1. مرحبا بكم في أسواق ستي أكبر المواقع التجارية شعبية
    إستبعاد الملاحظة

قصه من واقع تجربه شخصيه **

الكاتب: سماهر, بتاريخ ‏31 أغسطس 2009.

  1. سماهر

    سماهر تاجر مميز

    إنضم إلينا في:
    ‏14 يونيو 2009
    المشاركات:
    401
    الإعجابات المتلقاة:
    0
    بسم الله الرحمن الرحيم
    الحمد لله والصلاة والسلام على رسول الله وعلى آله وصحبه أجمعين
    السلام عليكم ورحمة الله وبركاتة
    هذا الموضوع إلى كل خليجي وبالأخص لكل سعودي
    يسعى لكسب لقمه العيش والاستغناء عن الآخرين لأني سعودي وأتكلم من واقع العمل بالسعودية
    لن أتي لكم بموضوع من دراسة ولا من توقعات أريد أن أتكلم معكم من واقع تجربتي أنا إلى والله
    ما أحببته لنفسي أريد جميع شخص يائس أن يقرى موضوعي هذا ويشد حيله ويسوى زيي
    نبدى بالموضوع ما راح أطول عليك أنا شاب سعودي اتوفقت في أتمام المرحلة الأخيرة من الثانوية
    وبقيت فيها لمدة سته سنوات وأناادرسها منتظم ومنتسب وليلى وأهلية المهم في السنة الرابعة
    لى في ثالث ثانوي كنت سنتها ادرس في الليلي مطرود من النهار طفشان وزهقان من الفراغ إلى
    عايش فيه قلت أبو حميد وش يبي يسد ذى الفراغ ............؟ ما مليت بلى والله مليت لأكن وش
    الحل بقدم على وظيفة وبلاها دراسة هذا الكلام اطمررر لم أبو فلان لعله يوظفني رحت لمه قال
    ياوليدي كمل الثانوي وابشرطلعت من عندة قلت الله يهديه ليه ما وظفني هو إلى بيتوظف والى
    أنا لأكن ما يدري عن الحالة إلى أنا أعيشها أبو حميد ما نفعت هذى شغلك طريقه ثانيه ؟؟؟؟؟؟؟؟؟؟
    ؟؟قلت ببيع سيارتي وبشتري مغسله سيارات خابرها عليهاالزباين مشاء الله مصدق أن راعيها يبي
    يبيعها طمرتلمه هلا أبو فلان أنا بشتري المغسلة كم تبي تبيعها قال يا وليدي مهيب للبيع وهي
    مسيومه بــــــــ180000الف تقوى عليها لو بعتك تدبرهن موترى ما يجيب ولا 20000الف يبقى
    160000ألف من وين أجيبها ؟؟؟؟؟؟؟؟؟؟ هذى والله النشبه أبو حميد وش السالفة وش تبي تسوي
    جلست بالاستراحة إلى فيه كم واحد م العيال يسولفون عن المقاولات والعمال ودهم يفتحون
    بسيتحججون بغثى العمال وملحقهم قلت أبو حميد أنت إلى تبي تتحمل غثى العمال وتلقى شي
    يملى لك فراغك هاه وش كثر تكلف لا تكون تبي تتعدى العشرين ألف قيمه السيارة والله واصحى
    بدري من بكرة وأسال منى ومنى والى الموضوع كله مهوب مستاهل ولا 7000الاف ريال
    قلت توكل على الله أبوحميد واشتغل رحت للمعارض وبعت السيارة والله واطمر واخذ عقد أجار
    من جارنا راعي مكتب العقار وأروح اخلص إجراءات السجل والرخصة ومكتب العمل واطلع الفيز
    عطوني ثلاث فيز هااااااااااااه وش الى بجيب من عمال قلت ببدى بالتلييس هذا عاد ما يبيله خبرة
    واعطيها مكتب استقدام وجوني العمال بعد ثلاثه شهور واستاجرلهم غرفه بـــــــ 1500
    الست شهور وأرسلهم لمؤسسه كبيرة يختبرهم ويدربهم ويجلسون عندةثلاثه شهور بعدها اخذت
    العمال وبديت انا وهم بالشغل وعاد وين الى يجي وقول ابي العمال يشتغلون
    عندي كنه يبي يزوجني بنته من الفرحه واشتغل منى ومنى وهذا يوم نايم وساحب على العمال
    وهذا يوم اقول يا رجال والله انهم صادقين ربعي يومهم ما يبغون المقاولات عزلله انها غثى
    ويوم واحد يعطيني حساب شغل العمال واقول لا والله اني ضايع هم الخير والبركه واجل
    على الثلاث عمال تقريباً سنه وانا اشتري سيارة هيلوكس غمارة موديل 96 قلت ابو حميد بديت
    تصير تاجر من قدك معك هيلوكس الحين شاريها من عرق جبينك لازم تزيد العمال مسكت شغله
    وكان فيهانجار قاعد يسوي غرفه عند صاحب العمل الى انا شغال عندة واناظر والى النجار قاعد
    يشتغل لحاله واطمر واقعداسولف معه هاه ليش تشتغل لحالك وين باقي عمال مؤسستكم قال انا
