1. مرحبا بكم في أسواق ستي أكبر المواقع التجارية شعبية
    إستبعاد الملاحظة

قيادة المرأه وفي زحمة الرياض بين الحقيقة والخيال ..!!!

الكاتب: حمـــــد, بتاريخ ‏30 يونيو 2011.

  1. حمـــــد

    حمـــــد تاجر محترف

    إنضم إلينا في:
    ‏21 مايو 2011
    المشاركات:
    1,682
    الإعجابات المتلقاة:
    0
    قيادة المرأه وفي زحمة الرياض بين الحقيقة والخيال
    أخواني الأعزاء .. أخواتي العزيزات .. ارجو عدم المؤاخذه لأنني تصورت الموقف فجسدته شعرا فعيشوه كما تصورته .


    بنت تسوق سيارة وسط الرياض

    وسط الرياض وفي تحدي للنظام وعرفنا
    شين حصل ما ينتصدق غير باحلام المنام

    كانت (رنا) تحلم مثل كل البنات بجيلنا
    متوظفه متعوده كل صبح تطلع للدوام

    اللي يوصلها الدوام أحمد وذا زوج العنا
    الله يعين احمد عليها والله انه مايلام

    دايم رنا تقرق عليه انا، وانا، وانا، وانا
    وفي يوم كل ماصحته عاند وطنشها ونام

    تعبان كان البارحه وفي منامه ما اهتنا
    قالت علامه هالرجل لا نام ماقام بسلام

    بطلع ادور لي على (تكسي) يمر بحيًنا
    راحت تدور مالقت قالت قهر والله حرام

    الى متى نبقى كذا بين النظام وخوفنا
    وش فيها لو أطلع اسوق اللكزس بكل احتشام

    سيارة احمد واقفه واقصادها مابيننا
    ويوم اني ادرس في مصر اسوق باحسن مايرام

    حبيبي متفتح وانا متحرره من قدنا
    وهالوقت اجازه والطرق مابه احد كلن نيام

    وكل المسافه للعمل نص ساعه بتوقيتنا
    وانا مانيب مراهقه متزوجه من كم عام

    بس المهم امشي قبل يصحى (العليله) جارنا
    وش جاب هالعله شمال ليته سكن بام الحمام

    دوامها وسط الرياض المزدحم ناس وبنا
    وركبت على اللكزس وطقت قبل ماتركب لثام

    حرمه ودايم حكيها الرجل وش به عننا
    وعدَت شوارع حيهم ما واجهت أيت زحام

    وعلى الطريق الدائري زحام لو تبعد دنا
    وقامت عيون الناس تاكلها ولا فيه احترام

    احدٍ من الغيره زعل واللي يقول الله لنا
    واللي من انصار المره يضرب لها هرن وسلام

    وتوهقت كلن يناظرها وقالت (يارنا)
    من مر قام يطالعك التزمي بحدود النظام

    وصاحوا بها يامخالفه وين النظام وسلمنا
    وزاد التوتر والعرق يسكب مثل وبل الغمام

    وذابت مكاييج المره مافاد فيه الاعتنا
    ثم قررت تطلع عن الزحمه وتتركها تمام

    متهوره مافكرت مسكينه بزحماتنا
    وصارت بموقف كل من جا به لزوم انه يلام

    والمشكله ماعودت قامت تكابر بنتنا
    قالت ابااسلك لي طريق أقل بالزحمه وعام

    وراحت مع (الخدمه) وشافوها بعض شبابنا
    وعند الإشاره (حظها) صدم بها السايق غلام

    نزل غلام ومقصده نسمح مثل عاداتنا
    وبدا يحضر للعذر أنتم أهل فضل وكرام

    وتفاجأ أن اللي صدم بها حدى عوراتنا
    وقام يتفلسف حضرته (ماما هازا مشكل نزام)

    قالت اعرف اطباعكم ياحبكم في (ذلنا)
    قال انتي ياماما صبر (مرور يجي) أول كلام

    قالت وجع تصدم ولا كفاك وتستغلنا؟!
    قال انتي (فيه قرقر كثير خلي يولي يامدام)

