1. مرحبا بكم في أسواق ستي أكبر المواقع التجارية شعبية
    إستبعاد الملاحظة

لا .. لا .. للبازار

الكاتب: الدهليز, بتاريخ ‏7 ابريل 2011.

  1. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    السلام عليكم ورحمة الله وبركاته

    الله يصبحكم بالخير جميعا

    والله مني داري ايش اكتب او اقول عن البازار

    القناعة انعدمت من بعض نفوس التاجرات والطمع عمى عيونهم

    مكينة تسوي رسمات على الاضافير بالمناكير
    اخدناها ب 35 ريال
    من اول البازار

    والاهل ناسبتهم وبغيو ياخدو زيها هدية لحبايبهم
    جينا نبغى ناخد السعر صار 60 ريال !!!!!!!!
    ونفس النوع ونفس الشركة

    كيف باعتها اول البازار ب35 وهيا ربحانة يمكن واقفة عليها بالجملة ب20 ريال او 15
    تجي تبيع بعد كدة ب 60

    بس مرسولتنا للجامعة قالت للبياعة خلي المكينة عندك احسن وشالت بعضها ونددرت


    وحدة تبيع عطورات وسعر القارورة ب50
    ولانه صاحبة البسطة مو موجودة او موقفة كم بنت تساعدها
    بتاخد 10 ريال زيادة عن كل قارورة

    الله اعلم دارية راعية البسطة الاصلية انو البنات اللي جايبتهم بيلهلطو من وراها

    وحتى النوعية اللي ناخد منها ريحتها مختلفة او اختلفت عن القديمة
    بس لمن مرسولتنا مشيت وخصرتها رجعت زهمتها وقالت يالله تعالي
    وخديها بالخمسين وبركة ماجابت الا وحدة كلونيا لانه الريحة مختلفة
    والا ايش كنا حنسوي بكميات كبيرة ومهي على طلبنا


    كوب حراري لونه ابيض لمن يتعبى موية حارة والا شاهي
    يتغير لونه ويسير اسود وفيلو رسومات واشكال
    واول مايبرد الشاهي يرجع الكوب للونه القديم

    قيمة الكوب 70 ريال

    مع انو وحدة في الشرقية قالت اعطيك الكوب ب 30 ريال !!!!!!!!!! وازا حبيت الشحن عليا
    بس مدري فين رقم الاخت انحدف مع الرسالة وراح


    اشترينا ابجورة فيها قلوب وتدور زي المدوان
    ب45 ريال جينا نشغلها في البيت
    اول ما غرزنا الفيش قالت طاااااااااااااع :ang:

    الاهل اتنكدو وقالوا راحت الفلوس
    والبازار خلص يوم الربوع
    كيف نردها
    قلتلهم جيبوها دحين اجيب العدة وافرطها :021:

    فكيت المسامير حقتها مسمار مسمار
    والتقيت السلك مقطوع وملتمس :ang:
    وحتى اللمبة مدري كيف مركبة وضاااااربة :ang:
    قصيت السلك وعدلته ولفيت شطرطون زي العازل وغيرت لمبة جديدة
    والحمد لله اشتغلت طيب لو حصلت الشغلة هادي ما واحد تاني كان شالها ورماها بطول يده




    قصرو

    راص مال التاجر سمعته
    ومكسبه الزباين
    لو الزبون اتعود على تاجر مو شرط في البازار في اي مكان
    وعرف اسعاره ومراعته واكرامه للزباين
    اكيد كل الزباين يجرو بعضهم والرجل تجر الرجل
    زي القمل يجر الصيبان :p5088:

    والا علشان بعض التاجرات شبعو من البيع قالوا خلينا نرفع الاسعار في اخر يوم او يومين
    ويالطيف اللهم لا شماتة اللي رفعت اسعارها رقدت وخللت مع بضاعتها

    اللي اعرفه في اي مكان
    اخر يوم في الاسواق والعروض والبازارات
    يتم التخفيض في الاسعار علشان يجذبو اكبر عدد من الزوار والزباين
    ويخلوها ختامها مسك


    ما ألوم الاخوات اللي اتكلمو زمان عن السوق النسائي اللي في الرصيفة
    وانه غااااااااااااااااااااالي
    مني داري هل بعض او اغلب الحريم ناقصهم دورات في البيع والشرا
    وكيفية التعامل مع الزباين

