الوالدهـ الله يحفظها تقول خير ان شاء الله وش سالفة فلانه وابوها دار بيني وبينها كلام طويل
    وانا استغربت فعلاً ان المسئلة اخذت طابع الرسمية وانتشرت قلت لها السالفة كذا وكذا وكذا وان من فترهـ هالموضوع يطرحه ويلمح فيه وانا اساساً يدري عني اني حالياً ما اقدر اتزوج لأسباب كثيرهـ
    قالت الوالدهـ ان ام البنت متصله وتدعي ان الله يوفقكم وجلست تمدح فيني[[ هي تمدح الوالدة ]] وتمدح بالوالد ... الخ
    لين قالت لها الوالده ماشاء الله ولدي خطب وانا مدري تفاجئت ام البنت وقتها وقالت ان الوالد امس دخل علينا وقال يافلانة ان شاء الله انك لفلان ادعي انك لفلان.
    انهت المكالمة الوالدة وطلبت منها تنسى هالموضوع لين ارجع من شغلي وبجلسة العصر نشوف الوضع فعلاً كلمت الوالدهـ العصر وقلت لها السالفة ان الرجال دايم يحرجني بهالموال وانا فاهم ومقدر انه
    رجل يهمه بنته تتزوج ويبي يرتاح الكل يعرف الوضع الآن البنات مالين البيوت بس انا أكثر من مرهـ المح له وابين ان زواج ما اقدر حالياً عليه ولازال عندي امور لازم احققها قبل الزواج قالت الوالده
    الله يحفظها وام البنت دايم تردد وتلمح ببناتها قدامي وتجيب طاريك وطاري اخوانك وتسئل عن اللي يدور او مايدور ...
    وقالت انا لإني عارفه وضعك ماسبق وفتحت لك هالموضوع وردي لها رسمي دايم وكوني ام عندها عيال تمر علي هالسيرهـ كثير
    فمابلغتك لا انت ولا اخوانك
    حسمت الموضوع وقلت لها اذا قيل لك عن هالموضوع مرهـ ثانية قولي لهم انه يدعي لها بالتوفيق وانه مايفكر الحين بالزواج وخليها تشوف نصيبها ولاترد احد وان شاء الله ان خيرها مع غيري وانا بروح الآن لأبوها
    وبقول له كل شي فعلاً رحت للوالد قلطني وبعد قهوهـ وكم سالفة عاتبته انه كبر الموضوع وحسمت له مباشرة وقلت له عن وضعي وبنتكم الف رجال يتمناها وان شاء الله انها بتلقى اللي هو احسن مني
    حاول قد مايقدر يعطيني حلول عن كل شي قلت له انه ممكن يأثر على زواجي فبداية بدراستي برا اللي قربت قال اكيد تبي لك حرمة تهتم فيك وشغلي ومسؤوليتي مع اهلي قال انا اعرف بنتي
    واطباعها ماراح تأثر يعني كل ماحاولت بلطف اكنسل الموضوع يعطيني اقتراحات او حلول لين حط يدهـ على كفتي وقال انت تحسبني ابي الفكه من البنت انا مثل ما انا شاريك تراني لإني اعرف
    بنتي اقول لك هالكلام بعد تعبي مع تربيتها مايستاهلها الا انت ومثل ما اني اعرفك ترا ان ااعرف بنتي زين وخل نتايج صلاح وتربية بنتي تصير من نصيبك وانك بتدعي لي وبنتي ماراح تضيع
    ان شاء الله ومن هالكلام ..
    قال لا تعطيني رد توكل على الله وفكر على اقل من مهلك والله يكتب اللي فيه الخير جيت بنطق حرف قال سكر هالموضوع واشرب فنجالك
    عدت الايام ولإني ما ابي اعيشه لا هو ولا البنت ولا اهلي بأوهام واحلام رجعت له للمره الثانية بقصد حسمي للموضوع فعلاً ونهايته وهالكلام بالمسجد كالعادهـ بعد ماسلمت على جماعة المسجد وصلت له حبيت راسه تقبل الله
