1. مرحبا بكم في أسواق ستي أكبر المواقع التجارية شعبية
    إستبعاد الملاحظة

كيف تبدأ مشروعك , وايش المشروع المربح

الكاتب: ابو مساعد, بتاريخ ‏21 يوليو 2011.

  1. ابو مساعد

    ابو مساعد تاجر

    إنضم إلينا في:
    ‏8 فبراير 2010
    المشاركات:
    15
    الإعجابات المتلقاة:
    0
    السلام عليكم ورحمة الله وبركاتة

    اخواني هذا المادة مجانية وكل من يريد ان ينقلها له حق نقلها وارجو الدعاء لنا.

    كيف تبدأ مشروعك اول شئ تحتاج لدراسة جدوى وش هي دراسه الجدوى تكتب فيها التكاليف اللي بتكلفك وبالتفصيل الممل بس هذي هي دراسة الجدوى بعد ما تسويها تشوف هل في إمكانية ربح او لا يعني مثلا زي اللي يبي يفتح محل يبيع سماد الحيوانات اعزكم الله عند الحرم المكي المشروع مربح والمكان ممتاز لاكن ما راح تغطي مبيعاتة لانه من المستحيل ان يبي في اليوم اكثر من 5 اخياش يعني المشروع فاشل كيف عرف انه فاشل لما سوى الدراسه ان الاجار بيكلفه مبلغ مرتفع وماله زبائن هنا ويخلي الدراسه معه لانه في يوم من الايام ممكن يحتاج معلومات عن نفس الموقع عموما الحين ندخل في ايش هو المشروع المربح

    تاكد ان كل المشاريع مربحه اي مشروع في بالك مربح لاكنه يحتاج لاربع شروط في حال توفرها بإذن الله المشروع ناجح الاول المكان المناسب الثاني الوقت المناسب الثالث هل منتجاتي تلبي حاجات ورغبات الناس الشرط الرابع والاهم الاستخارة وهي اهم شرط من الشروط , اذا توفر الاول والثاني والثالث والرابع تاكد بإذن الله ان المشروع مربح وطبعا ممكن انها تتوافر الشروط الثلاث لاكن ما تتوفق من ربك وخلك مؤمن بالله انه مكتوب ومقدر ,

    الحين نقول كيف نربح طيب او نستمر بدون ما نخسر فيه سبب مهم وكثير منا ما ينظر له وهو حساب التكلفه يعني الاجار مثلا 20 الف التكييف والتاثيث واللوحة وسكن العمال وتاشيراتهم كلها 40 الف كيذا اخوان في الله يحسب لك التكلفه 60 الف ويقول لك انا احتاج 60 الف علشان افتح محل واربح ان شاء الله وتلقاه يفتح ومشروعه ناجح ومستوفي جميع الشروط لاكنه ما يكمل سنه تدرون ليه ووش السبب فيه عده اسباب اول شئ السنه الاولى تسمى سنه الخساير يعني انت تحسب 60 الف رواتب عمالك لسنه كاملة وبضاعه بتشتريها وكلش يعني وما راح تربح فيها يعني اول سنه خساره ولها اسبابها اول شئ عمالك ما تاقلمو على الشغل صح يعني ما راح يتقنونه مره ثاني شئ الناس ما عرفو منتجاتك ولا بعد شافوها ثالث شئ انت لازم اول ما تنزل بضاعتك تنزلها بسعر اقل من السوق علشان الناس تجي وتعرف محلك اما السنه الثانية لا بإذن الله هذي سنه ربح لان الناس عرفو وش عندي والعمال تاقلمو وعرفو شغلهم زين ما زين حتى انا اكون تمرست في السوق وعرفت كم ابيع في اليوم من المنتج الفلاني يعني انت تحتاج راس مال 120 الف في الحاله هذي سنتين وبعدين فيه شئ يجهله الكثير مننا مثلا انا بفتح خباز ومعروف ان الخبز مربح واختار موقع مناسب واحط راس مال حلو وكل شئ حلو لاكن اقول ليه ما يجوني الزباين انا اعلمك ليه نفترض ان عدد اللي يشترون الخبز في حارتكم 1000 شخص انت وش مهمتك انك تخلي من الـ1000 شخص ينتقلون لك مجموعة يصيرون يشترون منك وطبعا الكل عارف اننا لين تعودنا على محل نصير نشتري منه دائما ونادر ما نغيره ولا يتغير الا بسبب مشكلة مع عامل ولا قله الجوده ولا لقيتة يوم مقفل ورحت للثاني وعجبك الثاني يعني الزبده من الموضوع انت تحتاج سنه على الاقل علشان من الـ1000 شخص يجيك 300 الـ300 هذولي راح ياثرون على غيرهم ويزيد العدد .

    عموما يا اخواني اي واحد او وحده في الرياض ويبي مساعد في فتح محل انا مستعد اساعده في اللي يبي الا الدراهم ,,

    مع شكري لكم

    محبكم ابو مساعد

    0566399936 في حاله عدم الرد الرجاء ارسال رسالة

    [email protected] الرجاء للاخوه اللي بيراسلوني على الايميل يكتبون موضوع واعدكم بالرد العاجل





    ردك يرفع من معنوياتي ويجعلني اكتب مواضيع عن المحلات التجارية و تجهيزها بالكامل
     

مشاركة هذه الصفحة