1. مرحبا بكم في أسواق ستي أكبر المواقع التجارية شعبية
    إستبعاد الملاحظة

مقاضي رمضان يدكم معانا

الكاتب: الدهليز, بتاريخ ‏25 يوليو 2011.

  1. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,635
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    السلام عليكم ورحمة الله وبركاتة


    صبحكم الله بالخير والعافية

    من العايدين قبل الزحمة وبعد الزحمة


    دخيلكم جيبو ورقة وقلم وتعالوا قيدو معايا الطلبات ومقاضي رمضان
    اللهم صلي على النبي


    10 كيلو دقيق فينو علشان السمبوسك والبف او البريك
    5كيلو حب حق الشربة
    درزن جبن كريفت
    ودرزن تونة
    2 كيلو سقدانة
    كرتون كريمة
    دقيق رز علشان المهلبية
    علبتين حليب لونا حجم كبير... مقاطع نيدو علين يتربو :ang:
    2 كيلو برغل
    كرتون جلي مشكل
    كم قارورة بليلة وفشار على كم كيس كربو مشكل يسير ننقنق بعد التراويح :021:
    درزن صلصل احقاق
    ودرزن قشطة
    3 علب تطلي
    2 كيلو سمن بري علشان الفول والحلويات
    10 حزم ماسية
    6قوارير توت و6 قوارير تانج من كل شكل ولون
    روح الموز قارورتين
    وروح الزمزم قارورة :p5088: هادي جديدة علشان نسلم زحمة تعبية الزمزم
    2 كيلو كنافة وقطايف
    ابزار حق الشربة وفلفل اسود وكمون وخولنجان وشيبة وقرفة وقرنفل وهيل
    من كل نوع كيلو نص مصحح ونص مطحون
    قصطير وصوفر وملاعق ورق وصحون ورق علشان الحريم لا ينهلكو في النحاس :052:

    كرتون زيت قلي والا خليه كرتونين دحين رمضان استهلاك كل يوم اللهم صلي على النبي قلي وطبيخ
    خميرة وكربونة
    قطمة سكر
    قطمة رز ابو كاس
    قطمة رز تايلندي ( عمبر بو ) عارفينو هادا للأكل الجاوي
    مستكة للبخور
    وفحم قرض اصلي
    كرتون سفنجات وتايد وسلك نحاس وكلوركس علشان الغسيل وتدليك النحاس
    3ربط اكياس للقمايم ( الله يكرمكم ويعزكم )
    ولاتنسو اللحمة كم كيلو هبرة وكم كيلو مفرومة يسير للسمبوسك
    وازا في فلوس جيبو دبيحة تنفع مرة وحدة بدل روح وتعال
    خلاص كتبتوا كل شي والا باقي

    ها قبل لا انسى درزن قمر الدين وقعقع وصنوبر ولوز بجلي ومشمش وقلادة
    علشان نرفعها يسير نسوي دبيازة للعيد ونوزع للحبايب عمر وعافية


    صلو على النبي
    باقي شي والا خلاص لحسن مقاضي رمضان شي متفق عليه في جميع الاسر المكية خاصة والسعودية عامة
    ولكن تختلف من بيت لبيت حسب النوع والشكل والسعر
    يعني ماشاء الله تبارك الله ميزانية خااااااصة لمقاضي رمضان
    يعني لو نجي نحسب قيمة المقاضي اللي فوق يعني تقريبا مو اقل من 3000 او اكتر طبعا على حسب
    الاسعار ازا عالية او واطية وعلى حسب المكان اللي تشترو منو
    المشكلة انو مقاضي رمضان شر لابد منو
    وصعب نقول للناس لاتشترو ولا تبضعو

    يعني مني داري هيا شلمة والا داخلين على مجاعة والا خلاااااص مابدهم يندرو في رمضان
    ويعتكفوا في البيت الله اعلم
    الواحد يشتري في حدود المعقول وازا نقص شي من اي بقالة قريبة جمب البيت تقضي الغرض
    وطز في ريالين تلاتة زيادة حقت المشوار وفورة الدم وقت المغربية



    كتير من الاسر تختل الميزانية حقتها وتلاقي الناس تصيح وتلعلع وانو الراتب غلق وماعندو
    حق بكت دخان في جيبو وهادا أييييش في ناس هادي الايام كمانة
    فصلو تياب العيد وفستاين العيد وجابو كل لوازم العيد من القهوة والدبيازة علين الكولونيا ابو 3 خمسات :021:
    وهادا غير الفواتير حقت الكهربا والتلفون والجوال يعني الراجل مسكين ينجلط
    صحيح اللي قالوه زماااااااااان البيت زي الفرن طلباتو ماتخلص جيب جيب جيب جيب



