1. مرحبا بكم في أسواق ستي أكبر المواقع التجارية شعبية
    إستبعاد الملاحظة

ياحلاوة العيد يا حلاااوة

الكاتب: الدهليز, بتاريخ ‏25 أغسطس 2011.

  1. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    السلام عليكم ورحمة الله وبركاته

    مساكم الله بالخير والرضا والعااااافية

    يقلكم المسل ليالي العيد تبان من عصاريها
    كل سنة وانتو طيبين
    والعيد عيد العاااافية

    قصرو

    طبعا قبل العيد بيومين بعد صلاة الصبح يندرو ويوايقو في السما يدور على الهلال فين مخشوش
    لانه لو ظهر وبان يوم 28 معناه الشهر كامل والكامل وجه الله
    ولو ماشافو الهلال معناه ناقص

    وازا اتكمل الشهر تلاتين يتناقلو الناس كلمة ( يالله 30 بركة وفضيلة )
    زمان الحساب الحلمنتيشي كنا نحسب يوم صومكم يوم نحركم يوم سنتكم الجديدة

    يعني احنا السنة صمنا الاتنين المفروض العيد الاضحى يوم الاتنين والوقفة احد والسنة الجديدة اتنين :clapinghand:
    بس دحين صارت اللخبطة والتقديم والتاخير
    والحاجة الحلوة يدخلو الشهر من بدري والا مو لاااازم :021:
    علشان لا يجي بكرة النهار عبد الرحمن يغمور :052: ويقول اقضو يوم :214: :214:
    زمااااان لمن يجي العيد ويضربو المدافع تلاقي الناس كلهم يعايدو بعض ويهنو نفسهم على ان من الله عليهم صيام رمضان وقيامه
    ويسألوا الله القبول حتى اللي متخاصمين ومضاربين حتى لو لهم سنة مايهرجو مع بعض يجو ويسلمو على روص بعض ويعتزرو من بعض في المركاز حق العمدة مو علشان شي علشان العيد فرحتو كبيييرة ولازم الواحد يكون خاطرو مريح ومو شايل على احد على قولهم وحتى ربنا يطرحلهم البركة


    وبعدين يروحو يجيبو حوايجهم من الخياط واللي يقضي امورو وحاجتو واللي يشتري الحلاوة والشربيت واللي بدو يجيب نقل ( مكسرات ) على كيفو

    طبعا عوايز العيد والدبهرك حق العيد يبدأ الاستعداد حقو من يوم 20رمضان الا هيا العشرة الاخيرة واللي يسموها عشرة الخياطين والحلاوانية والحلاقين

    يعني يعبو البيت اللهم صلي على النبي من إلى
    وبعضهم اللي بيتو نص ونص ( يرخموه ) يعني يجيبو رخام وقليل جبس
    ويدعكو البيت من برا يسير يلمع ويبرق ويكشح لونو ابيض زي البفتة
    واللي الله منعم عليه يقدح البيت بوية والحريم جوة يغسلو الدهليز :p5088: والدرج
    ويبيتو الليانات والمخدات والمساند بهديك البيوت المشتغلة
    واللي فيها كرانيش وترتر يعني زبرقة من صنع الحريم
    وبعدين يرقدو على الساعة 12 / 1
    ويصحو قريب الصبح يتروشو ويتزبطو ويتخشلعو وينزلو للحرم يصلو الصبح وبعدين يصلو المشهد وبعدين يروحو لأكبر واحد في العيلة ويفطرو عندو مع الاهلية والحبايب


    (دبيازة ولقيمات او اللنقطة وزلابية وشريك بلدي وجبنة وحلاوة وزيتون
    وشويتين أمبة وطرشي للتحديقة واللي خرمااااان للفول والهريسة يجيب على قدو قيد الناس طفشانة من سيرة الفول حق رمضان وغيرها من الاكلات على حسب مراق أهل البيت وفي ناس كمانة يحطو ايدامات ملوخية وبامية ووو وكل مين وتصنيفتو )
    ولو انو الهرجة هادي قامت تختفي شوية وصارو الناس يفطرو في بيوتهم وبعضهم لا يفطرو ولا يهببو
    لمن يرجعوا من الصلاة يندبجو وتاخدهم الخامودة علين يشبعو
    وبعضهم بدل الفطور يسوو عشوة في الليل قيد الدنيا عيد وسهر وصهللة


    وبعدين المعايدة والتزاور عيد الرجال كان في الصبح علين قبل الضهر وفي العصرية دور الحريم والبزورة
    مو زي دحين انقلبت الاية والناس كلها تندر تعيد في الليل بدل الشلوطة في النهار وخصوصا ازا كان حر ولسلسة علشان كدة الناس خلت المعايدة في الليل علين وجه الصبح


