1. مرحبا بكم في أسواق ستي أكبر المواقع التجارية شعبية
    إستبعاد الملاحظة

مين يفيدني اولادي نفسهم يسبحوا

الكاتب: الكواكب, بتاريخ ‏20 ابريل 2011.

  1. الكواكب

    الكواكب تاجر محترف

    إنضم إلينا في:
    ‏30 مايو 2010
    المشاركات:
    2,663
    الإعجابات المتلقاة:
    0
    اولادي نفسهم يسبحوا فكرنا بلاستراحات وجدناها غالية نص يوم 400 ريال الكباين نار وبعيدة سمعنا ان فيه شاطي بجدة خاص للسباحة برسوم مين يقدر يدلنا
     
  2. ommaram

    ommaram متجر مرام مول الالكترونى

    إنضم إلينا في:
    ‏8 نوفمبر 2009
    المشاركات:
    4,666
    الإعجابات المتلقاة:
    0
    الوظيفة:
    سيدة اعمال
    الإقامة:
    مكه المكرمه واشحن بارامكس لاى مدينة
    وانا نفس الطلب
    رفففففففففففع
     
  3. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    ياستي ايشلك وايشل الكباين
    مويات بتقعد مبركة وعلشان لا تنعدم يحطو حرهم في الكلور علين الواحد جتته تبقبق
    والعيون تقلب على احمريكا

    تبغي الهرجة المزبوطة روحي تول
    احسن من جدة بمراااااااااااحل
    تفرشي الحمبل جمب البحر
    وكل مين جالس في حاله مع اهله وبزورته
    ودحين زبطو الشاطئ نفس الشاطي حق ارامكو في الشرقية

    وينزلو البزورة يبطبطو في البحر ونضيف وقدام عيونكم

    كل مايهفني الشوق للبحر نروح تول
    وبعد كدة نشقلب على قهوة الصالحي نضرب حوت ونرجع
    واحلى تمشيييييييية بحر

    احسن من جدة ودشرة جدة ومعاكسات وقلة حيا

    الواحد رايح يتمشى والا يضارب مع فلان وزعطان
     
  4. شقردية

    شقردية تاجر مميز

    إنضم إلينا في:
    ‏18 ابريل 2010
    المشاركات:
    154
    الإعجابات المتلقاة:
    0
    من جد ثول <<<جلست اقرا تول لما مسك الخط معاي ههههههههههه


    من جد يمدحو الحر هناكـ وجمب الجامعه الشاطئ

    يالله خلى عياللك يبلبطو بس انتبهيلهم الله يحفظهم للكـ
     
  5. من بعيد

    من بعيد تاجر مميز

    إنضم إلينا في:
    ‏27 أغسطس 2010
    المشاركات:
    233
    الإعجابات المتلقاة:
    0
    ايه ثول..................
     
  6. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    تول اخت ثول
    مشي حالك ستي شقردية

    ومايحتاج تروح للجامعة ولا شي
    اول ما تخش ثول تمشي على طول للكورنيش اول دوار تاكليه وبعدين يمين

    من بعيد ان مارحتي تول معناته ماشفتي بحر
    من جد اهرجكم

    على طريق المدينة
    احنا نروحها من شمال مكة بعد عسفان يجيكم كبري يندر على القضيمة وتوابعها

    واللي ساكن في جدة يمسك طريق الشمال بعد الرحيلي على طريق المدينة
    وفي كمان دهبان بس ثول احسن وافضل واقرب من دهبان
    من شمال مكة لثول ساعة زمان وازا سيارة عجوزة ساعة ونص
     
  7. شيهانه مكه

    شيهانه مكه $استغفر الله العظيم$

    إنضم إلينا في:
    ‏9 فبراير 2009
    المشاركات:
    2,522
    الإعجابات المتلقاة:
    0
    فيه جزيره الشراع فيها مسبح كبير مقسوم للاطفال الصغار واللي اعمارهم من 8الى 12

    مره حلو فيه العاب راح ينبسطوا الدخول ب45 لكل فرد وبعدها ياخدوا ورقه الدخول وتطلبوا بها عصير ومشروبات وفطائر
    بس الحين حر ورطوبه الاطفال راح ينبسطوا في السباحه لكن الكبار راح يموتو رطوبه تحت المظلات
     
