1. مرحبا بكم في أسواق ستي أكبر المواقع التجارية شعبية
    إستبعاد الملاحظة

خدمة بسيطه بخصوص الخادمات الله يرزقنه اللي يرد علي

الكاتب: fatooom, بتاريخ ‏7 ابريل 2011.

  1. fatooom

    fatooom تاجر مميز

    إنضم إلينا في:
    ‏14 فبراير 2010
    المشاركات:
    125
    الإعجابات المتلقاة:
    0
    السلام عليكم ورحمة الله وبركاته
    تكفون يا اخواني وخواتي ابي خدمة منكم انا ابي اقدم على خدامه وماني عارفه وش افضل جنسيه انا ودي بنيباليه او هنديه بس ابي اخذ رايكم اللي عندهم خبره وابي اعرف كم تكلفة الاستقدام لكل جنسيه وهل اقدر ادفع قيمه الاستقدام على دفعتين واقل تكلفه وراتب لاي جنسيه وهل في شروط للاستقدام الله يسعده ويرزقه اللي يرد علي الله يفتح له ابواب رزقه ويبعد عنه كل شر انتظر ردودكم ياحلوين :):)
     
  2. ذهب1

    ذهب1 تاجر

    إنضم إلينا في:
    ‏1 ابريل 2011
    المشاركات:
    48
    الإعجابات المتلقاة:
    0
    صباح الخير فطوم والله يجزاك خير على هالدعاء الطيب وتوصي فيني تكفين لاني محتاج لدعائك االله يوفقك
    هذي بعض المعلومات وبابحث لك في الباقي بس لاتنسين الدعاء
    الشروط اللازمة لإستقدام (عاملة منزلية ) :

    · ان يكون متزوجا ولديه اولاد

    · ان يكون متزوجا والزوجة تعمل او طالبة

    · الارملة ولديها اولاد .

    · المطلقة ولديها اولاد .

    · ان يكون لديه دخل شهري لايقل عن 3500 ريال

    · لإستقدام عاملة منزلية ثانية شرط وجود طفلين او زوجة ثانية او إعالة الوالدين وان ان يكون لديه دخل شهري لايقل عن 12000 ريال

    حالات استثنائية :

    · يتم الموافقة لكل مواطن يعاني من العجز بسبب السن او المرض او الاعاقة ، هو او احد افراد اسرته ممن يعولهم شرعا استقدام سائق او عاملة منزلية او ممرضة منزلية حسب الحاجة وبعد تقديمه لتقرير طبي يثبت حالته وحاجته بشرط توافر القدرة المالية

    · في غير الحالات السابقة يتم الرجوع لوزارة العمل للنظر فى تلك الحالات على ضوء معطياتها .

    · في جميع الحالات المشار اليها اعلاه يجب ان يثبت المستقدم قدرته المالية على دفع الاجر سواء من جهة عمله او من أى جهة مالية .

    · المواطن الذى لا يعمل بوظيفة حكومية ويعمل بالقطاع الخاص عليه تقديم مايثبت انه على رأس العمل بإحضار برنت من التأمينات مع اثبات القدرة المالية مصدق من الغرفة التجارية .

    · المواطن الذي لا يعمل بوظيفة حكومية او بالقطاع الخاص وليس له عمل مرخص بسجل تجاري ساري المفعول عليه تقديم اثبات حساب بنكي لمدة 6 شهور لايقل معدل الرصيد الشهري عن القائمة اعلاه .

    الاوراق المطلوبة من العميل لإتمام استخراج التأشيرة :

    1. صورة كرت العائلة .

    2. تفويض مصدق من جهة العمل . ( مرفق النموذج )

    3. خطاب تعريف بالراتب (الدخل الشهري) مصدق من جهة العمل او الجهة المختصه بذلك .

    4. اصل شهادة المغادرة للخادمة السابقة او السائق .

    5. تعريف من عمل الزوجة او الابنة غير المتزوجة ( بالنسبة للسائق ) .
     