    المهم كانوا ماشاء الله شباب ورجال الحي من كترتهم تبارك الرحمن
    يقسموا نفسهم 4/5 اقسام وكل قسم كان يعيد على حارة من الحواير القريبة
    اهل الشامية يطلعو للفلق واهل الفلق يروحو للشبيكة واهل الشعب يروحو للنقا واهل السليمانية يروحو على سوق الليل يسير هدولاك يردو رجولهم
    مرة تانية
    وهنا تجي هرجة البرزاااات
    وهيا صواوين يجيبو التيازير حقت الخيام ويفردوها من اول الحارة لأخرها ويزينوها بالعقود حقت اللمبات
    طبعا اول الاتاريك وشوية شوية جات اللمبات الملونة
    وكل عمدة يزبط مركازه شكل ويعبيه من الى قهوة وعصير وحلاويات يسير اهل الحارات التانية يعيدو على بعضهم وغير السهرات اللي كانت تسير جوة البرزة ولعب مزمار وبكش علين تغلق التلاتة ايام حقت العيد

    ليا رجعة ان شاء نكمل الموضوع

    والموضوع مفتووووح لكل الحبايب يشاركونا باللي عندهم ولمن اغلق
    ارد عليكم

    وفي وداعة الرحمن
     
  2. شموع دافئة

    شموع دافئة كالورد~ ♥

    إنضم إلينا في:
    ‏31 يناير 2011
    المشاركات:
    14,990
    الإعجابات المتلقاة:
    0
    ماشاء الله عليك يالدهليز

    والله ايام زمان احلى

    بس برضو زماننا حلو الحمدلله

    بس ايش معنى الدهليز شفت اسمك في الموضوع ؟ :)

    وكل عام وانت وجميع اهل ستي بخير...
     
  3. بيبي$

    بيبي$ تاجر

    إنضم إلينا في:
    ‏5 مايو 2009
    المشاركات:
    52
    الإعجابات المتلقاة:
    0
    :sm285::sm285::sm285:
     
  4. حمام رب البيت

    حمام رب البيت تاجر محترف

    إنضم إلينا في:
    ‏13 مايو 2010
    المشاركات:
    1,872
    الإعجابات المتلقاة:
    1
    الله يعطيك ألف عافيه على احلى ذكريات
    وهذي العيديه عليا
    [​IMG]
     
  5. بنت الضيافة

    بنت الضيافة تاجر محترف

    إنضم إلينا في:
    ‏5 مايو 2010
    المشاركات:
    1,452
    الإعجابات المتلقاة:
    0
    يا حلاوة العيد يا حلاوة
    الله يحلي ايامك والمسلمين اجمعين وكل عيد والجميع بالف خير
    واصل ياسيدي ونحنا معاك
    وربي اتحسر لما اسمع اخواتي يتكلمو عن العيد ايام زمان والمعايدات حقات الاطفال جات علينا وقالو نخاف عليكم وصارو يخوفونا ودحين نتمنى لو كنا معاهم في ديك الايام الحلوة
     
  6. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    ومن الحاجات الحلوة زي منتو عارفين أول أهل الحي عارفين حيهم ومين اللي ساكن معاهم وعارفين
    اللي ساكنين فيه من البزرة علين الحرمة والبنات
    بحكم انو الاحياء صغيرة وضيقة ومافي رجل غريبة بينهم علشان زي منتو عارفين الجيران زي الاهل :clapinghand:
    فكانوا لمن يعيدو ومايلاقو رجال البيت يحمحم ويزهم ( يأهل البيت
    يا أم أحمد كل عام وانتو بخير والله يعيدو علينا وعليكم بالخير )
    ودلال القهوة جاهزة وحلاوة الحلقوم واللوزية واللومنية وبيض الكوكو للبزورة والا على ايام اللدو الاحمر اللي حباتو قد البرجون واللبنية والفوفل
    مو زي دحين على حسب ماسمعنا انو حلويات العيد اسعارها فوق ال200 ريال لااا وبالطلبية والحجز
    وكلها فشخرة علشان الدكاكين فخمة ويلبسوها تلبيسة سيارات وبطة وفراشة وام طقة سووها ب200ريال وواحد قلي داك النهار يادهليز انت على نياتك
    في انواع فخمة توصل لقريب ال 1000 ريال :cnf3:

