1. مرحبا بكم في أسواق ستي أكبر المواقع التجارية شعبية
    إستبعاد الملاحظة

الفار المصون (الله يادنيا شفنا في احوالك العجب

الكاتب: جوو الرياض, بتاريخ ‏21 فبراير 2011.

  1. جوو الرياض

    جوو الرياض تاجر محترف

    إنضم إلينا في:
    ‏13 يونيو 2009
    المشاركات:
    7,994
    الإعجابات المتلقاة:
    1
    الإقامة:
    صالة المـــغادرة
    دحيم تاكي بالبيت يتصفح الجريده ولا له من الشيطان طاري , ويسمع صوت ينادي
    ياهوه ماتتعب وانت تكتب !
    ويتلفت ماحد جنبه , ويستعيذ من إبليس ويكمل تصفحه , ورجع الصوت نفسه : تستغفلني أنت ؟ أنا هنا ياشنب
    ويتلفت دحيّم ويلقا طرف ذيل فار ويخليه ! , قبل مايرجع يلتفت للنت , قال : إيه أنا أنا فار وراك مستحقرني !
    دحيّم لاشعورياً شال الزبيريه وقال : آيآ الهيس , نسا إنه حيوان ويتكلم !
    الفار : لالا يابن الحلال هد أعصابك ومايحتاج ذا الزبيريه , خل أقولك يابن الحلال وش أنا جاي له !
    دحيم توّه يفطن إنه حيوان ويتكلّم , وهو مستغرب : أنت فار ؟
    الفار قال : لا والله أسد بس توي جاي من حلاق تركي ومنعّم !
    دحيّم : قل قسم !
    الفار : منتب مصدقني يعني أنت ووجهك ذا اللي كنه أباط إسماعيل سرور !
    دحيم : إلآ إلآ مصدقك يابو شبل وش دعوه عاد < مصدق إنه آسد خخخخخخخخخخخ
    الفار : شف ياشنب أنت الظاهر لو أدخل في راسك ما ألقى غير إسمنت وسطل بويه . ماتفكر أنت
    ياخي بالله شكلي شكل أسد ! ؟؟ مير أنا صكت الدنيا بوجهي ولا لقيت تنكه أشكي له همي غيرك
    دحيم : ياخوي أنت تقول آسد وأنا تراي أسلك , خايف منك ترا , مير لاتقول تنكه لا والله بالزبيريه !
    الفار : كل تراب بس , ياخوي أنا عندي هم وشايله في صدري .. دحيّم مقاطعه : ثقيل عليك خل أساعدك خخخخخخخ
    الفار : إنطم بس , الهم من ناحية ثقيل والله ثقيل ولايشيله لا أنا ولا أنت يبي لنا تنكه غيرك يساعدنا !
    دحيم : لاتقول تنكه , أنت منقهر عشاني إنسان !
    الفار : أنت إنسان !!
    دحيّم وهو يضبط الياق :
    الله الله , ليه وش شايفني عرجون قاعد يهرّجك ؟
    الفار : هههههههههههههههههههههههه , والله يا انتم الاوادم ظريفين ماشاء
    الله , إلآ أنت من وين ؟
    دحيّم : تستهبل ؟ , من السعوديّه طبعاً
    الفار : سعوديّه !! , طيّب بأي مدينه حنا ؟
    دحيّم : والله في جده !
    فجأه بكى الفار !!
    وهو يبكى الفار : اللحين السعوديه مهيب أغنى دوله بالعالم ؟ , وجدّه مدينه سياحيّه ! لإني كد قريت في كتاب الوطنيه عنكم !
    دحيم : إيه حنا أغنى دوله ومدينة جده تعتبر سياحيه , إلا وراك تبكي !! , وش صاير لك ! , تعرف جده أنت ومتى جيت هنا , وش بك أنت !
    تراي بديت أخاف يأخ فار !
    الفار : وش أقول بس , كنت أحسب نفسي في أندونيسيا وجانا فيضان تسونامي مرّه ثانيه , ماكنت أدري إني في أغنى دوله !
    يادحيم أنا فقدت أهلي غرقو قدام عيوني , سحبهم الما , ولا أدري وش أسوي وقتها , أنا من بعد
    الله طلعت بفضل سوارة بنت تعلقت بها وربك ستر
    ياخي وش تبيني أقول أبوي يستنجد , إمي تناديني تبيني أفزع لها , أختي تصارخ وتصيح !!
    آه يالقهر بس آ آ آآه
    دحيّم : لاحول ولا قوة إلآ بالله , هذا يومهم ياخوي وأنت تصبر وإدع لههم بالرحمه !