    و هلا ابو فلان كيف حالك قال بقرا لي كم صفحة وابيك تروح معي للبيت قلت ابشر
    دقايق رحت معه للبيت قال ابيك تشوف البنت اذا قلت انصدمت فهو شوي قلت يابو فلان عدل بدل حلف علي مااطلع من مجلسه الا وانا شايفها
    حاولت بكل شي اني انسحب وما اخليه يدخل البنت لإني ادري وش معنى رفضي للزواج من بنت بعد شوفتها [[ للبنت هذا شي مزعج جداً ]] وقلت له هالشي وقلت لا تجني
    على بنتك يارجل وانه مايحق لي اشوفها بدون طلب مني ومايجوز
    لزم بشكل مايتخيل صار اللي صار دخل البنت طبعاً كانت البنت غرقانه حيا بشكل كبير اولاً لإن من طلب الشوفه ابوها مو انا وهذا شي مزعج الشي الثاني
    خجل البنت معروف ومايحتاج تذكير لكن وللأمانة فوق ما انا كنت متضايق الا اني شفت ملاك دخل علي وهذا اللي راهن عليه ابوهـ بالعربي عرف وش ممكن يأثر على الرجال
    راهن على جمال بنته اللي بيخليني اتنازل عن امور كثيرة واتركها واتزوج .. البنت اذا قيل عنها جميلة فهذا شوي ماشاء الله تبارك الله لاحول ولا قوة الا بالله امنية كل رجل
    طبعاً كلنا بوقتها انا وهي وابوها ساكتين سكوت رهيب وكأن البشرية كلهم ساكتين هدووووء لين حس الوالد اني شفت وانتهيت
    قال لها توكلي على الله طلعت البنت وانا شرهت على ابوها وطلعت من مجلسة متضايق
    تكلمنا بعدها بكم يوم لإني ماصليت بنفس مسجدنا مثل العادهـ قبل.. وطبعاً وصل للوالده واخواني هالموضوع وعند بعض جيرانا كلمني اخواني طلبوا مني افكر واوافق البنت معروفة بجمالها
    وباخلاقه وبتربيتها ومن هالكلام [[ وبعد وقت عرفت انه ابو البنت طالب منهم ]]
    رفضت ومو رفضي للزواج بذاته ولا لعيب بالبنت رفض بسبب عادهـ فيني مستحيل تتغير وهي اني صعب جداً اوفق بين شغلتين كبار وهذا لمنهم امثالي ضرب من الجنون فمثلاً انا من
    النوع اللي مايقدر يشتغل شغلتين اطلاقاً
    واذا اشتغل شغله ركز تركيز كامل وتام فيها وما ارتاح الا اذا انهيتها تماماً وهذا اللي خفت منه ان زواجي يعرقلني بدال ما يضيف لي يعني اذا تزوجت فانا اعطي الزواج حقه بالكامل وكوني اشوف نفسي ما اقدر اوفق ب
    ين الزواج وشغلي واهلي والولدة ومسؤوليت اعمال اخواني حالياً وارجع واقول حالياً لإن اتوقع البعض يقول يعني بتستمر على هالوضع لا هو حالياً لإني بهالمرحلة لابد احقق امور
    ابي احققها على المستوى الشخصي فهذا كفيل بانه يكنسل زواجي مؤقتاً وانا ماني من النوع اللي يربط الزواج بس بوظيفة او برغبة .. الزواج بالنسبة لي مثل مافيه احضان وحب
    وحنان فيه مسؤوليات والتزامات تتعارض مع وضع حياتي حالياً ويا اني اكون مرتب وضعي بالكامل او ما اخطي هالخطوة المفصلية
    يعني انا على وجه دراسة برا بعد ما خلصت جامعة وعندي على مستوى دخلي وشغلي امور لازم اتابعها اول بأول تحتاج ادارة ووقت كبير وفوق هذا لأخواني مكتب ومحل ولعدم تفرغهم انا اديرهـا ولا تتفركش امورنا
