1. مرحبا بكم في أسواق ستي أكبر المواقع التجارية شعبية
    إستبعاد الملاحظة

مطلوب جهاز

الكاتب: طالب خير 11, بتاريخ ‏11 مايو 2011.

  1. طالب خير 11

    طالب خير 11 تاجر

    إنضم إلينا في:
    ‏22 ابريل 2011
    المشاركات:
    62
    الإعجابات المتلقاة:
    0
    السلام عليكم
    اخواني مطلوب جهاز او اي حل للتطفيش الطيور من الوقوع على ارفف او اسطح المنازل ياليت الي عنده فكره او يعرف جهاز ويقدر يوفره لي لايبخل علينا
     
  2. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    وعليكم السلام ورحمة الله وبركاته

    افااااااااا ياطالب خير
    حمام رب البيت تبغى تطفشه شكلو مطفشك على الاخر

    معاك حق كتير ناس بيشتكو من الحمام لمن يتكي على المكيفات والطيق يوصخ
    الحوش وغير ريحته

    اخر الحلول اللي بعض الناس تسويها
    يجيبو علب البيبسي الفاضية ويخرقوها من تحت
    يعني تجيب حق 15 علبة وتدخل جوتها حبل او مطاط او سلك غسيل
    وتلضمها في بعض
    وبعدين تثبت طرف الحبل في السطوح وتخليه مدلدل من جمب العمارة وتثبت الطرف التاني
    من اسفل ولمن يجي الهوا ويصقع في العلب تقربع وتندر صوت ويطير الحمام

    بس المشكلة ازا الحمام اتعود على الحركة هادي ماراح ينفجع لانه الشغلة كلها تهويشة


    حل تاني في ساكو اللي في جدة قبل فترة نزل كتلوج عن البضايع اللي عنده
    من ضمنها دبابيس او مسامير مسمرة على شريط طويل
    يقلك تمنع الحمام من الهبوط على المنازل
    بس ناسي كم قيمتها وكيف تتركب ويبغالك كميات كبيرة لانه المفروض
    تغطي كل المكيفات وكل الطيق والبروزات الموجودة في العمارة

    في مشروع في العوالي
    وانت جي من بطحاء قريش ورايح على العوالي
    تقابلك اول اشارة خش من عندها يمين تمشي علين يجي في يمينك
    سكن بن لادن مدري شركة
    رايح تلاقي بعده عمارة كاتبين عليها مشروع منع وقف الحمام على البيوت
    وحاطين راص حمامة صغيرة مدري زغلول وعليه علامة ضرب

    مني داري هل هيا شركة لتطفيش الحمام بأسلوب جديد
    والا هما شغالين في العمارة
    الله اعلم

    واحد من الجيران ربي يغفر له قتل 30 حمامة قليل
    مسوي فوق مدخل عمارته ديكور جبس وفيلو فتحتين صغيرة من الجمبين
    من قوة الحر يخشو الحمام جوة الديكور الا هم عشعشو وخلفو وصارو قد ايش كترهم
    قام جاب عامل الجبس وقفل الفتحتين
    والعمال مو راضين يشتغلو لانه في حمام داخل الديكور ويقولو حرام نقتلهم
    على القليل ندرهم وشيل العش والبيض
    ياويلو من الله

    ومن مامر عليا في عمري بيت جيران زمان يرجعو سادة جيلاني
    طول ماهم ساكنين في الفيلا حقتهم سبحان الله مافي حمامة توقف على البيت لا مكيف ولا طاقة
    وساعات الحمام يدور حولين البيت زي الطواف
    سبحانك يارب

    زمااااااااان لمن الحمام الله يعزكم يوصخ على الناس
    يقولوا كسوة جديدة :clapinghand:
    لكن دحين
    الله يلعنك ويلعن قبايلك :021:


    سامحونا لو طولنا عليكم
    وفي امان الله
     
  3. E.L.F

    E.L.F تاجر

    إنضم إلينا في:
    ‏2 مارس 2011
    المشاركات:
    43
    الإعجابات المتلقاة:
    0
    خذ لك كم علبة ببسي عند كل مكان واربطها بحبل صغير وخليها مع الهوا بتطلع اصوات ويروح الحمام مجربه
     
  4. آهات جريح

    آهات جريح www.3almek.com

    إنضم إلينا في:
    ‏7 يناير 2010
    المشاركات:
    1,302
    الإعجابات المتلقاة:
    0
    أخوي لو كنت ساكن بمكه حرام تقتل الحرام,,,,,,,وطريقة العلب دام ليس فيها مضره أتمنى تأخذ بها ولا تقتل أو تفكر
    في قتل الحمام أنت في منطقه مكرمه ومحرم فيها القتل,,,,,,,,,نصيحة محب
     
  5. طالب خير 11

    طالب خير 11 تاجر

    إنضم إلينا في:
    ‏22 ابريل 2011
    المشاركات:
    62
    الإعجابات المتلقاة:
    0
    مشكورين يااخوان والله يجزاكم بالخير .
    بس انا ودي بطريقه حضاريه مثل جهاز او ماشابه .
     
  6. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    صدقت يا اهات جريح الذنب مضاعف في مكة
    ازا كان صيدها حرام ننفره ايش حال نقتل

    وصاحبي اللي كان عنده حمام وقتله في النوارية ساكن يعني خارج الحرم

    والا ان جات عليا بالعكس احب الحمام يمكن عشقة من الصغر ومن بيوت مكة القديمة كنا مربين
    حمام ودجاج وبساس وطليان

    والى يومك اجيب لهم اكل دخن واحط لهم موية
    ومن ساعة ما اندر من البيت في الزقاق الاقي الحمام كله نازل في السكة ويستنى الاكل
    وازا الموية غلقت من الكروانة يوقفوا عليها ويرفرفو باجنحتهم يعني يبغو موية

    طالب خير الله يلاقيك بطريقة حضارية
    بغيت اقلك كهرب السور زي الافلام المصرية

    وان شاء الله تلاقي طلبك
     
جاري تحميل الصفحة...
المواضيع المشابهة التاريخ
أجهزة جهاز ديل للمكاتب والمدارس ‏السبت في 13:10
أجهزة جهاز ديل للمكاتب والمدارس ‏30 نوفمبر 2016
أجهزة جهاز ديل للمكاتب والمدارس ‏26 نوفمبر 2016
أجهزة فرصه جهاز مكتبي ديل ‏11 نوفمبر 2016
أجهزة فرصه جهاز مكتبي ديل ‏11 نوفمبر 2016

مشاركة هذه الصفحة