1. مرحبا بكم في أسواق ستي أكبر المواقع التجارية شعبية
    إستبعاد الملاحظة

تفكر تسوي موقع على الانترنت ... خذ تجربتي ونصيحتي

الكاتب: أبو زياد1431, بتاريخ ‏31 مارس 2011.

  1. أبو زياد1431

    أبو زياد1431 تاجر مميز

    إنضم إلينا في:
    ‏23 أغسطس 2010
    المشاركات:
    723
    الإعجابات المتلقاة:
    0
    ابيكم تقرون الكلام حبه حبه

    هو طويل لأني حاطه بخط كبير ... بس ماراح تندم على الوقت الي امضيته فيه بحول الله

    لأنها نصيحة من مجرب

    ...


    أول شي بحثت بقووقل عن شركة استضافة

    ولقيت من ضمن الي لقيتهم هالموقع

    http://www.elryad.com/

    اسمه الرياض وبتكتشفون بالنهاية ان مالهم دخل بهالاسم

    الشاهد اني سويت محادثة مع المسئول وقلت له اني ابي تصميم وتركيب منتدى

    وطلبني احول الفلوس وأفتح تذكرة بموقعهم واقول لهم الي أبي

    وبالفعل حولت الفلوس :(

    وفتحت التذكرة رقم 215352

    وقلت لهم فيها ...

    السلام عليكم

    تم تحويل المبلغ المتفق عليه وايداعه في حساب البنك الأهلي
    ...

    المطلوب هو تركيب منتدى حواري ... مشابه لهذا المنتدى

    XXXXXXXXXXXXX

    افضل تصميم شفته عندكم هو ستايل "فاضين" ... مع اضافه اللون البني الفاتح بالأضافه للسماوي

    الرسمة بالأعلى تكون رسمه مشابهه لمجلس شعبي طين مع مشب ...

    وشكراً


    لاحظ اني كنت متفق مع الأخ على المسنجر انه يصمم ويركب منتدى

    وكتبته بأول الطلب .. وكان المبلغ 290 ريال

    بعدها بشوي قال بيتأكد من التحويل ..

    بعدين أكد لي وصول المبلغ وأخبرني أن العمل بيستغرق 10 أيام ... ولكم تشوفون بموقعهم كم المده للتنفيذ

    تم استلام المبلغ
    ويرجى ارسال تفاصيل اكثر عن التصميم المطلوبة
    وهذة الجملة غير مفهومة وغير كاملة
    الرسمة بالأعلى تكون رسمه مشابهه لمجلس شعبي طين مع مشب ...


    عطيته الي طلب ... وشوفو شلون كنت واضح بطلبي
    لأني جبت لهم صور

    يعني زي الشكل هذا

    http://4.bp.blogspot.com/_TW5x1XiAMEQ/TE2CEED8w1I/AAAAAAAAAcI/ebTNOUMyzjE/s1600/مجلس+شعبي.jpeg

    بس تكون رسمه ... مو صوره

    واللوقو حق الموقع ... عبارة عن فانوس .. مكتوب تحته مجلسكم


    http://t1.gstatic.com/images?q=tbn:ANd9GcSBmfZri4ZytfYf7qpewhEVldkNP9wOZ58guNJu41rooGerDq39cw&t=1

    المهم التنسيق ...وهذا هو تخصصكم الله يعطيكم العافية


    وناموا بعدها

    جيتهم بعد ثلاث أيام ... قلت لهم وش الجديد؟ ... وردو علي انهم بيخبروني وقت ما يستجد شي :)

    وبعد ما تناصفت المدة قلت لهم

    الإخوة الكرام ... اليوم هو 7/2

    يعني لنا 5 أيام من تاريخ الطلب .... (نصف مدة العقد) ... لا أريد أن نأتي على آخر الأيام ويكون التصميم مخالف للمطلوب أو يكون العمل بشكل غير احترافي

    مما يتسبب في تأخير التسليم

    إبقاء العميل على إطلاع بسير العمل سيفيد من الإنهاء السريع والسليم

    أشكر لكم تفهمكم لرغبة العملاء


    ردو علي برد بارد

    اخى الكريم
    جارى العمل بالفعل
    وبعد الانتهاء سيتم ارسال صورة مباشرة ان شاء الله
    بارك الله فيكم