  3. ابو خالد 111

    ابو خالد 111 تاجر

    إنضم إلينا في:
    ‏1 أكتوبر 2010
    المشاركات:
    77
    الإعجابات المتلقاة:
    0
    افضل جنسية اشوف السرلنكيات مشاكلهم قليلة
     
  4. فروحه حلوه

    فروحه حلوه تاجر محترف

    إنضم إلينا في:
    ‏23 فبراير 2009
    المشاركات:
    4,436
    الإعجابات المتلقاة:
    0
    السيرلانكيه هم ما ينلم
    عله وصياحه وتموووووت بالبنادول
    وعليهم تمثيليات ولا المسلسلات التركيه
    الا امي ماتت الا بنتي صار لها حادث
    الا زوجي انتحر
    وكل يوم تعطيها كرتون منديل حق صياحها
    الا من رحم الله منهم
    ناااااااااااااااااادر تلاقي وحده تفتح النفس
    النيباليه يمدحونها والله بس يقولون فهمهم على قدهم
    بس اذا تعلمت زين ما عليها خلاف وراتبها ما يتعدا 500ريال
    والهمديات اشوف زوجة خالي ما تاخذ الا منهم بس الظاهر ما عاد يجون
    يوم بغت تقدم هنديه ولا مكتب جاب لها
    كلهم قالو ما فيه من الهند
    الاندونيسيه على كثر مشاكلهم بس بصراحه
    هم الي يتحملون الشغل والكرف والبزران
    فيهم صبر وقوة تحمل لكن الي متفرعنه منهم الله يكفيم شرها
    الكينيات حماة اختي ما تجيب الا منهم
    تقول جيدات وشغيلات
    اصلا هم طبيعة بلدهم الحرمه تشتغل والرجال جالس يستنا لقمته
    يعني طبيعتهم الشغل والنشاط
    وما قد سمعت عنهم مشاكل الا انهم افارقه وعادتا الافارقه نفسيات يعني ما يتحملون
    الغلط ابد ابد لااحد يغلط عليهم
    ومن هذا المنطلق >>>>>>>>>>>تتفلسف
    نشوف الافض بالترتيب
    النيباليه>>>الكينيه>>>>الهنديه>>>>الاندونيسيه>>>>السيلانيه
    والله يرزقك الي فيها الخير
    ويبارك لك فيها اللهم امين
     
  5. فالك خير

    فالك خير تاجر

    إنضم إلينا في:
    ‏10 مارس 2011
    المشاركات:
    48
    الإعجابات المتلقاة:
    0
    من خلال تجربتي احب اقولك تعتمد على الحظ لاتقولين السيلانيه ولا الاندنوسيه ولا النيباليه فيه ناس كثير ماترتاح الا مع السيلانيات وناس ماترضى الا بالاندنوسيه ورغم انهم موقفين حاليا الا انهم يقلون نستنا مافيه مشكله بالنسبه لي جربت جميع الجنسيات بس ماارتحت الا للاثيوبيه يمكن غيري ينفي كلامي لان كل واحد و تجربته والحين تبغى تروح وابغى اقدم نفسها اثوبيه والله يوفق هم صحيح فيهم برود ولكن على نظافة قلب وامانه تروحين تجين مأمنه بالبيت وتتعلم بسرعه ومخلصه بشغلها بس الله يعين على فرقاه :(
     
  6. fatooom

    fatooom تاجر مميز

    إنضم إلينا في:
    ‏14 فبراير 2010
    المشاركات:
    125
    الإعجابات المتلقاة:
    0
    الله يسعدكم ياللي رديتو ويسخرلكم ربي احسن خدامات بالدنيا حلوه الدعوه صح خخخ جعل الجنه مثواكم ياجعلني فدوى لعيونكم مشكورررين على الرد الله يوفقكم
     
  7. GENIUS MAN

    GENIUS MAN تاجر محترف

    إنضم إلينا في:
    ‏5 سبتمبر 2010
    المشاركات:
    3,781
    الإعجابات المتلقاة:
    0
    موووووووووووووووفقه
     
جاري تحميل الصفحة...

مشاركة هذه الصفحة