1. مرحبا بكم في أسواق ستي أكبر المواقع التجارية شعبية
    إستبعاد الملاحظة

جكاية[[[[ مّين يتّمّـنى المُـلك؟!..]]]]]]]]]]]]].

الكاتب: مكاوية بعسل, بتاريخ ‏23 مارس 2011.

  1. مكاوية بعسل

    مكاوية بعسل تاجر مميز

    إنضم إلينا في:
    ‏2 يناير 2011
    المشاركات:
    346
    الإعجابات المتلقاة:
    0
    منقولة من كتاب


    لفيت


    السبع اللفـّات


    أدور حكم وألغاز وحكايات..


    للأستاذة / عزيزة عبدالله الصيرفي..



    مّين يتّمّـنى المُـلك؟!..

    <O:p
    وحدواالله ..... لا إله إلاالله<O:p
    وإللّي عليه ذنب وخطيّة يقول أستغفرالله.أستغفر الله.
    ولا يحلى الكلام إلابذكرالنبي عليه أفضّل الصّلاة والسلام.<O:p
    اللهم صّلي على سيدنا محمد وعلى آله وصّحبه الكرام.<O:p
    <O:p
    كان ياماكان في قديم الزمان وسالف العصر والأوان. كان في واحد ملك حكيم زمانه يجلس كل يوم في ديوانه يسمع شكاوي شعبه وطلباتهم ويحقق لهم رغباتهم .وفي يوم من الأيام لاحظ واحد في الديوان كان جالس في المجلس يطالع فيه وفي عرشه العظيم وعين الحسد ظاهرة عليه .ودايرة في المكان من مكان لمكان كأنها برجون في الميدان.<O:p
    فطن {فهم} الملك زكريا لهادا الشاب ولنظراته نادى عليه وسأله :ممكن أتعرف على الإسم الكريم؟. قال له الشاب: إسمي محمد إبراهيم .قال له الملك : والنعم فيك... إيش تتمنى في حياتك يا أبو حميد؟. أتلعثم الشاب وما عرف يجاوب عليه .ألح الملك وأصر عليه حتى نطق بالجوهرة إلا في فمه وقال: أتمنى أصير ملك زيك وهادي أمنية حياتي. قال له الملك: ولا يهمك يا أبو حميد أبشر بكرة أمسكك الملك بدالي ويرتاح بالي
    فرح محمد فرح ماقبله ولا بعده فرح وأخيراً حصير ملك. قال له الملك: الله يحيك اليوم تنام عندي وبكرة أنصبك الملك عني ومنها تريحني.<O:p
    راح محمد مع الملك على جناحه الخاص,وبعد العشا والسمر قال له الملك: روح يا محمد على غرفتك نام وأرتاح, وأنا رايح على جناحي أنام ونتقابل بكرة على سفرة الفطورفي الصباح.<O:p
    راح محمد مع العسكري الموكل بخدمته, ومن مكان لمكان حتى وصلوا غرفة صغيره فيها كرسي كبير وسرير وسيع .قال العسكري لمحمد: أتفضل أجلس على الكرسي. قال محمد وهو بيضحك :يابونا أنا الضيف إللّي لازم أنام على السرير!!.قال له العسكري بحمشة {بعصبيه}: أتفضل أجلس... الكرسي لك والسرير ليّ وبلاش كتر غلبة عليّ.<O:p
    أنساغ {أطاع} محمد لأمر العسكري بعد مافجعه,وكلامه جد إلا بيهرجه.وجلس على الكرسي زي مايبغى وعلى حسب طلبه. ماشاف إلا والعسكري يربط يدّينه ورجلينه في رجول الكرسي ويتركه .قال له محمد: هيييي .... هيييي .خير يا أبونا أنا مسوي إيه؟ !! .قال العسكري: والله ماهي شغلتي أعرف إنت ولا غيرك مسوي إيه.
    لام محمد نفسه وحسبن على أمنيته إلا ودته في المصايب, وبانتْ حكاية الملك إللّي أخذه على قد عقله علشان يحبسه ويرميه في المهالك.
    أستسلم محمد للأمر الواقع وقال : الصباح رباح أنام دحين ويحلها ربي في الصباح وأعتذر للملك عساه يصفح عن واحد سفيه زي حالي ويطلق سراحي.
    جا محمد يحط راسه وينام ويادوب غمض عينونه,رجع وبحلقها قد الريال وفنقلها{فتحها} قد الفنجال بعد ماشاف فوق راسه سيف مسلول وكأنه البرق في السما مربوط بشعرة في سقف الغرفة, لو طاح عليه شقه وصلتين.
    صاح محمدعلى العسكري يقوم يفكه.قال له العسكري : أفكك فين... أفكك وتنفك رقبتي في الصباح . نام يابني آدم وخليني أرتاح . وأتشاهد على روحك قبل ماتنام . قال محمد : فكني الله يرحم والديك لايطيح السيف وأنشقر نصين. قال له العسكري: صك فمك ابغى أنام, ورايا بكرة عمل ودوام.