    شكرته على تجاوبه وطلبت يركب المنتدى الأساسي وابدا في التقسيم

    اشكرك عزيزي على تجاوبك

    هل بالإمكان رفع الستايل الاساسي عشان اقدر أبدا بتوزيع المؤدى وتخصيصه

    على ماتنتهون من الستايل المطلوب

    وشكراً

    وكان رده على المسنجر مو على التذكرة وقال ان العمل فقط للتصميم وماله دخل التركيب!!
    قلت له أن طلبي واضح من البداية ... كان طلبي تركيب وتصميم

    وقال لي انه بيركبه من عنده مجاناً ... وانا محتفظ بالمحادثات
    لكن قلت له اعتبر دراهمك أمانه عندي وهي حقك
    قام ونزل في التذكرة هذا الرد!

    تم تركيب نسخة المنتدى
    تكلفة التركيب 75 ريال
    xxxxxxxxxxxxxxx


    بارك الله فيكم
    وجارى العمل على تصميم الستايل

    بارك الله فيكم


    صحيح الحركة ما تنم عن أخلاق ... لكن تغاضيت عنها
    لأنه قال هذي غلطته وقال تركيب المنتدى مجاناً!

    بعدها نزلوا لي هالتصميم

    السلام عليكم ورحمة الله وبركاته
    تم الانتهاء حسب المطلوب ياغالي
    نمتني ان ينال العمل حسن ظنكم ان شاء الله

    http://www.elryad.net/uploads/12973042651.jpg

    انتم وبكل أمانه ... شوفو التصميم الي طلبته

    وشوف التصميم الي هو مسويين

    انا طالب بيت طين ومشب نار

    وهم مسوين مخدات حمراء وتاج عروسه :)

    وفوق كذا كاتبين اسم المتندى غلط لأني طلبت الاسم مجلسكم

    والدومين الي حجزته هو http://mjlscom.com/
    وهم كاتبين مجالسكم

    طبعاً رفضت العمل
    وطلبتهم يعددلون شغلهم وبشكل سريع

    فكان التعديل زي ما تشوفون

    تم التعديل
    http://www.elryad.net/uploads/12973439121.jpg

    فقط غيروا الاسم !!!!

    طبعاً سحبوا علي ثلاث ايام

    وحتى الي بالمسنجر ماعاد صرت اشوفه

    وكتبت لهم بالتذكرة اكثر من مره

    وشوفوا ردهم بعد ثلاث ايام

    السلام عليكم
    اخى الكريم

    يرجى الانتظار فانت تبى تصميم اخر تمام وهذا عملة ليس بقليل


    بوركت

    صرت أنا بنظرهم الغلطان والي ابي تصميم آخر!!
    لاحظوا كلمة آخر هنا ترا لها مدلول عندهم
    وبتعرفونه بعد شوي

    قلت لهم أن التأخير منكم والتصميم مو مطابق وكان ردهم

    السلام عليكم ورحمة الله وبركاته
    طلبتم تعديل الاسم ياغالي
    وبعد التعديل تقول الاستايل مو عاجبني
    يرجي وضع مثال واضح لاهنت
    شكرا

    حسيت الآن أنه أنلعب علي

    وقلت لهم زي مادخلنا بالمعروف نطلع بالمعروف لأن وقت حجز المساحة محسوب علي وراح اسبوعين وانا ما سويت شي

    بالله ممكن توريني وين قلت لك ان الاسم هو مجالسكم؟؟

    ياخي انت صممت على مزاجك ومو على طلبي وانا قلت من اول طلب ان التصميم يكون شعبي

    وجبت لكم صوره توضيحية لمجلس شعبي

    وانت صممت مخدات وتاج عروسه... بالله وش دخل تاج العروسه في مجالس الرجال؟


    بعدين انت الي غلطت وكتبت مجالسكم

    فاذا تعتبر تصحيح خطأك هو طلب تغيير فهذي مشكلة كبيرة


    خلاصة الكلام ممكن ترجعون الفلوس لان واضح انكم تماطلون وللاسف ما احترمتوا العميل

    فالافضل ننهي العقد وترجعون الفلوس وانا الله يعوضني بالوقت الي خسرته في فنرة حجز المساحة بسببكم

