1. مرحبا بكم في أسواق ستي أكبر المواقع التجارية شعبية
    إستبعاد الملاحظة

بشرى بخصوص مطعم أناسي (سابقاً){}{}{}{}{}{}{}

الكاتب: المكااااوي, بتاريخ ‏22 فبراير 2011.

  1. المكااااوي

    المكااااوي تاجر مميز

    إنضم إلينا في:
    ‏6 يونيو 2009
    المشاركات:
    520
    الإعجابات المتلقاة:
    0
    اخواني واخواتي الكرام

    السلام عليكم ورحمة الله وبركاته

    ابشركم بإقفال مطعم اناسي ولله الحمد

    ويشهد الله انني لا أضايق من يريد فضل الله

    لكن هذا المطعم حرام ان يأكل الناس عنده

    أكل ماتاكله البساس والحيوانات اعزكم الله بصفه عامه

    وادارة المنتدى حذفت الموضوع ما أعرف ليش مع العلم اني ما تعديت عليه وما كتبته

    الا بعد مراسلات مع صاحب المطعم بلا فائدة واتصل بي مدير سابق للمطعم

    وأكد كلامي وقالي إنت ما تعرف إيش يصير فيه واللي قلته كله

    ولا شئ من دناوه أكل المطعم

    والأن أقول انظروا اليه أقفل له اكثر من شهر

    وهذا عقاب لمن تسول له نفسه بالضرر لخلق الله
    لأن الاكل أمانه وهؤلاء الناس لا يعرفون الامانه


    وما اقول الا الحمد لله رب العالمين

     
  2. دنيتي

    دنيتي http://mtgry.com/aleen1

    إنضم إلينا في:
    ‏12 مارس 2010
    المشاركات:
    1,368
    الإعجابات المتلقاة:
    0
    الوظيفة:
    http://mtgry.com/aleen1
    فييييييييين مكانه
     
  3. جمله سيتي

    جمله سيتي بضايع بلجمله

    إنضم إلينا في:
    ‏9 ديسمبر 2010
    المشاركات:
    1,052
    الإعجابات المتلقاة:
    0
    مطعم فاشل بكل معنى الكلمه

    ناس ماتفكر غير في الفلوس
    ما همهم السمعه ورضاء الزباين

     
  4. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    وعليكم السلام ورحمة الله وبركاته
    ايشبك منرفز نفسك ومفور دمك
    دخيلك ادينا الهرجة
    فين محل المطعم بالمزبوط وايش يبيع يعني
    وهل انت جربت اكله حتى نزلت عليه وما بقيت جمب يتكي عليه على قولهم
    لاني ماقد سمعت بهادا المطعم او يمكن سمعت بس ما اكلت منه
    لانه اكل السوق لو جبناه فين وفين ومن محلات معروف ومشهورة

    واللي مايخاف الله خاف منه على قولهم
    وحسبي الله في كل واحد يغش اخوه المسلم

    في نضري الغش حرام في كل حاجة
    بس تزداد الحرمانية في اكل الناس وقوتهم

    فين البلدية اخت البلا والازية
    والا بس فالحين يتشطرو على الضعاف اصحاب الونيتات واللي يدورو رزقهم بالحلال

    ليا رجعة ان شاء الله

    دحين ادن العشا
    وبدنا نصلي ونتلبب ونندبج
    وتصبحو على خير
     
  5. المكااااوي

    المكااااوي تاجر مميز

    إنضم إلينا في:
    ‏6 يونيو 2009
    المشاركات:
    520
    الإعجابات المتلقاة:
    0

    وإنتي طالعه من الرصيفه للدائري الثالث قبل تطوير مكه اول ما تطلعي من الاشاره يصير على يدك اليمين
     
  6. المكااااوي

    المكااااوي تاجر مميز

    إنضم إلينا في:
    ‏6 يونيو 2009
    المشاركات:
    520
    الإعجابات المتلقاة:
    0
    والله انك صادقه