  8. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    فين مكانها ستي شيهانة
    يعني الدخولية نسلمها مرة وحدة 45 ريال
    ولمن نخش جوة الجزيرة نشتري ونلملم على كيفنا
    يسير اندرها من عينهم 45 والله كتير
    والا عنده بشكة عوايل تكلف

    الله يرضى على بحر ربنا مكشوف للجميع
    وغير كدة موية البحر علااج سبحان الله
    ومشكورة على المساعدة
     
  9. الكواكب

    الكواكب تاجر محترف

    إنضم إلينا في:
    ‏30 مايو 2010
    المشاركات:
    2,663
    الإعجابات المتلقاة:
    0
    شيهانة اولادي كبار 14 و13 الشراع اعتقد حق اطفال
    الدهليز ثول هذي بعيد ولا كيف يعني ليموزين يقدر يوصلنا
    اذا الواحد يدفع 45 في 4 يعني180 وكمان ليموزين 200 غير اعطيني 10 والثاني 15 يعني تصفى 500 ريال لا الاستراحة ارخص
    زهقانين طفشانين روتين ملل حتى التمشية صار يبغالها جمعية :confused:
     
  10. @حسام@

    @حسام@ أبو عبدالعزيز

    إنضم إلينا في:
    ‏27 يونيو 2009
    المشاركات:
    612
    الإعجابات المتلقاة:
    0
    والله عندي لكِ فكرة جداً راااااااااائعة ..

    روحي على كباين القطان ..اللي على خط الشعيبة ..

    وربي انها من جد وناااااسة ..

    شوفي مميزاتها بالنسبة لي من وجهة نظري :-

    اولاً :- ما فيها عدد كبير من الناس .. وهذا الشي يخليكي تااااخذي راااااحتك بمعنى الكلمة ..

    ولهذا السبب دايماً انا بأخذ الاهل وكل اولاد العائلة وبنات العائلة هناك ..

    ثانياً :- مو شرط انك تستأجري الكبينة .. مع انو اسعارهم جداً رخيصة مقارنة بـ الكبايت الاخرى ..

    وتقدري تستأجري جلسة على الشاطئ والمضلات اللي على الشاطئ .. واعتقد انو سعرها ما يتجاوز الـ 150 ريال لمدة 6 ساعات ..

    ثالثاً :- قسم بالله راح ترتاحو نفسياً بالحركات والمناظر ومنظر السيقالات اللي عملوها جديد ..

    رابعاً :- مكان السباحة فيه جدا جدا جدا نظييييييييييييف ومن موية البحر لا كلور ولا مواد كيميائية

    ولا زيت دبدبات بحر في الموية ولا شي يعكر صفو مويتهم .. واحلى شي هما نفسهم حقون الكباين عاملين البحر

    من البحر مسبح ..

    وايش كمان يا ستي .. اممممممممممممممممم

    عندي مقاطع فيديو كثيرة لكل طلعة نطلعها على القطان بس والله حجمها مرررة كبير

    وان شالله احاول اني انزلها هنا عشان تشوفوها ..

    خامساً :- في عندهم مهرجان بيعملوه كل خميس مع فرقة اسمها فرقة ( وناسة ) .. وفيها جوائز حلوة

    وعضويات .. وكمان ممكن تطلع لكم كل الرحلة حقتكم مجاناً وهذي من ضمن جوائزهم .. وهي اقل جائزة عندهم

    انكم تقضو اليوم كله بدون ما تدفعو ولا ريال .. واهم شي انكم تنبسطو وهذا الهدف من عروضهم ..

    والله لو رحتوها مرة .. حيسير كل مرة تروحوها ..

    وغير كذا كل اللي فيها من مكة ومن اهل مكة ما في زحمة ولا في مسخرة ولا مرقعة وكل واحد جالس مع اهله

    وهو مرتاح انو مافي احد يضايقهم ولا في مشاكل ودوشة ودوخة راس ..

    وبس هذا اللي حبيت اقوله لكم وان شالله اكون افدتكم بشي لو قليل ..

    ودعواتكم يا اختنا الكريمة ..
     
