1. مرحبا بكم في أسواق ستي أكبر المواقع التجارية شعبية
    إستبعاد الملاحظة

العزيمة المراكبية

الكاتب: الدهليز, بتاريخ ‏24 يناير 2011.

  1. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    السلام عليكم ورحمة الله وبركاته

    صبحكم الله بالخير مع الجو الحلو هادا
    وحشتوووونا كتير وعلى قولهم القلوب عند بعض
    بما انو هادي الايام مواسم افراح وعزايم وجمعات اهلية بمناسبة النجاح
    والجوازات والخطوبة وووو

    انتو مين عزمكم ؟
    بالله هدول مين عزمهم ؟
    فين فلان ماجاء ؟
    وليش علان ما جاء ؟

    مدري قد سمعتو زي هادي الاسئلة أو انتو قلتوها لأحد !!!
    طيب قبل لاتسألوا زي هادي الاسئلة مو المفروض نوايق في نفسنا ونشوف عزيمتنا كيف وضعها وكيف حالها ؟ والا مووووو
    علشان لا اطول عليكم خدو مسال

    ***العزيمة المراكبية ***

    اكيد كلكم عارفين معناها واللي مايعرف
    معناها ها ( اعزم فلان من الناس من بعيد يعني مو انا اللي اعزم اخلي العزيمة عند واحد من الناس وفي نفس الوقت يقول في قلبو ان قبل العزيمة مرحبا وان ماقبل الله لايجعلو يجي !! )

    يعني بألم نشرح جيت والا عسى عمرك ماجيت احسن :p5088:

    طيب يا تعزم زي الاوادم والا مو لازم من اخت العزيمة ازا كانت بزي هادي الطريقة

    يا خليل اعزم ولد اختك فرعون وازا قابلت اخوه
    قارون ولد هابيل اعزمهم النفرين مع بعض !!!

    والله شي يقهر من جد وخصوصا ازا جات العزيمة من الأقارب يعني الأجانب يمكن تعزرهم وتمشيلهم هيا وتقول في نفسك بلكن الجواز حقهم او المناسبة يبغوها على الضيق يعني جمعة أهلية ومايبغو يكلفو على نفسهم
    وبني ادم مستوووور

    مرة جاتنا عزيمة زي هادي النوعية مرااااكبية من اقارب ( وهنا المشكلة ) المهم مو ام العروسة اللي عزمت وحدة من قريباتها يقووووولوا أم العروسة مهي فاضية تعزم ( جالسة تحني بنتها وتقصقص حواجبها ) بالله يا حبايب هادا كلام ؟؟؟

    ازا ام العروصة مهي فاضية تعزم مين اللي يعزم ؟؟؟
    خدامتهم والا الداية اللي استلقتها ؟؟
    ومو معقولة مهي فاضية علشان لا نكدب على بعض ازا مافي احد يجيب الكروت كفاية تلفون تعبروا الناس

    زمااااااان لو أنا عندي جواز والا ملكة وحريص على احبابي أجيب ورقة وقلم ويالله فلان بن فلان وعايلتو وفلان بن علان وبجريرتو علشان لا ننسى أحد ولو فرضنا نسينا أحد نجري جري ونروح لبيتو بنفسنا ونعزموا ونعتزر منو ان العزيمة جات متأخرة ونفضل زي القلقانين وعلين قبل الجواز بليلة نرجع نأكد عليه

    ولو فرضنا الادمي مهو موجود نفضل نزل عليه مرتين تلاتة علين نصيدو ونعزموا هادا ازا كنا حريصين على العزيمة وعلى خاطر المعزوم مو أفلت العزيمة عند ولد اخت بنت جد اللي نسلهم وأقول ليش فلان ماجاء ؟ والا انا غلطان
    أنت أعزم زي الناس وسوي اللي عليك وسيبهم ان جو اهلا وسهلا وان ماجو ( لأي سبب ) ماعليك قيد سويت اللي عليك وزيادة ومحد يتشره عليك ساعتها

    العيد زمااااااااان كانوا في المقعد والديوان يحطو دفتر ابو مليون وورقة ومرسمة والبيت مفتوح وكل مين يجي يشرب قهوتو وياكل الشوكوليتة حقتو ويقيد اسمو يسير لمن يجي رجال البيت يقرا الاسم ويروح يرد رجول الادمي اللي كلف على نفسو وعمل خاطر لأهل البيت وغير كدة زيادة في المحبة والقربة والاخوة والاجر من الله

    طيب ليش الناس تتبع طريقة العزيمة المراكبية؟؟

    يمكن مسلا خايفين لا نكون من الناس النمنم اللي يمشو على بطونهم ونمسحلهم الاكل والا خايفين نخرقلهم التباااااسي !!!