    جشع وطمع وهمجيه في التعامل

    والله خسارة الواحد يتكلم معاهم فضلا عن انه ياكل عندهم عساهم بآكله تاكل أطرافهم

    والحمد لله انه قفل وانقلع الوسخ
     
  7. المكااااوي

    المكااااوي تاجر مميز

    إنضم إلينا في:
    ‏6 يونيو 2009
    المشاركات:
    520
    الإعجابات المتلقاة:
    0

    يسعدك ربي اخي الدهليز

    والله بالعكس مبسوط لما عرفت انه مقفل

    طبعاً له شهر تقريبا او اكثر لكن ما ذكرته الا اليوم قلت اكتب عن المعفن هذا

    والله اكل ما يتاكل الله يشرف نعمه ربنا

    في البدايه طلبت نفر أوصال ونفر كباب وصحن تبوله وصحن حمص وكنت ابغى بطاطس الحرمه قالت لي يجي معاه بطاطس وهذا مكتوب في القائمه قلت كفايه

    جاني الطب الله لا يوريك الأوصال مفتفته كأنها اوصال فحم ومكسر منه شويه حوالين الصحن

    يعني ربعه مفتفت تقول فحم حق شوي ميت

    المهم سألته فين البطاطس قالي من الصباح ما في بطاطس في المطعم !!! يعني ما يقدروا يجيبوا من الحلقه اللي جنب إدنهم ب 8 ريال كيس يأكل المطعم كله
    وأنا ايش دخلني من الصبح والا من قبل شهر مافي بطاطس

    أنا ابغى طلبي يجي كامل زي فلوسكم تاخذوها كامله

    المهم التبوله مليانه كمون!!!!!! عمري ما اكلت تبوله يحطولها كمون

    والبرغل كأنه حجار وكبير ما أعرف من فين جايبينه وفيها نقط سودا تقول مفرومه

    والحمص طعمه محمض

    والله اكل عجيب والمصيبه اسعاره نار النفر بأكثر من عشرين ريال
    اللي يشوف السعر يقول هذا لحم طازه

    المهم قمت من الأكل واتصل برقم الشكاوي مايرد ولا رد على رسالتي

    وحاسبت حسابي كامل بعد ما مسحت بيهم الارض

    والمصيبه واحد سامع المجنانه كلها ويقلوله عجل على الطلب بسرعه :ang:

    خرجت من يومها كل ما اعدي من جنبه ادعي عليه واذا الحرمه معايا ما أسمع الا حسبي الله عليك ياراعي اناسي

    مغصلنا بطننا الله لا يربحه

    وهذة القصه سيدي الفاضل الدهليز

    وموقعه وانت جاي من الرصيفه من ناحيه مسجد نصير الأسكان لا تدخل الاسكان لف يسار كانك رايح على مستشفى النور على طول طالع يمينك من عند الإشاره تشوف المطعم والحمد لله قفل

    البلديه تقدر عليا وعليك وعلى المساكين اللي ماشيين جنب الحيطه

    على قول المثل ما تطيح السقيفه الا على الضعيفه
     
  8. المكااااوي

    المكااااوي تاجر مميز

    إنضم إلينا في:
    ‏6 يونيو 2009
    المشاركات:
    520
    الإعجابات المتلقاة:
    0
    لا بعدين لما جاب لنا الطلب

    يناديني من عند باب الغرفه

    يابوووووالشبععععاااااب

    ونسيت اقلك ان الكباب محمى كمان يعني مجمعينه من البواقي

    والله اني اعرف للأكل علشان كدا ما أكل من المطاعم عمرك شفت كباب أسود وكل سيخ يختلف عن الثاني في اللون

    والطعم الله لا يحدك عليه ولا يجعلك تاكل زيه


    والله لو جا شحات بتعطيه احسن منه لأنه لله
    وهذا بفلوسنا ويعطونا بقايا الله لا يربحهم