    فعلاً واحاول اوقف على رجولي فما ابي انقز لإني بطيح بسرعه ولا ابي اتخذ قرار جزافي..!
    وبكذا لو فكرت بالزواج حالياً ماراح اكسب لا زوا ج ولا حققت اللي ببالي وكل اللي بنيته بـ سنيني اللي راحت يروح بغمضة عين
    النهاية صارت مع ابو البنت وقلت له ان هذا قرار نهائي وبنتك نصيبها مع غيري والله يوفقكم جميع .. ناظرني بعد ماسكت شويات وقال ياوليدي
    والله اني فوق ما انا شاريك ترا فشل منك ومنحرج وانا ادري اني زودتها معك بس البنت هي اللي خطبتك وانهها هي اللي مصرهـ باستغراب قلت له هي اللي قالت لك قال ايه .. ثم قال بتقول قليلة ادب
    ولا بتقول ماربيتها لا وانا اابوك بتغير رايك اذا قلت لك
    انها قالت لي بنتي يبه ابي اللي اشوفه كل ماطلعنا من البيت رايح للمسجد احسن من اللي ما اشوفه الا اذا جا وخطب بمجسلك هالكلمة صراحه جت بصميم قلبي وفوق ما انا اعرف عن البنت الآن عرفتها اكثر واكثر
    وكبرت للامانة بعيني وعرفت وش هي من بنت سكت قال والله يا ولدي ان يجيها خطاب لو تعرف مناصبهم ووضعهم الاجتماعي ماتصدق ومع ذالك ترفضهم انا طول الوقت اللي كان يكلمني فيه كنت سااااااكت وفعلاً
    حسيت اني
    نسيت كل الكلام اللي تعلمته ضليت ساكت وابوها مسترسل بالكلام وقال ان بنتي مرت بتجربة طلاق وانت عارف هالشي مع رجل تزوجها ما اراد ربي لهم يستمرون
    وتطلقوا يعني الآن بعد كل ما اقرب من النهاية يطلع لي علم جديد الأول سالفة طلب ابوها مني اتقدم لبنته الثانية يدخلها علي الثالثة يطلب من اخواني الرابعه يقول لي ان البنت هي اللي طالبه
    وما اخفيكم اني انشغلت بسبب هالموضوع حتى عن شغلي وجلست وقت طويل وكبير افكر وافكر وافكر وماسبق لي بحياتي اني اسستشرت احد بأمر مفصلي بحياتي لإني تعودت اتخذ قراري بنفسي واتحملي مسؤوليته
    ولكن بما
    ان الموضوع متشعب وطويل اشركت من استشرتهم الوالدهـ اخواني وناس اثق فيهم .. وكلهم اجمعوا على انك تستخير وتشوف وضعك فعلاً استخرت واشترطت قبل اي خطوة اني اجلس مع البنت وابوها واجلس مع امي
    وهي اخذ العلم من راسها وابين لها نظرتي للزواج ووضعي قبل وبعد واثناء الزواج وصار هالشي
    بعد ايام طويلة رجعت لأبو البنت وقلت انا ماجيتك لا اوافق ولا جيتك رافض انا بقول لك اللي عندي وبقولها اللي عندي اذا تسمح وهذا اول شرط من شروطي اني اجلس معك ومعها واسمع منكم وتسمعون مني
    وافق الابو وقال لي خلاص تعال بعد المغرب اليوم ورفضت قلت له خل البنت ترتب وضعها وبعد كم يوم جايكم حددت اليوم وفعلاً تم هالشي دخلت مجلسه
    وقلت انا الآن عندي كذا وكذا وكذا وكذا واني ملزوم بكذا وكذا وكذا وبعد فترهـ وضعي بيكون كذا وكذا وكذا وانا رجال فيني وانا وانا وانا قلت له عن امور كثيرهـ ضروري تسمعها البنت قبل يسمعها الابو
    قال الامر بيد البنت نادا البنت وطبعاً طلبت انها تكون متغطية لإني للحين غريب عنها فعلاً البنت جتنا متغطية بعد ترحيب جلست اتكلم معها وردودها جداً جداً جداً رسمية وانا راعيت هالشي وقلت لها منتي ملزمة
