1. مرحبا بكم في أسواق ستي أكبر المواقع التجارية شعبية
    إستبعاد الملاحظة

>> تأجير خادمات <<

الكاتب: بو مطلق, بتاريخ ‏7 يونيو 2011.

  1. بو مطلق

    بو مطلق تاجر محترف

    إنضم إلينا في:
    ‏24 نوفمبر 2009
    المشاركات:
    2,145
    الإعجابات المتلقاة:
    0
    الإقامة:
    الشرقية 0535653157
    السلام عليكم و رحمة الله و بركاته

    كيف حالكم جميع

    بعيد عن المقدمات ندخل في الموضوع على طول

    عنوان الموضوع ليس هو مضمون الموضوع بالعكس فقط تابعوني في موضوعي هذا الذي إندنى له جبيني بصراحه

    قبل شهر من الآن كنت في زيارة لأحد الزملاء في منزله بالخبر و كنا نتجاذب أطراف الحديث و القضايا الاجتماعيه و أمور كثيره و منها أتى موضوع تأجير الخادمات الذي أنتشر و بكثره في الأونه الأخير و لعلي أوفق في كتابة ما تصبو له نفسي من خطر يداهم البيوت و نحن في غفلة من أمرنا أو بالأصح (( على النيه ))

    يقول أحد الرجال الذين كانو معنا في المجلس أحد المواقف التي حدثت معه في مكالمة أجراها ليطمئن على أحد زملائه الذي يسكن في منطقة الجبيل و إليكم ما دار بينهم في هذه المكالمه:

    الرجل الذي كان معنا في المجلس: السلام عليكم بو فلان
    الرجل الذي يسكن في مدينة الجبيل : و عليكم السلام هلا و غلا
    كيف الحال وش الدنيا بك عسى امورك أستزانت
    أبشرك أحمد الله و أشكره الأمر ميسور صرت أشتغل في بيع المواشي و الذبايح
    ما شاء الله الله يوفقك و كيف الشغله عساها توفي معك بدال الشغله اللي أنت تشتغل فيها
    لا الحمد لله مغطيتني أنا و عيالي و عندي شغله ثانيه أحسن منها
    بشر وش الشغله تبي شريك ترى انا أبحث لي عن بزنس
    لا ما تنفعني
    ليه بس وش هي الشغله
    الشغله طال عمرك (( تأجير خادمات للمنازل ))
    طيب كيف الطريقه اللي جبت فيها الخادمات
    طال عمرك كنت طالع من العمل أخر ليل و مكلمني زبون يبي لبيته ذبيحه رحت السوق ناقصني أكياس لحم قبل أروح الحوش و بعد ما أخذت أكياس اللحم إلا و أشوف هاك الحرمه اللي تمشي لحالها في السوق و أقول لنفسي (( من هالخبله اللي تمشي لحالها من الصباح في السوق هذا )) و أجلس أناظر فيها و أشر لها بعيوني السوده :sm279: الا و تجي و تنط عندي في السياره وش عندك في السوق تدوجين لحالك وين ماما و ين بابا
    بابا ماما في بيت أنا ما يبغى شغل في بيت
    طيب انتي وين يبغى روح الحين من صباح تبغي أوديك شرطه علشان أنتي روحي أندونيسيا
    ما في مشكله ودي انا شرطه :confused: لا بابا انا ما يبغى روح شرطه أنا يبغى شغل عند أنت بيت
    لا ما ابغاك تشتغلي عندي شقتي صغيره و لا فيها الا انا و حرمتي و بزاريني و عساها تكفينا :sm65:
    طيب بابا أنت خلي أنا شغل انت شيل فلوس نص نص
    الفكره دخلت راس الرجال
    خلاص أنا يودي أنتي سواسوا غنم حق صندقه انتي يجلس هناك
    أيش كلام بابا << يعني ما فهمت
    أوص الحين أنتي يعرف

    وصل الرجال الحوش حق الغنم و معه أكياس اللحم و الخدامه الهاربه من أهلها

    نزلي تعالي هنا <<< فتح لها باب الصندقه ( مثل البرتبل) نظفي هذا كويس علشان أنتي ينام هنا

