1. مرحبا بكم في أسواق ستي أكبر المواقع التجارية شعبية
    إستبعاد الملاحظة

الشايب والوايت ... (( قصة طريفـة عجيبة ،، وعلى نياتكم ترزقون))

الكاتب: أبومشعل999, بتاريخ ‏26 يوليو 2011.

  1. أبومشعل999

    أبومشعل999 قلبي تولع بالرياض

    إنضم إلينا في:
    ‏21 مايو 2010
    المشاركات:
    14,011
    الإعجابات المتلقاة:
    0
    الجنس:
    ذكر
    الشايب والوايت



    كان فيه اثنين جالسين بالقصيم وتحديدا بعنيزه .......؟؟


    يسولفون عن شايب نوى يشتري له وايت علشان
    يسقي الحلال ،،، وذالشايب متقاعد وشاريله مجموعه
    غنم


    خمسين ناقه ، وفوقها ناقتين .........؟؟؟



    فأخذ يجمع له دراهم لين صار عنده حول
    الثمانين... او خمسة وثمانين ألف ريال ،


    فقام وتوكل على الله وعَزْم يروح يدور له على
    وايت .
    صدفه وهو يمشي إلا ذيك الناس مجتمعةٍ في
    أرض فضاء كبيرة وإلا حولهم وايت واقف ،


    عجب خوينا الشايب نظرة هالوايت وهو ما شاء
    الله يبرق من بعيد ووقفته شيء عجيب ونظيف ،


    قال بس لقيناه خلني أروح اشوف وش السالفه


    أوصلهم وأشوف كم هو واصلٍ سومه وإذا هم
    حادينه أشوف كم هو عليه .
    وصل عندهم الشايب ووقف يسمعهم يحرجون ،
    وأستانس بالحيل لأنه مهو بغالي ، وإلا ذاك
    الرجال
    ماسك المكرفون ويحرج 50 ،، 52 ،، 55 ،، ومن
    قال زود ،
    قال الشايب بس شكلهم يحرجون على


    هالوايت ولا هو بغالي وإن شاء الله يكون من
    نصيبي .


    ويخش معهم بالحراج ... 56 ... ويزودون ...
    ويزود ... ويزودون ... ويزود



    المهم وصلوه 75 ... قام خربها وقالهم 80 ...




    هو بس قالهم ثمانين ... يوم طخوا كلهم
    وسكتوا .. ! ..وهجدوا .. !! .. والتفتوا
    عليه .. !!! من التعجب




    يناظرونه .. يناظرون بعضهم .. يوم تغامزوا
    ونقز له واحد منهم .. ويسحبه على جنب وقاله
    شف يا رجال أنت باين عليك أبن حلال وطيب
    بالحيل ، وش رأيك لو نعطيك شيك بمليون ريال
    ذالحين ذالحزه وتمشي





    بس أمش من هنا ولا نشوف وجهك واقف معانا
    بالحراج .




    أنصدم الشايب .. أفتر راسه له شوي وقال
    هااااا .. وش السالفة .. ؟؟!!





    مليون ريال .. وليه..؟؟





    قال له الرجال خويهم بس خذ هالشيك وتوكل على
    الله والله يستر عليك ولا لك بالطبخه وتوكل علي الله





    وش أسمك ..؟؟ عطاه أسمه وكتب له الشيك
    بمليون ريال وصرّف الرجال من الحراج



    هو ما يدري وش السالفة .. !!





    طيب وش العلم علمني .. ؟؟





    علمه بالعلم أثر ذالجماعة يحرجون على المخطط
    وواقفين بالصدفة جمب الوايت اللي جايبينه يرشون
    به الارض




    الأرض علشان يحرجون ، والحراج من اليوم ب
    56 مليون و75 مليون .. وأبو الشباب (الشايب)
    خش




    عليهم عرض ولا يدري وش العلم .





    وهم بعد أخترشوا شوي يحسبونه هامور وبيلطش
    عليهم المخطط .. قاموا صرفوه بمليون ريال ..





    وهو ما صدق طاير من الفرحة مليون ، ويقول
    بخاطره




    (عجزت وأنا أجمع ثمانين او خمسة وثمانين ويجيني ذالرزق من الله)




    فسبحان الله مقسم الأرزاق على عباده





    الرزق مثل الأجل يتبعك





    اتمنا تعجبكم السالفه تحياتي لكم
     
  2. ودالامل

    ودالامل تاجر مميز

    إنضم إلينا في:
    ‏24 مارس 2010
    المشاركات:
    467
    الإعجابات المتلقاة:
    0
    عن جد حظوظ على نياتهم يرزقون
    ننتظر جديدك لا عدمناك
     
  3. بارشيكا

    بارشيكا تاجر محترف

    إنضم إلينا في:
    ‏14 مارس 2011
    المشاركات:
    8,617
    الإعجابات المتلقاة:
    0
    ااااااااااااااه ...الله يرزقنا نفسه بشيييك بريااليين خخخخخخ>>معاليش قنوعه......اهم شي راحةالبااال...........
     
  4. أبومشعل999

    أبومشعل999 قلبي تولع بالرياض

    إنضم إلينا في:
    ‏21 مايو 2010
    المشاركات:
    14,011
    الإعجابات المتلقاة:
    0
    الجنس:
    ذكر
    ود الامل وبارشيكا

    شاكر مروركم الكريم ،، الله يرزقنا الجنة
     
  5. @حسام@

    @حسام@ أبو عبدالعزيز

    إنضم إلينا في:
    ‏27 يونيو 2009
    المشاركات:
    612
    الإعجابات المتلقاة:
    0
    سبحان مقسم الارزاق ..

    قصة ممتعة وربي ..

    شكرا ع النقل الجميل ..
     

مشاركة هذه الصفحة