    وكان رده بارد زي الثلج

    يرجي وضع مثال حي
    مقارب لفكرتك لاهنت

    رديت عليه وقلت

    أخوي اذا فيه امكانيه ترجعون الفلوس فوالله هو المطلوب

    والتصميم بشوف شركه غيركم

    ياخي قلت لكم المطلوب وعطيتكم صوره تقريبيه بردي وهذاني اكرره

    يعني زي الشكل هذا

    http://4.bp.blogspot.com/_TW5x1XiAMEQ/TE2CEED8w1I/AAAAAAAAAcI/ebTNOUMyzjE/s1600/مجلس+شعبي.jpeg
    بس تكون رسمه ... مو صوره

    واللوقو حق الموقع ... عبارة عن فانوس .. مكتوب تحته مجلسكم

    http://t1.gstatic.com/images?q=tbn:ANd9GcSBmfZri4ZytfYf7qpewhEVldkNP9wOZ58guNJu41rooGerDq39cw&t=1

    ...


    فكر في موضوع انكم ترجعون الفلوس لان 11 يو مماسويتو الي ابي ... تتوقعون لي نفس أقبل اي شي بعده؟

    والله كرهت موقع مجلسكم


    قام يغير باللون شوي ويقول خلصت :)

    تم التعديل ياغالي

    http://www.elryad.net/uploads/12975441381.jpg


    قلت له

    اخوي

    التصميم له الوان طلبتها في أول مشاركة

    هذي هي

    افضل تصميم شفته عندكم هو ستايل "فاضين" ... مع اضافه اللون البني الفاتح بالأضافه للسماوي

    الرسمة بالأعلى تكون رسمه مشابهه لمجلس شعبي طين مع مشب ...

    ...

    اذا مصرين على تصميمكم ولا بتسوون تصميم محترف حسب اعلانكم

    واذا مصرين ما ترجعون الدراهم

    فانا ماعاد ابي شي ... والفلوس الي اخذتوها اعتبروها بغير حق وبيني وبينكم رب العباد

    التصميم هذا نسائي والوانه نسائيه ... أجل أحمر؟



    هذا تصميم فاضين

    http://elryad.com/?styleid=193

    الي هو من أعمالكم

    يعني انا ما طلبت تعجيز

    كل الي طلبته تصميم مقارب له ... مع ادخال اللون البني على خفيف لانه يحاكي لون بيت الطين

    والرسمه الي فوق بتصميم فاضين طلبت تكون رسمه لمجلس مو الصوره تاخذونها وتقصونها وتلزقونها وتقول تصميم احترافي؟

    ودي ارف وين وجه التشابه بين تصميم فاضين والتصميم الي سويته؟



    رد علي بتصميم ... تحسه يلعب على بزران

    شوفوه

    تم تعديل المطلوب
    ونتمنى ان ينال اعجابكم ان شاء الله
    بالرابط التالى
    http://www.elryad.net/uploads/12976117691.jpg

    نتمنى ان ينال اعجابكم ان شاء الله

    قلت له

    ياخي انا مو طفل صغير تتعامل معه

    بالله وش سويت فرق؟؟

    حطيت نخله وصرت غيرت التصميم ؟؟

    حبيبي انا مو مبتديء بالفوتوشوب والي قاعد تسويه سحب يمين ويسار

    التصميم كله غير مقبول

    ركز على النقطه هذي

    يعني التصميم ابيه زي تصميم ستايل منتدى فاضين والي حطيته لك باول الطلب

    وانت مصرّ اني اقبل الشغل الي مسويه بدون اي اعتبار لطلباتي وملاحظاتي


    اخوي التصميم زي منتدى فاضين

    الا على فكره التأخير بسببي والا بسببكم؟


    عاد رد علي رد ... منه يبي يقول "لا يكثر ":)


    التصميم قرب جدا لفاضيين

    صغير او كبير ليس لنا علاقة بذلك

    فى النهاية هذا عمل وتم اتمامة بالشكل المطلوب


    بوركتم


    رديت عليه


    عفوا

    مو انت الي تقبل العمل وتحدد هل هو مطابق او لا

    العمل المطلوب زي منتدى فاضين وانت مسوي تصميم لمنتدى نسائي ألوان احمر وماليه تناسق بالألوان