    بيقولو الحريم لمن ينزلو السوق مايعرفوا ابوهم ولا امهم بل بعضهم يملي عربيتين وتلاتة :ang:
    واللي مو مصدق يروح المستهلك والا النوري والا بن داود ويتفرج بعينو
    علشان كدة يا الحرمة تخاف الله في جوزها وتشتري الطلبات المهمة وبكميات معقولة
    والا تكتب الطلبات في ورقة وجوزها والا ولدها يجيبها من البقالة
    لحسن عندنا بعض الحريم تصيبهم الشلمة لمن يخشو البقايل تلاقي اياديهم زي الاجنحة بين الرفوف
    يلملمو ويخمشو بلا حساب وبعدين لمن يجو عند الحساب تلاقي الحرمة جريت على السيارة :021:

    والرجال يجلس يبحلق في الفاتورة وبها عندو والا نقصت الفلوس والا يضطر ينقص من المقاضي
    طيب وليش الاحراج هادا قدام اللي يسوى واللي مايسوى :214:
    صحيح اهل الهوى مساكين مدري اهل العقول في راحة
    قصرو اديناكم خرصكم في ادنكم وكل مين عقلو في راصو يعرف خلاصو

    وحاجة مهمة قبل ما تشتروا أي غرض فتحو عيونكم قد الريال وخلوها مفنقلة على التواريخ حق الصلاحية
    لأنو في جدة مسكو تجار الله يكافيهم خرجوا البضايع المخزنة وبيصرفوها يقلعقلهم دحين الناس بتقضي
    لرمضان اخلط قديم مع جديد والله يستر علينا وعليكم
    سامحونا على الغلبة والكلام الكتير
    وكل سنة وانتو طيبين والله يعيننا واياكم على صيامو وقيامو
    وسامحووووونا
    قبل لا تروحو خدو الهدية داري زي قلتها مع الغلاااا لكن داعتو تسلك الامور :p5088:

    [​IMG]
     
  2. للـتميز عنوان

    للـتميز عنوان تاجر محترف

    إنضم إلينا في:
    ‏20 يناير 2011
    المشاركات:
    1,418
    الإعجابات المتلقاة:
    0
    الإقامة:
    الطائف ,,,,احلى واحلى
    الله اش ذا والله لو بوكل الحاااااااااااااره
     
  3. ام يوسف9

    ام يوسف9 تاجر محترف

    إنضم إلينا في:
    ‏29 مارس 2010
    المشاركات:
    2,039
    الإعجابات المتلقاة:
    0
    هههههههههههه
     
  4. جفنشي الشرقية

    جفنشي الشرقية تاجر مميز

    إنضم إلينا في:
    ‏24 يوليو 2011
    المشاركات:
    154
    الإعجابات المتلقاة:
    0
    ما شاء الله..........
     
  5. فونه

    فونه مادلين

    إنضم إلينا في:
    ‏23 أكتوبر 2010
    المشاركات:
    331
    الإعجابات المتلقاة:
    0
    هههههههههههه
     
  6. مدير خدمات عقارية

    مدير خدمات عقارية تاجر

    إنضم إلينا في:
    ‏11 يوليو 2011
    المشاركات:
    55
    الإعجابات المتلقاة:
    0
    احسك مسوي بآرتي برمضان.؟
     
  7. بقعة لون

    بقعة لون تاجر مميز

    إنضم إلينا في:
    ‏13 فبراير 2011
    المشاركات:
    480
    الإعجابات المتلقاة:
    0
    الله يستر يارب
    الحمد لله رغم اننا بمكة الا اننا مااتعودنا نسوي هالشي ..
    احسن شي نشتري المقاضي العادية اللي نحتاجها حق كل يوم بيومه سواء فطور او سحور
    طول السنة واحنا بناكل جات على رمضان ماكانو عمرنا اكلنا
    الحمد لله عالنعمة
     
  8. شهرزاد

    شهرزاد تاجر مميز

    إنضم إلينا في:
    ‏18 أكتوبر 2008
    المشاركات:
    467
    الإعجابات المتلقاة:
    0
    كل عام وانتم بخير
    الله يبارك في شعبان ويبلغ الجميع برمضان
    الله يتقبل من جميع المسلمين صالح الاعمال والله يرحم اللي ما انعاد عليه اللهم امين
    اللهم صلي وسلم وزد وبارك على جدي حبيبي المصطفى
    سيدنا محمد وعلى اله وصحبه ومن تبعهم باحسان الى يوم الدين الطيبين الطاهرين
    حق قدرهم ومقدارهم العظيم

    حياك الله ياسيدي دهليز عجبتني طلتك بموضوعك
    دائما تفاجئنا باحلى المواضيع وحبيت اضيف بعض من المقاضي
    وحي الله الجميع وينعاد علينا وعليكم بطولة العمر والاعانة على طاعة الرحمن
    وبالشكر والعفو والعافية اللهم امين

