1. مرحبا بكم في أسواق ستي أكبر المواقع التجارية شعبية
    إستبعاد الملاحظة

شيتوس حار نار

الكاتب: همس عبادي, بتاريخ ‏20 فبراير 2011.

  1. همس عبادي

    همس عبادي تاجر

    إنضم إلينا في:
    ‏21 يونيو 2010
    المشاركات:
    99
    الإعجابات المتلقاة:
    0
    من يوفرلي او يدلني على مكان بمكة يبيع بطاطس حار نار شيتوس
     
  2. أم الخطاب

    أم الخطاب تاجر مميز

    إنضم إلينا في:
    ‏30 أغسطس 2010
    المشاركات:
    365
    الإعجابات المتلقاة:
    1
    ماأدري ليش شايلينه من السوق إن شاء الله مايكون فيه ضرربالغ ..
     
  3. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    السلام عليكم ورحمة الله وبركاته

    الله يصبحكم بالخير
    شكلكم ادمنتو على البطاطس

    والله عمري ما اكلته ولا دقته
    بس اللي اسمعه انه مرررررة حار وملهلب على الاخر
    وواحد قال فيلو مواد مسرطنة البعيد عن من قدامي
    والحرارة الكتيرة هادي مو فلفل حاطين مواد كيماوية بتسوي الحرايق هادي
    والله اعلم
    وحتى الدوريتوس نفس الكلام

    تتعبو تحصلوه لانه انسحب من الدكاكين
    وحتى الشركة بتنزل كل النكهات الا ابو الفلفل

    الله يرضى على الليز والفشفاش
     
  4. أم الخطاب

    أم الخطاب تاجر مميز

    إنضم إلينا في:
    ‏30 أغسطس 2010
    المشاركات:
    365
    الإعجابات المتلقاة:
    1
    ليش ياأخي ماسمعت عن التحذيرات من الليز والبطل وإثبات الدراسات عل احتواؤه على مواد مسرطنة ... لكن يقال إن التحذير خاص بالبطاطس وما يشمل الفيشار .. عموما هو الاعتدال طيب في كل الأمور خاصة أبنائنا حرام علينا نطاوعهم ونترك لهم الحبل على الغارب في تناول هذه الأشياء الضارة لأنهم مايدركوا خطورتها وما يقدروا يضبطوا نفسهم .. وألله يحميهم ويكفيهم ويمتعهم بالصحة والعافية يارب ..
     
  5. همس عبادي

    همس عبادي تاجر

    إنضم إلينا في:
    ‏21 يونيو 2010
    المشاركات:
    99
    الإعجابات المتلقاة:
    0
    امين بس حاااااااااسه انه ادمان ومسويه جائزة ماليه للي يجيبه
     
  6. دريما

    دريما تاجر مميز

    إنضم إلينا في:
    ‏27 ابريل 2010
    المشاركات:
    206
    الإعجابات المتلقاة:
    0
    احسن لك اشتري فشفاش وحطي له شطة رنا .. طعم ياسلااااااااااااااااام
    عاد بتجين بعدين تقولين مين يوفر لي فشفاش وشطة رنا >>> انقرضت من السوق والسبب ادمانك
     
  7. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    اختي ام الخطاب لو بدي اعطي ادني للناس معناها ماراح اكل ولا اشرب
    كورن فليكس قالوا فيلو سرطان
    وواحد قال فيلو مغناطيس مفتفت مدري حديد
    حتى الزيت الزيتون قالوا يجيب سرطان
    وفيها كسترول ضار

    هو في اكلة مامنها ضرر
    احنا في زمن الكيماوي ياستي

    اخر شي سمعناه العيش مايصير نحطه في الزنابيل النايلون علشان لا تتسرطن
    ويبغو الاكياس الورقية زي مخبز بدر

