1. مرحبا بكم في أسواق ستي أكبر المواقع التجارية شعبية
    إستبعاد الملاحظة

قصتي مع شهد في مطار الملك فهد { وع نيآتكم تُرزقون }

الكاتب: مـiـiـiـوآركـ،, بتاريخ ‏21 مايو 2011.

  1. مـiـiـiـوآركـ،

    مـiـiـiـوآركـ، تاجر محترف

    إنضم إلينا في:
    ‏9 مارس 2009
    المشاركات:
    5,404
    الإعجابات المتلقاة:
    0
    الوظيفة:
    ♥ღઇ آلـiـiـiـرقية ઇღ‎♥
    الإقامة:
    ♥ღઇ آلـiـiـiـرقية ઇღ‎♥
    السلام عليكم ورحمة الله وبركاته ... وبعد

    عصر يوم الجمعة ... قررت الذهاب لتوزيع الطلبات واستلام الشحنات في زاجل .. ولي كم يوم كل ما أبي أطلع من البيت .. أحصل شهد قدامي .. وتقول بابا بأروح معك شغل .. وأقول لها بكرة ...

    عاد أمس قلت خذها معك وش خسرآن { المهم } خذيتها معي ع هالقايلة :p

    أول مشوآر لزآجل وكآن زحمة ما أدري وش عندهم وأنا { معي طلبات بأرسلها .. وطلبات بأستلمها } المهم شحنت الطلب واستلمت الطلب ...

    وحنا راجعين رحت لمخطط 37 أبي أعطي واحد طلبيه .. وقال أنا موجود الآن في الخبر .. قلت ما عندك مشكلة أول ما تجي أتصل وبأجيك بأذن الله .. قال صار

    قلت أجل دام عندي وقت { أخذ شهد لحلاق بمجمع } وأنا رايح الا يجيني أتصال .. من تاجرة كنت أوصل لها كيك لكلية البنات .. أنا كأني ما سمعت طلبها .. اللي سمعته عندها طلبية تبي أوصلها للمطار .. وكانت الساعة 6 ... وانا بالدمام .. تبيني أجي من الدمام إلى الخبر وأخذ الطلب إلى المطار .. قلت لها الوقت ضيق يمكن ما ألحق .. قالت تعال وباقي معنا وقت ...

    قلت طيب ... المهم تحركت من الدمام إلى الخبر وبالوصف إلين وقفت قبال البيت :)

    اتصلت عليها وقلت انا موجود قدام البيت .. قالت كم تاخذ ع المطار .. بصراحة رديت عليها بسرعة وقلت { 30 ريال } ما أدري كيف قلت بس قلت :021:

    المهم وأنا جالس أنتظر الا اطلعوا ثنتين من البيت ....

    وأشوفهم يفتحون الباب اللي ورا :confused:

    قلت بتروحون معي ؟؟؟ :p

    قالوا إيه ليش ما قالت لك الأخت اللي كلمتك .... ؟

    قلت والله ما أدري >>>>>> أنواع الإحراجات .. كان فيه كراتين ورا وبوليصات لزاجل وفيدكس وارامكس هههههههههههههههههههههههههههههه

    قاعد ارتب الأغراض ورا وتروح وحدة للباب الثاني وتحصل كومة الأوراق :p

    المهم وانزل الأغراض ع الرصيف الين اركبوا ... وبعدها قمت أرتبها واحطها بالشنطة ...

    المهم تعذرت منهم بأني ما أدري أنكم بتركبون معي ....... ورحنا للمطار .... وصلنا ع 7.25 باقي ع الرحلة خمس دقايق

    المهم نزلتهم ع بوابة المغادرة .. وانا قلت لهم بأنزل السيارة بالمواقف .. وكانت شهد نايمة أم النكبات ههههههههههههههههههههههههه

    المهم { وأوقف السيارة بمكان وخليت السيارة شغالة والمكيف ع 1 } <<< ما هو صاحي :p

    المهم من العجلة نسيت كم رقم الموقف وكم الطابق للمواقف ... ركبت اللفت وع دور الصالة ...

    قالوا لي نبيك إذا ما عليك أمر تكلم { .................. } مسئول بالمطار وتقول له عن تذاكر الرحلة ...

    المهم ................. رحت ما حصلته وقالوا لي بعد شوي بيرجع ..

    وقالت لي الأخت ( الله يحفظها ) فيه تذكرتين لثنتين بلحقونا ع 10 ونبيك تجهز التذاكر ..

