1. مرحبا بكم في أسواق ستي أكبر المواقع التجارية شعبية
    إستبعاد الملاحظة

تصدق دون ان ينقص حســـــــــــــــــــــــــــــــابك بالصور

الكاتب: المكااااوي, بتاريخ ‏17 فبراير 2011.

  1. المكااااوي

    المكااااوي تاجر مميز

    إنضم إلينا في:
    ‏6 يونيو 2009
    المشاركات:
    520
    الإعجابات المتلقاة:
    0
    اذا حسابك بالراجحي





    تعال/ي حول/ي من حسابك بدون ان ينقص منه شي





    اكيييييد الي عندهم حساب بالراجحي وسبق وحولو عارفين الطريقه





    لكن الي ما يعرفون يشوفون الصور




    في البداية لابد ان تكون مشترك في خدمة مباشر الافراد من بنك الراجحي وان يكون بحسابك كسور يعني اقل من ريال مثلا 66 هللة





    اولا قم بتسجيل الدخول بحسابك واتبع الخطوات كما بالصور اسفل


    [​IMG]

    [​IMG]

    [​IMG]

    [​IMG]

    [​IMG]
    [​IMG]

    [​IMG]

    والان انت خسرت/ي مبلغ بسيط جدا ماراح تستفيدين منه لو بقى بحسابك ولكن كسبت/ي ثواب كبير بأذن الله




    تخيل لو ان هذه الرسالة وصلت الى مليون شخص وجميعهم قاموا بتحويل 50 هللة يعني الاجمالي نص مليون ريال


    ارفعووووو الموضوع عشان الكل يستفيد والي يرفعه ينوي افادة غيرها حتى لو ماعندها لعلها تكون سبب لتبرع أحد وتكسب الاجر



    منقول من الأخت ديور
     
  2. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    يعني بالعربي اللي فهمته
    نتصدق بالهلل والتفاريق من الحساب الرئيسي والا فهمت غلط

    يالله ان شاء الله اللي عنده ارصدة في الراجحي يتصدق

    احنا شغلنا تحت البلاطة على قولهم

    والا موووو
     
  3. والله أني مآفهمت شي
    الله يجزآك خير
     
  4. المكااااوي

    المكااااوي تاجر مميز

    إنضم إلينا في:
    ‏6 يونيو 2009
    المشاركات:
    520
    الإعجابات المتلقاة:
    0

    نعم هذا المقصد

    الهلل ما تستفيد منه في الحساب لو يجلس سنه

    ولكن لو كل ما يكون في حسابك هلل تتصدق به

    ولو زدت خير وبركه

    ولكن لا نستهون بالهلله والواحده

    قال صلى الله عليه وسلم (إتقي النار ولو بشق تمره)

    مليون واحد يخرج في الشهر 55 هلله او 40 او خلافها

    يتجمع في الجمعيه 500 الف ريال

    فما بالك اللي يتصدق بريال كل يوم او اسبوع او شهر الحصيله بالملايين وريال على ريال يسد جوع يتيم او عاجز او يؤمن لهم مأوى وملبس ...الخ

    تسلم حبيب قلبي الدهليز على المرور والله يعينك على البلاط هههه
     
  5. المكااااوي

    المكااااوي تاجر مميز

    إنضم إلينا في:
    ‏6 يونيو 2009
    المشاركات:
    520
    الإعجابات المتلقاة:
    0
    آمين ويجزاك الفردوس

    أنا افهمك لو ترجعي للصور هذة الخطوات حقت الحساب الجاري في الراجحي

    والمقصود منها الزوائد حقت الحساب اللي بالهلل تتصدقي بيها للجمعيات الخيريه

    وكل ما تجمع عندك هلل تخرجيه لله وهلله على هلله تساوي الكثير

    وتتجمع عندهم ويعطوها المستحق
    وتكسبي الخير الكثير وهذا كله وما ينقص من حسابك شئ
     