    تردين بس وضعي وحياتي لازم تعرفينها مثل ما اني لازم اعرف وضعك وحياتك واللي تبين تقولين وماتقدرين تقولينه وصليه للوالد انا ماني من النوع اللي ياخذ الزواج اكشط واربح مع اني واثق فيك وبأهلك
    وبترتبيتك لكن علشان تكون النهاية سليمة وصحيحة لابد البداية تكون سليمة وصحيحه
    عطيتها اللي عندي وبعد يومين كلمت ابوها عن اللي عندها وقالت لي امور كثيرة ما اعرفها وكل شي سليم ومايتعارض قالت لي عن سبب طلاقها من زوجها انه كذب عليها كذبة ماتغتفر اطلاقاً قال لها انه ضابط باحد ا
    لقطاعات العسكرية
    واللي حصل انه ضابط بالاستخبارات وكان يتغيب عن البيت ا وعادي جداً يدخل البيت خمس دقايق ياخذ شنطته ويطلع يقول عندي مهمة ما اقدر اتأخر وايام
    مايشوف فيها زوجته فطلبت الطلاق لإنه كذب عليها اولاً + الرجل مقصر جداً من ناحية كثير من حقوقه الزوجية يعني العيب من الرجال مو من البنت مع انه مقتدر ماديا وبشكل كبير جداً واللي اتضح ان شغلتها اقرب
    للاستخبارات
    الحساسه (( دبلوماسية )) او استخبارات قطاع حساس يعني حياته شغل في شغل وفوق هذا اكتشفت انه متزوج بالسر من زوجة من احد الدول العربية
    تقول اني طلبت الطلاق قبل ننجب اولاد لإني ما ابي ارمييهم على هالدنيا وابوهم هذا وضعه وقالت كلمة رسخت براسي وللآن قالت وانا ماني من النوع اللي يقرر بعدين يفكر >> هالكلمة خلتني اتأكد اني انا
    وياهـا نشترك بصفة نجتمع فيها ثنينا
    وهذي اول صفة عرفتها فيها بشكل مباشر وزادت قالت واذا تبي تتأكد من هالشي شف قراري بالزواج مابي اتزوج ثم احلل او افكر انا فكرت وحللت قبل اتزوج ولقيت انه من الانسب اشتري رجال اعرفه ويعرفه ابوي
    ماسبق وعشت ايام مثل هالايام ولا سبق ان احترت بحياتي مثل حيرتي بهالموضوع وبدأت تتغير نظرتي لها للأفضل انو بنت بهالتفكير والمنطقية والواقعية بتساعدني بأمور كثير واللي كنت اخاف ان زواجي يعيقه
    احتمال كبير يزيده ويضيف له واللي زاد اعجابي فيها انه برغم تدينها والتزامها الا انها منطقية ومتفهمه وتحس فعلاً انها بنت تعرف وش تسوي
    جلست مع ابوها جلسات كثيرهـ واحمد الله ان ابوها طلع انسان متفهم جداً رغم تدينه الا انه متفهم بشكل ماكنت اتخيله بيوم من الايام على اب [[ بمجتمعنا ]] المحافظ جداً
    تناقشنا اخذت مني امور كثير واخذت منها امور كثير وببعض الجلسات جبت امي بدون ابوها قلت يمكن فيه امور ماتقدر تقولها لأبوها ومن كثر ماهي ماشاء الله محكمة تخطيط كل شي قالت لي
    ان عندي مرتب قوي جداً لكنه ما يستثمر ومايروح لشي يرجعي بالفايدهـ واختياري لك كزوج من ضمن اهدافه ان زوجي هو من يستثمر فلوسي بما ان لك تجارب وتدير اعمال اهلك واخوانك ونحقق اللي ببالنا انا وياك
    يعني بنت ماشاء الله تبارك الله كل الصفات اللي ممكن الرجال يبيها بيلقاها جميلة متفهم متدينة ماعندها حدود مليانة طموح واثقة من نفسها خلوقة ..


