1. مرحبا بكم في أسواق ستي أكبر المواقع التجارية شعبية
    إستبعاد الملاحظة

ماهو أفضل مكتب استقدام يقوم بالاستقدام من الفلبين واندونيسيا ...

الكاتب: وليد خالد, بتاريخ ‏6 أغسطس 2009.

  1. وليد خالد

    وليد خالد تاجر مميز

    إنضم إلينا في:
    ‏16 يوليو 2009
    المشاركات:
    109
    الإعجابات المتلقاة:
    0
    أهلا بالجمييع ..وحيا الله كلن باسمه...

    بصراحه مكاتب الاستقدام هم لابد منه ..علمك بالمكتب واضح وصريح وتعامله راقي واسعاره جيده وحتي العاملين الذين يتم استقدامهم حسب شروطك:clapinghand: ..!!!

    ماتجي مره ثانيه الا والامور متغيره ومنقلبه رأسا علي عقب ..وش السواة ووش الدبره ..وش اللي تغير ..يقولون لك المكتب اللي هناك تغير ..والله اعلم بالحقيقه :ang:...!!

    فيه اشخاص مايقصرون يعني افراد غير منظمين لكنهم يجيبون خادمات بانفسهم وفي فترات قصيره جدا وحسب شروطك واختيارهم ممتاز جدا ..لكن وش الضمانات ..للاسف مافيه ..يعني محد يقدر يقول لك ارجع فلوسك ..او لو طلع المستقدم غير مطابق للشروط ..

    وبين حانا ومانا ضاعت لحانا :214:.....!!
     
  2. هتان الشريف

    هتان الشريف تاجر محترف

    إنضم إلينا في:
    ‏2 أغسطس 2009
    المشاركات:
    2,758
    الإعجابات المتلقاة:
    0
    شووووف واحد من الزملاء يتعامل مع مكتب المسار السريع واشوفه معهم على طول وتقدر تحصل رقمهم من جوجل اكتب المسار السريع للاستقدام بس ارجع اقلك انا ما جربت

    لكن انا انصحك اذا تبي خدامة اندونيسية تشتغل وعندك اولاد وتبيها حريصة عليهم فى مكتب بمكة هذا رقم تلفونهم 025484496 صاحب المكتب ابوسامح اذا مالقيت ابو سامح فيه عبدالشاكور ...المعرفة اللى بينى وبينهم تلفون ولا عمري قابلتهم وجه لوجة ثلاث مرات اجيب عن طريقهم واقسم بالله ما تندمت وكل واحدة بالحرص والشغل وكل ما تجى وحدة تطلع احلا من اللى قبلها وميزة هالشخص اسمة ابو سامح هو بنفسه يسافر كل ستة اشهر يجلس هناك ستة اشهر وعامل نفسه شيخ على ولايه عندهم هناك من اكبر راس فيهم الى اصغر راس فيهم ينادونة عم صالح .واتحدى واحدة تفكر تهرب او ترفع راسها لانة لو فتحت بفمها ولا فكرت تهرب بس اتصل عليه هو تكلم اندونيسي واترك الموضوع له ويعلم الله مافية خدامة جت عن طريقة وفكرت تهرب او ما تبي تشتغل ..وللمعلومية والله انة ارسل الفلوس تحويل حساب لحساب والمواصفات بالفاكس ولا تواقيع ولا غيره شهر وهى عندك واذا مره طولت 45 يوم ويمكن اقل وهو اصلن يقلك المدة ....مره وحدة اخذت عن طريق مكتب العيد بالرياض يارجل عانيت الامرين معهم ...وعلى فكرة اغلب المكاتب حاليا تلاقيها تتواصل مع المكاتب باندونيسيا بالماسنجر والاميل يسافر مره اخذ عناوين كم مكتب او جاب انونديسي وحطة بالمكتب واى طلب ارسليه على اى مكتب هناك وهما هناك تقول يحملون غنم بس اى وحدة تروح عندهم بالمكتب باندونيسيا بس حملها بالباص والمطار ودف علىالسعودية ايش هيه كيف وضعها مريضة مجنونة هبلا ما تعرف ما تكتشف وضعها الا لما تجيك ولا تلاقي المكاتب فى حالة رجعت بها لهم يمسكونها بغرفة وجلد او يتفقون معها انة اجلسي بس الثلاثه اشهر وبعدها قولى ما ابى اشتغل عشان تتحملها انت ما يخسرون شئ او تتفق مع الاندونيسي اللى بالمكتب انة تهرب بعد ثلاث اشهر وهما يشغلونها من برا لبرا
    لكن انصحك باللى فى مكة من واقع ثلاث جارب وترا عادى حتى لو فى مكة تجيك على الرياض هيه.... وهالمكتب بمكة بحكاية الاستقدام فوق عشرين سنة ومعرفتى فيهم كانت عن طريق واحد سافر انودنيسيا وتعرف على صاحب هالمكتب بالسفاره هناك وصاحبي دلنى عليهم
    والقرار راجع لك ومابيك تطيح بنفس المعاناة اللى طحت فيها لما فكرت بمكاتب الرياض

