1. مرحبا بكم في أسواق ستي أكبر المواقع التجارية شعبية
    إستبعاد الملاحظة

ايش المشروع الناجح بنجران

الكاتب: رتوجة, بتاريخ ‏18 أغسطس 2011.

  1. رتوجة

    رتوجة تاجر

    إنضم إلينا في:
    ‏10 ابريل 2010
    المشاركات:
    92
    الإعجابات المتلقاة:
    0
    ايش المشروع الناجح الي يكلف حوالي خمسين الف

    ويكون ناجح بنجران ويكسب ارجو ان اسمع وجهة نظركم واراءكم
     
  2. وفي نجران

    وفي نجران تاجر مميز

    إنضم إلينا في:
    ‏23 أغسطس 2010
    المشاركات:
    454
    الإعجابات المتلقاة:
    0
    الوظيفة:
    [email protected]
    اذا تبين نصيحه لوجه الله انا تعبت مثلك في التفكير

    فيه مشروع ناجح بإذن الله بس المهم الموقع الموقع الموقع الموقع
    مغسلة ملابس تكلفه معقوله ودخل جيد
    الله يوفقنا وياك لما يحب ويرضى

    هناك مشاريع صغيره من خلال بحثي مربحه جدا ولكن بحكم انك امرأة ماتنفع معاك
     
  3. رمانة نجران

    رمانة نجران تاجر مميز

    إنضم إلينا في:
    ‏6 ديسمبر 2009
    المشاركات:
    167
    الإعجابات المتلقاة:
    0
    انا كانت ببالي فكرة من زمان ونفسي اسويها بس للاسف مالقيت دعم مادي

    وهي ( كافي نسائي بنجران)

    انا سويت دراسة جدوى عند وحده كان المشروع جداااا مميز وفكرته جديده بالمنطقة

    وسوينا استطلاع + تصميم ديكور داخلي مبدئي مع مصمم الخ مايحتاجه المشروع

    لكن للأسف الماده كانت اكبر عائق واجهني لاني ابي كافيه بمميزات اوربية

    لو فكرتي تسوينه فمازالت الدراسه والتصميم وغيره في الادراج عندي لو حبيتي تستفيدين منها

    الله يوفقك يارب ونسمع قريب افتتاح (كافيه رتوجه النسائي الأول والوحيد بنجران )

    ومن بكره بالجرايد ( فتاة سعوديه تفتتح اول كافيه نسائي بمنطقة نجران )

    << كانت تحلم كذا ولكن تبخرت يارب يجي من يحقق هالاحلام تمنياتي بالتوفيق
     
  4. وفي نجران

    وفي نجران تاجر مميز

    إنضم إلينا في:
    ‏23 أغسطس 2010
    المشاركات:
    454
    الإعجابات المتلقاة:
    0
    الوظيفة:
    [email protected]
    ^^^^^

    مشروع حلو
    بس راح اذكر سلبياته /
    المنطقه منطقه قبليه بحته المشروع بكذا يصير موجه لمن هم خارج المنطقه بعد ذلك يصبح عمل الكافيه موسمي
    والنقطه المهمه ان الشباب مايجون المقاهي بإستمرار تشبع وفي نفس الوقت عدم القدره الماديه لأن الجلسه تعتبر مكلفه اذا تكررت فما بالك بالنساء من وين للمسكينه فلوس وكم راح تطلع للمقهى هذا وكم عدد الحريم الي راح يتواجدون في هذا المقهى وهل سيكون هناك اقبال شديد في ظل ان المرأه قادره على عمل الشاي والقهووووه وغيره وغيره نفس مايقدمه المقهى
    هذي مجرد وجهة نظر وتحليل شخصي قد يصيب او يخطأ
     