    صك العسكري عيونه وحاول محمد وعاد بيه لكنه ولا كأنه فيّ .خصره وراح في أحلى نومة وأرتفع صوته بالشخير والصّفير.<O:p
    ياعيني الليّل كله ماغمضت لمحمد أعيان ولا طبقت له أجفان من السيف إللّي يتحرك فوق راسه .وصار يتشاهد ويقرأ ويسمي وهو حاسس في أي لحظة حتروح روحه فيها, وصاريروح يمين وشمال يتفاداه.
    سمع محمد أدان الفجر. صار يصيح على العسكري: يا مسلم الصّلاة الصّلاة... يا بني ادم قوم للصّلاة .<O:p
    قام العسكري يتمطع {حركات النائم} ويهلل ويكبر.قال له محمد: فكني قوام خليني أروح اتوضى وأصلي. قام العسكري وفك الرباط عن يد محمد ورجليه
    أنطلق محمد ياعيني زي إللّي قرصته عقربة ولا نفضته كهربة من فوق الكرسي, وارتمى على الأرض يسجد ويتشاهد إنه نجى من طيحة السيف على راسه.<O:p
    بعد ما فاق وراق قام أتوضى وراح على مسجد القصر وصلى الفجر مع الجماعة وركعتين شكر.ورجع مع العسكري على سفرة الفطور وعيونه منفخة من قلة النوم وشدّة الخوف.
    جاه الملك على وجهه إبتسامة زالت الخوف من قلب محمد وسلم على الجالسين وجلس يفطر معاهم. سأل الجميع عن الحال والاحوال. ولما جا دور محمد سأله وقال: هاااااايا أبو حميد... بشر كيف كانت نومتْ البارحة عسى أحلامك كانت سعيدة؟!. طالع محمد في الملك إللّي مسوي نفسه يعني يعني مايدري كيف مرت ليلة البارح عليه, ولما سكت وما جاوب قال له الملك: خير يا أبو حميد؟ قال محمد: يامولانا ....وسكت. قال الملك: كيف نومتك البارح على الكرسي؟!. قال محمد: وهوأنا نمت أوغمضت عيوني. صدق إلا قال:{ نام أبغى اقتلك . قال له ايت نوم يجيني ؟!!}. قال له الملك: ليه يامحمد ماكان الكرسي مريح؟ قال محمد: وهو أناحسيت بالكرسي ولا بغيره. قال الملك ليه حصل ايه: قال محمد: أكيد يامولانا انت عارف الحكاية من طقطق لسلام عليكم.<O:p
    قال الملك: شفت يامحمد البارح كيف ماغمضت لك عين من سيف واحد كان معلق فوق راسك. كيف إحنا الملوك كل ليلة نقضيها بهادا المعدل...خوف على الشعب والملك ,لوقلنا كدا أو كدا غارت علينا الأعداء وأسروا العباد وراحت علينا البلاد. يامحمد الملك مسؤلية عظيمة وطوق يمسك رقبة كل مسؤول, لا ليلنا ليل ولا نهارنا نهار.ومانقول غير الله المستعان . إيه رأيك لو تمسك عني الحكم ولو شهر.<O:p
    قال محمد: لا والله يامولانا ...أنا ماني قد هادي المسؤولية, وبطلت من هادي الأمّنية, ويعينك ربيّ على الشعب وعليّ.
    خرج محمد من عند الملك وراح على بيته ودخل الحمام اتروش{اتنظف}وحط راسه على مخدته مرتاح ونام, قرير الأعيان بعد إللّي شافه من اهوال . وهو يحمد ربه على ما قسم له منرزق وعمل وقال: أنا يادوب يادوب على قد مسؤلية نفسي, وإن كترت على عشرة زيّ, أما أمة لا وربي . و صدق الله العظيم:
    <O:p { والله يؤتى ملكه من يشاء}.