    المهم بالموضوع حتى الآن انه كل يوم الامور تبشر بخير وتزين للأفضل لدرجة انه يوم عن يوم تزيد نسبة موافقتي وزواجي لإنه باختصار اتفقنا على كل شي وعرفنا كل شي قبل يبدأ اي شي
    حتى مسئلة الانجاب اتفقنا عليها ورسمنا لها خطة وامور كثيره خططنا لها كأننا فعلاً متزوجين رسمياً طلبت من اهلي والوالدهـ يتقربون اكثر منهم يعرفون بيئتهم تماماً يخالطونهم اكثر
    بطلعات معهم وبمناسبات واحقاقاً للحق ماشافوا منهم الا كل زين
    وبخصوص عملها كل من سئلنا عنها يمدح فيها مدح كبير وهي تشتغل بمنصب ممتاز ووضعها ممتاز
    كل الامور تتم بسلاسة كأنه هبه من السماء لي ولها وصرنا فعلاً على كف قدر نمشي لإن لا انا كنت ناوي زواج سبحان الله
    ولا هي كانت تتوقع بعد طلاقها تتزوج ومع ذالك تقربنا من امر زواجنا و طبعاً مرت امور كثيرهـ مابي اتوهك فيها وبذكرها لكن مرت ايام وامور ومواقف بس الزبدهـ اني قررت وبتأني
    وبوقت معين رسمته اني اتزوج هالبنت وعلى قولة حب من حبك ولا تحب من تحبه اخذت برنت كامل ومفصل عن حياتها مثل ما اخذت عن حياتي وما كان عندي اي مشكلة كونها مطلقة بعد ماعرفت سبب طلاقها ووضعها قبل وبعد الطلاق
    كل شي تمام لحد اللحظة هذي وعطيتهم كلمة بعد تأني وتحليل ودراسة لوضعي اني باذن الله بتقدم للبنت باليوم الفلاني وبالوقت الفلاني لين ارتب اموري
    على اساس انها تسافر معي كـ زوجة اذا درست برا
    [[ وبما اننا على كف القدر نمشي ]]
    ما انسى ذاك الوقت اتصل علي ابوها وقال ان البنت ببالها امو معينة بالبيت فتبي رأيك استشارتني وقلت رأيي ببعض الامور الامور تخص الخطبة وتشعبت
    بالسفر وببيتنا هالكلام قبل اليوم اللي بنحدد فيها الخطبة ومستحيل انسى حتى كلامها لإن اللي صار يخليك تمسك كل حرف قالته لك جلسنا نرتب كثير من الامور كأننا فعلاً
    ازواج عدا هاليوم بقى 3 ايام عدى هاليوم بقى 2 على اليوم اللي قلت فيه بنحدد يوم الخطبة لإنه مقرون بأمور ثانية منها اجرائات السفارهـ واجازات بعض العمال عندنا
    وبما اننا على كف القدر نمشي
    جاني اتصال الساعه 2:44 دقيقة الظهر من الوالدهـ قالت لي جارنا ابو فلان صار عليهم حادث انا مو بس تفاجئت .. انفجعت وانصدمت لدرجة اني قفلت الخط
    بوجه الوالدة يالله الغفران بدون ما اخذ منها تفاصيل عن وين وبأي مستشفى ووين مكان الحادث ومن الفجعه شغلت السيارة بروح لهم مع اني مادري وين بروح ولا ادري
    عن مكان الحادث ولا هم بأي مستشفى وطلعت من المكتب بدون ما اقفله ويوم وعيت من الفجعه رجعت عرفت اني تايه مادري وين اروح اتصلت على الوالدهـ والوالدهـ تتصل على قريبة لهم تاخذ منها التفاصيل
    وقالت لهم انهم كلهم الآن بالمستشفى الفلاني واربعتهم بالعناية المركزة اللي هم عمة البنت اخت الابو و الابو والبنت [[ اللي مفروض اتقدم لها ]] واخوهم الصغير
    الحادث كان شنيع جداً والسيارة متقبلة فيهم حسب كلام من شاف أكثر من 6 قلبات اللي حصل ياجماعة الخير ان
    * البنت اللي كان يوم تحديد خطبتها بعد يومين توفاها الله بعد نزيف ملى المخ [[ ظنك كانت تفكر بانه بيصير لها هالشي قبل الحادث ولاكانت تفكر بالخطبة والزواج وشهر العسل .. اترك لك الاجابة ]]
    * اخوها الصغير كسر بـ 3 اضلاع وكسر برجله اليسرى وارتجاج بالمخ نسئل الله له العافية والسلامة
    * ابوها رضوض قوية جداً بكل جسمة تقريباً
    * عمتهم اللي هي اخت الابو توفاها الله وكأنت كبيرة بالسن