    المهم اللي كنت عنده قال ترا رحلة 7.30 انسى منها راحت ما فيه أقرب رحلة الا ع 10

    المهم رحت اضبط التذاكر للي بيلحقون الأخت قالوا لي لازم كرت العائلة موجود ما نقدر نخدمك بشي

    قلت ياخوي هم بيلحقونا وبيجون بس نبي نجهزها ولا يطلعون الطائرة الا بالكرت .. قالوا ما نقدر نخدمك :ang:

    المهم كلمتهم وفهمتهم بالوضع .. قالوا طيب ما قصرت ع كل حال حنا طلعنا من الخبر وجايين ....

    المهم قلت فرصتي الحين انزل وأشوف بنتي شهد :p

    <<< الله يخلف ع من جابك :021:

    نزلت الدور الأول ادور وأدور وأدور مالها أثر السيارة

    المشكلة بالمطار 3 أدوار للمواقف وكل واحد يقول الزود عندي :p5088:

    المهم مره تشوفوني بالدور الأول افرفر .. ومرة تشوفوني بالدور الثاني أفرفر .. ومرة بالدور الثالث أفرفر :ang:

    آخرتها كن بأطلع بصالة المطار عند النافورة .. قلت يمكن مطلعينها فوق وعارضينها جائزة :cnf3:

    المشكلة أن شهد لو قامت وافقدتني ولا أفقدت أمها ما تصيح ولا شي بس تتلفت يمينا ويسارا لعلها تشاهد من تعرفه <<<< كلمات متعوب عليها :p

    وانا افرفر تجيني اتصالات ورسائل .. والله ماني في حالها .. ألا الأخت اللي بالمطار تنتظرني عشان أقابل المسئول اللي بالمطار ارد عليها وأقول لحظات ..

    آخرتها أتصلت تقول وين أنت ... قلت والله أختي أني نزلت لبنتي وضيعت السيارة .. والله يجزاها الف خير ويوسع لها في رزقها ...

    قالت أجل خلك ودور السيارة .. وأنا أنتظرك فوق


    المهم تعبت وأنا أدور ... شوي الا أشوف راس وحدة الأخت قائمة وفاتحة الباب وراكبة ع المرتبة تطلطل هههههههههههههههههههههههههههههههههههههههههههههههههههههههههههه

    <<<<< ع طول ضمها وشهد تقول وش فيك يا بابا .. ليش خليتني :(

    المهم قفلت السيارة وخذيتها ... وحفظت الدور الثاني .. موقف رقم 22 أ :p

    وع طول رحت فوق أبي أقابل المسئول ... الا ما أحصله قالوا باقي ما جاء ...:(

    المهم قابلت الأخت وقالت ما قصرت وخذ حسابك المهم خذيتها .. أنا شفت الفلوس يوم عطتني مائة .. المهم أبي أطلع البوك عشان أصرف لها ...

    الا معطتني الله يكثر خيرها مائتين ( 200 ريال ) ..... قلت لا والله يا أختي ما هو حقي .. المهم حلفت وقالت والله ما يرجع لي شي وخلاص ..........

    { وع نياتكم ترزقون }

    أتفاقنا ع 30 واستحيت أن أقولها ما هو حق المشوار ... وعوضني الله بالـ 200 من هالأخت

    الله يعوضها خير ويرزقها رزق طيب ويستر عليها ويحفظها ....


    أخوكمـ / أبو شهد :052:
     
  2. ابوموسي

    ابوموسي تاجر محترف

    إنضم إلينا في:
    ‏14 يوليو 2008
    المشاركات:
    14,753
    الإعجابات المتلقاة:
    0
    ماشاءالله
    يارب تحفظ شهوده وتطلع احسن من ابوها

    انت صاحي تخلي البنت بالسياره والمكيف شغال

    عز الله انك خبل

    لو امه تدري كان ذكتك من الوريد للوريد

    لا عاد تعوده من جديد
    الله يزيدك من فضله
     
  3. me99

    me99 رحمتك يارب (قمرهم)

    إنضم إلينا في:
    ‏6 سبتمبر 2010
    المشاركات:
    6,718
    الإعجابات المتلقاة:
    0
    الوظيفة:
    @@@@@@@@@@@@
    الإقامة:
    @@@@@@@@@@@@@@
    تبي الصدق والله الفلوس ماهي شيء عند بنتك راميها بالسيارة لحالها ارتفع ضغطي
    لو قدر واخذها عامل
    احمد ربك على سلامة بنتك ولاتعيدها
     
