السلام عليكم ورحمه الله وبركاته بعد كم يوم بنروح ان شاء الله الرياض وابي مساعدتكم والله يعينكم على اسألتي 1- سوق الاثاث وخصوصا غررف النـوم 2-افضل محل لمكيفـات سبلت بسعر مناسب 3- محلات الماركات مثل كوتش و دكني و..الخ متى تبدأ تخفيضاتهم ؟ 4-مكتب استقدام .. خادمه هنديه و اثيوبيه .. بس يجيبها بسررعه انتظرركم ودعوواتي لكم
ياهلا فيك بالرياض 1- سوق الاثاث وخصوصا غررف النـوم حسب الذوق والميزانية والاماكن متعددة عندك ايكيا وسنتر بوينت ودبليو سيتي واديموس هذه مودرن وسمبل وسعرها معقول وعندك العمر والمطلق والقفاري وعلى من شاكلته تلقين الكلاسيك وغيره وعندك سوق العويس وطيبة وبن دايل والقائمة تطول الى الفخم مره والغالي بشارع التخصصي والملك فهد 2-افضل محل لمكيفـات سبلت بسعر مناسب عندك اكسترا والكترو وبنده وكارفور وجميع الهايبر تبيع ولكن ماركات صينيه روحي لمحلات المتخصصه افضل مثل البسام والمنيع وغيرهم افضل منتشرين في كل الرياض او من نفس الوكالات سامسونج وال جي 3- محلات الماركات مثل كوتش و دكني و..الخ متى تبدأ تخفيضاتهم ؟ كوتش ودكني بالفيصليه والمملكة وماعندهم تخفيض الحين 4-مكتب استقدام .. خادمه هنديه و اثيوبيه .. بس يجيبها بسررعه االحين الموضة كينيا واثيوبيا والهند واندونيسيا والفلبين معقدين شوي ويطولون انصحك مكتب قصر التعاقد حي الملك فهد الكينيا تكلف 8500 وراتبها 800 وغيرها الكثير
اول شئ ياهلا فيك حبوبه تنورين الرياض والله يوفقك ويسعدك ابقولك انا رحت كل اسواق الرياض وخاصه هالاياام لاني ابنتقل لبيت جديد ان شاء الله شوفي ياقلبي بالنسبه للاثاث انا احب الاشياء الراقيه وجديده وبدون ماتكون غاليه اول شئ رحت محلات الاثاث اللي بااحمد بن حنبل مااعجبني شئ كل شئ قديم ومكرر وغالي بعد والستاير عندهم ب 500 وزياده ... يمكن تلاقين غرف نوم حلوات رحت لابن دايل مااعجبني شئ رحت لأيكيا فيها كنبات حلوه بس نار يعني يجيك كنب نفرين ب 2500 والله فيها اشياء حلووه بس غاليه حيل انا ابي شئ بحدود المعقول وموديل حلو .. ايكيا عندهم غرف النوم رروعه اسعارهم شوي .. انا اخذت كمدينه بس ب 1400 ودولاب ب 2200 طبعاً انتي تقدرين تنسقين رحت لاسواق الخليج شرق الرياض اعجبتني كثير فيها كنبات موديلات جديده وتفصلين على القماش اللي يعجبك وعندهم قماش كنبات جديده ررروعه والستاير عندهم ب 200 السوق كبير عندهم بعد اجهزه كهربائيه اسعارهم حلووه والله مو غاليه وعليها ضمانات وشركات معروفه .................................. محلات الماركات والله ماادري متى تخفيضاتهم بس اذا تبين شئ حلو تلاقين بأسواق حياة مول او بصحارى كلهم بالعليا ........................... مكتب استقدام والله ياغاليه ماعندي خبر .. .... اذا احتجتي اي شئ ارسلي خاص انا بالرياض.. بالتوفيق حبوووبه
ايكيا اغراضه مو عمليه جربته قبل وابن دايل جيته قبل فيه بعض الاشياء الحلوه سوق الخليج .. في اي حـي ؟ تسسسسلمين على المعلومات الله يسعدك دعووواتي لك