    وبدال ما تكون خطبة البنت بعد ايام صار دفنها والصلاة عليها بعد ايام
    انا ياجماعة الخير هالقصة ترددت كثير قبل اقولها لإنه بالنهاية ماراح تقدم ولا تأخر لكم لكن انا قلت ان اللي بيقرا هالقصة ومن واحد عاشها بيغير رأيه بأموركثير

    ياجماعة بسئلكم سؤال خصوصاً للمطلقة او اللي متأخرهـ عن الزواج او اللي شقيانه بحياتها بالله ياجماعة الخير لو البنت رجعت للحياة الآن تتوقعون بتقضي ثانية
    وحدهـ تندب حضها بطلاقها ؟؟؟
    بترجع تشيل هم العريس ؟؟؟
    اسئلوا انفسكم لو رجعة البنت وحصل لها تتكلم معنا وش بتقول بتقول يابنات ابكوا دايم ويامطلقة انعزلي دايم وعيشي اكتئاب وتضايقي وكبري مصايبكم وكل يوم فكري
    بطلاقك واشكي همومك ولا بتقول اني ندمانه على كل ثانية قضيتها ندم وبكى ما قضيها بذكر واستغفار ؟؟؟
    البنت راعية خير اللهم لك الحمد ونحسبها ومانزكي على الله احد انها بجنة نعيم ان شاء الله
    لكن نهاية هالقصة تثبت للجميع وانا اولكم ان دام نهايتنا معروفة ليش نضيع بمتاهات الحياة ليش نتضايق ليش نبكي ليش نكبر المصايب ليش يضحك علينا الشيطان ويعيشنا
    هموم وهمية كل ثانية تضيع من عمرك مسؤول ومحاسب عنها وعليه
    فيامطلقة يا متأخرهـ عن الزواج يا ارمله يا غني يافقير يا متعافي يا مريض ياشاب يا كبير ... والله وبالله ان دنيانا كرت عبور لآخرتنا فلا توقف عند مصيبة
    او مشكلة او كارثة ولا توقف عند وضع شوفي سخرية هالدنيا تتضايق تتضايق وتعيش بهم وتنفتح لك ابواب امل وبغمضة عين كل شي ينتهي وتروح لعالم ثاني حياة ثانية