  11. صبي عتيبه

    صبي عتيبه تاجر مميز

    إنضم إلينا في:
    ‏23 سبتمبر 2008
    المشاركات:
    651
    الإعجابات المتلقاة:
    0
    لو كان الاولاد وحدهم بدون عوائل تكلف الواحد 10 ريال باليوم في الشرائع
     
  12. جيل البيان

    جيل البيان تاجر مميز

    إنضم إلينا في:
    ‏24 ابريل 2009
    المشاركات:
    270
    الإعجابات المتلقاة:
    0
    اختنا الكريمه كواكب ..
    اتمني ان تفرغي صندوق الرسائل لديكم فلا يمكننا مراسلكتم ,,
    دمتي بخير وعافيه ورحله ممتعه وموفقه ان شاء الله ..
     
  13. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    والله ياستي كواكب
    لازم لمن تروحو تاخدو ابوكم لحسن الدنيا خلا في الطريق وماينفع تروحوها بتكسي
    الا ازا كان معاكم محرم وكبير

    يالله شوفي بقية العناوين تبع حسام باشا واخونا جيل البيان يمكن يدلوكي على اماكن حلوة
    اما قضية الفت لازم منه
    لازم من فت الفلوس

    وهادا يبغى عشرة وهداك عشرين
    لانه سبحان الله يمكن يشتهو بطاطس والا اسكريم
    وهناك الاسعار بالملعون اختها مرة غاااااااااالية
    والواحد ازا اتمشى لحالو يدبر عمره من اي حاجة
    يعني يتعشى ان شاء الله لو جبن وحلاوة

    لكن لو راح مع بشكة اوادم لازم يسوي زيهم ويشترك معاهم


    وزي ما اتفضلتي الطفش في كل مكان
    الاكل طفشانين منه
    التمشيات طفشانين منها
    الطفش على لسانهم ليل نهار
    علين في الاخر نقلهم نتفرطح تحت المكيف وناكل بليلة وكربو احسن
    والله ان جات عليا الحمد لله ماعمري طفشت
    خلوني في مكة ولا ازهق ولا اطفش منها
    وازا ضيقت على الاخر وقفلت معايا انزل الحرم
    وارجع صااااافي
    ويارب لك الحمد والشكر
     
  14. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    جزاك الله خير حسام باشا
    هيا لساع علين دحين عايشة الشعيبة
    سبحان الله زمااااااااااااان لمن كنا نروح والطريق كان رايح جي ويفجع
    مدري كيف الطريق دحين
    كنا نسميه بحر مكة :p5088:
    بس عيب البحر هناك اول مايقول الله اكبر االمغرب والا قبل المغرب
    شيل بزورتك واهلك ولم قرمبعك وعلى البيت
    لانه البحر مسكون بالجن

    وياما ناس اتبلعت في الشعيبة
    وياما اصوات انسمعت جمب البحر

    ويا حبمبا ولع اللمبة

    الله اعلم دحين راحت الكشة من الشعيبة والا برضها موجودة
    كباين القطان اللي افتكرها حقت الهدا مدري الطايف
    يمكن سوو كباين قطان في الشعيبة دوبي ادري والله

    بس من وصفك باين عليها حلوة وبالزات لو الناس لحالهم

    احسن من كباين المصخرة اللي في شمال جدة
    مرة انعزمنا في وحدة يا ساتر والله صاير فرجة يومتها في الكباين قلعقلهم ايش جابه عندنا
    بصراحة شي يقرف وما اتعودنا على التهاويل هادي
    بقوة الله جلسنا جوة الكبينة واتعشينا وعلى البيت
    وصكة ودينها ان طبينا الكباين :ang:

    وازا عندك مقاطع فرجنا الله يفرج عن امة محمد
     
  15. ابو خالد 7

    ابو خالد 7 تاجر

    إنضم إلينا في:
    ‏22 مارس 2009
    المشاركات:
    47
    الإعجابات المتلقاة:
    0
    انا عندي استراحه في مخطط امتداد ام الجود امام استراحة الامل خلف قاعة بدر للافراح وبجوار مسجد باذن الله سوف تكون متميزه


    قريبا الافتتاح
     
جاري تحميل الصفحة...
المواضيع المشابهة التاريخ
استفسار ياخوان اللي يعرف نادي او اكادمية لكرة القدم بمكه ياليت يفيدني ‏7 نوفمبر 2016

مشاركة هذه الصفحة