    سو عمل زي المطلوب ولا تصدر قرار القبول وتصادر راي العميل اذا كنتم شركة محترفه لان الاسلوب هذا لا يمت الاحترافية بصله

    يعني مو باقي الا تقول هذا العمل قدامك تبيه والا صك راسك يالزبون


    المهم صار اخذ ورد وخرابيط فاضيه مادوي أطول أكثر مما طولت

    الزبده أني قبلت التصميم على مضض

    وكان هذا التصميم النهائي

    تم التعديل

    http://www.elryad.net/uploads/12976527631.jpg

    ادري من جمبها بس قلت افتك منهم

    جينا للتقطيع ورفع الستايل

    شوفو ردهم

    اخى الكريم
    باقى مبلغ 75 ريال
    فى انتظار الايداع ليتم الانتهاء من تركيب الستايل
    بارك الله فيكم

    اخذت الموضوع بهدوء وقلت لهم

    اعتقد أن المبغ يحتاج للنظر من قبلكم

    التأخير الحاصل له ثمن ويجب أن تتحملونه ... لأنه بسببكم 100% ... وسبق كلمتكم بمنتصف المده للعمل على تفادي التأخير لكنكم لم تعطو طلبي أي اهتمام

    بالإضافة إلى أني اضطريت أقبل التصميم وهو مغاير تماماً للمطلوب .. وقلت لكم من أول مره أني التصميم المطلوب زي تصميم موقع "فاضين" لكنكم صرتوا تغيرون بالألوان وما كان فيه تغيير جوهري ... ومع ذلك قبلت بمضض

    على العموم أنا أطالب بخصم محترم كضريبة للتأخير ويكون تركيب المنتدى قبل التحويل ... وأرجو أن كلامك بطلب التحويل ليس من باب المساومة

    لأني أحمل بذمتي 75 ريال لكم

    لكن يجب أن تتحملون غرامة التأخير

    لذا مستحقات التصميم تم دفعها بالكامل ... وهذي الفاتوره هي للتصميم



    ردو علي

    اين المغاية ؟؟؟
    التصميم مشابة للمطلوب 100 %
    التاخير بسبب التعديل
    ليس لنا دخل فية
    اى مساومة تتكلم عنها
    نحن فى عمل وطلب خدمة بمقابل
    لاتوجد اى مجال للمساومات او ما الى ذلك نهائيا

    بوركتم


    ونفس الموال مع العميل
    يحاولون يذلونه ويحدونه على الطريق الضيق لأنهم ماخذين فلوس 290 ريال
    وكل الي سووه هو تركيب منتدى مجاني ... وهو طالب فيه 75 ريال
    وسألتهم بعد تطنيشهم هل قررتوا تطنيش العميل

    ردوا علي

    فى انتظار ايداع باقى المبلغ
    ليتم اكمال العمل

    قلت لهم كختام للمهاترات

    وش دخل باقي المبلغ؟

    مو قلت لكم أنكم تساومون وإنكم اخذتوا الفلوس بغير وجه حق

    مع العلم ان الي ركب المنتدى قال لي ان هالشي من عنده نظراً لسوء الفهم وقلت له انا أتحمل المبلغ ورجع نزله هنا بعد ماكان اتفاقنا بالمسنجر

    والآن انت تساومني وتطلب اودع الفلوس ومسميها باقي المبلغ مع انك عارف ان مبلغ التصميم تم ايداعه

    لكن انا احط الله بيني وبينكم ولن احول ريال واحد قبل ينتهي كل العمل واحصل على الخصم

    وان شاء الله تلقونها باموالكم وصحتكم


    .....


    الزبده يا أخوان

    هذي شركة مصرية
    وفيه واحد يقول انه سعودي مسؤول عنهم

    والله نصابين واخذوا فلوس بدون وجه حق

    وأسأل الله أنه يبتليهم بسببها في مالهم وصحتهم ويشوفون حوبتها بعيالهم

    أنا قلت لهم أني حطيت الله بيني وبينهم ولاعاد ابي الفلوس لأني استعوضت الله فيها ... ولا أحللهم بريال منها بسبب الي سووه

    لكن المهم تنتبهون من هالشركة النصابة

    لأنهم ببساطه اخذوا الفلوس


    منقووووووووول
     
جاري تحميل الصفحة...

مشاركة هذه الصفحة