  5. لأفندر

    لأفندر استغفر الله العظيم

    إنضم إلينا في:
    ‏29 مارس 2011
    المشاركات:
    1,756
    الإعجابات المتلقاة:
    0
    الوظيفة:
    للأسف عاطله
    الإقامة:
    أرض الله الواسعه
    بالنسبه لكافي نسائي
    خسر بجده هذا كلام وحده ثقه لي ماينفع بمناطق الجنوب بصفه عامه كافي نسائي المجتمع مايتقبل مثل هذي المشاريع فتح بابها وخسر وقفل

    لكن مكتبه نسائيه راقيه وتحطون فيها مبيعات شامله مثال
    تفتحي مكتبه وتجيبين كتب مفيده للأطفال وللكبار
    وتاجري كم كشك واحد مشروبات ساخنه
    واحد فطائر وكيك وغيرها
    واحد كتب واشرطه اسلاميه
    وتحطي جلسات فخمه وهاديه بعيده عن التكلف الزايد

    تسوي اعلان لمدارس الخاصه يسون لكم زياره باسعار مناسبه وراح تسفيدي من ايجار الكشكات
    ومن زيارات المدارس لك والمهتمين بالقراءه
    وتضيفي ركن الرسم ع الرمل وغيره الافكار كثير لتطوير هذا المشروع



    بالنسبه لــ وافي نجران مغسله ملابس مره حلووه لما يكون فيه ديكور جديد ويختلف عن التقليدي الموجود
    باضافه اشياء جديده مثلا اضافه عطور لملابس حسب اختيار الشخص
    وزياده مبلغ بسيط
    و اضافه قسم لشباب لتبديل الملابس كثير يجون يبون يبدلون ويرحون دواماتهم
    اهم شي الجذب بالديكور الراقي الهادي والأضاءه لها دور كبير
    حسب ماشفت بجده والرياض اللي يجذب الديكور والالوان لها دور كبير بنجاح المشروع والنظافه وأخلاق العامل

    تقدر كمان عشان تنجح المشروع
    بدايه الافتتاح تسوي عرض اللي يجمع 15 فاتوره مثلا له كم مره يغسل فيها مجانا
    مثلا مرتين او كوي ثلاث مرات شماغ

    الافكار كثير لكن حاولوا تشوفون وش المنطقه بحاجه الى مشاريع واللي تناسب فئه كبيره من الناس واستخيرو الله وابدو والله يوفق الجميع
     
  6. الريم للتسويق الألكتروني

    الريم للتسويق الألكتروني تاجر مميز

    إنضم إلينا في:
    ‏8 يونيو 2011
    المشاركات:
    582
    الإعجابات المتلقاة:
    0
    بالتوفيق ...........
     
  7. رمانة نجران

    رمانة نجران تاجر مميز

    إنضم إلينا في:
    ‏6 ديسمبر 2009
    المشاركات:
    167
    الإعجابات المتلقاة:
    0
    انا مدري ليه انتو محبطين المنطقة لهالدرجة ؟؟
    انا ماتكلم عنك ياقلبي ولا عن وفي نجران...
    بس دايم اشوف هالردود كل ماواحد..
    حب يفتح مشروع قالو له لا القبليه
    على عيني وراسي والله بس مو كذا
    بالعكس والله نجران الحين....
    صارت اكثر تطور وتقبل وانفتاح واكبردليل ...
    افتتاح مولات نسائية وشفنا الاقبال عليها ...
    برغم اذكر اول مرده اشتركت بهالموقع....
    واحد كاتب انه يفكر يفتتح مشروع نسائي
    وكل الردود كانت محبطة جداااا وكنسلها الرجال


    الان نفس مشروعه موجود وعليه اقبال ونجاح الله يبارك لاصحابه

    اما انه بجدة فشل فلا يعني فشله بنجران وتبين اقولك ليه ببساطه


    لان جده منطقة منفتحه
    عندهم بحر
    البنات عادي يتزاورون


    يطلعون مع سايق هم وصاحبتهم عادي مول اي مكان
    فماهم بحاجة كافي يجتمعون فيه عكس بنات نجران...
    مايقدرون على الطلعات هذي ولايروحون اي مكان ...
    الا مع اخوها او ابوها يمكن مو فاضي يوديها....
    تبي تعزم صاحبتها لكن مايقدرون يجونها للبيت....
    لان ابوهم اخوهم رافضين الخ



