تكفوووون ابي احد يغير تاريخ ميلادي ارجوكم

السلام عليكم:
قصتي ب اختصار ان الوالد الله يرحمه كبرني ببطاقه العائلة اربع سنوات زياده
عشان المدرسه....والمشكله اني انا الي انظلمت..ونفس الحاله مع اختي الي اصغر..
ميلادي الحقيقي 1403هجري وابوي حاطني ببطاقه العائلة مواليد 1398 هجري..
تكفو احد يعرف احد بالاحوال لان الشغله مو سهله..
ناس قالو روحي سوي خطاب لوزراة الداخليه بعدها اذا ردو تخضيعين لفحص طبي وهم يقرورون
عمرك الحقيقي؟؟؟؟انا ابغا ب اسرع وقت لان هذا ياخذ وقت طويييييييييييييييييييل..
بعدين انا مولوده برا المملكه يعني ماعندي شهادة ميلاد
الله يخليكم احد منكم يعرف شخص بالاحوال الميدانيه..الي عنده فكره
كيف اغير ميلادي ببطاقه العائله تكفون ساعدوني من جد ظلم..
يعني من 1398 الى 1403 الله يجزاكم خير...؟؟؟؟

 

وعليكم السلام

سؤالي لك معاك صورة من بطاقة العائله ؟

عشان الوالد يمكن يفيدك في هذي

 

اي عندي صوره من بطاقه العائله بس ماعندي شهاده ميلاد ابد لاني مولوده برا السعوديه
وضاعت الشهاده يعني مستحيل تكون موجوده ..

 

الحين مين لاعب عليك انك مولوده برا ؟

يا اختي تاكدي مابي اوسوس عليك بس ان شاء الله بضبط امورك وخليها على الوالد
تراها اكبر اثبات وجود الشهاده

ياليت ما تزعلين من حكيي

 

يختي والله متاكده اني مولوده برا السعوديه ماقلت برا البلاد العربيه ابوي من الي سكنو فتره بالكويت وانا انولدت بالكويت وموجود بالبطاقه العائله اني مولوده بالكويت يعني ليش ب اكذب؟؟؟
والشهاده الميلاد والله ماعندي لاشهاده ميلاد ولا اي شيء فقط الي عندي
بطاقه عائله مكتوب فيها اسمي الرباعي ورقم السجل المدني ومدينه الميلاد الي هي الكويت وسنه الميلاد
زي اي بطاقه عائله يعني..
الغلط بهالبطاقه هي ميلادي الخايس الي مادري متى بتنحل مشكلتي معه..
ولا زعلانه منك ولا شيء لانو ترا قبل ثلاثين سنه ترا الناس ماتهتم بشهاده الميلاد بالعكس كانو يلعبون
باالميلاد الي يكبر يكبر والي يصغر يصغر وانا من الي كبروهم...اتمنى انك فهمتيني..

 

الله يعينك اختي والله مشكله اربع سنوات مب قليله هذا ظلم والله ليش الاباء يسوون كذا

الي سعب مشكلتك ماعندك شهاده هذي يبي لها واسطه او معروض لاي مسؤول

 

ليش مايصغرونا بدل مايكبرونا دايم يكبرونا

الصغر مب مشكله زين

 

مثل ما قلت لك بسأل لك وارد لك خبر ان شاء الله بكره

ومابي منك غير تدعين لي

 

الله يفرج لك اختي
وتحصلين من يساعدك في هالامر
لاتشيلين هم

 

ملحوظه صغيره
المعرف مكتوب

الصفه رجل اعمال

ومن الموضوع واضح انك سيده


ياليت التعديل

والله يسهل امرك

 

امين يارب

انا اختي الكبيره نفس المشكله مكبرينها 3 سنوات بس ماشي الحال بلعتها وساكته

 

وانا كمان كبرني الوالد سنتين عشان ادخل المدرسه مع اختي
وماعندي شهاده ميلاد
بس الوضع عادي-مافرقت معاي

 

يختي والله حاولت ابلعها واسكت بس تخيلو وصعكم زي ووضعي..
يعني اذا جاء احد يخطبني وش اقولهم عمري.؟؟؟؟؟؟؟؟؟؟؟؟؟؟؟؟
طبيعي اقولهم عمري الي مكتوب بالبطاقه وانا مظلومه بهالشيء
يعني بصراحه فرق بين 32 وبين 27 يعني حتى لو مافي فرق ليه مايصير هالامر سهل التعديل فيه؟؟
يعني مو معقوله اكتب خطاب وانتظر شهور ودهور وحووووووووسه
طيب وشو السواة ؟؟

 

ياخوي انا والله مو فاضيه اذا الصفه صفة رجل وولا حرمه..
مااعرف بالنت كثير يعني انا ادخل اشارك وابدي راي
وبالاخير هذي تراها صفه في ناس يكذبون وفي ناس يصدقون
الاهم مصداقيه الشخص مع نفسه..
وبحاول اعدل الصفه

 

وش الي ضاعت الشهاده شكلك منتيب بنتهم لا امزح الله يوفقك