    شاهدنا
    يعني الديوان او المجلس مزبط من إلى وبعدين في دفتر صغير كدة ومرسمة يسير يقيد اسمو في الدفتر انو جاء وعيد في البيت
    يسير لمن يجي رجال البيت يمسك الدفتر ويشوف مين اللي جاء يسير يرد رجولو ويعيد عليه:052:

    وفي حاجة حلوة أول كل بيت يحط في المجلس تلاتة اربعة اشكال من الكلونيات يسير الضيف يعطر نفسو او صاحب البيت
    يعطرو مو زي دحين لو تسوو الحركة هادي يقلك روح وفارقنا انا عندي عطري الخاااااااااص والا يقلك ليش شايف ريحتنا زي التيوس :214:
    علشان كدة تبغى تعطرنا !!!!

    ااااااااه نتكلم عن ايه ونسيب ايه
    والا على لفات البزورة على الجيران وندق على خالة رحمة وعمة منة
    وستي فتو وجدة هيفااا :021:

    كل سنة وانتي طيبة اعطونا عيديتنا الله يعيدو عليكم وكل وحدة تفك الباب وتندر معاها كيس مليان مكسرات وحلويات تخمش بيدها وتملي الجيوب
    واللي عندها قروش وتفاريق تعيد علينا

    ياسلام الحقد والكره والحسد والله ماكنا نعرفها
    نزعل نغضب نتعفرت وتوصل للشيطان الرجيم نص ساعة بالكتيرالا كل شي رجع زي ماكان

    <O:p
    الليلة اليتيمة
    الليلة اليتيمة هيا اول يوم في العيد
    :(
    كل مين يجلس في بيتو يرتاح وكل الدكاكين تقفل وياااااالله ان بسطو على تالت رابع يوم
    وتلاقي الناس تبضع وتلملم الاكل والشرب اللي يكفيها الكم اليوم
    وطبعا اللي بدو يبسط في العيد يبسط تلاقي الشوارع والازقة خولييييييف اللهم وقت المعايدة ووقت الصلوات تلاقي الناس تنزل الحرم
    اما دحين انقلبت الاية والناس صارت تبسط والمحلات تفتح يقلعقلو ياواد انزل فك المحل تجيك قرشين انت اولى بها
    وغير كدة الناس دحين كتيرة ماشاء الله مو زي زمان علشان كدة طبيعي تلاقي الدنيا مفرفرة

    راجعلكم ان شاء الله مع الجزء الاخير
    واتشكر كل الحبايب اللي شرفونا وان شاء الله ارد عليكم
    بس نغلق الشووتين
    واللي عنده حاجة يضيفها وينور لنا الموضوع
    وفي امان الله
    ولا تنسونا من دعواتكم في الليلة الشريفة ولعامة المسلين
     
  7. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    السلام عليكم ورحمة الله وبركاته
    الله يمسيكم بالخير جميعا
    وتقبل طاعاتكم اجمعين

    نكمل الشويتين اللي باااقية ونستنى الاضافات من الاخوان والاخوات
    كل مين يتكلم لنا في مجال تخصصه :p5088:

    قصرو

    ازا كان العيد طويل كانوا الأهلية على سادس ايام العيد يتلمو كلهم
    ويروحو يتمشو وينفهو على أهاليهم وبزورتهم قيد طول رمضان
    والحريم والبنات محبوسين في المطبخ والبيت طبيخ ونفيخ :021:


    سبحان الله على هديك الايام لو بدي اتكلم بالتفصيل يروح الليل في هضم الهيل قلنا كدة نتزكر على خفيف اصلا دحين العيد عيد العافية ودحين اللي يفرح بالعيد هم البزورة الصغار اكتر من الكبار
    تشوفهم مبسوطين وهم لابسين الدحة :052:

    حقتهم والكرتة وماسكين ايادي بعض يروحو للمشهد ويقرمشو في الحلويات ويزوووطو فيها علين تتنكب الحوايج وبعدين ياخدو العيدية ويمبسطو فيها
    يمكن علشان ولفنا واتعودنا على عيد اول وعلى قد ماهو بسييييط ومكنكن لكنو حلو
    دحين العيد معناتو الحوايج الجديدة صح والا مو صح ؟
    اول كنا نفرح وحنلبس الحوايج الجديدة
    بحكم المعيشة والحالة الصعبة ( والحمد لله على كل حاال )
    كانو يلبسوا الحوايج الجديدة في العيد وبعد مايغلق العيد يرفعوها في الدولاب
    يسير لمن تجي عزيمة والا مناسبة يلبسوها :(
    لكن دحين ماشاء الله الوضع اتغير وصرنا الحمد لله نلبس الجديد كل شهر وفي كل مناسبة ( الله لايزيلها من نعمة ) قولوا الحمد لله
    وغير المداس الشرقي او الحدا ( الله يعزكم )