    لا تحسبني مبالغ والله اظن إني ما أعطيته حقه

    وصاحبه الحرامي شارد ومتغطي زي النسوان عن الديانه

    وهذة إهانه للنسوان اني اشبه بهم


    لان النسوان غطاهم شرف لهم وأجر من الله والعمل بشرعه سبحانه

    اما هو جالس ومتخفي زي الفار من جحر لجحر
     
  9. المكااااوي

    المكااااوي تاجر مميز

    إنضم إلينا في:
    ‏6 يونيو 2009
    المشاركات:
    520
    الإعجابات المتلقاة:
    0
    قلتلي إيش يبيع

    هو متعامل مع جميع مطاعم مكه وضواحيها

    آخر الليل وبعد العصر يمر عليهم ويجمع بواقي الأكل ويجبها يحطها في الثلاجه ويحميها للزباين

    ويقدمها لهم إنها من طبخهم وانا اشك ان كل اللي عنده بناشره ومساعدين مكانيكيه
    ونفرين من دله متعاملين معاه للنظافه ومحاسب كان شغال في كازينو الباديه :021:


    أمزح معاك وكمان اللي يشوف اكله ما يقول الا بواقي اكل عمال بيبنوا عماره
    وهذا واقع ما هو تهكم عليه
    والا مطعم بهذا الحجم يقفل وإنت عارف ان كثر الناس صارت تاكل بعينها

    تشوف صرح كبير تقول بس هوا هذا المطعم والا بلاش


    عديلي راح يوم يبغى ياكل عنده قبل ما اروح انا بس ما قلي الا لما حكيته قصتي

    طلع مع مدامه يبغى يعزمها زي حكايتي :p

    لما سمع ابو يمن قاله أهلاً سحلاً
    على قوله دور من الدرجه قال هذا ما أخد من يده حجر باعشن
    كيف آكل عنده :021:
     
  10. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    السلام عليكم ورحمة الله وبركاته
    مساكم الله بالخير
    ربي يسعدك اخونا مكاوي
    والله ان جيت للحق اليمنة في الاكل كلام كتير
    طبعا بتكلم عن المعلمين القدام
    لكن دحين كلهم شباب وما عندهم خبرة ولا زكاوة في اليد

    والله وصفك للاكل صد نفسنا البعيد :ang:
    وزي ما قلت في ردي الاولاني الاكل مراق ومزاج
    والله في ناس تدردب وتاكل تقلك كله حشي مصارين

    واحد قلي وعلى ايه يادهليز نطلب احسن مطعم واحسن اكلة ومصير الاكل كله اللي ناكله
    الله يكرم الجميع الفضلات :cnf3::cnf3::cnf3:

    قلتلو كلامك صحيح
    طيب وعلى ايش انت عايش وبتشتغل وبتاكل وتتجوز واخرتك الموت يعني قطنة وبفتة وعلى الحفرة

    :p5088::p5088:

    اغلب المطاعم تجيب من الاسترالي المتلج مو طازة
    اللي اعرفه يجيب طازة عم علي بياع الكباب المبشور
    هداك الادمي تقي وامين
    والللي مو مصدق كل يوم بعد الصبح يروح فرع جرول اللي في الزقاق
    بعد الصبحية يلاقيهم جايبين الطليان ويقطعو فيها وريحة الدم واللحم الطازة يبان

    وبيني وبينك اخويا دهليز اكل المطاعم ما احبه يعني مع العوايل
    اشتري اكلي في البيت واتفرطح في الارض على المفتة قصدي الصوفرة
    ولمة العيلة مافي احسن منها