    السوق والبيع والشرا يبغالها صبر وطولة بال
    مو كل الايام عسل ولا كل الايام بصل
    يوم كدة ويوم كدة

    ومني داري هل نؤيد اقامة اسواق نسائية
    والوضع زي ماقلت لكم عليه او زي منتو عارفينه

    وزي ماقال المسل ازا كان هادا اوله ينعاف تاليه

    علشان لا نظلم المشاركات في البازار
    في ماشاء الله تبارك الله تاجرات ربي يحميهم ادب واخلاق وحسن تعامل
    واتوصو بيا الله يجزاهم عننا كل خير
    بالزات الاخوات اللي يبعيو الكريمات والاكلات والحلويات وادوات التجميل
    مابدي اقول وحدة وانسى وحدة


    نستنى البازار اللي يجي لعل الله يهديهم ويهدينا معاهم

    الحق محد يزعل منو يابنات والا موووو
    ومن محبتي لكم واتمنى لكم الخير بقلكم الكلام هادا
    وتسمعو الكلام مني احسن ما تسمعوه من غريب :p5088:
    هيا في اماان الله
     
  2. (عروب)

    (عروب) تاجر محترف

    إنضم إلينا في:
    ‏16 نوفمبر 2009
    المشاركات:
    1,321
    الإعجابات المتلقاة:
    0
    هلا فيك عمو الدهليز
    الله لا يحرمنا من مواضيعك وتعليقاتك
    والله فعلا كلامك في ناس ترضى بالربح القليل والله يبارك لهم فيه
    وفي ناس ترفع الاسعار
    بس احيان البازارات ايجارها غالي ويطرو التاجرات يرفعو السعر علشان يخارجهم
    بس كل شي له حدود
    والله موزع الارزاق محد ياخذ اللى نصيبو
    الله يرزق الجميع الرزق الحلال

    اتمنى ياعمو انك تزور بازار تراثيات اللى في حجز السيارات طريق جده اذا ما زرته
    لان المكان ذكرني فيك اول مادخلت
    شفت رجال لابسين العمه والسديري وجالسين على المركاز تبع ايام زمان وتخيلتك بينهم :p5088:من كثر ماتكتب عن تراث مكه وايام زمان
    اتمنى تروح وتعطيني رائك بالمكان
    اكيد راح يعجبك
    بس اخاف تعجبك الجلسه هناك
    وماعاد تدخل المنتدى :214:
    تكفى عمو خذ الابتب معاك هههههههههههه:D:D:D
    يعطيك الف عافيه
     
  3. @حسام@

    @حسام@ أبو عبدالعزيز

    إنضم إلينا في:
    ‏27 يونيو 2009
    المشاركات:
    612
    الإعجابات المتلقاة:
    0
    <CENTER> بيان من وزارة الداخلية في أسواق ستي </CENTER><CENTER></CENTER><CENTER></CENTER><CENTER>[​IMG] وااااو وااااو وااااو [​IMG]</CENTER><CENTER></CENTER><CENTER></CENTER>
    مين اللي مزعل عمو الدهليز من صباحية ربنا ؟؟ هاااااااااا ؟؟



    ترى اللي يزعل عمو الدهليز بعد كذا راح يكون عقابه زي كذا

    [​IMG]

    وأي احد راح يزعل اي احد راح نعطيه بالخباطة على دماغه الين يتوب ​

    هههههههههههههههههه
    [​IMG]


    [​IMG] بعد الكشف على عمو الدهليز اتضح لنا انو معصب ومزاجه اتعكر شوي عشان في ناس زعلوه الله يسامحهم .. بسسس [​IMG]

    لذلك قررنا ان نعطيه ابرة مهدئة [​IMG]

    وكمان اجازة لمدة 3 ايام من المنتدى ..​

    وهذي احلى كاسة شاهي وبالنعناع كمان لأحلى عمو دهليز في مكة ​

    [​IMG]