    من تباتيك زمان كنا ندوق المداس :p5088:
    نمسك الادن حقت الاصباع الكبير ونقرط عليها بسنوننا
    ازا حسينا بطعم حلو معناتو الجلد كويس ازا كان مر او مملح نفلتو

    وبالنسبة للمقاس نجيب المداس ونحطه على يدنا قصدي الساعد
    وهو المسافة بين مفصل الكف الى المفصل او الحوق
    سبحان الله نفس طول الرجل هو نفس طول الساعد عن كل بني ادم
    واللي مو مصدق يجربها دحين
    حطو اطراف اصابيع الرجل على مفصل الكف وتلاقو نهاية الكعب بنهاية المفصل

    لااااااازم المسافة تطلع نفسها واللي يختلف يقلنا يسير نسمي بالرحمن لانه جني :eek:

    نفضل نخرج وندخل فيه من الدولاب نقيسو كل يوم

    المهم
    وليلة العيد نبيتو جمبنا على الطوراحة يايعني لايروح يضيع والا احد يصرقو ( فرحة جهاااال )


    العيد عيد العافية
    وعلى قولهم ازا عافاك اغناك

    حاجة بسيطة كدة
    في بعض الاسر يعيدو في المدينة المنورة اللهم صلي وسلم على سيدنا محمد
    يتلمو من يوم 25 رمضان وعلى المدينة
    وكمانة عيد المدينة بالمرة حلو
    حاجة تانية
    بعد صلاة المشهد في ناس ينزلو على القبور يدعوا لأهاليهم واحبابهم ويقرولهم الفاتحة

    العيديات اول كانوا يشتروا بيها بسكوليتات
    والعاب وبعضهم يعطيها لابوه من باب المساعدة
    اما دحين يضيعوها في الملاهي والتماشي على البحر وغير الطراطيع
    وعلى قولهم كل مين حر في مالو وعيديتو




    ومن العايدين قبل الزحمة والله يرحم اللي ما انعاد عليه

    ونستنى ردود الحبايب وليا رجعة معاكم
    والله يكون في عون الحريييييييييم
    بدأو ماشاء الله الخبيط والتنفيض
    تلاقو الخدمات متشربطين في الطيق وطاخ طييييخ

    علشان كدة العج كتر :ang:


    وفي وداعة الرحمن
     
  8. مرهفة الحس

    مرهفة الحس تاجر مميز

    إنضم إلينا في:
    ‏25 يناير 2011
    المشاركات:
    543
    الإعجابات المتلقاة:
    0
    شكلي بجي اخذ العيديه من عندكم اول يوم انا وبنتي بالكرته الجديده
    شوقتونا لايام زمان الله يعيدها بخيرها امييين
    كل عام وانتم الى الله اقرب
     
  9. mossin2005

    mossin2005 تاجر متميز العضوية الفضية

    إنضم إلينا في:
    ‏23 نوفمبر 2008
    المشاركات:
    1,148
    الإعجابات المتلقاة:
    0
  10. تكفيني الذكرى للزفات

    تكفيني الذكرى للزفات تاجر محترف

    إنضم إلينا في:
    ‏13 أغسطس 2011
    المشاركات:
    1,503
    الإعجابات المتلقاة:
    0
    الإقامة:
    00966503375642 // 0503375642 للنســــــــاء فقط
  11. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    ياستي كل صلاة ولها ادااان

    ولكل زمن رجاله وناسه
    واللي كان يبسطنا زمان ويسعدنا مايبسط الجيل الجديد

    بالله عليكي في احد يلعب مع ام طقة ويضحك من قلبه هادي الايام :021:
    هادا ازا حصلتي ام طقة من اساسه

    نجيبها في الارض ونضغط على ضهرها باصباعنا ونقلها نروح المدينة تقوم تهز راصها
    ايوااااا :p5088: والا مهي دارية عننا ايش بنهرج نروح المدينة والا زرحلة
    بس هيا كدة ربنا خلقها تطق رقبة :D


    اسمي جاء في الموضوع لانه اسااااسي في كل بيت ;)

    الدهليز ياستي هيا السيبة الطويلة اللي تصادف الشخص وهو داخل على البيت
    واغلب بيوت زمااااااان فيها دهليز

    وفايدة الدهليز ستر لأهل البيت يعني اللي يخش من باب الزقاق
    يحمحم ويطرق لنفسه علبال ما يتسترو الحريم