    حتى الكباب كهروووونا فيه
    يقولوا كيف تاكلو الكباب المشوي على الفحم
    الدهن والشحم اللي يسيح ينقط ويشرشر على الفحم وتطلع مواد سامة وضارة
    وتلصق باللحمة او الدجاج المشوي
    عجيييييييييييييييب


    كيف نمنع ابنائنا ازا كنا احنا بنفسنا نقرقش معاهم
    بس زي شغل البيت مافي
    فضلة خيركم اشتري كيس بطاطس كبير من الحلقة
    ونقطعه طوال والا مدور ونقليه ونحطلو بهارات


    صدقتي اختي ريما فشفاش لازم من الشطة
    لااااااااازم ننكت الشطة جوة الكيس علين ينعجن

    ويرحم ايامك يا منفوش
    اللي مايعرفو هادا الكربو لمن يكبر
     
  8. Lavita

    Lavita تاجر مميز

    إنضم إلينا في:
    ‏21 سبتمبر 2009
    المشاركات:
    978
    الإعجابات المتلقاة:
    0
    وانا اقول اشبو مو عندنا في البقايل
    وامي مدمنة حار يا نار كل ما تروح مكان تدور عليه
    قلت لها يمكن بس في السوبر ماركات الكبيرة
    اتاريه اصلا منسحب من السوق
    وربي حتى الحدجة امي تدور عندها حار يا نار
    ههههه

    احنا نجيب الكيس الكبير ويلا طول الوقت نقرمش فيه
    صراحة لزيز ..
    بس شكلو فعلا مضر وجاب للناس الامراض
    ام صحبتي كترت منو مرة وعلى المستشفى سوو لها عملية الزايدة =(

    بس صح شيء يطفش كل شيء مضر ويجيب السرطان كل شيء
    حتى الخضار والفواكه يقولك تجيب السرطان .. لانهم يزرعوها ويحطو لها مواد كيميائية واسمدة
    يعني هيا هيا
    كل شيء ..
    وكمان الاندومي يقولو من الهياكل العظمية يسوو بهاراتها .. قرف

    بس ما يصيبنا الا ما كتب الله لنا
    عشان كدا زي ما قلتو لا احد ياخد بكلام الناس والدراسات
    نتوكل على الله
    ونعتدل .. مو مرة ندمن ولا مرة نحرم نفسنا ..

    وخليني اروح اقول لامي لا عاد تدوري على حار يا نار خلاص انسحب من الاسواق ههههه
     
  9. أم الخطاب

    أم الخطاب تاجر مميز

    إنضم إلينا في:
    ‏30 أغسطس 2010
    المشاركات:
    365
    الإعجابات المتلقاة:
    1
    تعقيب

    المشكلة إن أبنائنا فعلا يعرفوا هادي المخاطر لكن مايهمم ويقولوا إيش نسوي كل شي يجيب السرطان مالنا غيرإننا نسأل الله تعالى يحميهم ويكفيهم شرها يعني نحن الحمد لله ماعرفنا هادي الأشياء وأكلناها إلا بعد ماشيبنا لكن أبنائنا أتربوا عليها من الصغر يعني من سنتين وثلاثة وهي بتشتغل على أجسامهم ألله يلطف بنا و بالمسلمين .. على فكرة ترى حتى البطاطس اللي في البيت مخاطره في الزيت اللي بنقليه فيه هادا بغض النظر عن الكيماويات اللي رشوها على البطاطس نفسها في مرحلة الزراعة .. ألله المستعان ..:confused::confused:
     
  10. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    ازا امك مدمنة على الحار
    خليها تشتري دجاج البر ابو الفلفل
    هيا خليني اسمع احد يقلي دجاج البر يجيب سرطان والا زكمة
    طول عمرنا بناكل ونطفح منو علين سرنا زي خراتيت البر

    حتى بيض الكوكو يقولوا لا تاكلوه وحلاوة شعر لانه كلها منفوخة هوا
    كيف تاكل هوا وتدخل الهوا في جسمك :214::214::214:

    لانه حلاوة الشعر اللي لونها بمبا تكون محطوطة في كيس ومنفوخ
    ولو اتنسم الكيس شوية تختفي الحلاوة وتسير قد القرشين

    الله يشفي ام صاحبتك اكل ونقنقة هو والا مرض البعيد
    يعني جاب لها الزايدة من الحرارة والا من الكيماويات اللي فيلو

    المشكلة علشان احنا محنا متعودين على الفلفل من صوغرنا
    قصدي ناكله بكترة

    مرة عندنا عامل كان شغال زمان جايب شباتي وعدس وبيفطرو
    وماشاء الله جايب صحن فيلو قرون فلفل
    وولد صغير معاه ابو 6 سنين
    وجالسين لقمة عدسة وقطمتين فلفل :021:
    وماشاء الله بياكل منه كأنوا خيار والا قتة

    احسب الفلفل بارد اترنو حار ومشلوط طلعتلي حووومة بسببه
    قلي العامل احنا متعودين على الفلفل من صغرنا
    كل اكلنا وشربنا مفلفل علين جسمنا اتعود
    ساعتها جي من الحلقة وشايف كيس الفلفل معايا
    قلي هادا كم كيلو قلتلو يمكن ربع كيلو على قياس هورية
    ويمشينا اسبوع
    :021::021::021:
    قلي الكمية اللي جايبها انت ناكلها في جلسة وحدة مع الغدا

    ماشاء الله تبارك الله

    على كدة البزورة الصوغار عندنا لمن يسبسبو ويطول لسانهم وسفاهة
    نفجعهم ونقلهم نجيب قرن فلفل ونفحسه في لسانك دحين

    طيب بزورة الهنود ايش يحطولهم بدل الفلفل :cnf3::cnf3:


    ومين قلك الاندومي من الهياكل العظمية
    من جد شكلها تخاريف الناس
    يعني بالله بدهم ينبشو القبور ويندرو العضام :p5088:

    حتى الدجاج اللي يجي للونه اسود واحد قلي يلملمو الدجاج الوجعان
    ويرموه في الفرامة ويخلوه زي البودرة ويرجعو يأكلوه للدجاج والصيصان

    واسمعي كلااااااااااااااام وافتاء على كيفك
     
  11. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    والله ياستي ام الخطاب احترنا معاك
    يعني حتى البطاطس حقت البيت قلنا نضيفة ونسويها بنفسنا ونبزرها على كيفنا
    يقولو الزيت يسرطن والا غير الكيماويات اللي يرشوها على البطاطس
    طيب ايش الحل يعني ماناكل

    اول ماجاني السكر بعيد عن من قدامي
    جالس الدكتور يصرخ في وشي
    هادا ممنوع وهادا بلاشي

    قلتلو طيب انا تووووور قلي ايش اكل

    بص حضرتك
    في الفطار انت تاكل نص بيضة مسلوئة وربع رغيف بر
    في الغدا فخضة فراخ منزوعة الجلد واللحم :021:
    يحسبني كلب الله يعزكم
    وقليل شوربة خضار مسلوقة وبدون ملح ولا بهارات ولا زيت
    يعني بالعربي اجيب كروانة واغسل الخضار جوتها واشرب موية الغسيل :p5088:
    والعشا حتة جبنة ونص موزة

    حاشا نعمة الله
    قلت امشي على الاكاديب حقت الديك + تور
    والاقي السكر زي ماهو عالي في 400 وطالع

    والله صرت دايخ وتعبان وحيلي مهدود وجياعان قلبي يفحس

    تاني يوم جبنا تبسي مضبي ولميت الحبايب
    ولا عاد وقفت عليه بلا دكترة بلا هم

    ادمي شقيان وتعبان طول النهار يجي يقلي كل وصلة فرخة والا ربع عيش

    ايش نسوي يا ام الخطاب ازا كان كل الاكل ضار في الزمن هادا
    وانت بنفسك تعرفي الكلام هادا
    كل شي زمان كان صحي ومافي كيماويات