  6. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    جزاك الله خير على التوضيح ياقمر
    بس ياخويا يقولوا لا تخشو للبنوك من الكمبيوتر مافي امان قد كدة
    علشان لا يجي احد برا وبعيد يفلسع ارقام حسابات والا شي
    مني داري صح الكلام هادا والا البنوك محاطة زي الناس من النواحي الامنية

    اللي يسمع البلاطة يفكر عندي ملايين
    هيا كم مليار بس

    ياشيخ البنوك كم مرة رحتها مع فلانة وفلان
    ومجاغة وتعاملات مزفتة وسرا وانتظار وانظمة تعلق
    وغير النظام الغبي مدري هو من زمان والا من دحين

    مرة حطيت الف ريال في البنك واجي بعد مدة الاقيها ناقصة
    طيب ماسحب ولا ندرت هللة منها فين راحت
    يقلي الموظف ازا المبلغ نقص عن 5 الاف ريال كل شهر نجر ريالين ونص

    عجييييييييييييييييب

    هادي امانة مودعها عندكم في البنك المفروض لو بعد مية سنة اجي الاقيها 1000 زي ماهيا

    طيب ومن فين اجيب لك خمسة الاف علشان ما تنقص
    تديني والا اصرقها
    من بعدها غسلت يدي من البنوك ومن النهب اللي يسير

    بطاقة صراف لمن تغلق المفروض اجي الاقيها جاهزة
    ولمن تخرجها يقلك يبغالها تنشيط وادفع خمسين ريال

    والا علشان احنا مساكين وماعندنا ملايين في حساباتنا يتفرعنو الموظفين

    والله في البنك الاهلي سيدي مكاوي
    خدمة المميزين جالس الموظف يدخل بيانات واحد من العملاء
    يخش واحد قاشع راصه ويطالع في السما
    يرمي البطاقة من قبل المكتب على وجه الموظف
    ويجعجع البطاقة معلقة مدري النظام المهم في مشكلة
    والموظف زي البسة ساكت لا وجاب له قهوة تركي وشاهي وموية

    والله لو كنت انا مكان الموظف كان لعنت المراجع ووريته قيمته صح
    علشان الله اعطاك الملايين جي تتكبر علينا اللي اداك اليوم ياخدها منك في لمح البصر

    اااااااااااااه
    صدق اللي قال الدنيا بالوجيه والاخرة بالاعمال

    عرفت ليه ياقمر البلاطة احسن على القليل مانمد يدنا زي الشحاتين للصراف كل نهاية شهر
    ههههههههههه