    <O:p
    وتوتة توتة فرغت الحدوتة .<O:p
    لو كان بيتي قريب كان جبت لكم شويّة لوز وزبيب<O:p

    ولوكانت طاقيّة أنس ماهي مخروقة كان جبْت لكم شويّة مسلوقة..<O:p></O:p>
     
  2. مرهفة الحس

    مرهفة الحس تاجر مميز

    إنضم إلينا في:
    ‏25 يناير 2011
    المشاركات:
    543
    الإعجابات المتلقاة:
    0
    عسل عسل ياناس.الله يسلمك ويسلم منطوقك.شكرا
     
  3. ابو عادل_

    ابو عادل_ تاجر مميز

    إنضم إلينا في:
    ‏23 أكتوبر 2009
    المشاركات:
    157
    الإعجابات المتلقاة:
    0
    جزاكي الله الف خير
    على الحكاية الحلوة
     
  4. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    :021::021::021::021::021:

    اجل خلاص بطلت اسير ملك

    شكلو اللي كتب القصة شغل في المباااحس

    وان شفت الحافي قول ياكااااافي

    قال ايه غرفة وسيف
    شكلو هيا هادي ورا الشمس اللي نسمعهم يقولوها لنا :p5088:

    عموما المناصب والولايات مهما صغرت ما اطيقها
    هو الواحد بنفسه وبحاله وياااااااااااااااااااااااالله الخراج ننفد يوم القيامة
    ايش حال لمن اشيل في رقبتي امة لا اله الا الله

    ازا كان سيدنا عمر قال لو عثرت بغلة في العراق وسقطت في الفرات
    خفت ان يسأل الله عنها يوم القيامة لم لم تسوي الطريق لها ياعمر

    :clapinghand::clapinghand::clapinghand::clapinghand::clapinghand:

    بالله عليكم كم حفرة في الشوارع معروف وللاسف صارت محفوظة
    لمن تجي الشارع الفلاني ترى انتبي في حفرة اشرد عنها يمين والا يسار
    كم مرة ودينا سياراتنا ورش تصليح وخسرنا دم قلبنا
    ولمتى ولمتى ولمتى

    اللي مصبرنا انو في قيامة ان شاء الله
    وساعتها نتحاسب صححححححححححححح

    وفي امان الله خليني في دهليزي احسن :D

    تعيشي وتجيبي
     
  5. مكاوية بعسل

    مكاوية بعسل تاجر مميز

    إنضم إلينا في:
    ‏2 يناير 2011
    المشاركات:
    346
    الإعجابات المتلقاة:
    0
    ..

    الله يسلمك ويسلم عمرك ياذوق.

    يجعل الله حياتك بطعم العسل على طول .
     