    وان شالله محد راح يزعلك مرة ثانية يا عمو ..​

    وتعيش وتحكي احفادك ان شالله ​

    ههههههههههههههههه​

    في امان الله عمو ​
     
  4. ام الكناري وبس

    ام الكناري وبس تاجر مميز

    إنضم إلينا في:
    ‏27 سبتمبر 2010
    المشاركات:
    209
    الإعجابات المتلقاة:
    0
    ماحدش أحسن من حد

    راتب الشهرين 00 قالوا العالم بطرانة عندها فلوس تدفع وهي تضحك 00 والجامعة مكافئتين لية ماتدفعش

    ماتدري إن هالمكرمة رايحة بسهولة 00 دي فلوس النهاردة مافيهاش بركة 00

    والله يعين
     
  5. moony$

    moony$ تاجر مميز

    إنضم إلينا في:
    ‏8 أغسطس 2010
    المشاركات:
    386
    الإعجابات المتلقاة:
    0
    حضرت بازار في الشرائع من زمان و كان مرتب و الاسعار معقولة و اشتريت فستان جرسيه تصميم وحدة من البنات (اظن اسمها سهى بيت المال )ما شاء الله يجنن و سعره معقول:clapinghand:
    و مرة تانية رحت بازار في قصر التهاني و اخدت كم حاجة اسعارها حلوة منها علاقة المكانس و غيره
    اما البازار اللي في ماربيا بصراحة كانه الواحد في الحج :pبس نمشي لانه الممرات ضيقة و مافي مجال توقف و تتفرج او تسأل عن سعر اي شي اخذنا لفة و طلعت وقفت على جنب استنى البنات
    جاتني وحدة قالت انتي فين رايحة قلت لها انا واقفة استنى قالت افتكرتك حتدخلي البازار لانه الدخول بتزاكر قلت في قلبي اشوى اني ما ادري
    ادفع تزاكر علشان اخد لفة و اندر:D
     
  6. نجوم*

    نجوم* تاجر مميز

    إنضم إلينا في:
    ‏13 نوفمبر 2010
    المشاركات:
    237
    الإعجابات المتلقاة:
    0
    هلا بعمو دهليز
    ماعاش اللي يزعلك
    ومعاك حق بكل كلمة تقولها
    البازارات النسائية تلاعب بالأسعار بشكل يرفع الضغط وأحياناً يبالغوا برفع السعر بشكل مبالغ فيه
    واللي تقول بعض البازارات أيجاراتها غاليه هذا ماهو سبب لرفع الأسعارعلى زبائنك

    أكيد ما كان الإيجار غالي اللا عشان الزباين كثير في البازار وغير كذا لا تستأجري منهم لأنك راح تكوني خسرانه يا بفلوسك يا بسمعتك كتاجره وإختيار البازار المناسب من حيث الموقع والسعر يحتاج لخيره

    يعني التاجرة المفروض تفهم أنها بتدفع إيجار أكبر في البازار بمقابل أنها بتحصل على زباين أكثر
    ما تخلي الإيجار الغالي بمقابل أنها ترفع أسعارها

    ومشكور على الموضوع الهادف والتنبيه ان شاء الله يستفيد منه الكل
     
  7. ملثمه بشعري

    ملثمه بشعري تاجر مميز

    إنضم إلينا في:
    ‏9 مارس 2011
    المشاركات:
    299
    الإعجابات المتلقاة:
    0
    يعطيك العاااافيه عموووو وصدقتي ياعسل انا من الحاضرات للبازارات واذكر بعض البنات كانو يغلو الاسعااااره وربحهم 1000 ب 100 وبدون ذكر اسماء اعرف وحده كانت تغش البنات تجيب بضاعه مقلده وتحلف يمين انهااااا ماركه لاحول ولا قوه الا بلله سوا شنطه او عطر او مكياج
     