  4. متجر هاي كواليتي

    متجر هاي كواليتي اناقتكم معي تكتمل ^ـــ^

    إنضم إلينا في:
    ‏11 يوليو 2009
    المشاركات:
    3,126
    الإعجابات المتلقاة:
    0
    الوظيفة:
    جامعيه/تربيه خاصه
    الإقامة:
    الشرقيه
    شهد اكيد ماعاد بتقولك ابطلع معك :021:
    بس الـ200 بركات طلعتها معك :)
    ولاعاد تخليها فالسياره لوحدها لو هو مشوار 5 دقايق :(

    الله يرزقك ويخليها لك
     
  5. مـiـiـiـوآركـ،

    مـiـiـiـوآركـ، تاجر محترف

    إنضم إلينا في:
    ‏9 مارس 2009
    المشاركات:
    5,404
    الإعجابات المتلقاة:
    0
    الوظيفة:
    ♥ღઇ آلـiـiـiـرقية ઇღ‎♥
    الإقامة:
    ♥ღઇ آلـiـiـiـرقية ઇღ‎♥
    والله كنت أبي أنزلها بس شفت البنت نايمة .. قلت أقابل المسئول وبأنزل ماني متأخر :p

    أما مسألة أني خبل فأقول { الله يخليك يا بيه } لا تمدحني :021:

    أصلا ما عاد ماخذها مره ثانية ياخي قامت تفتح الكراتين بزاجل :p5088:

    والله أنك صادقة .. بس ع أن الشغلة ما هي ماخذة مني وقت ..

    الحمد لله .. وشاكر لك ع النصائح

    أنا اللي ما عادني ماخذها طلعت في راسي قرون .. وكل شوي تطل ع اللي ورا تشوف من ذولا اللي راكبين :021:

    أنشهد أنها من بركات شهد أم النكبة

    أبد ما راح أخليها بالسيارة ....
     
  6. اليوم المنتدى فيه مواضيع ترفع الضغط ههههه

    تارك بنتك بالسيارة فلذت كبدك حرام عليك والله

    الله يهديك بس
     
  7. مـiـiـiـوآركـ،

    مـiـiـiـوآركـ، تاجر محترف

    إنضم إلينا في:
    ‏9 مارس 2009
    المشاركات:
    5,404
    الإعجابات المتلقاة:
    0
    الوظيفة:
    ♥ღઇ آلـiـiـiـرقية ઇღ‎♥
    الإقامة:
    ♥ღઇ آلـiـiـiـرقية ઇღ‎♥
    لا تشبه التنورة ببنتي لو سمحت :214: خخخخخخخخخخ

    إيه تاركها .. زين مالحقتني بالمطار بعد :p

    اللهم آمين .. جزاك الله خير ياسر بيه
     
  8. زوزوستار

    زوزوستار تاجر محترف

    إنضم إلينا في:
    ‏31 يوليو 2009
    المشاركات:
    11,346
    الإعجابات المتلقاة:
    0
    هههههههههههه
    ضحكني اسلوبك في الحجي
    الله يوفجك ويبارج برزقك وينزل عليك الرزق من السماء كاالمطر
    تستاهل 200 واكثر كافي وصلتهم وتعبت وياهم في مقابله المسئول
    همسه في اذنك اخوي لاتترك بنتك او اي طفل مستقبلا بروحهم لو لدقيقه ماتدري شنو بيصير الله يخليها لك ومايحرمك من غالي يارب
     
  9. **بسمة الكوون**

    **بسمة الكوون** www.basmat-alkoon.com

    إنضم إلينا في:
    ‏17 يوليو 2009
    المشاركات:
    2,725
    الإعجابات المتلقاة:
    0
    الإقامة:
    الدمام
    يالله.. الحمدلله يوم انها صحت مابكت والا لعبت بالسياره :(

    لاعاد تتركها بالسياره ابد..والله يحفظها لكم
     
  10. نسمه جنون

    نسمه جنون يارب حقق امنياتى ياااارب

    إنضم إلينا في:
    ‏13 أكتوبر 2010
    المشاركات:
    854
    الإعجابات المتلقاة:
    0
    الإقامة:
    جزيره الأحلام
    ياقلبي البنوته بالسياره لحالها
    وكمان مضيع مكان السياره
    والله رفعت ضغطى
    الحمد لله على سلامتها
    لا تعيدها مره ثانيه
    صدق او درت امها ماعاد رسلتها معاك ولو جنب البيت
    الا ماتكون هى معاها
    على العموم
    الله يبارك لك بالـ 200
    ويزيدك من فضله
     