    والا مووووو

    وربي يتقبل من الجميع صالح الاعمال
    صلو على الحبيب
     
  7. جيل البيان

    جيل البيان تاجر مميز

    إنضم إلينا في:
    ‏24 ابريل 2009
    المشاركات:
    270
    الإعجابات المتلقاة:
    0
    الله يصبحكم بالخير وجمعه مباركه ان شاء الله ...
    عمنا الدهليز واخونا المكاوي ...
    البلاطه اليومين هاذي صارت تخوف واسمع القصه ..فيه مجموعه معاهم سياره دينا
    عرفوا انو واحد من اصحاب الشقق في احدي العمائر مسافر برا مع عائلته قاموا راحوا للشقه
    مع عمال وصفصفوالك الشقه كلها من العفش ولمن سالهم واحد من الجيران ايش الهرجه
    قالوا له صاحب الشقه نقل لعماره ثانيه وكاتبين علي السياره الدنيا موسسه كذا لنقل العفش
    وانطلت الحيله علي الجار ...ويقلك مره برضه راحوا لفراش المسجد وقالوا له احنا صيانه
    من الاوقاف لصيانه المكيفات وغسيلها ولا خلوا مكيف ماشالوه ...
    علي كذه انتبه ياعمنا الدهليز لايعرفوا بيتك بعدين لاتلاقي بلاطه ولا الي تحت البلاطه وتقول بعدين ابو سعود ماحذرني ..والله احنا في زمن يخوف مو زمن اول وانت تذكر ايام زمان ابوابنا مفتوحه مانغلقها الا عند النوم في الليل وتذكر اهل المحلات التجاريه يحطوا شرشف وقت الصلاه ولااحد يجيها او يقرب منها ...
    اما حكايه البنك والالف ريال فالبنك طال عمرك يقولك ماهو تجوري يحفظ لك فلوس بدون مقابل
    وطالما انه مافيه حركه علي الحساب فلازم ياخذ حقه او انك تغذيه بمبلغ يقدر هوه يستفيد منه ..
    اما حكايه عملاء التميز في البنك الاهلي ويسمونهم عملاء الوسام فهذي طال عمرك زي لما تركب الطياره
    فيه درجه اولي ودرجه سياحيه وتذاكر الدرجه الاولي ضعف تذاكر السياحيه والطياره وحده والوصول في وقت واحد ولكن يميزوك عن غيرك بالخدمه واتساع المقاعد والاكل حسب اختيارك والقهوه اول ماتركب والابتسامه
    الي تشرح صدرك مو زي السياحيه تكشيره وماد لك بوزه شبرين واكل نوع واحد اذا مو عاجبك تقعد بجوعك
    ...كل هذا ليه لانك دافع اكثر وتستاهل مين يخدمك والدنيا اليوم دنيا مصالح الله المستعان !! معاك شئ تسوئ شي مامعاك ؟؟؟ وزي ماقالوا الاولين كل حجره ولها اجره ...
    طولنا عليكم وخليتونا نفضفض في الضحويه هذي وقرب وقت الصلاه ونشوفكم علي خير ..
     
  8. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    الله يمسيكم بتوب الكعبة جميعا
    مجموعين عند الحبيب اللهم صلي وسلم عليه
    حياك الله سيدنا ابو سعود
    لاتخاف بلاطة عن بلاطة تفرق:p5088:

    انت مو تخلي فلوسك كلها في تحت بلاطة وحدة
    كل بلاطة تركبها والا سراميك شيلها وحط رزمة من باب السطوح للدهليز والغرف
    :021::021::021:

    اما فنون الصرقات هادي مالها مثيل على قولهم
    مدري حكاية المكيفات سمعتها في خط التهريب في مسجد بعد تشليح الطيب
    زمان انصرقت المكيفات بزي هادي الخدعة
    والمصيبة اهل المنطقة قاعدين يشيلو مع الحرامية المكيفات في الدينا

    صرقة الجيران ياقمر سببها بعد الجيران عن بعض
    المفروض الجار يتعرف على جيرانه ويتوصى بعضهم ببعض
    ويراعو محارم بعض وكأنهم عيلة وحدة
    وفي من جيراننا يوصينا على بيته ازا مسافر وعلى اهله ونشوف طلباتهم :clapinghand:

    وزي ماقال المسل جارك القريب ولا اخوك البعيد

    يارب يرجع الامن والامان اللي كان زمان
    مو دوريات تدور عسة كان يدور في الحارة وفين وفين تسمع حرامي فلوس نقز على بيت
    اللهم حرامي لحم اللي كان يدور البعيد
    والا الباب موارب وعليه الخيشة

    والدكاكين زي ما اتفضلت شراع ولا شرشف
    والا كرسي يكفيه على ضهره واللي يجي يعرف
    فلان ادمي مو موجود وراجع بعد شوية

    والله تجي تشوف دحين الكلام حق زمان الناس تفكر اننا مجانين وهاملين

    بس مايعرفوا انو الناس زمان كانت قنعانة ومكتفية بالقليل
    وكل الناس كانت مستورة وحتى لو في فقرا يحصلو رزقهم وخير يصيبهم من اهل الخير