    وغالبا اكل السوق اللي نجيبه كله اكل شعبي
    مقادم كباب ميرو سمبوسك سرور جاوي وازا نبغى رز ناخد من حراء
    وساعات نجيب البيك والا مطبق السندي والشربة والتقاطيع من القناعة اللي في الشهدا
    والشاورما من جحا يا اللي في العتيبية او اللي في العزيزية بعد كبري الملك خالد
    والفول والمعصوب من عفيف

    بس غير هادي الاكلات مااجيب

    على سيرة التبولة
    ترى البرغل في نوع منه يجي كبير لانه في انواع شي صغير وشي كبير
    يمكن حاطين من الكبير والحاجات السودة يمكن فلفل اسود

    الكباب اللي مفشفش من الصيخ
    هادي ياقمر اللحمة ما مسكت في الصيخ مزبوط لانه مافيها شحم كفاية
    تنهري الشحمة الوصلة اللي حاطينها تقوم اللحمة تستوى وتتقطع
    ولازم الصيخ يتغمس في موية وملح وليمون ويكون في موية باااااردة ;)

    على العموم الحمد الله على سلامتك انت والمدام
    وكل ماتعدوا من هناك شيلو حجار وقولو بسم الله الله اكبر زي الجمرات :021:

    نفسي يا مكاوي افتح مطعم كبير واسوي فيه كل الاكلات الشعبية اللي انخلقت في مكة

    بس عليك الاسم نبغى اسمه يرن ويشن

    ايش رايك في مطعم الدهليز للسمالهاري والطافوحلي :p5088:

    لا العنوان واضح اللي حطيته يبغالي ان جاتني زرقة على هديك الجهة اروح اشوف التهاويل

    ليا رجعة ان شاء الله
     
  11. مؤسسة الرونق المميز

    مؤسسة الرونق المميز متجر جمال حياتي سابقا

    إنضم إلينا في:
    ‏1 مارس 2010
    المشاركات:
    11,677
    الإعجابات المتلقاة:
    0
    صاااااااادق اخوي المكاوي

    اللهم لك الحمد على النعمه
    المشاوي جابوها والله العظيم في دم من تحتها
    ومتقطعه وحالتها حاله
    حتى عيالي الصوغار استغربوا من الاكل وهم ما يفهموا في الاكل كتير استغربوا

    تعال وقت الحساب وشوف الحسبه كيف دببببببل
     
  12. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    السلام عليكم ورحمة الله وبركاته

    الله يصبحكم بالخير جميعا

    تعليق بسيط لو سمح لنا اخونا مكاوي على الاخت نجوم

    الستر واجب وربنا من اسمائه الستار

    لكن بعض الناس صارت تتخذ من الكلمة هادي ستارة علشان تسوي بدينها وتضحك وتنصب على الناس
    ولمن الشغلة تتعلق بصحة وحياة الناس وجب الاشهار والتشهير

    صحيح المطاعم على قفا من يشيل على قولهم
    لكن لاتنسي الدال على الخير كفاعله
    لو انا اكلت في مطعم وجاني مغص واسهال الله يكرم الجميع
    لانه مو نضيف مو المفروض عليا احذر اصحابي واحبابي واقله المطعم الفلاني
    اكله مو نضيف ويسبب كزا وكزا علشان ينتبهو

    قالوا في الامسال قطع الاعناق ولا قطع الارزاق
    والارزاق بيد الله لكن المطعم هادا يبغى يترزق على الغلابة ويمرضهم
    ساعتها لازم نقطع رزقه بالقوة والمروة

    لانه هو اللي احوج نفسه للكلام والتشهير
    واللي يسوي نفسه قمامة يشعتروه الدجاج

    صدقني لو التشهير يتم في كل مكان وزمان
    البلد رايحة تنضف
    والساكت عن الحق شيطان اخرس
    والله ماجبنا شي من عندنا كلو من شرع الله عز وجل وسنه سيدنا محمد اللهم صلي وسلم عليه