    اخوي انا قلت لك اننا سوينا دراسة جدوى + استطلاع

    والله العظيم ان الاغلبيه بنسبة 89% مؤيدين وبشدة

    تخيل لدرجة بعضهم عرض علي دفع جزء من المبلغ فقط...
    عشان نسوي المشروع لكن انا مابي ديوون ولاابي بكره...
    تجيب كل الناس وتقول بكيفي دافعه فيه الخ

    غير عن ذلك .. فيه مولات بنجران نسائية...
    انا ماعرف بالنسبة لك هل ممكن تمنع اهلك يذهبون للمول
    لكن كثيرررررر بنات تلاقيها ماتصدق اي مناسبه...
    تجي تروح مجمعه صاحباتها وعازمتهم بمول الفراشه مثلا ...
    والا تلاقيهم يتواعدون بمدرسة او الكلية او اي مكان ...
    المهم يبون يجتمعووووووون بدون يكون عليهم ضغط وكرف..
    شيلي ودي هاتي يعني لو اسوي الحفله ببيتي الاقي الوقت راح
    ماستمتعت معهم كله اجيب قهوه وحلى واشيل وضغط ماصدق تنتهي الحفلة

    لكن بكافي لا فرق انتي اجلسي وكل شئ يجي لحد عندك وبستايل وعلى ذوقك

    وتأكد مسألة القبلية على عينا وراسنا....
    اي شئ ممكن يضر سمعة بنات المنطقة او يضايق الاهل ....
    مستحيل يتم مثلا كانت من ضمن الاستطلاع رفض تشغيل ستيريو ودي جي وطقتها...
    مانبي هالكلام هذي مو قاعة عرس هذا كافي تجين تسولفين تشربين تاكلين تتسلين فقط.
    لكن رقص ابدا ومستحيل



    وجود حارسات متخصصات ومفتشات لتفتيش
    مثل اي مول او مكان خاص بالحريم يعني خصوصية بالعكس ...
    والله افضل لهم من التجمعات المنزليه يعني مثلا ...
    ماتقدر تروح لبيت صديقتها وتنتهي علاقة البنت مع صديقاتها...
    بمجرد انتهاء دراستهم ليه طيب؟؟
    لان ماتقدر تروح لبيتهم بحكم مادري من بيته ...
    وماني ضامن بنتي عندهم شباب الخ


    لكن الكافي مكان خاص ومضمون مافيه احد بأذن الله...
    لو حبت بعد تجيب امها معها مو مشكله

    اما بالنسبة للاسعار

    فتأكد ان البنات ماعندهم مانع
    يدفعووووووون
    انا بنت واعرف البنات وعايشة معهم ومعاشرتهم

    انت بس خذ لك فره ع الموقع وشوف اقل شئ كم تدفع لوحده تطبخ
    حلى او موالح الخ بس عشان ترتاح لو جاتها عزيمه ؟؟؟

    لاتقول من وين للبنات ...
    ترى مو الفئة الي بتروح الكافي طالبه فقط

    فيه معلمات فيه صديقات موظفات فيه ربات بيوت....
    عندها زوجها وده يروح الاستراحه ويرتاح
    لو تقول هات 1000 عطاها عشان يتفرغ لربعه

    انت سوي استطلاع الان موضوع ونزله وشوف الردود
    هل عندك استعداد تدفعين مبلغ كبير
    اذا كان عندك عزومه او تسوينه بنفسك ؟؟

    مثل ماقلت لك سوينا دراسة جدوى استطلاع الفكره لم تأتي من فراغ


    الله يوفقنا ويوفقكم جميع وان شاءالله ...
    الاخت رتوجه تلاقي المشروع المرضي لها

    ملاحظة : اختي رتوجه سامحينا قلبنا موضوعك...
    ساحة نقاش اعتذر نيابة عن نفسي على تحويل موضوعك
    لساحة نقاش
    ... تقبلي ودي ،،
     