    حتى الخضار من ريحتها نعرفها
    وافتكر كنت اقول للخضري خلي البقدونس لحال في كيس والبقدونس في كيس لحال
    علشان لا تلقط ريحة

    لكن دحين الخضار هيا يمكن تلقط ريحتنا وبدون طعم كمان

    من يوم ماسوو البيوت المحمية اتنكبت الزراعة
    الرجلة في البرد ما تطلع
    لكن دحين طول السنة موجودة والملوخية العتري مع المطر ووو
    يعني كل خضرة ولها موسم

    يالله لا نطول عليكم

    وازا حصلت البطاطس اللي تبغاه الاخت
    اعطيكم خبر واتكسب في الكيس ان شاء الله 5 ريال

    واللي مو عاجبه يلعب بحواجبه:p5088:
     
  12. همس عبادي

    همس عبادي تاجر

    إنضم إلينا في:
    ‏21 يونيو 2010
    المشاركات:
    99
    الإعجابات المتلقاة:
    0
    سويتوها قضية
    والمشكله جار البحث عن الحار نار
     
  13. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    بالعكس ستي همس

    علشان يتوفر البطاطس لازم تنحل القضية
    لاننا بنناقش سبب منع المنتج من السوق

    المفروض نسوي قمة مصغرة وطارئة

    نفس المشكلة باعاني منها
    شركة ماجي نزلت ماجي للرز الابيض
    يمكن تعرفوه
    وسرت ادور عليه في كل بقالة ما حصلته
    والشركة سحبته من الاسواق لييييييييش الله اعلم

    المشكلة على التعود والولف وبعد كدة يقطعوا المنتج
     
  14. أم الخطاب

    أم الخطاب تاجر مميز

    إنضم إلينا في:
    ‏30 أغسطس 2010
    المشاركات:
    365
    الإعجابات المتلقاة:
    1
    تعليق

    والله ياأخي " الدهليز " خايفة أقول إن الماجي يعتبر من أخطر البهارات وإنه لايقل خطورة عن الإندومي اللي بيستخلصوه من عظام الدجاج - تروح تحقد وتزعل لكن والله أنا أصلا ماأشتريه بناء على الدراسات والتحذيرات المتكررة منه .. لكن ماأقول غيرلعل الشركة المنتجة للشيتوس تكون تبغى تسوي إستبيان لما سحبته من السوق علشان تعرف من خلاله مدى حب الناس ورغبتهم وإدمانهم على المنتج الرهيب يعني زي ماسوت الشركة المتكفلة ببناء السكن الميسر لما بهدلوا الناس وسخروا منهم بعدين قالوا نحن بس نبغى نسوي استبيان علشان نتعرف على رغبة الناس ومدى حاجتهم للسكن !! ولو كان هادي حركة من المصنع المنتج للشيتوس فإما أن يحسنوا المنتج وإما أن يرجعوه وهما مطمئنين إن الناس حتتهافت عليه بدون تفكير وسبحان الرزاق ..
     
  15. ملاك احمد

    ملاك احمد تاجر محترف

    إنضم إلينا في:
    ‏28 أغسطس 2010
    المشاركات:
    12,798
    الإعجابات المتلقاة:
    0
    بصراحه الان ارتحت وصار احساسي بمحله عندي اخوي الصغير ذبحنا كل يوم نروح نلف على السوبرماركة مابقى مكان الا رحنا له يبي نفس هالبطاطس اقوله لاتكون ادمنت عليه يقول هاتوه واسوي اي شي تبغونه
    كان عندي احساس ان البطاطس فيه شي ادمان اخوي عليه وفجاءه انسحب من السوق بشكل غريب ماتلاقي ولا حبه حسبي الله عليهم اغلبها اصباغ ومواد مسرطنه والعالم بس تأكل الله يستر بس..
     

مشاركة هذه الصفحة