    الفار وهو ينوح : دعيت لهم أجل أحتريك , أنت ورا ماتتدعي لهم بس ؟
    دحيّم :
    الله يغفر لهم , طيّب أنت وش جابك عنندي ؟
    الفار : ياخوي لقيت بابكم مفتوح , قلت خل أبكي عندهم وأعيّن من
    الله خير , لمين تروح الأمطار لإني أبغرق إن استمريت بالشوارع !
    دحيّم : حيّاك ياصديقي الجديد , الفار مقاطعه : لا تأمل واجد , آبو الحكحكه ياشيخ !
    دحيّم : تكفى صر صديقي تكفى تكفى ,
    الفار : لا لا أعذرني عندي لسته كامله ينتظرون قبولي صداقتهم !
    دحيم : أخس ياظلال الفيس بوك , مير قم قم لا والله بالزبيريه وماتلقى من يضفك !
    الفار : إلآ ماقلت لي , وش سالفتكم أنتم , يعني جده وراها كذا !
    دحيّم يتنهد : إيييييييييييييييييييه بس , أنا اللي وش أقول !
    طال عمرك ذي من السنه اللي راحت وحنا نغرق لا حسيب ولا رقيب , ماتو شيّاب , شباب , أطفال , بنات , نساء , عجز .
    الفار يقاطعه : من السنه اللي راحت !!
    دحيّم : إيه
    الفار : طيّب ماعندكم تصريف !
    دحيّم : لا بس عندنا شفط ! شفط ماء وشفط فلوس , وشعب يموت , ماعندنا إلا هـ الثلاث !
    الفار : ياخي أنتم أغنى دوله ويييين مشاريعكم اللي يتكلّمون عنها
    دحيّم : شكلك نايم بالعسل , عندنا مشاريع ماتشوف أنت !
    الفار : وشهي مشاريعكم ياظلال مدينة لاس فيجاس !!
    دحيّم : مشاريعنا واجد من ضمنها , بناء إستاد الملك عبدالله , اللي للحين ماشفنا منه شي , ويقولون يبون يسسون ملعب خاص في الهلال !
    ويفكرون إنهم .. الفار يقاطعه : أنا وش آبي بملاعبكم ودوريكم اللي من عرفناه مافيه إلا نصر وهلال !
    هم زينو شي لتصريف المياه ؟ أتكلم عن جده أنا ترا
    دحيّم : هاه ! تبي الصراحه الصدقيه يعني ؟ لا
    الفار : خخخخخخخخ يعني أهلي ماتو بسبة مافيه تصريف وبلاعات ! آخ يالقهر !
    دحيّم : لاتحسب اللي ماتو بس اهلك , ترا حتى أنا أخوي وأمي سحبهم الماء السنه اللي راحت ! وماتو !!
    الفار : مهزله والله إذا في سنه ماقدرو يزينون شي !
    دحيم : يقالك جايب شي جديد , ندري إنها مهزله مير أنت وش خطوتك الجايّه , وين تبي تروح يعني ؟
    الفار وهو يستحقر سؤاله : أببتل عندكم ! , ياخوي والله مدري وين أروح وأولي , شكلي أبطلع برا جده .