    لحالي المؤسسه كان فيها 30 عامل والكفيل سفر العمال وبقيت انا علاقتي حلوة مع الكفيل وخلاني
    اشتغل لحسابي قلت طيب انا ابغى انقل كفالتك ترى معي هايلوكس وشوف عمالى واشر على
    الثلاثه المهم الظاهر رحمني قال خلاص انا بكلم كفيلي اذا هو وافق انا ما عندي مشكله جاء من
    بكرة والله ويلقاني جاي الشغل قبله قلت هاه بشر قال اوكي الكفيل ما عندة مشكله بس بروح
    اجازة واجي وننقل كفاله قلت اوكي راح ورجع بعد ثلاثه شهور ونقلت كفالته وبديت اشتغل بالنجارة
    شغل ملحق شغل سور شغل خزان شغلات بسيطه اعجبتني الشغله رحت وطلت عمال
    من مكتب العمل عطوني اثنين وانا كنت مقدم على اثنى عشر عامل قلت تدري ابو حميد خليهم
    مبلطين يكفيك النجار هذا ومعه المليسن يشتغلون معه والله وارسل الفيز على انهم مبلطين
    جو العمال وبديت في البلاط واعجبتني شغلت البلاط وبدت علامات الاستفهام تدور براسي قلت
    الظاهر كل الشغله حلوة في مليسينها ونجارينها ومبلطينها قدمت مرة ثالثه واعطوني اثنين
    جبت واحد حداد وواحد نجار وبعدها تقريباً بسنه اشتريت ارض وزودت العمال لانه خلاص بدى
    اسمي ينعرف وخليتهم بالوقت الى يوقف عندهم الشغل يجون يشتغلون عندي بالاستراحه
    الى هي الارض الى انا شريتها واجلس ست شهور الى والاستراحه مخلصه واناظر قلت
    ابو حميد من جد الحين خلاص تاجر بدون منازعه وابدى احرص على التقديم انه ما يفوتني
    فى مكتب العمل لحد ما صارو عمالى 15 عامل من مليسين _نجارين_دهانين_مبلطين_بنايين
    بفترة يمكن ثلاث سنوات وبديت اشتغل صح جاء لمي واحد من الربع قال انا ماسق مناقصه
    من الحكومه وابغاك تجي تسويلي العظم الى فيها قلت اركد منتب صاحي انا توني على
    اني اشتغل في مناقصات قال ما لك هم كل شي عندي قلت نتوكل على الله لاكن ترى انا
    ماني مسؤل اذا جى مهندس ولا اعجبه شغلي والى طلب مني حاجات انا ما اعرفها قال تعال
    بس خلى عمالك ينزلون الشغل بكرة ولا لك هم قل اوكي خلاص نزلو العمال وبدو يشتغلون
    وانا معاهم على طول واذا بي اخلص من الشغله الى كنت محسبلها ميت الف حساب وشغلى
    زي الفل دخل موضوع المناقصات براسي قلت خليني ادخلبمناقصه واجرب حضي جيت
    لموقع حكومي عندنا وقدمت اوراقي عندهم قلت اذا جت عندكم مناقصه عطوني اورقها علشان
    اقدم عطائي مع المقاولين جتني اوراق لمناقصتين قعت اقلبهم واذا هي في امكانياتي وفي
    امكانيات اي مقاول كتبت اسعاري وقدمت اوراقي وبعدهاباسبوع فتحو المضاريف وحصلو
    اسعاري اقل عصاء متقدملهم بالمناقصتين كلهم ورسو المناقصتين على
    قلت بأسم الله توكلت عليه يالله ابو حميد ابدى اشتغل
    هذى فرصتك بديت اشتغل واخلص بالشغل واسلم لهم المشاريع بالوقت المطلوب وعلى احسن
    حال والحمد لله الحمد لله اطلع منها بجيب في اكس ار بموديل العام ويذكرلي واحد انه فيه ورشه
    حدادة للبيع واطمر واتفاوض انا وراعي الورشه واشتريها منه واناظر والى الحمد لله والشكر
    والى الحساب باقي فيه قلت هاه ابو حميد استقر ترى الاستقرار حلو والحمد لله الحين امور
    خطبتي مخلصه وبانتظار بعد شهرين الزواج وهذا كله بمدة ثلاث سنوات وثمانيه شهور والعمال
    15 عامل فقط واستدلت لاخواني الغالين الى والله ان ماحبيت الشغله والى دخلتها من قناعات الى
    بس لسد الفراغ والحمد لله الله وفقني والله بيوفق كل واحد يسعى مو شرط في نفس المجال الى
    انا اتكلمت واسهبت فيه لاكن هذا من واقع تجربه شخصيه.
    واسال الله العزيز القدير انا يوفق شبابنا ويرزقهم الرزق الحلال ويغنيهم في حلاله عن حرامه
    واعتذر لهذه الاطاله اتمنى ان كون قدمت موضوع ينفع الجميع
    الاسم/ ......... العمر/26 سنه المهنه/ متسبب
    منقول مثل ماهو :p5088:
    والله يبارك بصاحب القصة ويوفقة
    مكتوبة بقلمة

