1. مرحبا بكم في أسواق ستي أكبر المواقع التجارية شعبية
    إستبعاد الملاحظة

عطيتك عشق من قلبي وسلمت لغلاك رقاب ~و غيرك يحترق قلبه و لا يقدر يحاكيني

الكاتب: مهره السبيعي, بتاريخ ‏17 يونيو 2011.

  1. مهره السبيعي

    مهره السبيعي تاجر

    إنضم إلينا في:
    ‏7 مايو 2011
    المشاركات:
    96
    الإعجابات المتلقاة:
    0
    [​IMG]
    قصيدة :




    غرام أحباب


    على ذاك الطريق اللي يسمونه غرام أحباب
    رجلي على دربه و لا أدري وش نوى فيني
    تبعته لآخر دروبه ألين أن القمر قد غاب
    تعب قلبي و لا تعبت مسافاتٍ توديني
    لقيت الليلة الجردا هدب ظل و سما و اعشاب
    بعد ذاك الظلام اللي يتوهني عناويني
    صدفتك معجبه فيني و ياليت الغرام اعجاب
    و تراك انتي الهنوف اللي هقيتك تستحقيني
    عطيتك عشق من قلبي وسلمت لغلاك رقاب
    و غيرك يحترق قلبه و لا يقدر يحاكيني
    أنا قبلك صدفت عيون لكن ويش جاب لجاب؟
    ترى كل العيون اللي لقتني ما تكفيني
    رماني حظي العاثر عليك وجيت لك طلاب
    و لا أنتي اللي عشقتيني و لا انتي اللي عتقتيني
    تعالي و ارحمي ذاك الخفوق المولع المرتاب
    مهب لاجلي عشان الله يجازيك و يجازيني
    تعدي في سما عشقي و لو عشقي خراب أصحاب
    و صوني بالهوى نفسك قبل لا انتي تصونيني
    و شيليني على متنك خفوقٍ باريٍ منصاب
    و من فوق الغرام العذب شيليني و حطيني
    و لا منك هقيتيني شجاع و ما يطيق يهاب
    أنا لك بالهوى و الله مثل ما انتي هقيتيني
    أنا ما أمشي ورا غيرك و لو أنه يطق الباب
    و ترى عيبٍ عليّ أطعن و لو كثرت سكاكيني
    زهودٍ ما يطيق الدم لا داين و لا طلاب
    شجاع و عارفٍ نفسي و أظن أنك تعرفيني
    غيورٍ ما عرفت أضحك مع الغدر ببّرود أعصاب
    أبيع عيوني الثنتين قبل أنك تخونيني
    إذا شد الغرام اترك خفوقي بين ناب و ناب
    لفرقى تكسر ضلوعي و لا عشقٍ يوطّيني
    أنا رجلٍ و لي غيره و إذا شفت الهوى كذاب
    تثور بقلبي الفزعه و لا تهدى شياطيني
    سؤالك لو يزعزع بي كياني ما قبلت عتاب
    اجي لك و أسالك نفس السؤال اللي سألتيني
    عن العشق القديم أبواب تقفيها كثير أبواب
    بعد ذاك الحبيب اللي خدعني و انخدع فيني
    أبي عشق تحسب له كل نظرات العيون حساب
    و ابي قلبٍ علي قلبي و ابى دينٍ على ديني
    و ابي نظرة عطا توفي و لا تخلف بدون أسباب
    و ابي منك قبل لا نتي تصديني توديني
    و ابي دربٍ على العذال صعبٍ و متعبٍ و غلاب
    و ابي نفس الطريق الصعب يبعدهم و يدنيني
    ترى لو للقلوب عيون و لدموع العيون أهداب
    حشى ما تنزل الدمعه لغيرك لو تركتيني
    أنا أول من عرف قدرك و أنا توي صغير و شاب
    و ابي منك ما دام أنك عرفتيني تحبيني
    ما دام أني لقيتك في طريق أسمه غرام أحباب
    دخيل الله و بعد الله دخيلك لا تخليني
    ما دام أن كل من يحيا على وجه التراب تراب
    عسى تنساني الدنيا مادام أنتي ذكرتيني


    مما راق لي.....
     
  2. جوو الرياض

    جوو الرياض تاجر محترف

    إنضم إلينا في:
    ‏13 يونيو 2009
    المشاركات:
    7,994
    الإعجابات المتلقاة:
    1
    الإقامة:
    صالة المـــغادرة
    ييعطيك العااافيه ع القصيدهـ ..صح نبضك
     
  3. مهره السبيعي

    مهره السبيعي تاجر

    إنضم إلينا في:
    ‏7 مايو 2011
    المشاركات:
    96
    الإعجابات المتلقاة:
    0
    شاكره تواجــــــــــــــــــــــــــــــــــدكــــــ
     
  4. القرناس

    القرناس القــرنــkhaــــاس

    إنضم إلينا في:
    ‏13 يوليو 2010
    المشاركات:
    1,157
    الإعجابات المتلقاة:
    0
    الجنس:
    ذكر
    مشكوره على النقل ’’’ وعزٌ الله وفقتي بنقل الأبيات الجزله !!!!
     
جاري تحميل الصفحة...

مشاركة هذه الصفحة