  8. غلاي انت

    غلاي انت تاجر مميز

    إنضم إلينا في:
    ‏19 فبراير 2010
    المشاركات:
    279
    الإعجابات المتلقاة:
    0
    السلام عليكم ورحمة الله وبركاته
    اول شي لا يسير في خاطرك شي على التاجرات يا عمدة المنتدى
    وثانياً مالهم حق يوم تبيع بـ35 ويوم بـ 60 لازم توحد سعرها وتستمر عليه
    وكمان لاتلوم التاجرات الي يبيعو في المنتدى بـ 30 ريال وتلاقيها في البازار تبيعه بـ 35 و 40 ريال
    لان المنتديات مافيها دفع ايجار محل ولا موضفات يساعدونها في البيع
    لاكن البازار لازم دفع ايجار الموقع وبالنسبه للجامعه الاسبوعين ما يقل عن 5000 ريال
    والبنات الي يساعدون في البيع تاخذ 100 ريال في اليوم يعني 10 ايام بـ 6000 على التاجره فلازم يرفعون السعر شوي عشان تطلع حقها من البضاعه
    والله العظيم شوف عيني تاجره في بازار الجامعه تبيع نظارات قيمتها 120 ريال وشركه معروفه مستاجره جمبها تبيعها 500 ريال ووقفوها عن البيع لانهم ماخذين الموقع من بازار الجامعه بمبلغ وقدره عشان يكون البيع حصري لهم وقيمة النظاره ماتزيد عن الـ 100 ريال في اسواق الجمله
    كيف نقارن بالي يزودون الـ 5 ريال و10 بالي يزودون 400 ريال وكمان يقطعون ارزاق الناس ويوقفونهم عن البيع
    الله يعطيك العافيه مواضيعك دائماً مميزه
     
  9. بنت الضيافة

    بنت الضيافة تاجر محترف

    إنضم إلينا في:
    ‏5 مايو 2010
    المشاركات:
    1,452
    الإعجابات المتلقاة:
    0
    اهلا اهلا باخونا وفاكهة منتدانا
    ياخويا مشي حالك واشوة انو بين البايع والشاري يفتح الله وفلوسي في جيبي وبضاعتهم عندهم:cnf3:
    بس اتفق معاكم انو ايجار المكان مو حجة لجلد الناس :214:
    وصدقوني الاسعار لما تكون معقولة تشجع على الشرى بعكس لما تكون مشعللة وقتها تسد النفس:confused:
    الله يعين ويساعد على دي الحياة
     
  10. مؤسسة الرونق المميز

    مؤسسة الرونق المميز متجر جمال حياتي سابقا

    إنضم إلينا في:
    ‏1 مارس 2010
    المشاركات:
    11,677
    الإعجابات المتلقاة:
    0
    معليش عمنا الدهليز
    ولا تزعل ولا تكدر خاطرك

    وبلنسبه لأسعار البازارات والله فيها تلاعب كبير

    انا عن نفسي مو مدحن في اسعاري كل ما رحت لبازار يزعلون مني التاجرات بسبب اسعاري لانها اقل من مكاسبهم الخياليه
    وفي كم تاجره من غير دكر اسامي يرسلولي مراسيل من عندهم يسئلون عن اسعاري
    وعن بضايعي
    انا عارفه المكسب الي يخارجني واحطه للزبونه وبين البايع والمشتري يفتح الله

    واللحين تفضل يا عمنا الدهليز بزيا رتنا في معرض وملتقى تراثيات
    وراح ترجع دكرياتك وايامك الحلوه
     
  11. ام مـــــــــالك

    ام مـــــــــالك تاجر مميز

    إنضم إلينا في:
    ‏14 فبراير 2011
    المشاركات:
    237
    الإعجابات المتلقاة:
    0
    [​IMG]عمو الدهليز وربي معاك حق انا تاجره توي صغيرونه ومبتدئه بس فيه تلاعب كبير بالاسعار
    ومره حجزت ببازار بقاعة العرب بالشرائع وليتني ماحجزت اخذت اللي مسويه البازار مئة ريال حق الطاوله وانا مادخلت ولا ريال لانه ماجاء احد نهااااااااااااااااااااااائي لا وتقول سامحوني الدعايه ماكانت كافيه
    بس نصيحححححححححححه اللي بتاخذ بازار بس روووووووووووز بالشرائع والا بلالالالالاش
    ماشاء الله زحمة ناس وزحمة تاجرات دعوااااااتكم بالرزق الحلال والتوفيق من الله ثم بدعائكم[​IMG][​IMG]
     
  12. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    السلام عليكم ورحمة الله وبركاته

    الله يصبحكم بالخير في هادا اليوم الفضيل

    اشكر الحبايب اللي نورونا واللي اتكلمو بصدق وامانة ان كانوا تجار او من عامة الناس
    الحق احق ان يتبع

