1. مرحبا بكم في أسواق ستي أكبر المواقع التجارية شعبية
    إستبعاد الملاحظة

هل انا مخطئه ؟؟ مشورتكم ضروري

الكاتب: ريحآنه, بتاريخ ‏15 يونيو 2011.

  1. ريحآنه

    ريحآنه تــآجـرة جـملـه ومفرد } ~

    إنضم إلينا في:
    ‏30 ابريل 2010
    المشاركات:
    973
    الإعجابات المتلقاة:
    0
    السلام عليكم ورحمة الله
    ابغا رايكم ومشورتكم بالموضوع وهو

    وحده من الامارات وبالتحديد ( الشارقة ) طلبت مني قبل شهر تقريبا مجموعة طلبات ومن ضمنها الة الرسم عالاضافر الكبيرهـ . .

    وصلتها الاغراض ومن بعد الجهد والتعب اللي عانيته على ماوفرت لها الطلبات ( عندها علم انها مو متوفره معي وقلت لها بطلبها لك ) وغير البريد كل شوي يقولون الكرتونه مو مناسبه او كبيره ومدري ايش واوقات دوامهم محدود جدا . .

    المهم بعدها رسلت لي رساله ان الة لرسم عالاضافر بدون مناكير . . مع اني الكل انبه عليه انها من سنه ويمكن اكثر توصلنا بدون مناااكير عشان كذا نزل سعرها شوي ؟ . لكن ممكن اكون ماذكرت هالشي لها .. ممكن سهيت وماجا على بالي اذكرها كل شي جايز
    وانا بعتها لها الحبة 27 رياال
    وضحت لها الموضوع ورجعت لي بعد كم يوم تقول انها ماعرفت تشغلها
    رجعت رسلت لها رابط اليويتوب وان البنات كلهم ياخذون وماعمرهم اشتكو منها ومن ظمنهم الاخت ( الابتسامه الساحره ) _( طلبت مني وعجبتها ورجعت طلبت لاختها بعد مو لزبونه لا )
    طيب رجعت لي امس تقول ان الرابط مختلف عن الموجوده عندها .. سألتها شنو الاختلاف وان كل البنات اخذو منها ومااستصعبوا الامر . .
    رجعت رسلت لي البارح انها بترجعهم لانها مااستفادت منهم وماعرفت طريقتها
    المهم انا مشتركة مع 2 في البضاعه وبصراحة رفضو ارجاع البضاعه لصعوبة الامر وراح تكون خساره لي ولها من مندوب ووزن بريد .. إلخ
    رسلت لي اليوم


     
  2. بنت محاسن

    بنت محاسن تاجر

    إنضم إلينا في:
    ‏28 مايو 2011
    المشاركات:
    32
    الإعجابات المتلقاة:
    0
    اختي ريحانه
    انا وحده لي كم شهر اتعامل معك فيه وللامانه ماعمري شفت بامانتك كنتي حريصه توصلني
    الاغراض وكنتي حريصه حتى عن السؤال اذا كانت البضاعه اوكي او لا ..
    غير اهتمامك الشخصي وسؤالك الدايم عني برغم ان مالي علاقه فيك الا الشغل ..
    ناهيك عن التوصيل يد بيد اول مره خذا المندوب مني مبلغ التوصيل اما غيرها حلفتي توصلين الاغراض لي بنفسك بدون مندوب لانك ارتحتي لي .. وهذا اكبر دليل انك انسانه قلما نجد مثلها اهم شي عندك السمعه الطيبه
    وكسب الصداقه والناس الطيبه قبل الفلوس ..


    واستحاله استحاله استحاله احد يقدر يشكك باخلاقك وامانتك .. كلنا محاسبين وكلمة الحق لازم تنقال
    لان ورانا حساب وعقاب .. ولاني اول ولا اخر وحده تتعامل معك وماتعاملت معك الا وانا شايفه
    الثقه من زباينك فيك واكدتي لي هالشي من خلال تعاملنا ..



    الخطأ وارد يااخوات بس ياليت محد يشكك بذمة احد لان النوايا محد يعلم فيها الا الله
    واختي اله المناكير فعلا مثل ما قالت الاخت ريحانه لها مقطع مو مشكلتها اذا زباينك ما بغوا بضاعتك او ماعرفوا
    يشغلونها ..