    وللمعلومية الحين على وشك تخلص اللى عندى مع انها ممتازة بس زوجها بالدمام ويبيها ترجع معه لانهم خلصوا سنتين بس انة راح اجيب اول وحدة ...اشتغلت عندى عن طريقهم ....وهى تبي ترجع لى لانة معاملتى انا واهلى محترمه معهم واشتغلت بالرياض عند ناس بالرياض من ثانى شهر اتصلت على بعد وصولها عندهم تقول ابي ارجع عندك لانة ماراتحت معهم قلت ما اقدر لانة عندى وحدة خلصى معهم وارجعى اندونيسيا واذا خلصت هذى جبتك وراح اجيبها بعد العيد
     
  3. سلسا

    سلسا تاجر مميز

    إنضم إلينا في:
    ‏25 يونيو 2009
    المشاركات:
    366
    الإعجابات المتلقاة:
    0
    اغلب الاندونسيات يحبو مكة مايبو الى مكة وبس لو انت ملاك معهم ما يبو الى مكة لو تشتغل ببلاش اهم شي مكة ماشاء الله عليهم يدفعو دم قلوبهم عشان يجو مكة سبحان الله.
     
  4. surf

    surf تاجر مميز

    إنضم إلينا في:
    ‏2 يوليو 2009
    المشاركات:
    121
    الإعجابات المتلقاة:
    0
    تشكر اويواوييي
     
  5. هتان الشريف

    هتان الشريف تاجر محترف

    إنضم إلينا في:
    ‏2 أغسطس 2009
    المشاركات:
    2,758
    الإعجابات المتلقاة:
    0
    حتى في مكة يهربووا ايش رايك هههههه لا المسالة المكتب
    هذا لو تهرب خدامة اتصل على بلدها قام الدنيا واقعدها الين ترجع لانة اذا المشكلة منها لزم ترجع له وما تتصرف من نفسها
     
  6. اخي وليد خالد . أذا كنت بالرياض نصيحه والمثل يقول أسال مجرب ولا تسال طبيب اذا كنت بالرياض عليك بمكتب النجمة الماسية بشارع السويدي العام بعد اشارة ماكدونالدز على اليمين ولا تنسانا من دعائك .
     
  7. وليد خالد

    وليد خالد تاجر مميز

    إنضم إلينا في:
    ‏16 يوليو 2009
    المشاركات:
    109
    الإعجابات المتلقاة:
    0
    اخوي هتان الشريف مشكور علي المعلومات ..وابو مسامح نبي نحفظ رقمه ونجيب عن طريقه ..
    بجد مايهمني مكتب كبير صغير .. يهمني شخص ثقه وناس جربته مثلك وشرواك..وربي يوفقك ويرزقك

    مؤسسة kfa للمقاولات مشكور علي التفاعل والمشاركه
    ونبي ندعي لك حتي لو ماجبنا عن طريقه والله يحفظك ...
     