     
  2. al_faisal

    al_faisal تاجر مميز

    إنضم إلينا في:
    ‏30 مايو 2009
    المشاركات:
    645
    الإعجابات المتلقاة:
    0
    ما شاءالله عليه الله يوفقه بدا من الصفر
    تسلمين على النقل سماهر
     
  3. الخطاب بوجميل

    الخطاب بوجميل تاجر

    إنضم إلينا في:
    ‏31 أغسطس 2009
    المشاركات:
    3
    الإعجابات المتلقاة:
    0
    الوظيفة:
    خطاب
    الإقامة:
    المنطقة الشرقية
    بارك الله فيه وبارك له
    بصراحة هذا نموذج للشباب المكافح الطموح
    المؤمن بربه والمتوكل عليه
     
  4. سماهر

    سماهر تاجر مميز

    إنضم إلينا في:
    ‏14 يونيو 2009
    المشاركات:
    401
    الإعجابات المتلقاة:
    0
    يسلمك يارب
    والبدايات دايمن مذهلة سبحان الله

     
  5. سماهر

    سماهر تاجر مميز

    إنضم إلينا في:
    ‏14 يونيو 2009
    المشاركات:
    401
    الإعجابات المتلقاة:
    0
    صدقت والله
    وفيه أشياء مرات نظن انها صعبة ومومقدور عليها
    بس من كلامة اطلعت شي مقدور عليه للي يبي


