انا من الجنوب وأن شاء الله جايه مكة في شهر 5 بغيت افضل محلات الفساتين عندكم وفي جده وتكون مديلات جديده ولها دعوه صادقه الى تساعدني. واي أستفسار عن محلات الجنوب ومشاغلها أنا جاهزه . لاتبخلو عنا بردودكم.
هلا فيكِ بمكه مكه : سوق الحجاز وسوق الضيافه سوق وذي المجاز جده : سوق الاندلس مول شفت فيه فستاتين السهره حلوه وسوق عزيز مول وسوق سلطان مول وكمان بنات مكه ماراح يقصرو معاكِ وبنات جده
افضل سوق للفساتين شفته هو المساعدية بجدة وفيه فرع ثاني بالرياض افضل بس الي بجده افضل شي على مستوى جدة وفيه سوق الاندلس بجدة حلو للفساتين بعد ويارب تلاقين الي تبينه
اذا انتي رايحة جدة ,,, سيبك من مكة >> نصيحة مكة صح فيها اشياء حلوة .. بس اذا جيتي على الاسعار والحلاوة .. جدا ارخص بالاسعار من مكة واحلى كمان وتلقي اكثر واشياء اجدد لان الاشياء تنزل بجدة وماتوصل مكة الا بعد فترة راح افيدك بمكة فقط .. عندك الضيافة بالنزهة ... مو بالستين ترا غلط .. وعندك الحجاز بالستين وعندك المجاز والعزيزية والسلام بالعزيزية وفيه على شارع الستين العام محلات حلوة بعد وابراج البيت عند الحرم ( برج الملك عبدالعزيز اللي فيه الساعة) واذا تبغين اشياء للمناسبات العادية .. عندك العتيبية سوق كبيييييير محلاته عالشارع ومراكز بعد وعندك الاقمشة فيه كثير واسعار رخيصة وحلوة واي سؤال ثاني انا حاظرة
الف مليون شكر أخت دريما . والله يعطيكي العافيه على الردياقمر. وياليت الله لايهنك تعطيي أسماء المحلات في جده وأفضل ماركات المكياج عندكم. واذاعندك متجر ياليت تعطيني أسمه على قوقل. من زرع المعروف حصد الشكر /
يسلمو ياقمر .... جدة ماعندي خبرة قوية فيها واروح بس مااحفظ اسماء المحلات ( تقدرين تقولين الزهايمر ههههه) انتي اسألي بنات جدة بمنتدى اسواق جدة وراح تستفيدين اكثر لان اهل جدة ادرى بحفرها هههههه المهم روحي اسألي بنات جدة لا هانو ومتجر ايش قصدك ؟ اللي بالتوقيع غلط ماعليكي منه ... ودمتي بحفظ الرحمن