    صلو على الحبيب يومكم يطيب

    وجهة نضر في الموضوع وان شاء الله محد يزعل من كلمة الحق


    الاخت ام جما ل

    في مطاعم وبالزات السورية وقت الشوي يخلوها تقريبا نص استوا
    مرة كنت جالس في مطعم بشتري مشاوي للبيت فضلة خيركم
    قلتلو خليها تتقمر قليل
    مو فاهم عليا
    قلتلو خليها تجلس على الناس
    قلي ياعمي المشاوي اصولها تاكلها حمرا مو تتقمر على الاخر

    بس مادام تقولي الصحن فيلو دم معناها ما اتغسلت اللحمة مزبوط قبل لا يفرمها

    واصلا الدم حرام ناكله
    المشكلة الواحد تعب والا المشاوي هادي بنفسنا كنا نسويها ونطبخها
    ونسوي السلات وتشويح على الصاج يرحم ايام الشعبنة
     
  13. amin5400

    amin5400 تاجر مميز

    إنضم إلينا في:
    ‏1 أغسطس 2008
    المشاركات:
    129
    الإعجابات المتلقاة:
    0
    انا اكلت منه اول مافتح مستوى الطعم اقل من عادى مره وحده ولاقربت منه بعدها هذه ملاحظتى عليه
     
  14. المكااااوي

    المكااااوي تاجر مميز

    إنضم إلينا في:
    ‏6 يونيو 2009
    المشاركات:
    520
    الإعجابات المتلقاة:
    0
    وعليكم السلام ورحمة الله وبركاته
    يسعد مسائك اخي الدهليز

    اليمنه اول كانوا والقدامى منهم الموجودين للأن او اللي اتعلموا منهم يعني صبيانهم

    صحيح اكل لا يعلى عليه وأزيدك من الشعر بيت انا رحت رحله لليمن قبل 4 او 5 سنين ولفيت فيها من الشمال للجنوب وأكلت عندهم اكل ما أكلته في اي دوله من طعم ولذة ونظافه ولكن الدوله بدائيه
    وأكلت اكل ماهو نظيف يعني فيه الطيب والبطال

    ام اللي موجودين الأن اكثرهم الله لا يوريك ولكن في عندنا كمان فنانين ومعلمين اكل يعني موكلهم معفنين الله يكرمك

    أما انا استغرب من اللي يدردب طيب وبطال المهم يملأ العدوه

    على قول المثل حبيها خروق تروق

    ياحبيبي هذة بطني وقال عنها سيد الامه صلى الله عليه وسلم بيت الداء

    انا اشتغل واكرف واوفر حياة كريمه لي ولأهلي علشان اكل اكل ماهو نظيف
    ومثالك 100% :clapinghand:


    ياعمي البرغل من كثر ما باش لأن التبوله قديمه قديم صار قد حبه العدس

    وفلفل أسود إيش راجل لكن الله لا يوريك ما شفت

    والله يسلمك ولا يوريك مكروه

    وأشور عليك بإسم المطعم دردب يامدردب حاتقعد في المستشفى من الصبح الين المغرب:021:
     
  15. المكااااوي

    المكااااوي تاجر مميز

    إنضم إلينا في:
    ‏6 يونيو 2009
    المشاركات:
    520
    الإعجابات المتلقاة:
    0
    اقول لك عالم وسخه الله يكرم الجميع

    والله ماهي من عادتي اشهر بأحد او اجيب سيرة أحد بسوء إلا في الأستشارة لأن المستشار مؤتمن
    اقول الحق كامل

    لكن هذا المكان حرام يستمر ويضحك على الناس ويسممهم
    والحمد لله انه قفل وكفى الله الناس شره
     
جاري تحميل الصفحة...
المواضيع المشابهة التاريخ
اكسسوارات سبح كوك مطعم فضة ‏29 أكتوبر 2016
مواد غذائية *للتقبيل مطعم ومشويات بمكة * ‏19 أكتوبر 2016

مشاركة هذه الصفحة