     
  6. نسيم الفجر

    نسيم الفجر تاجر محترف

    إنضم إلينا في:
    ‏24 يونيو 2009
    المشاركات:
    2,242
    الإعجابات المتلقاة:
    0
    ما شاء الله تبارك الله

    الواحد إذا حط الشئ في راسه بيسويه

    لكن هو يبدأ

    وربنا يسهلها

    من توكل على الله فهو حسبه
     
  7. مستثمر مميز

    مستثمر مميز تاجر مميز

    إنضم إلينا في:
    ‏14 يوليو 2008
    المشاركات:
    214
    الإعجابات المتلقاة:
    0


    دائمـاً البدايـات تكـون صعبـة ولكـن من اللي يصمـل !!!...


    قصـة رائعـة عن طمـوح شـاب سعـودي ...
     
  8. سماهر

    سماهر تاجر مميز

    إنضم إلينا في:
    ‏14 يونيو 2009
    المشاركات:
    401
    الإعجابات المتلقاة:
    0
    حياكـــ نسيم
    والله يسهلها للكل
     
  9. سماهر

    سماهر تاجر مميز

    إنضم إلينا في:
    ‏14 يونيو 2009
    المشاركات:
    401
    الإعجابات المتلقاة:
    0
    وهذا مربط الفرس وين اللي يصمل [​IMG]

     
  10. hamasat

    hamasat تاجر مميز

    إنضم إلينا في:
    ‏25 ابريل 2009
    المشاركات:
    298
    الإعجابات المتلقاة:
    0
    ماشاء الله عليه
     
  11. جمرالجليد

    جمرالجليد تاجر

    إنضم إلينا في:
    ‏8 يونيو 2009
    المشاركات:
    89
    الإعجابات المتلقاة:
    0
    والله حمستنا 0000 ماشاءالله عليك طمووووووووووووح ومكافح وصبرت ونلت على قولتهم ربي يبارك لك وتعلمنا من قصتك الصبر ثم الصبر ثم الصبر
    موووووووووووووفق اخوي
     
  12. ابوموسي

    ابوموسي تاجر محترف

    إنضم إلينا في:
    ‏14 يوليو 2008
    المشاركات:
    14,753
    الإعجابات المتلقاة:
    0
    ماشاءالله ياليت الشبات السعودي يحذوا حذوه
    الله يعطيك العافيه علي النقل
     
  13. غرك زمانك

    غرك زمانك تاجر

    إنضم إلينا في:
    ‏1 نوفمبر 2009
    المشاركات:
    23
    الإعجابات المتلقاة:
    0
    مأ شاالله عليك اخوي

    ربي يوفقك واهم شي النيه الزينه

    رجل مجاهد ومكافح جزأك الله خير وكثر الله خيرك ولله يغنيك ويستر عليك

    امتعتنأ بتجربتك
     
  14. فروحه حلوه

    فروحه حلوه تاجر محترف

    إنضم إلينا في:
    ‏23 فبراير 2009
    المشاركات:
    4,436
    الإعجابات المتلقاة:
    0
    شاب عملي مكافح
    ما وقف عند فشله بالدراسه
    أخذ من فشله دافع للنجاح
     
  15. تويجره صغيره

    تويجره صغيره تاجر مميز

    إنضم إلينا في:
    ‏17 ابريل 2010
    المشاركات:
    459
    الإعجابات المتلقاة:
    0
    ماشاء الله قصه تحمس الله يجزاك خير على نقلها
     
جاري تحميل الصفحة...
المواضيع المشابهة التاريخ
خدمات خادم من سيرلانكا والفلبين للتنازل ‏23 نوفمبر 2016
خدمات استقدام من المغرب بسبوعين ‏19 نوفمبر 2016
مطلوب مطلوب خادمات من جميع الجنسيات ‏7 نوفمبر 2016
خدمات يوجد خادمات من جميع الجنسيات ‏2 نوفمبر 2016
خدمات يوجد خادمات من الفلبين واثيوبيا ‏30 أكتوبر 2016

مشاركة هذه الصفحة