    وترى ماتفرق الريالات او الملايين في الذمه كلها لها وزن وكلها تتحاسبين عليها ويااختي اماراتيه تراك ما اخطيتي بالتعامل مع ريحانه الا طحتي بالانسانه الصح لانها فعلا لو عرفتيها بتعرفين وش هي وشو تفكيرها


    وللكل اقول الظلم ظلمات يوم القيامه .. واذا انتي حابه تتعاملين مع بنات شوفي احد يوفر لك طلباتك من بلادك
    لان تاجرات الاحساء للامانه وانتي شايفه بعينك هنا ما زاد رزقهم الا من اخلاقهم الطيبه وقبل رزقهم يناظرون رضا الزبونه وترى ردودهم واضحه ..



    والله يكتب اللي فيه الخير .. انا للامانه يمكن طولت بس كلمة الحق تنقال والله على مااقول شهيد
    فديتك ريحانه انا اول من يعرفك يالغلا ولا انخلق اللي يشكك بامانتك يابنت الاحساء
     
  3. بدر الزيادي

    بدر الزيادي تاجر

    إنضم إلينا في:
    ‏1 أكتوبر 2010
    المشاركات:
    49
    الإعجابات المتلقاة:
    0
    انا أطلعت على الكلام الموجود وقريته بتمعن ، بما أني قد مريت بمواضيع زي هذي ،

    أسلوب الناس من دولة إلى دولة يختلف اختلاف شديد تماماً ،

    انا سابقاً وإلى الان كنت أتاجر في الابل والحمد الله أموري طيبه لحد الحين ،

    ولكن تعاملت مع دول الخليج كلهم كل دولة فيها الزين وفيها الشين لكن { دولة الامارات } هداهم الله ولا أعمهم كلهم بس الاغلبية منهم تعاملت معاهم في البيع والشراء ، يتذمرون ولا يعجبهم شيء فعشان كذا انا اذا جاني زبون وسيارته إماراتيه يسأل أقول له { ماعندي شيء للبيع }.. بإختصار شديد ،

    اختي انتي على حق والله أعلم بما في النفوس ، والاخت هذي طلبت منك وهي على علم بهذا الجهاز وهي تتحمل كافة المسؤولية عنهاا ،
    أنتي نسيتي شيء تقولينه لهاا تعتبر { صيغة تنبيه سقطت سهواً } ولم تبيعي لها غرضاً خربان ولا فيه عطل ويتصلح انتي بعتي كل الاجهزة شرط السلامه ،

    أتمنى أني وضحت لك وخليك على ثقة إنك بإذن الله أنك على صح والله يوفقك يارب
     
  4. ام سارهـ

    ام سارهـ مطبـخ أم سأره

    إنضم إلينا في:
    ‏5 يناير 2011
    المشاركات:
    6,064
    الإعجابات المتلقاة:
    0
    أختى انتى سويتى اللى عليك وماقصرتي معها مشكلتها هي اذا ماعرفت تستخدم الاله او تصرفها
     
  5. الابتسامة الساحرة

    الابتسامة الساحرة تاجر مميز

    إنضم إلينا في:
    ‏6 مارس 2010
    المشاركات:
    466
    الإعجابات المتلقاة:
    0
    الشهادة لله ان الاخت ريحانة قمة بالتعامل

    وانا اخذت منها 2 الة الرسم بس هي مو ذنبها انها ماتشتغل او الزبونة ماعرفت لها

    يعني كل تاجرة تبيع تكون بضاعتها مغلفة ماتدري عنها انها تشتغل اولا

    وانا ماابي اكثر كلام اكثر مما كتب يعني انا جربت وبعت كذا شيء لاهلي

    بس صراحة اقول لهم مااراح ارجع سواء عجبكم اولا لا

    يعني كل واحد شايف الصور والطريقة مو ذنب انه طلع شيء مو عدل او كذا
     
  6. ريحآنه

    ريحآنه تــآجـرة جـملـه ومفرد } ~

    إنضم إلينا في:
    ‏30 ابريل 2010
    المشاركات:
    973
    الإعجابات المتلقاة:
    0
    مشكووورين وربي يحفظكم ويجزاكم كل خير على الكلام الجميل واللي يريح الخاطر
    من جد ارتحت كثير . .
    لان كلام البنت شككتني حتى بنفسي وخفت اني الغلطانه :(
    ماتدري ان البنت بهالزمن تشتغل وتتعب عشان تستر على نفسها واهلها مو عشان تكسب ذنوب ومال الحرام
    الله يبعدنا عنه
    كنت مقهوره وتعبانه كثير والسموحه لو كان كلامي مو مفهوم
     