    وبما اني ست بيت ازحلق من المقاضي لعلها تكون مرجع لبعض اللي يفكرو يقضو
    من دحين قبل الزحمة واللي عندو كمان اضافة لايبخل
    والا البيت ماشاءالله طول السنة موجود فيه كل شيئ الحمدالله والله يديمها نعمة ويحفظها
    من الزوال ويبارك فيها ويطعم كل محروم ومحتاج مايتمناه اللهم امين

    ندخل للهرج المفيد

    امس رحت لابن لافي واخذت قهوة التركي وابزار العيش

    ومن بعدها رحت البيبان واخذنا كم كيلو طحينة من المعصرة

    وقبل كم يوم مريت على الافغاني حق الاعشاب واخذنا الساقدانة والسمسم شي نظيف

    وكم نوع كربو وشوية ابزار كانت ناقصة بالبيت

    وان شاء الله باقي المفروم عشان الطليان يبغالها يوم لوحده في تقسيمهم

    العظام للشوربة والمفروم للشوربة والشيشبرك وعيش ابو اللحم والبشاميل

    وكرتونة دجاج وكم صحن كبدة دجاج

    وبقية الاطعمة والكل يعرف كل كم يوم يعمل مفروم جديد معصج جاهز

    وامس بنفكر ننزل نقضي الباقي

    وشوفو ايش كتبنا وقلنا نعمل حساب الميزانية والاهم ثم المهم

    العجائن والكنافة والقطائف والحب المجروش والكويكر والعدس لزوم الشوربات

    العصيرات تانج وتوت وبرتقال واذا اشتهينا عصيرات ناخذ بالجوالين جاهزة ونريح دماغنا

    الشعيرية والاندومي والمكرونات من كل نوع على حسب نوعية الاكل اللي راح يتعمل عاد بيت العيلة

    على قولة المثل نظف بيتك ورشو ماتدري مين راح يخشو

    دريم ويب وشانتيه وبسكوت الشاهي والقشطة والاجبان كيري والمثلثات و مابين موزريلا وشيدر والبيضاء

    عاد اللبن والبيض والخضار كزبرة وشبت وبقدونس وفلفل رومي وليمون والبصل الاخضر

    والجزروالخيار والكرنب والزهرة وبقية الخضار

    وعلى حسب مانفكر قبلها بيوم نعبيها زي المولوخية والرجلة والسلك واللفت

    والكوسا او الفواكه هادي كل اسبوع

    او اسبوعين لانه استهلاكهم يكون دوري والاحلى يكون طازة ما يتخزن في فريزر

    والعيش والفول يوماتي والدور على مين اليوم ههههههههههه كل يوم نفس الموال

    باقي الخميرة السريعة والبكنج بودر والكربونات وقمر الدين والاناناس والخوخ المعلب

    وروح الموز والفانيليا وماء الورد والكادي وماء الزهر وصنوبر

    النشا والططلي والماسية والجلي ودقيق الرز والبرغل والفستق والسميد والبن والهيل

    والتمر والكريمة والزبيب والكيك الجاهز

    الطماطم المقشرة وورق العنب والصلصة والزيتون المقطع والتونة والبازلا والبليلة والذرة

    والفاصوليا الناشفة والخضراء والحمص واللوز

    نسلق ونحط بالفريزر

    ماننسا نكثر السكر عشان الشيرة والزيت عشان القلي والبصل ةالثوم والبطاطس والدقيق

    ومن ضمن المقاضي دخلنا المقاضي حق البيت الشهرية

    كيس رز امريكي وكيس عنبر بو وكيس بسمتي طويل الحبة

    وحليب الخير

    وابازير الشوربة باقي نلمها بشاشة ونحطها في علبة بالثلاجة

    وقلنا خق الدبيازة خليها على الاخير ملحقين عليها

    وعلينا وعليكم بالخير نشوفكم على خير [​IMG]
     
  9. مكيه

    مكيه تاجره عطور ثقه 0595355584

    إنضم إلينا في:
    ‏11 نوفمبر 2008
    المشاركات:
    5,082
    الإعجابات المتلقاة:
    0
    كل عام وانت بخير
    ورمضان كريم على الكل وبلغنا هو بروح الايمان وصلاح ورضا ورحمه
    والله المقاضي هذي يدوب خاصة مع العزايم والاحباب كل يوم بيومه اصلا هو ماكتبوا الكزبره والبقدونس والخس والشبت اللي ماعرفوا الا برمضان

    فطوري عليك كل يوم مافي لطبخ

    مقبوله الهديه
     
  10. @حسام@

    @حسام@ أبو عبدالعزيز

    إنضم إلينا في:
    ‏27 يونيو 2009
    المشاركات:
    612
    الإعجابات المتلقاة:
    0
    الله الله بالسوبياااااااااااااااا يا عمو دهليز ..