    ماشاء الله خبرتك في السفر باين كبيرة ماشاء الله
    لا عمري ركبت طيارة ولا هيلوكبتر

    حتى لو في تميز للعملاء المفروض التواضع يكون موجود
    مو علشان ربي اداني شوية فلوس
    اتفسقن واشوف نفسي على الناس واللي خلقك
    ربي قادر يشيل النعمة اللي عند الناس في لمح البصر

    لا ياعمي خلينا مستورين وبسيطين زي مااحنا والله لا يغير علينا
    في ناس تغيرهم الفلوس وهدول ينطبق عليهم جوع بعد شبع

    مشكور على فضفضتك اللي فضفضتنا بعد ما نفضت مخنا:021:

    وسامحنا يامكاوي على الفضفضة في موضوعك
     
  9. المكااااوي

    المكااااوي تاجر مميز

    إنضم إلينا في:
    ‏6 يونيو 2009
    المشاركات:
    520
    الإعجابات المتلقاة:
    0
    آمين

    لا مافي اي ضرر ولكن كن حذر من الروابط الوهميه

    والأن الرقم المسجل عندهم هذة خدوه جيدة حتى لو عرف أحد الرقم السري

    ما يقدر يدخل حسابك الا بالرقم المرسل الى جوالك ((رقم سري مؤقت))



    ياعمي لنا الله افضل منهم كلهم مجتمعين

    وزي ما قال جبل البيان هذة أنظمه وإحنا مضطرين نوافق عليها لأنهم رباطيه مجرمين

    والزحام يقرف
    صرت اروح الفرع اللي اعرف فيه مديره اومدير العمليات

    يجهزلي طلبي قبل ما اجيه وأسلم عليه وأخذ اللي ابغاه او أعطيه المبلغ اللي ابغى أحوله او اودعه
    واروح وقت ما يفضى ويخلص اللي موجودين يودعلي هوا او يحوله
    ولا هم الزحام ومرمطه البنوك



    لا يكون أنا هذا اللي بتتكلم عنه هههههههههههه

    يوم كنت في نفس البنك الأهلي فرع الستين اللي قدام البيك

    هذا الكلام قبل 5 او 6 سنوات

    سويت لهم مجنانه علشان واحد قل أدبه بالكلام علي وأخوك لسانه يرش ويكنس ماني ناقص لساني اطول مني في الشر

    والله بعضهم ما يبغالهم الا كده تحترمه يتفلت ويقل أدبه


    لا لا مو شحاتين أخي الدهليز

    لكن هذا النظام لموظفين الدوله والشركات

    والله لو كان التسليم زي زمان يدوي او زي شؤون الحرمين للأن يدوي
    كان نصف الموظفين يستلموها كدا

    مضطر تسلم دقنك للبنك وتصبر على بلاويه

    اللهم صل وسلم عليك يارسول الله وعلى آله وصحبه ومن والاه
     
  10. المكااااوي

    المكااااوي تاجر مميز

    إنضم إلينا في:
    ‏6 يونيو 2009
    المشاركات:
    520
    الإعجابات المتلقاة:
    0

    صدقت اخي جبل البيان

    كل حجره ولها اجره

    لكن لو حسبت اصحاب الارصده لصغيرة تلاقي ارصدتهم مجتمعة اكثر من المميزين

    وتلاقيهم متهضين كأنهم بيتصدقوا عليهم

    ياعمي هونها وتهون

    والله ما صرت اروح البنك الا في الشديد القوي
     
  11. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    لاياعمي اصلا ازا ابغى اسوي حاجة في البنك اروح بنفسي وامتحنهم في عمرهم
    والحمد لله كل تعاملنا يدوي بلا بنك لا يحزنون
    قيدنا متسببين محنا موظفين
    واحد اعرفه قبل شهرين راح يسحب فلوس من صراف الشرايع تبع الاهلي
    والله البطاقة انبلعت الكلام هادا تمنية الا في الصبح
    وواقف ملطوع معاه :ang:
    وجالس يدقدق على باب البنك والعسكري فكره حرامي :ang:

    قله البطاقة انبلعت في المكينة
    رد عليه حق الامن استنى لغاية الساعة تسعة ونص يفتح البنك
    واجلس في السيارة ساعتين وشوية
    اقلك ماخليت ولا بقيت جمب يتكي عليه


    لا اللي اتكلم عنه مايشبهك اصلا ربنا خلقك وحيد اهلك مالك شبه :p5088:
    اللي هجم على المكتب دخل بعنطزة وشوفة نفس
    مو انه زعلان والا به ضربة

    والله شكلو طبعك حاااااااار زي يا مكاوي

    في تعاملي مع الناس نبدأ بالحسنى والبهللة والضحك
    ما نفع نغير الموجة على القصيرة :021:

    مو خلي بالك الناس سبحان الله زي الكوالين
    لكل كيلون مفتاح خاص به
    ونفس الحكاية تنطبق على الاوادم
    في ناس تجي بالطيب
    في ناس تجي بالبطال
    في ناس تجي بالمزح
    في ناس تجي بالدين والموعظة

    وبعدين يقلك لا تزعل نفسك وانتبي على صحتك
    اكره شي عليا العباااطة
    خشيت مع الاهل بنك الرياض فرع العمرة
    وقلي هات البطاقة علشا المحرم تحرم عليه عيشته البعيد
    وبعد ماغلقنا وختمنا اوراق الدنيا
    اداني الاوراق قلتلو فين البطاقة
    قلي معاك
    يابويا ياسيدي ما عندي البطاقة يقلي الاااااااااا عندك وانت جي تتبلاني
    :ang::ang::ang::ang:

    هيا ايش تسوو يا اهل الحكمة والعقل
    خشيت على المدير وخليتهم يدورو ماحصلوها حتى الموظفين دورو واتعطل الشغل في البنك
    علشان البطاقة وطلعت قدامهم كداب

    بس وافتح الباب والاقي البطاقة مدروقة جمب لوحة المفاتيح يقلي اسف :052:
    فين تنصرف الاسف تعطيل زي ساعة وشوية وورانا مواعيد
    ويخش في عينك فوقها
    المهم اعطيناه دش بما فتح الله علينا

    وبعدين يقلك لا تسب الناس
    فكروني بالمسل اللي يقول
    الله يلعن اللي يسب الناس قالوا الله يلعن اللي يحوج نفسه للسب

    بس خلاص غيرو السيرة بلاشي سبسبة :p5088:
    علشان الحمام لايلقط الحب

    ينقص 90 في المية من موظفين الدولة حسن التعامل مع الجمهور
    احسن فرع للبنك الاهلي فرع الشهدا
    يستقبلوك بالسلام والابتسامة وان شافك واقف يقلك اتفضل يا عمي ارتاح
    ناس زي السكر والله الله يستر عليهم

    وفي اماااان الله
     
  12. راكان بن خالد

    راكان بن خالد تاجر مميز

    إنضم إلينا في:
    ‏12 أغسطس 2009
    المشاركات:
    148
    الإعجابات المتلقاة:
    0
    الله يجزاك خير
     
  13. المكااااوي

    المكااااوي تاجر مميز

    إنضم إلينا في:
    ‏6 يونيو 2009
    المشاركات:
    520
    الإعجابات المتلقاة:
    0
    خذ راحتك سيدي الدهليز

    وهذا اللي دخلنا المنتديات
     
  14. المكااااوي

    المكااااوي تاجر مميز

    إنضم إلينا في:
    ‏6 يونيو 2009
    المشاركات:
    520
    الإعجابات المتلقاة:
    0

    آميـــــــــــن

    ويكتب لك الخير يابوخالد
     

مشاركة هذه الصفحة