  8. هتان الشريف

    هتان الشريف تاجر محترف

    إنضم إلينا في:
    ‏2 أغسطس 2009
    المشاركات:
    2,758
    الإعجابات المتلقاة:
    0
    هههههههههههههه مو اسمة ابو مسامح ياخوى خخخخخ اسمة ابو سسسامح سامح

    وشرواك الطيب ويسعدك ربي
     
  9. ولد الشيوخ

    ولد الشيوخ تاجر

    إنضم إلينا في:
    ‏6 أغسطس 2009
    المشاركات:
    1
    الإعجابات المتلقاة:
    0
    سلام أخوي وليد خالد
    أنا عن نفسي أرتاح في التعامل مع مكتب قصر التعاقد للاستقدام
    وموقعه بحي الملك فهد بشارع الامير احمد
    يعني عندهم أسلوب ومهارة في التعامل مع المستقدم
    والاحلى من كذا ان صاحب المكتب هو :
    سعد بن نهار البداح رئيس اللجنة الوطنية للاستقدام
    عموما لمعلومات اكثر ممكن تزور موقعهم على الويب سايت ،
    حط اسم قصر التعاقد للاستقدام على جوجل ويطلع لك الموقع ،،
    وأتمنى اني أكون أفدتك أخوي ....
     
  10. الوساطه الدوليه

    الوساطه الدوليه تاجر مميز

    إنضم إلينا في:
    ‏1 ابريل 2009
    المشاركات:
    246
    الإعجابات المتلقاة:
    0
    اخوي وليد الناس اجناس فيه الصالح والطالح قبل كل شي قدم الاستخاره وتوكل على الله فيه ناس تفرق بين الحلال والحرام وفيه ناس تاكل بشراهه ولاتشبع وهذي حال الدنيا
    اسال الله لك التوفيق في الدارين وحفظك الله اينما كنت
     
  11. وليد خالد

    وليد خالد تاجر مميز

    إنضم إلينا في:
    ‏16 يوليو 2009
    المشاركات:
    109
    الإعجابات المتلقاة:
    0
    ولد الشيوخ ..الوساطه الدوليه ..جزاكم الله خيرا ....
    والله يوفق الجمييييع ....
     
  12. العين 9

    العين 9 تاجر

    إنضم إلينا في:
    ‏14 أكتوبر 2008
    المشاركات:
    91
    الإعجابات المتلقاة:
    0
    اخوي وليد خالد ياليت تفيدنا عن المكتب بعد ماتجيب الخادمة لاني ناوي اجيب وحدة
     
  13. azizhan

    azizhan ابوفيصل

    إنضم إلينا في:
    ‏3 أكتوبر 2008
    المشاركات:
    455
    الإعجابات المتلقاة:
    0
    ما يهم السعر عند ايش تكون اخلاق المكتب اذا رجعت لهم خدامتهم رافضة للعمل او حامل زي مكتب خالد المشرف استقدمت منه خادمة سيرلانكية والله يا اخنوان ما جاءت الابعد 6شهور ويوم وصلت قامت تصيح ابغى بيبي وصارفيها الدرن كنت مقدمها بترحيب وابشر الوجه انقلب في الترجيع رفض المكتب الايبيعها ثم يستخرج فيزا اخرى رفضت لانها مريضة وما ابغى اضر المسلمين رفض شئون الخادمات استلامها لمرضها وبعد محاولات يقوم موظف سعودي في مكتب المشرف بعد خروج الزباين بالرد علي اعلى ما في خيلك اركبه وفعلا ركبته ورحت لمكتب العمل وتمت الجلسه وكسبت وولله الحمد بعد معاناة فلوسي رجعت نشكر الله وغيرهم كثير
     
  14. QمنوQ

    QمنوQ تاجر

    إنضم إلينا في:
    ‏1 أغسطس 2009
    المشاركات:
    11
    الإعجابات المتلقاة:
    0
    اهم شيء مكتب حول العالم في الشفاء ابعد عنه ولا تفكر تستقدم منه
    اسوء معامله وتاخير وفي النهايه(( صم وافطر على بصل)) والله يوفقك
     
  15. وليد خالد

    وليد خالد تاجر مميز

    إنضم إلينا في:
    ‏16 يوليو 2009
    المشاركات:
    109
    الإعجابات المتلقاة:
    0
    العين 9
    azizhan
    QمنوQ

    مشكورين للتفاعل والمشاركه ...والله يوفق الجميييع ...
     
جاري تحميل الصفحة...

مشاركة هذه الصفحة