    انصحكم بسوبيااا الحسيني اللي بجرول .. والله انها افضل سوبيا عندي ..

    جربها مرة وحدة .. واذا ما عجبك طعمها انا ارجعلك فلوسها

    هههههههههههههههههههه
     
  11. الكواكب

    الكواكب تاجر محترف

    إنضم إلينا في:
    ‏30 مايو 2010
    المشاركات:
    2,663
    الإعجابات المتلقاة:
    0
    والله ياعمدة من كم سنة بطلت الطريقة هذي صرت اشتري حق اسبوع خمس ايام يعني الاسبوع الاول نفسنا بكرمل وكم علبة جلي ةمكرونة وسمبوسة وتوت والحمدلله
    الاسبوغ الثاني ايش نفسنا وشوي شوي حبة حبة يمر رمضان بمصاريف معقولة وعلى قول المثل كبرها تكبر وصغرها تصغر والسحور لبن ورز ويوم بلاسبوع نكشخ بكم صنف خلاص اكل رمطان اصبح طول السنة
     
  12. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,635
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    السلام عليكم ورحمة الله وبركاته
    الله يصبحكم بالخير جميعا

    باين والعلم عند الله في ناس تكابر وما تعترف بمقاضي رمضان
    اعرف ناس يقلك ما نعرف رمضان ولا نحس باالاجواء الا لمن نقضي لرمضان

    قصرو الهدف من الموضوع تجميع المقاضي
    وكل واحد او وحدة من االاخوات تدينا فكرة عن المقاضي ايش احسن نوع وفين متوفرة
    وارخص الاسعار ومن اي مكان تشتروها وزي كدة
    زي مشاركة الاخت شهرزاد
    روووعة ومفصفصة

    قصرو

    مرحبابك ياستي انستي والله
    العدد في الليمون على قولهم :p5088:
    زي ماقالت الاخت مكية في ناس هادي مقاضيهم بس لكم بيت
    مو لبيت واحد وغير كدة في فرق بين بيت عرسان
    وبين بيت يتجمع فيه ماشاء الله الاولاد والبنات والاحفاد

    علشان كدة الواحد لمن يشتري يشتري مرة وحدة
    زي منتو عارفين في رمضان تكتر الزحمة وفورة الدم وعلى ايش الواحد
    يجرح صيامه ويتلاسن
    يكفي الفووول والكعك :021:

    ومرة قضيت يوم في شوال احتياط ليوم في رمضااااان

    نستنى بقية الحبايب ينورونا
    واللي ماعنده حاجة يقولها يتكرم ويشيل معانا الزنابيل
    وفي امااان الله
     
  13. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,635
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    ربي يسعدك ام يوسف

    الحقي نفسك وقضي بدري بدري

    اليوم ان شاء الله تسليم رواتب
    وحتلاقي زحممممممممممممممممة بعد كدة في كل مكان
    والاسعار حتزيد شوية
    وحتى محاسبين وعربيات ماراح تلاقي من كترة العالم اللهم صلي وسلم على سيدنا محمد

    قبل كم سنة والله المستهلك اللي في الكعكية جالس عند المحاسب استنى بس
    عربية تفضى حتى اعبي
    كل واحد داخل ماشاء الله اقل حاجة عربيتين وحدة له ووحدة للحرمة

    على كدة يبغالي اسوي الشعبنة في المستهلك اجمع الاهل والاحباب
    وكل واحد ياخد عربية ونحجزها :p5088:
     
  14. حمام رب البيت

    حمام رب البيت تاجر محترف

    إنضم إلينا في:
    ‏13 مايو 2010
    المشاركات:
    1,872
    الإعجابات المتلقاة:
    1
  15. احساس الغلا

    احساس الغلا &.غايتي عزة أمتي.&

    إنضم إلينا في:
    ‏6 سبتمبر 2009
    المشاركات:
    1,329
    الإعجابات المتلقاة:
    0
    الإقامة:
    Makkah
    أنا استغرب شيء واحد ....!!!!
    ليش بالذااااات في رمضان يقضوا .. أنا مستغربة
    حتى لما الواحد يروح يشتري شيء في السوبر ماركت
    ماشاء الله تبارك الله بعض الأحيان عربية المقاضي مااااافي..
    طبعا إلا من رحم ربنا .. البعض منهم يقضوا عشااان التوزيع الخيري وكسب الأجر.
    عالعموم مشكوووور أخي الدهليز على الكلام اللي كتبته .. وكل سنة وانتم سالمين
     
جاري تحميل الصفحة...

مشاركة هذه الصفحة