    دحيّم رفع الجريده ويكمل قرايته : شف شف خخخخخخخخخخخخخخخخخخخخخخخخخخ خالد الفيصل وش يقول !
    الفار : وش يقول ؟
    دحيم : يقول : نحن لا نعترض على المطر لكن السبب في الغرق ليس نحن ولاتضعون اللوم علينا , الخطا على المياه اللتي لم تقدر المواطن
    إذا رأته يمشي بسيارته , لماذا لم تجنب عنه , وذهبت يسار , والمواطن المفروض إنه يضع معه إحتياطاته اللازمه يشتري دباب بحري
    ويضعه بالشنطه واذا اتى الماء كالعاده ولم يحسب له حساب , ( يطلّع دبابه ويهج )
    ونحن في وزارتنا بصدد تنفيذ مشروع كبير وضخم , ولاسبق لإي دوله أن نفذته , وهو مشروع فيه خبراء ألمانين معروفيين جميعهم !
    مشروعنا هو بدال مانأتي بسيارات من دول أخرى وتذهب عليها مبالغ طائله , سنستخدم الحيتان إذا هي جيّده لمدينتنا عروس البحر ويتناسب مع أوضاعها
    وبلاش مصاريف .

    دحيّم يتلفت الفار وينه ! , أخ فار !!
    آلو آلو , فار وينك !

    دحيّم لقا له ورقه فتحها لقا مكتوب : كان ودي أسمعك وأنت تقرى كلامه بس إعذرني ماقدرت من يوم قال : الخطا على المياه , وانا دريت إنه جايب العيد ولا لقى مخرج له خخخخخ
    مع الآسف أنتم يالآوادم منتب آوادم
    ( برب إنتحار ) . .. .. . إيه صح قبل لا أنتحر شغل المسجل وشف وش أنا حاط لك هديّه !

    دحيم حلت الورقه بالسطل , وراح يشغل المسجل , وضغط على بلاي
    وسمع أبو ساره يقول :
    الله يالدنيا صحيح , شفنا في أحوالك عجب .





    الفوائد :

    1- إذا شفت الفار , إذبحه على طول لاتخليه يسولف معك
    2- ترا دحيّم دلخ < قل والله خخخخخخخخخخخخخخ
    3- لاتفوتكم أغنية عبادي
    4- جده حالها متأزم , إدعو
    الله يفرّج كربتهم , ياجده حنا معك بالرخا والشدّه
    الله يكون بعونهم .

     
  2. ابو الطيبه

    ابو الطيبه تاجر

    إنضم إلينا في:
    ‏12 أغسطس 2009
    المشاركات:
    37
    الإعجابات المتلقاة:
    0
    الله يصلح الاحوال ان شاالله
     
  3. هـتـون

    هـتـون عدنا والعود أحمد

    إنضم إلينا في:
    ‏12 مارس 2010
    المشاركات:
    583
    الإعجابات المتلقاة:
    0
    قويه ياجوو
    اهنيك ع الاختيار واهني كاتب القصه واقف احتراما لكما
    تساااهلون والله

    اهم فائده انو ماحد يسولف مع الفيرااان بنوب بنوب
     
  4. ss.66ss

    ss.66ss تاجر محترف

    إنضم إلينا في:
    ‏18 أكتوبر 2009
    المشاركات:
    2,850
    الإعجابات المتلقاة:
    0
  5. جوو الرياض

    جوو الرياض تاجر محترف

    إنضم إلينا في:
    ‏13 يونيو 2009
    المشاركات:
    7,994
    الإعجابات المتلقاة:
    1
    الإقامة:
    صالة المـــغادرة

    مشكوور ع المرور اخووي
     
  6. جوو الرياض

    جوو الرياض تاجر محترف

    إنضم إلينا في:
    ‏13 يونيو 2009
    المشاركات:
    7,994
    الإعجابات المتلقاة:
    1
    الإقامة:
    صالة المـــغادرة
    الله يسلمك هتووون منوورهـ يالغلا
     
  7. جوو الرياض

    جوو الرياض تاجر محترف

    إنضم إلينا في:
    ‏13 يونيو 2009
    المشاركات:
    7,994
    الإعجابات المتلقاة:
    1
    الإقامة:
    صالة المـــغادرة
جاري تحميل الصفحة...

مشاركة هذه الصفحة