    وبرضو ازا الحريم يبغو رسلة او طلبيات يدخل الصبي او المعاون ويحط الاغراض
    في الدهليز ويندر وبعد كدة ينزلو الحريم يشيلو عوايزهم

    وفي الصيف والحر زي الايام هادي تجي اهمية الدهليز
    سبحان الله تلاقيه باااااااارد
    الهواء يدور في البيت من تحت لفوق الهواء الحار يجلس تحت والبارد يطلع على فوق
    وبالعكس ايام البرد

    وكل سنة وانتي طيبة ان شاء الله وبصحة وسلااااااااامة
     
  12. -رشة عطر-

    -رشة عطر- تاجر محترف

    إنضم إلينا في:
    ‏1 ابريل 2010
    المشاركات:
    2,210
    الإعجابات المتلقاة:
    0
    باقة ازهار وورود ..


    وسلة بخور ووعود ..


    وكل عام وانتم بخير ..


    من العايدين قبل الزحمه



    كًٍلًٍ عًٍاًٍمًٍ وًٍ انًٍتًٍم بًٍخًٍيًٍرًًًٍ

    _________,✬.*`,✳.*`,✬
    ______,✬.*`,✳.*`,✬.
    ___,✬.*`,✳.*`,✬.
    __,✬.*`,✳.*`,✬.
    _,✬.*`,✳.*`,✬.
    ,✬.*`,✳.*`,✬.
    ✬.*`,✳.*`,✬.
    ✬.*`,✳.*`,✬.
    ✬.*`,✳.*`,✬.
    ✬.*`,✳.*`,✬.
    ✬.*`,✳.*`,✬.
    .✬.*`,✳.*`,✬.
    _,✬.*`,✳.*`,✬.
    __,✬.*`,✳.*`,✬.
    ____,✬.*`,✳.*`,✬.
    ______,✬.*`,✳.*`,✬.
    _________,✬.*`,✳.*`,✬.
    ____________,✬.*`,✳.*`,✬.
    ________________,✬.*`,✳.*✬. .

    .. 1432 .. اعاده الله عليكم اعواماً مديده ..
     
  13. وســـــام

    وســـــام تاجر مميز

    إنضم إلينا في:
    ‏19 يوليو 2009
    المشاركات:
    281
    الإعجابات المتلقاة:
    0
    كل سنة وانت طيب ياعمدتنا
     
  14. هدى3

    هدى3 تاجر مميز

    إنضم إلينا في:
    ‏4 يوليو 2011
    المشاركات:
    134
    الإعجابات المتلقاة:
    0
    كل عام وأنتم بخير
    [​IMG]
     
  15. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    :052:

    كل عام وانتي بخير

    يوم الشكك الله يكون في العون ولو انه الشهر باين ملعوب فيه من بداية دخوله
    المفروض نصوم احد ما نصوم اتنين
    على اولات الشهر الهلال كان كبير الكلام هادا يوم تلاتة مدري اربعة في رمضان

    نقطة تانية ليلة سبع وعشرين كانت الجمعة
    صباح الجمعة شفنا الهلال في السما بعد صلاة الصبح وااااااااااضح
    يعني المفروض تكون ليلة سبع وعشرين الخميس مو الجمعة
    والجعة يكون سبعة وعشرين
    وبكدة يغيب ويطلع بعد كدة ويكون الشهر كامل

    اهالينا زمان لمن يقولو لنا الكلام هادا نتجنن ونطفش لاننا مو فاهمين شي
    وفين يروح القمر يندس يقلك يروح يتروش ويلبس حوايج العيد وعلى طووووول نصدقهم :021:

    قصرو ازا بكرة تلاتين يااااااارب فضيلة وبركة من الله
    وازا بكرة عيد كل عام وانتو بخير

    ولو انه كتييييييييييييييير حريم ورجال ما غلقو اشغالهم وبيتمنو يكون بكرة تلاتين
    حتى يكفي الوقت
    البارح قابلت واحد شاب في المغسلة يقلي توب العيد اتواعد مع الخياط على اساس بعد العشاء اليوم :ang::ang::ang:
    وزحمة ودربكة وشايل هم كيف يروح يجيب التوب لو كانت الليلة عيد وخايف يطلع التوب
    مو مزبوط والا يبغاله تعديل

    بصراحة الناس على اعصابها

    شوية وعي ياناااااس نغلق امورنا بدري بدري ونرتاح ليلة العيد

    والا موووو

    وفي وداعة الرحمن

    نستنى بقية الحباااايب
     

مشاركة هذه الصفحة