    الرجال راح يأخذ الذبيحه حق الزبون و يذبح و يصلخ و ينظف و يكيس اللحم و الخدامه تنظف المحل اللي بتنام فيه خلص الرجال من الذبيحه و راح للخدامه

    الحين أنتي ايش يبغى شغل <<< يبي يأكد سالفة النص بالنص هذي
    بابا أنت روح حق صديق بيت عايله أنا سوي تنظيف بيت في يعطي فلوس << فاهمه الشغله تبي تفيد و تستفيد
    بعدين أنا جيب حق أنت واجد خدامه انت فلوس واجد
    بابا جيب جوال دقيقه أنا يبي سوي كلام حق خدامه ثاني
    الرجال عطاها الجوال و تكلم (ابيلخثتستر ىسيبراسيعارس خاخساىرخسعا) كلام بالاندونيسي. خلاص بابا بكره سيم سيم وقت أنا سواسوا أنت روح سيم سيم مكان جيب خدامه ثاني

    الرجال دخلت الفكره براسه و بالقوه
    طيب أنثبري هنا بروح أودي الذبيحه للرجال و بجيك العصر أجيب لك أغراض و بعدين نتفاهم

    قفل عليها الصندقه و راح بالذبيحه للزبون و راح البيت يرتاح و يشوف عياله و يوم جاء العصر و يطلع يأخذ أغراض لها و يجيب معه مكيف للصندقه << ترك الخدامه في الحر :sm68:

    و وقت ما وصل حوش الغنم و يجيب المكيف و يعطيها الاكل و الماي و الامور كلها و يقول لها : جلسي هنا و لا تطلعين أبد

    الرجال يجونه ربعه يجلسون عنده الى وقت ما يمشي المهم و يقول لهم عن سالفة تأجير الخدامات الا واحد من ربعه يقول له المأساه و أن زوجته قريب تولد و يبي لها خدامه و المكاتب اللي فر عليها كلها غاليه اللي يقول له بـ 2000 و اللي يقول له بـ 3000 يعني المبلغ ما يقدر عليه الرجال

    قال له الرجال صاحب الخدامه كم تقدر تدفع أنت
    قال لي فتحت لك مكتب خدم
    قال له مالك شغل قول بس كم تقدر تدفع
    قال 1500 ريال ما عندي غيرهم
    قال خلاص تم جاتك الشغاله
    متى تبيها
    قال له بعد أسبوع
    قاله صاحب الخدامه خلاص أزهل أمرك أحسب أن الموضوع منتهي بس شوف ترى أنا عندي خدامات بالإجار اليومي شوف قرايبك ربعك لكن مو بالسعر اللي عطيتك أياه هذا لأجلك خويي
    قال له الرجال خلاص أبشر أسوي لك دعايه يا بو فلان على هالخدمه

    و الأن عند الرجال ما يقارب 12 شغاله يأجرها باليوم و الشهر

    طيب كيف جمعت العدد هذا يا خبل
    قاله صارت الخدامه الأوليه هي الثقه و المديره العامه عليهم كلهم
    نروح للمجمعات و الأسواق اللي فيها ملاهي و ألبسه لاباس سعوديه عباه مع ذاك البرقع و الا النقاب و تروح للملاهي حق و العاب الاطفال كود الأهل مشغولين بالتسوق و الشغاله عندها البزارين في الالعاب و تروح لها المديره و تسولف معها و تقرق فوق راسها و تعلمها طبيعة العمل الجديد و تجرها معها أو تتفق معها في وقت ثاني أو تعطيها رقم جوالها و تتفاهم معها في وقت ثاني
    و هذي سالفتي يا رجال

    هذا الموضوع اللي كان بخاطري أقول لكم عنه و القصد كله التحذير من المشاكل اللي تجي من ورى خادمات التأجير و عدم ترك الخادمات في الأسواق بعيد عن العين و أستأجار الخادمات من مكاتب معتمده و الموضوع أكبر من كذا لكن لعل الفائده في القليل اللي ذكرته بين تلك الاسطر
    و ربي يوفق الجميع
     