    [[ وهذا حنا على كف القدر نمشي ... !! ]] فلا انا كنت ناوي اتزوج بالفترهـ الحاليه وتغير رأيي وكنت على وشك خطوبة وزواج
    و البنت كانت تخطط لزواجها وكانت مشتريه رجال واجزم انها كانت تحلم بشهر العسل وحياتها معي ومع ذالك الآن تحاسب تحت حفرهـ ..!


    اتمنى واتوقع ان كل من بيقرا هالقصة بتتغير عندهـ مفاهيم كثيرهـ وهذا هو هدفي من الموضوع اللي ترددت كثير قبل اطرحه
    وعلى فكرهـ حتى انا من عايش هالقصة ببداية ونهاية للآن مدري كيف صار هالشي وكيف تغير رأيي بعد رفض ومدري كيف جت
    بحياتي هالبنت لكن مالك الا المكتوب بالنهاية .. قصة يقولها لكم من عاشها والحكم لكم ..


    مــــنــقول

    <!-- / message -->
     
  2. أمواج هاااادئة

    أمواج هاااادئة تاجر مميز

    إنضم إلينا في:
    ‏26 ابريل 2011
    المشاركات:
    154
    الإعجابات المتلقاة:
    0
    على كف القدر نمشي
    ولا ندري وش المكتووووووووب
    يااااارب ارحمنا برحمتك
     
  3. يعشقني موت

    يعشقني موت عــذبــة الــروح

    إنضم إلينا في:
    ‏20 مارس 2011
    المشاركات:
    1,650
    الإعجابات المتلقاة:
    0
    الإقامة:
    في قلب من يحبني
    كن فاصلة اذا تعرضت لعائق من عوائق الحياة لتستمر الحياة
    ولا تكن نقطة تتوقف عند أي مشكلة تصادفكـ..

    يسلمووووووووا على النقل يالغلا



     
  4. بارشيكا

    بارشيكا تاجر محترف

    إنضم إلينا في:
    ‏14 مارس 2011
    المشاركات:
    8,617
    الإعجابات المتلقاة:
    0
    صحيييح
    لاحد يعرف ماذا سيأتي في ايامه الاتيه ولا القدر ماذا يرسم له
    الله يعطيك العافيه قصه تأخذ منها العبر وتم حفظها لقرااائتها اكثرررررر.
     
  5. مدري!

    مدري! تاجر مميز

    إنضم إلينا في:
    ‏5 ابريل 2011
    المشاركات:
    359
    الإعجابات المتلقاة:
    0
    يمكن الله رحمها بكره لا صار بينهم شي بيقول انتي وابوك الي بلشتوني

    الله يرحمها
     
  6. al1hashm

    al1hashm الهاشمـ Alhashm

    إنضم إلينا في:
    ‏16 يوليو 2009
    المشاركات:
    1,461
    الإعجابات المتلقاة:
    0
    الوظيفة:
    حاليا بتبوك
    الإقامة:
    تبوك
    ..

    عجبًا للناس يبكون على من مات جسده ولا يبكون على من مات قلبه وهو أشد وأحق بالبكاء
     
  7. لآإله إلآ الله
    قصه معبره
     
  8. سالب القلوب

    سالب القلوب بدون لقب

    إنضم إلينا في:
    ‏20 فبراير 2011
    المشاركات:
    44
    الإعجابات المتلقاة:
    0
    قصة شيقه وجميله ومعبره جدا

    :clapinghand::clapinghand::clapinghand::clapinghand::clapinghand:
     
  9. الزاجل

    الزاجل تاجر مميز

    إنضم إلينا في:
    ‏1 فبراير 2010
    المشاركات:
    210
    الإعجابات المتلقاة:
    0
    استغفر الله العظيم
    تكدر خاطري من القصة
     
  10. الصدارة للتسويق

    الصدارة للتسويق ربي استودعتك أمرنا كله

    إنضم إلينا في:
    ‏27 نوفمبر 2010
    المشاركات:
    3,876
    الإعجابات المتلقاة:
    0
    قصة راائعه
    لاحول ولاوة الا بالله
     

مشاركة هذه الصفحة