  8. فارس2010

    فارس2010 تاجر

    إنضم إلينا في:
    ‏26 فبراير 2010
    المشاركات:
    41
    الإعجابات المتلقاة:
    0
    ولا مشروع في نجران ناجح تعال عندنا في الشرقيه
     
  9. كاكا333

    كاكا333 تاجر

    إنضم إلينا في:
    ‏25 يوليو 2011
    المشاركات:
    46
    الإعجابات المتلقاة:
    0
    بوفية ماتكلف 20000 الف ريال والربح مضمون
    وانا مجرب هذا الشي
     
  10. رتوجة

    رتوجة تاجر

    إنضم إلينا في:
    ‏10 ابريل 2010
    المشاركات:
    92
    الإعجابات المتلقاة:
    0
    يعطيكم العاااااافية
     
  11. مكتب الوسيط العقاري

    مكتب الوسيط العقاري تاجر مميز

    إنضم إلينا في:
    ‏24 نوفمبر 2009
    المشاركات:
    102
    الإعجابات المتلقاة:
    0
    افضل شيء الأقصاد

    تقدرين تسوين احد أمرين :

    1- تسوين اوراق مبايعات رسمية وتبيعين بضايع بالأقصاد على زميلاتك وغيرهم مثل بطاقات الشحن والجوالات وغيره

    2- او تشوفين مكتب اقصاد ثقة وتسلمينه المبلغ بسبة ارباح تتفقون عليها وهذا منتشر في نجران ومربح بشكل كبير جدا
     
  12. همس المشاااعر

    همس المشاااعر تاجر

    إنضم إلينا في:
    ‏18 مارس 2011
    المشاركات:
    46
    الإعجابات المتلقاة:
    0
    مشروع الكوفي النسائي مشرووووووووع ناجح
    وانا اول الزوار والشله معاي وعندي فكرة لو تحطي غرفة بزاوية الكوفي تكون للأطفال وتكون جدرانها عوازل
    عشان الروقان ما يخرب داخل الكوفي
    وبكذا تضمنين تواجد النساء والبنات وخاصه الموظفات يكونون اول زوارك لاني اسمع بكثرة انها رغبتهم وما يمنعهم الا بزارينهم
    واذا عرفوا في قسم مخصص للاطفال يا سلام وتكون موظفه معهم واكيد بيكون كل شي بحسابه بتجيبين
    بزارينك ادفعي قبل تدخلينهم ...
     
  13. رمانة نجران

    رمانة نجران تاجر مميز

    إنضم إلينا في:
    ‏6 ديسمبر 2009
    المشاركات:
    167
    الإعجابات المتلقاة:
    0
    فدديت قلبك مشاركة مشجعه اذا الاخت رتوجه ماتبي تفتحه ابشري انا للان عندي استعداد والله يسهلها وينزل لي سلفه وابشري بالكووفي الي على ذوووقك وانتي اول المدعوات وببطاقة مفتوحة تجيبين من تبين بس اذا سمعتي عنه تعالي وقولي همس المشاعر وابشري بعزك
     
  14. أمير العالم

    أمير العالم تاجر

    إنضم إلينا في:
    ‏15 يونيو 2011
    المشاركات:
    65
    الإعجابات المتلقاة:
    0
    الاخت رمانه انا رجل اعمال بنجران ويمكن اساعدك بفكرةاو اختيار اي مشروع لكن كم المبلغ المتوفر
     
  15. همس المشاااعر

    همس المشاااعر تاجر

    إنضم إلينا في:
    ‏18 مارس 2011
    المشاركات:
    46
    الإعجابات المتلقاة:
    0
    فديـتــــــــــــــــــــــــــــــك رمــــــــانة نـجـــــران
    على ذوقــــــــــــك
    والله يوفقك ان شاء الله
    وتصيرين بزنس ومـن
     
جاري تحميل الصفحة...

مشاركة هذه الصفحة