  2. me99

    me99 رحمتك يارب (قمرهم)

    إنضم إلينا في:
    ‏6 سبتمبر 2010
    المشاركات:
    6,718
    الإعجابات المتلقاة:
    0
    الوظيفة:
    @@@@@@@@@@@@
    الإقامة:
    @@@@@@@@@@@@@@
    إنا لله وإنا إليه راجعون يساعدهم على الشر
     
  3. نور المحبه

    نور المحبه تاجر محترف

    إنضم إلينا في:
    ‏19 ابريل 2010
    المشاركات:
    4,183
    الإعجابات المتلقاة:
    0
    الله يكفينا شرهم يارب

    الله يعطيك العافيه بو مطلق زين نبهة النسوان

    ومنضمنهم انا كنت افكر استاجر
     
  4. بو مطلق

    بو مطلق تاجر محترف

    إنضم إلينا في:
    ‏24 نوفمبر 2009
    المشاركات:
    2,145
    الإعجابات المتلقاة:
    0
    الإقامة:
    الشرقية 0535653157

    أشكر تواصلك و تواجدك الراقي
     
  5. رواء الروح

    رواء الروح تاجر مميز

    إنضم إلينا في:
    ‏14 مارس 2011
    المشاركات:
    325
    الإعجابات المتلقاة:
    0
    لاحول ولا قوة إلا بالله .. شي حلو والله ،

    هادا اللي يقول عن نفسه ابن البلد ويفترض بأنه يكون نظامي بيسوي كده ، إش خلى لغيره ؟
     
  6. ميار2

    ميار2 تاجر محترف

    إنضم إلينا في:
    ‏23 ديسمبر 2009
    المشاركات:
    4,059
    الإعجابات المتلقاة:
    0
    الله يكفينا شر الخدم وماوراء الخدم

    شكراااا لك اخى ابو مطلق
     
  7. كادي شمر

    كادي شمر الوقت لو زان ياصاح مدام.

    إنضم إلينا في:
    ‏6 يناير 2011
    المشاركات:
    2,065
    الإعجابات المتلقاة:
    0
    لاحول ولا قوة الا بالله
    جزاك الله خير
     
  8. بارشيكا

    بارشيكا تاجر محترف

    إنضم إلينا في:
    ‏14 مارس 2011
    المشاركات:
    8,617
    الإعجابات المتلقاة:
    0
    ولله انا خايفه تكون نهاية هالشغله مو زينه خاصة ان الخدامه هربانه واكيد مسوويين بلاغ واذا اكتشفوا انها عنده راح يدفع غرااامه 20 الف ابوي قالي مره حتى حنا شفنا وحده ماشيه وديناها للشرطه بلا وجع راس .......
     
  9. اابوسلطاان

    اابوسلطاان للاستقدام 0560081554

    إنضم إلينا في:
    ‏9 ديسمبر 2010
    المشاركات:
    2,120
    الإعجابات المتلقاة:
    0
    الوظيفة:
    ادارة استقدام بالاضافه لمؤسسة نقل طالبات وموظفات
    الإقامة:
    الرياض 0560081554
    يعطيك العاافيه على الموضوع

    والله كثير من البعض يتصل يبغى ايجار ويستشير بالامر ونصحتهم انه لو بتاخذ ايجار من اي شخص خذها بعقد من مكتب او حتى ورقه من الشخص وانه معها اقامه حتى لو حصل لها شي وهي عندك بتكون خالي المسؤليه
    لو فرضنا والاعمار بيد الله ماتت الخادمه وهي في بيتك ماذا تفعل لحظتها ويمكن تكون من الاتي مبلغ عليهن هروب او عليها مشكله جنائيه
    ولكن من يفكر بهذه الامور وش تنفعك اشتغلت عشرين يوم او شهر وصارت مشكله وانت المسؤول
    ليت البعض من الاخوات والاخوان يتاكدووا من اي خادمه يستلمونها وان تكون معها اقامه ومعروف الشخص اللي بيعطيهم الخادمه