  11. الخطوات السبع

    الخطوات السبع مصمم ومبرمج

    إنضم إلينا في:
    ‏11 ابريل 2011
    المشاركات:
    402
    الإعجابات المتلقاة:
    0
    الله يخلي لك شهد ويحفظها لك يارب

    بس اخوي ترى تصرفك بانك تترك البنت بالسيارة خطا كبير
    وخاصة بالايام هذه
    الناس الان تطمع باشياء بسيطة
    كيف وهي سيارة جهازة وشغالة

    الله يحفظك ويعطيك بواسع فضله واكثر من نيتك

    دمت بخير
     
  12. لأفندر

    لأفندر استغفر الله العظيم

    إنضم إلينا في:
    ‏29 مارس 2011
    المشاركات:
    1,756
    الإعجابات المتلقاة:
    0
    الوظيفة:
    للأسف عاطله
    الإقامة:
    أرض الله الواسعه
    الله يرزقك من واسع فضله
    رزقك ورزق شهد
    لكن وربي طاح قلبي يوم اقرا وتقول مالقيتها
    انتبه لها ربي يحفظها لك ولو صار لك موقف مثل هذا
    قل وانت تدور استودعت الله
    وان شاء الله ماعاد تصير
    انتبه بس امها لاتعرف *_*

    موفق بالدارين يارب
     
  13. التاجرة اليمنية

    التاجرة اليمنية تاجرة حنة يمنية وعسل دوعن

    إنضم إلينا في:
    ‏22 يوليو 2010
    المشاركات:
    7,998
    الإعجابات المتلقاة:
    0
    الإقامة:
    جدة الله يحميها
    اسأل الله ان يحمي شهد ويحفظها ويجعلها من حفظة كتابه الكريم....

     
  14. ام خـلاد

    ام خـلاد الصدق منجاه

    إنضم إلينا في:
    ‏12 مارس 2011
    المشاركات:
    1,206
    الإعجابات المتلقاة:
    0
    اكبر قهر لا نسيت مكان السياره ياهي رفعت ضغط:ang:
    وخاصه ان فيها شيئ ثمين >>بنتك شهد
    اقترح عليك:: اعطي سيارتك جوال تتصل عليها اذا ضيعتها :D
    الله يخليلك بنتك ويزيدك من فضله
     
  15. انطفت شمعة حياتي

    انطفت شمعة حياتي تاجر محترف

    إنضم إلينا في:
    ‏19 مارس 2010
    المشاركات:
    1,054
    الإعجابات المتلقاة:
    0
    لاتخلي بزر بالسياره لو دقيقه
    ماتدري وش يصير في ذا الوقت
    الحمد لله انها صارت كذا ولا تعودها مره ثانيه ابد
    والله يا واحد من اخواني كان طالب من المطعم وقالهم شوي وبجي آخذه
    ونشب له ولده الله يصلحه
    آخذه معه ونزل للمطعم وترك الولد في السياره وهي شغاله والمفتاح فيها
    قام ذا الصغير الله يصلحه وسكر الآبواب في دقيقه
    انتبه ابوه إلى السياره مسكره والولد والمفتاح فيها وهي شغاله
    وحاول يعلمه كيف يفتحها ولا عرف ولا راح يعرف ابو سنتين
    وتجمعو الناس وبدا الولد يصيح خايف من منظرهم وابوه يصارخ عليه
    وكل واحد من هالبشر يدلي بدلوه سو كذا سو كذا
    وكان يبي يطلع بأقل خساير ممكنه فاضطر انه يكسر وحده من القزاز عشان يوصل لولده
    الي صابته حاله من الذعر وصار يصارخ بأعلى صوته
    والحمد لله رجع لنا ولدنا بس اكلنا اكل باااااااااااااااارد
    بسبب الوقت الي استغرقوه في مناقشة البزر ثم في كسر القزازه
    لاكنها صارت له درس معد يخلي بزر في السياره لو هو نايم

    فالحمد لله على سلامة شهد
    وعسى الله يحفظ عيال المسلمين من كل سوء

    وتستاهل الرزق الي جاك بصبرك ومساعدتك لها الحريم
    وجزاك الله خير
     
جاري تحميل الصفحة...

مشاركة هذه الصفحة