  6. مكاوية بعسل

    مكاوية بعسل تاجر مميز

    إنضم إلينا في:
    ‏2 يناير 2011
    المشاركات:
    346
    الإعجابات المتلقاة:
    0
    ..

    آآآآآمين ...
    و الفردوس الأعلى من الجنة يعطيك
    أنت ومن احببته ووالديك...
     
  7. مكاوية بعسل

    مكاوية بعسل تاجر مميز

    إنضم إلينا في:
    ‏2 يناير 2011
    المشاركات:
    346
    الإعجابات المتلقاة:
    0
    ..

    هيا لاتزعلوا مني...

    أنا إللي بــــــأدعي على الشوارع بالتكسير
    وكل مادفنوا حفرة يطلعوا أخواتها كثير.
    وأنا مأيدة 100/100 سااااهر للبيطير.
    ولو بقي البعيد على الحديدة فقير نقير.
    قولوووولي لييييييييه؟؟؟؟؟
    أقولكم ليه؟؟؟؟..
    أولا:لما تكون السكة زي الكف . ومافيها حتى حجر صغير في الأرض.. تلاقي الصاحي قبل المتهور ماشي على مية بالقليلة وسط المدينة. أجل كيف الناس إللي بتمشي على رجلها تقضي بين المحلات مصالحها, وخاصة إذا كانت على شوارع عامة. كيف يقطع من شارع لشارع ؟. يا تشوفه يجري زي المجنون,يا بنقز زي الطيور.
    يااااكثر من أندهس وياكثر مين أنصدم وأنقلب, وأنحرقت قلوب على حبايبها إما بالموت أو بالعجز المستمر.
    ولو تبغوني أبطل دعااا على السكك...إذا سووا مطبات إصطناعية في الشوارع وحتى في الخطوط الوسيعة{السريعة}.حتي الواحد إذا خرج يتمشى ويتفرج بنفس هنية.. موووو يحس الموت مع كل فرملة قوية.
    وقولوا للي من كلامي زعلان :..
    بدل ماتوصل في نص ساعة بجنان.
    زيدها نص ساعة كمان.
    توصل مشوارك بأمان
    بدل ماتتوكل على القبورطيران.

    موقالوا في الأمثال :
    {راكبها مفقود والناجي منها مولود}}
     
  8. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    ياستي قالوا لفرعون ايش فرعنك قلهم مالقيت احد يردني

    والخوف لا يسمعو كلامك في البلدية وتسير حجة لهم
    زي ما قال امين جدة اللي يضحك على نفسه
    احنا بالعنية سوينا نفق الملك وغيره زي المصايد لسيول جدة
    علشان تتجمع فيه الموية بدل ما تروح وتهلك الناس :cnf3::cnf3::cnf3:

    قالوا في الامسال الحجر من الارض والدم من الراص
    وكل مين عقله في راصه يعرف خلاصه

    علشان شوية شباب دشرة نعدم الشوارع
    وايش ذنب بقية الناس
    واللي يسوي مجنون مايجيبها الا على نفسه

    اصلا لو الاب رجااااااااااال مايعطي السيارة لولده الا لمن يعرفه انه صار رجال
    لكن اللي بيصير دحين يجي الولد يتغنج ويدلع عند ابوه والا مه يبغى سيارة
    وهو لساع صغير ومايعرف يتحكم فيها
    وكتير شباب يوصلو للعشرين وفوقها
    وما يعرفو يسوقو وحتى كتير من الرجال الكبار سواقتهم زي وشهم
    مع احترامي للطيبين
    لمن يجونا في الحج سواقين للباصات اركب معاهم اختبرهم
    اقله ياعمي جنب وانزل واركب بوسكوليتة احسن

    وحتى ساهر اللي طلع دحين
    عرفنا مكان الكميرات نمشي على مهلنا وازا اتجاوزنا الكميرا نحط رجلنا
    يعني مافي فايدة ساهر ما عمل شي