    تحيتي للجميع
     
  10. لولو212

    لولو212 صالون الاناقه الملكيه

    إنضم إلينا في:
    ‏12 ابريل 2010
    المشاركات:
    1,362
    الإعجابات المتلقاة:
    0
    وربي قهر اهاليم يخسرون الالوف ويهربون امي مسكينه قبل شهر هربت شغلتها
     
  11. OK%100

    OK%100 تاجر مميز

    إنضم إلينا في:
    ‏17 يونيو 2009
    المشاركات:
    565
    الإعجابات المتلقاة:
    0
    الوظيفة:
    بيع وشراء ( انترنت )
    الإقامة:
    jeddah
    اولا يقولو الان بيدرسو موضوع استأجار الخادمات من نفس المكاتب يعني ما عجبتنا ممكن نغيرها

    ثانيا : اختي قبل اربع سنوات جابت شغاله هندية
    وقالت اختي لها او ما دخلت البيت روحي اتحممي

    وعلى طول فتحت اختي شنطة الشغالة ولقت اسحار وطلاسم جاهزة بس باقي تكتب الاسم

    ولقت قاااائمة بالارقام ( يعني جايه جاهزة مجهزة )

    وراحت اختي شقت كلللل الارقام وسألت الشغالة عن طلاسم السحر

    هزت راسها الهندية قالت مو حقي انتو حطيتوه عندي !!!!

    المهم صار قريبها كل شويا يتصل عشان يسلطها تشرد وبدأت الشغالة تعصب عليهم

    فازوج اختي اخذها وودها الترحيل تبنط هناك لحد ما تخيس وسفروها الحقيرة

    لذلك لازم نفتشها اول ما تجي وكمان اذا جاء موعد سفرها

    اما هذول اللي يشتغلو وهما شاردين بصراحة احس انهم اوسخ ماخلق ربي

    لكن اللي جايين عمره اعتقد افضل منهم
     
  12. عطـــر

    عطـــر تاجر محترف

    إنضم إلينا في:
    ‏2 ديسمبر 2009
    المشاركات:
    13,176
    الإعجابات المتلقاة:
    3
    الإقامة:
    الخبـــــر
    وهـــذا اللي صايـــر للأســـف ،،،
     
  13. انطفت شمعة حياتي

    انطفت شمعة حياتي تاجر محترف

    إنضم إلينا في:
    ‏19 مارس 2010
    المشاركات:
    1,054
    الإعجابات المتلقاة:
    0
    الحذر الحذر الحذر منهم
    وحده من خواتي دايم تاخذ لها من هالخادمات الي بأجار كم ساعه
    وتخلي الوحده تحوس بها البيت ولا خلصت رجعتها
    ومره خذت وحده وبعد ماطلعت فقدت كاميرا فيديو جديده ب حوالي 1200
    ووطبعا اختي كلمت الي جابتها وفتشتها ولا لقت معها شي وهي انكرت طبعا والسواق الي يجيبهم انكر بعد ورااااحت الكاميرا الله اعلم وش غيرها بعد
    الحذر الحذر منهم وتفتيشهم عند خروجهم
    ونسأل الله لنا ولكم الرزق الحلال الواسع
     
  14. *** عاشقة الجنان ***

    *** عاشقة الجنان *** تاجر محترف

    إنضم إلينا في:
    ‏6 يونيو 2009
    المشاركات:
    1,546
    الإعجابات المتلقاة:
    0
    الله يجزيك الف خير والمفروض إنه يبلغ عنها لو كشفته الجوازات ولا حد بلغ عنه ووش بيسوي
    هالطماع
    الله يكفينا شرهذولا الخدم وخاصة الأندنوسيات ما أدري من إخترعهم لنا
     
  15. بو مطلق

    بو مطلق تاجر محترف

    إنضم إلينا في:
    ‏24 نوفمبر 2009
    المشاركات:
    2,145
    الإعجابات المتلقاة:
    0
    الإقامة:
    الشرقية 0535653157

    الله يعافيك

    و الف شكر تواصلك العطر

    انتبهي في مسألة الاستأجار :d
     

مشاركة هذه الصفحة