    هي شافته قصده فلوس قالت خذ الف وفكنا
    وحست بضعف وصيَحت من شافت اللكزس عدام

    واغمي عليها مثل ماهي عاده بنسواننا
    وتجمعوا شلة شباب(ن) يكرهون الالتزام

    كلن يطالع ماحد(ن) قال استحوا من ربنا
    وطاح اللثام وبانت اشيا من تحت حد الحزام

    وشبابنا ما صدقوا كل(ن) بيسعف اختنا
    أحد(ن) يده يم قلبها يشوف نبضه باهتمام

    وثاني تطوع بالنفس يارب ما أكرم ربعنا
    (وخيّر) بمويه رشها وفاقت بعد هوش وخصام

    وشافت طوابير البشر متجمعه كنه منا
    ثم طلعت جوالها تبغى احمد يفزع لا تضام

    وعجزت تذكر أي رقم حتى صديقتها هنا
    قالت وش اللي صابني وين الهدو والانسجام

    ولفت عبايتها ونادت (تكسي) خذني بيتنا
    وبسرعه وصلت بيتهم طقت على الباب بملام

    احمد تخلي زوجتك؟ أمحق رجل ياويلنا
    تبكي قهر ومغمضه فزت من حلوم وظلام

    وبسرعه احمد ضمها وش فيك؟ انا جنبك هنا
    ويومن صحت الا وهي جنبه بغرفتها تنام

    قال احمد انتي حالمه؟ ياجعلها احلام الهنا
    قومي تأخرنا وخليني اوصلًك الدوام

    قالت ايوالله اشهد أن الرجل حمال العنا
    خلاص ماني سايقه تكفيني احلام المنام

    يا احمد عرفت ان القياده ماتناسب وضعنا
    حسبي على اللي شجع الحرمه تخالف هالنظام

    منقووول


    عساكم تتعظون من هالقصيد هذي بحلم اجل لو انها صدق وش راح يكون مصير بناتنا ؟
     
  2. آلـفـجـر آلـبـعـيـد

    آلـفـجـر آلـبـعـيـد نـــآآآآآمت عـــيـــوووني

    إنضم إلينا في:
    ‏25 ديسمبر 2010
    المشاركات:
    8,660
    الإعجابات المتلقاة:
    0
    الإقامة:
    :clapinghand: :clapinghand: :clapinghand:

    ياااااااااااااليته حلممممممممم ونصحاااااااااااااااا

    يعطيك العافيه مره حلوه
     
  3. me99

    me99 رحمتك يارب (قمرهم)

    إنضم إلينا في:
    ‏6 سبتمبر 2010
    المشاركات:
    6,718
    الإعجابات المتلقاة:
    0
    الوظيفة:
    @@@@@@@@@@@@
    الإقامة:
    @@@@@@@@@@@@@@
    نظم وتصوير قريب من الواقع مشكور
     
  4. @الحلوه @

    @الحلوه @ تاجر مميز

    إنضم إلينا في:
    ‏19 ابريل 2011
    المشاركات:
    412
    الإعجابات المتلقاة:
    0
    تسلم الايادي على روعة الاختيار .


    يعطيك العافية على النقل

    وياليت المرأة تترك الحلم بالقيادة
     
  5. توام رووحي

    توام رووحي تاجر محترف

    إنضم إلينا في:
    ‏6 أكتوبر 2010
    المشاركات:
    4,667
    الإعجابات المتلقاة:
    0
    :clapinghand::clapinghand:صراحه اختيار موفق
    يعطيك العافيه اخوي
     
  6. حنان2

    حنان2 تاجر مميز

    إنضم إلينا في:
    ‏20 يونيو 2011
    المشاركات:
    524
    الإعجابات المتلقاة:
    0
    با توفيق يارب
     
  7. حمـــــد

    حمـــــد تاجر محترف

    إنضم إلينا في:
    ‏21 مايو 2011
    المشاركات:
    1,682
    الإعجابات المتلقاة:
    0
    ربي يعافيك سعدت بمروك

    العفو اختي حياك الله

    ربي يسلمك
    والله ياليت ونفتك من قلق بعض النساء

    ربي يعافيك شاكر لك مرورك اختي

    ربي يوفقك اعتقد يا حنان ماقريتي زبدة الموضوع
     
  8. السلطانة

    السلطانة تاجر محترف

    إنضم إلينا في:
    ‏27 فبراير 2010
    المشاركات:
    1,804
    الإعجابات المتلقاة:
    0
    في الصميم
    تسلم يدك
    اختيار رووعة
    الله يهدي المطالبات بقيادة المرأة
     
  9. حمـــــد

    حمـــــد تاجر محترف

    إنضم إلينا في:
    ‏21 مايو 2011
    المشاركات:
    1,682
    الإعجابات المتلقاة:
    0
  10. barbara

    barbara روبي القحطاني

    إنضم إلينا في:
    ‏7 يوليو 2010
    المشاركات:
    2,525
    الإعجابات المتلقاة:
    0
    اشغلتكم المراه عن فلسطين والمرجله الحقيقيه
    من يومني بزر وانا مااسمع غير فتاوي المراه وقضايا المراه وكل شي يامره غلط بغلط بعلم وبدون علم
    مااقول الا الله يعوضنا بالجنه دامنا حرمنا من حقوقنا كمسلمات
     
  11. حمـــــد

    حمـــــد تاجر محترف

    إنضم إلينا في:
    ‏21 مايو 2011
    المشاركات:
    1,682
    الإعجابات المتلقاة:
    0
    استغفر الله العظيم
    لا اله الا الله
    اي حقوق اللي انحرمتي منها الله يصلحك
     
  12. حمـــــد

    حمـــــد تاجر محترف

    إنضم إلينا في:
    ‏21 مايو 2011
    المشاركات:
    1,682
    الإعجابات المتلقاة:
    0
    استغفر الله
    استغفر الله استغفر الله
    استغفر الله استغفر الله استغفر الله
    استغفر الله استغفر الله استغفر الله استغفر الله
    استغفر الله استغفر الله استغفر الله استغفر الله استغفر الله
    استغفر الله استغفر الله استغفر الله استغفر الله استغفر الله استغفر الله
    استغفر الله استغفر الله استغفر الله استغفر الله استغفر الله استغفر الله استغفر الله
    استغفر الله استغفر الله
    استغفر الله استغفر الله
    استغفر الله استغفر الله
    استغفر الله استغفر الله
    استغفر الله استغفر الله
    استغفر الله استغفر الله
    استغفر الله استغفر الله
    استغفر الله استغفر الله
    استغفر الله استغفر الله
    استغفر الله استغفر الله
     
  13. حمـــــد

    حمـــــد تاجر محترف

    إنضم إلينا في:
    ‏21 مايو 2011
    المشاركات:
    1,682
    الإعجابات المتلقاة:
    0
جاري تحميل الصفحة...

مشاركة هذه الصفحة