    ازا الواحد ما خاف على نفسه وعرف كيف يمشي والله ماينفع لا ساهر ولا ماهر

    التربية في المقام الاول والمتابعة من الاب

    اعرف واحد ولده صدم السيارة مرتين
    خلاه يداوم على رجوله من النوارية لباشراحيل
    علين رجوله اتكسرت من المشي وبقبقت من الحرارة :clapinghand:
    حتى يعرف قيمة السيارة
    لانه اللي ماشقي وتعب على الفلوس مايعرف قيمة السيارة

    وازا الاب يبغى يجيب سيارة لولده اقله لا تجيبها جديدة جيب مستعملة
    وخلي الجديدة ولدك ازا اشتغل وكبر وعقل يجيبها من فلوسه
    علشان يحافض عليها

    الا ازا كان الولد راسي وعاقل مو حق جنان جبله وحدة كرت الله يعطيه خيرها ويكفيه شرها

    الله يرحمك يا عبد الله عريف امين مكة
    امتن مقاول ماياكل عيش مع ولد العريف
    ويدور بنفسه على الحفريات والله يعين الشركة اللي تتاخر

    وحمزة حجرة ولد مكة وامين الطايف
    افضل امناء مرو الى الان

    امنية اني اكون امين مكة ولو متعاون
    علشان اندر الحرامية وانضف مكة
    وساعات اقول يارب هادي بلدك ومكتك
    كل واحد يغش الناس فيها اهلكه من عندك

    والله يقوي ابو متعب عليهم ان شاء الله
     
  9. مكاوية بعسل

    مكاوية بعسل تاجر مميز

    إنضم إلينا في:
    ‏2 يناير 2011
    المشاركات:
    346
    الإعجابات المتلقاة:
    0
     
  10. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    رايك وكلامك على العين والراص
    الرك على الاب هو بيده يشتري سيارة لولده او يشتري له كفن البعيد

    مين دحين من الابهات يعلم ولده تعليم صح
    اغلب الشباب اللي يسوقو يا انو اتعلمو مع اصحابهم او اقاربهم
    وللاسف اللي علمهم يبغالو تعليم
    ياستي كنا ناكل كفوف وبالمداس نتمدس الله يعز السامعين
    علين الحمد لله سرنا عتاولة في السواقة ان كان سيارات صغيرة او باصات او وايتات

    حتى شركات الحج كانت تدور على السواقين اهل البلد بالاسم فلان وفلان وفلان
    وتسلمهم سيارات جديدة

    وزي ما اتفضلتي كم عزا حضرته لناس شبابهم ماتو في حوداث البعيد
    من ضمنهم واحد من اقاربي
    كان مدلع وفاشخ ولده على الاخير كل مايصدم سيارة يجيب اجدد منها
    ومايقول لأ
    وفي الاخير سوى حادث وانحرقت السيارة بالشاب البعيد
    وبكي دم الاب على فقدان ولده الوحيد اللهم لاشماتة
    طيب بعد ايه

    لو كل شاب يتفكر ويشغل عقله ويفلت الدشرة اللي يمشي معاهم
    ويشيل هم ابوه وامه اللي جالسين يستنوه متى يرجع ويدخل عليهم
    ماكان مشي بسرعة
    وحسبي الله على كل من دخل السيارات الجديدة اللي زي الطيارات ونكب الناس بها
     
  11. مكاوية بعسل

    مكاوية بعسل تاجر مميز

    إنضم إلينا في:
    ‏2 يناير 2011
    المشاركات:
    346
    الإعجابات المتلقاة:
    0
    ..

    مشكور سيدي على الرد .
    والله يهدي كل مين يمسك سيارة في يده ..
    ويتذكر لايحرق قلب أهله.

    ولا تزعلوا من التحفير.
    تري في وحدة بتدعي عليها كثير .
     

مشاركة هذه الصفحة