    مرحبابك ستي ام عروب انستي ونورتي
    والله لا يحرمنا منكم كلكم


    انا ياستي مني زعلان منهم زعلان عليهم
    كلامك صحيح وما قلنا شي
    حتى لو التاجرة زادت السعر مو مشكلة
    بس الزيادة تكون ثابتة ومن اول البازار
    يعني مو معقولة اليوم ابيع التميس بريال
    وبعد كدة اخليها بعشرة ريال
    طيب خلاص مو انا قيدي استأجرت الموقع واتفقت
    على ايش الزيادة اللي مالها معنى


    بازار جدة الاخت رشة عطر جزاها الله خير حطت كم صورة وجلسنا نوايق فيها

    والله ياستي انفركت ركبتي وجالسين نمتهر فيها مروخ
    لا فينا نروح ولا نجي واصلا البازارات وتوابعها ما تستبدي الشغلات الا في الليل
    واحنا والسهر مو اصحاب وغير الزحمة والسواقة اللي تفور الدم :ang:
    هو احنا ناقصنا

    مادام اتخيلتيني معاهم معناها وصلت الصورة صح :)

    وايت لابتوب ناخده معانا ناقصين حملة
    هو ايام الكيرم كنت استصعب اشيلو معايا من مكان لمكان
    ونقول للناس ليش ما تشترو كيرم عندكم يسير لمن نجي نسمر ناخد قهوة والا قهوتين :021:

    ياستي الله يتمم فضله باحسانه
    ونعم بالله الرزاق ومقسم الارزاق والله يكرم الجميع
     
  13. مكاويه غير

    مكاويه غير تاجر مميز

    إنضم إلينا في:
    ‏11 أغسطس 2009
    المشاركات:
    127
    الإعجابات المتلقاة:
    0
    كلامك سليم % وكله حكـــــــــــــــــــــم
    بلفعل اغلب التاجرات للأسف يلعبووو في الأسعـــــــــــــــــــــــار
    و النتيجه فشـــــــــــــــــــــــــــــــل الأسواق النســـــــــــــــــــــــــــائيه ...... :(
     
  14. مكيه

    مكيه تاجره عطور ثقه 0595355584

    إنضم إلينا في:
    ‏11 نوفمبر 2008
    المشاركات:
    5,081
    الإعجابات المتلقاة:
    0
    تبي الحقيقه
    انا اشتركت بزار الشرائع النسائي قبل سنتين بصراحه في ظلم في الايجار يعني الاخت اخذه المساحه كلها 400 وقسمتها واجرت المساحات اللي هي مترين في مترين حوالي فيها اكثر من 12 تقسيمه 4000
    وصدمه انا الحريم وزباين ماكانوا يعرفوا انه في بزار حريم كانوا معطينهم مساحه على جنب والحريم اللي دخلوا كانوا يظنوا مكان اكرمكم الله و( والله قهر ) خسرنا خساير مايعلم فيها الا الله من غير اللي جاها اكتئاب بعدها ويالله شفيت زوجها حرم عليها البازات

    خليها على الله يشيخ كل يبكي على ليله
     
  15. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    الله يهديك يا ابو حسام قصيت حيلي
    وزارة داخلية مدري خارجية روقناااااااااا دخيلك لا يحطونا ورا الشمس :021:

    الله لا يجيب الزعل ان شاء الله بس والله من خوفي ومحبتي على اهلي وناسي
    بننصحهم ونتمنى لهم الخير
    علشان كدة قطعت الاجازة اللي اديتني هيا وجيت انقز زي القرد :p5088:
    وجزاك الله خير على الشاهي بس مرة حليته كتييييييير شكلك غمست اصباعك في البراد ;)

    بس والله شي يخلي الواحد يستعجب وانا بقرا قصص الاخوات
    واكيد في قصص غيرها عن مغامرات البازار

    كل هادي الهروج وساكتين يا بناااااااااااات
    وياما في الجراب يا حااااوي

    يالله نجيكم بكرة ان شاء الله
    تباتو وتصبحو على خير
    وفي وداعة الرحمن

    واللي عنده حاجة يقيدها
     
جاري تحميل الصفحة...

مشاركة هذه الصفحة