1. مرحبا بكم في أسواق ستي أكبر المواقع التجارية شعبية
    إستبعاد الملاحظة

‏​ياباغي العليا لهـا عشـرة ابنـود .

الكاتب: ابوموسي, بتاريخ ‏14 سبتمبر 2011.

  1. ابوموسي

    ابوموسي تاجر محترف

    إنضم إلينا في:
    ‏14 يوليو 2008
    المشاركات:
    14,753
    الإعجابات المتلقاة:
    0
    ‏​ياباغي العليا لهـا عشـرة ابنـود .
    سجل وانا بمليـك واحفـظ عددها
    .
    من شان مايلحقك عيـبِ ومنقـود
    احفظ وصاتي والوصـاة اعتمدها
    .
    اوصيك قبل الجسم يدبيبـه الـدود
    في حفرةِ لابـد نسكـن لحدها
    .
    دنيا العنا فيهـا مشاريـب وعـدود
    وكم واحدِ له حاجــةِ ما وجدها
    .
    عليك بالتقوى ترى العمـر محـدود
    واردع هوى النفس الدنيـّه وقدها
    .
    واحفظ صلاتك تكسب الرزق والفود
    تكسب مكاسيـب الحيـاه وسعدها

    وصوم رمضان وزك يالشامخ الطود
    ترى البيـوت النايفـه مـن عمدهـا
    .
    وجالس هل التوحيد والعز والجـود
    واتـرك مقاريـد العبـاد وقردها
    .
    اللي على التفريق ياتونـك احشـود
    فصيلـةِ دب الجهـل فـي جسدها
    .
    واحسن جوار الجار لو كان مقـرود
    لـو جـار نفسـك لاتبيـّن نكدها
    .
    والضيف عطه الطيب والطيب مردود
    اكسـب جنـاب الطيبيـن وسندها
    .
    عقب الشحم والبـن قدم لـه العـود
    حيثك من اللي مـن لفاهـا حمدها
    .
    وبنت الردي لو هي زلالِ وقرهـود
    حـذراك تقربهـا وتمسـك بيدها
    .
    خذ بنت قرمن عند الاجواد محمـود
    لا جا نهار الهـوش بيـن ولدها
    .
    وزلة رفيقك لالفـت دون مقصـود
    لاتمسـك الزلـه وهـو ماقصدهـا
    .
    ثـلاث مررهـا ولا شـك بشهـود
    والرابعه شـب الحطـب لا وردهـا
    .
    هذي عشر وان كـان تبغينـي ازود
    سجّل على عشر الوصايـا وزدها
    .
    الظلم شين وتالـي الظلـم مـردود
    والغيظ شيطـان القلـوب وكبدهـا
    .
    والصّمت زينه والحكي سيف محدود
    والحقـد غيمـه والتباغـظ بردهـا
    .
    فكر وميـّز واعرف البيض والسـود
    واحذر قلوب الحاسديـن و حسدها

    يابيك بين الناس طـارد و مطـرود
    ما تجهلك بعـض الحـرار و هددها

    وان ضامتك دنياك واصبحت مضهود
    فاطلب من المولـى يحلـل اعقدهـا
    .
    الواحد اللي كلبينـا لـه اسجـود
    اللي جميع اعمـال خلقـه رصدها
    .
    هذي نصيحه وانت معطيني اوعـود
    واهل الوفى والعرف توفي وعدهـا
    .
    قدمتها بالمسـك والطيـب والعـود
    زرعتها لك زرع و انـت اتحصدها
    .
    حميتها مـن دون ملحـن وبـارود
    خوفِ عليهـا المنتقـد ينتقدهـا
    .
    وختامها العليا لها اشـروط وبنـود
    ياللي تبـي العليـا تمعـن وعدهـا

    <!-- / message -->





    منقول منقول منقول
     
  2. ابوموسي

    ابوموسي تاجر محترف

    إنضم إلينا في:
    ‏14 يوليو 2008
    المشاركات:
    14,753
    الإعجابات المتلقاة:
    0
    ,,,,,,,,,,,,,,,,,,,,,,,,,,,,,,,,,,,,
     

مشاركة هذه الصفحة