  7. أعمال فنية

    أعمال فنية تاجر مميز

    إنضم إلينا في:
    ‏13 مايو 2011
    المشاركات:
    148
    الإعجابات المتلقاة:
    0
    الله يوفقك اهم شئ تكوني واثقه من نفسك وانتي سويتي الا عليك
     
  8. rab2j

    rab2j تاجر مميز

    إنضم إلينا في:
    ‏24 يناير 2010
    المشاركات:
    168
    الإعجابات المتلقاة:
    0
    موفقة أختي
    الله يرزقك من أوسع أبوابه
     
  9. حمـــــد

    حمـــــد تاجر محترف

    إنضم إلينا في:
    ‏21 مايو 2011
    المشاركات:
    1,682
    الإعجابات المتلقاة:
    0
    سبق وان تعاملت مع الاخت ريحانه وتعاملت معي بالبيع والشراء
    اثقت بها قبل ان اشتري منها
    بالنسبه للإخت اللي اشترت منك ..
    إذا البضاعه اللي بعتيها عطلانه .. فهذا مرجوع لك ولا تبيعين شي عطلان الا بعلم من المشتري
    اما اذا المشترية لا تعرف استخدام الاله واستدليتي لها بمقطع باليوتيوب لتعليمها فمالك علاقه بها تمت البيعه بسسلام وخدمةً منك اوضحتي لها طريقه الاستخدام .


    الاخت ريحانه استمري والله يوفقك ويرزقك
     
  10. الصبوره

    الصبوره تاجر

    إنضم إلينا في:
    ‏23 مايو 2011
    المشاركات:
    31
    الإعجابات المتلقاة:
    0
    الإقامة:
    قطر
    كلمة الحق انتي صح وهي غلط المفروض تسوي بحث فقوقل كيفية استخدامها او تسأل حد من البنات عن استخدامها بعدين الغرض ماكان غالي عشان ترجعه وتكلف نفسك ونفسها خساير الشحن
    والله يوفقك اختي التاجره ويهدي بعض اللي مايقدرون
     
  11. الواثقه بالله

    الواثقه بالله تاجر محترف

    إنضم إلينا في:
    ‏14 نوفمبر 2010
    المشاركات:
    5,108
    الإعجابات المتلقاة:
    0
    انتي ماغلطتي وضحتي له الطريقه بس هي ماعرفتها اذاتبين نصيحتي عشان مايصير في ذمتك شي لها اتفقي معها ترجعها وترجعين لها نص قيمتها يعني انتي تتحملين نص الخساره وهي النص
     
  12. الكاسر12

    الكاسر12 رفع المواضيع 50 في شهر

    إنضم إلينا في:
    ‏24 فبراير 2011
    المشاركات:
    239,880
    الإعجابات المتلقاة:
    0
    اتمنى لك التووووووفيق ياارب
     
  13. بزنس سعوديه

    بزنس سعوديه تجأره عامه

    إنضم إلينا في:
    ‏3 ابريل 2010
    المشاركات:
    944
    الإعجابات المتلقاة:
    0
    الإقامة:
    الطائف
    اسمحي لي ابدي رأيي علما انه وجهة النظر الاخرى ظروريه...... المفروض الشخص قبل يشتري اي سلعه يسأل قبل كل شي بعدين يشتري..... يعني هي اشترت بعدين سألت....... وهذا خطاها
    وتبغين الصراحه تحمد الله انها لقت وحده ارسلت لها البضاعه اصلا...... لان النصابين اللي تتحول لهم المبالغ ويختفون بعد ذلك انتشروا انتشار النار في الهشيم
    اختي موفقه و لاتتعاملين الا مع اهل بلدك نصيييييييييييحه
     
  14. أبو وسن

    أبو وسن أبو يـزن

    إنضم إلينا في:
    ‏29 مارس 2010
    المشاركات:
    2,820
    الإعجابات المتلقاة:
    0
    الإقامة:
    الدمام
    الشرع حفظ للزبون إرجاع البضاعة شرط ألاّ يكون استعملها

    وتكاليف الإرسال والإعادة عليها مو عليك
     
جاري تحميل الصفحة...

مشاركة هذه الصفحة