    هو صحيح في ناس زي كدة وبالزات وقت القراية والعزا يجو من المغرب ويبلطو في العزا علين يطفحو ويمشو التلاتة ليالي كلها

    والجواز اكتر واكتر يشوف فلان ماشي يقلو يالله الليلة رايحين جواز جارنا ابو شرف امشي تعال وجيب اهلك والله مسوين ميز من السودان موصين عليه
    وفي بعض الحريم تصيبهم الشلمة ويجيبو زنابيل ويشيلو ويلغوصو من الاكل يسير تدوق بزورتها وجوزها ( ويالله ياحريم حكونا على اللي بتشوفوه في الميز )

    وبعضهم يقول ول فلان عايلتو كبيرة
    يقلك جيين بربطة المعلم ؟؟؟ هب الله اكبر عليك
    لاحمدا ولا شكر يعني الجماعة متعبين نفسهم ومشحططين علشان يجبروا بخاطرك تقوم تقلهم الكلام هادا

    والله الواحد مو قصدو من العزايم والولايم الا اللمة الحلوة والمجاملة وزيادة في القرب
    والا الحمد لله الواحد شبعان وعيونو مليانة وقنعانة محنا في حاجة بيض كوكو وكيك وورق عنب و فتة ملوخية وعلى قولة المسل ( قابلني ولا تغديني )

    ودحين طلعة فونينة جديدة وبالزات الافراح اللي في القصور اللي فيها كراسي بالفلوس
    وانا زي هادي الجوازات ما أطيقها
    يجيكم واحد ويقلكم بعد 5 شهور بدي اجوز
    العكروتة ها يمديك تجي علشان اديك كرت
    وازا مايمديك مو لازم علشان لا أخسر قيمة الكرسي ( 1000 ) ريال !!!!

    طيب يا ابن ال..........
    هو انا اعلم الغيب منها ليومتها ربك يحلها يمكن نوجع نضخضخ ننقرن نموت ول ول على مكنف أهلك

    لا والمشكلة لمن يعزمك وما تجي لأي سبب
    ويقابلك يقلك ليش ماجيت داك النهار الجواز
    وانت في نفسك مبسوط ويقلعقلك والله سأل عني يحبني وشويتين تكتشف انو ما سأل عنك من محبة وطرب والا ميت في دباديبك لكن سأل زي قولة فينك ماجيت خسرتني الف ريال قيمة كرسي
    يعني يخسر صاحب يخسر قريبو طززززز
    لكن الف ريال مافيها رحمة والله معاه حق
    1000 ريال تجيب 10000 عيش صامولي
    والله محد ضربك على يدك وقلك اتفلحن وسوي جوازك في الاماكن الغالية
    يعني تبغى تعزم لازم تستعد من إلى
    وعلى قولة المسل ( ياجارية قومي ركبي قالتلو كلف يا[​IMG] )

    وانا الى يومكم هادا زي هادي الجوازات مالها كرت عندي وساعات امنكح مطنهم نقلهم ايوة ان شاء الله واخرتها نطنشهم

    والله مالكم عليا يمين مرة واحد قلي عزم ناس كتيرة والصالة نصها فاضية يقول والله صرت افك الباب واخلي الناس اللي ماشية تدخل الجواز علشان احلل قيمة الكراسي والطافوحلي
    اااااااااااااااااه
    يامسبت العقل والدين

    يعني الواحد من جد يكون فرحااااان لمن يسوي جواز بنتو حفيدتو ويلاقي هلمممممة ناس من الاقارب والاصحاب والاحباب كلهم جيين يشاركونا الفرحة مو زي دحين جنة الاطفال بيوتهم
    وجهنم الرجال في توصيل حريمهم للافراح لانه الفرح بس حريم :ang:


    طيب شرفونا
    و سمعونا كلامكم ورأيكم وبالزات الحريم
    علشانهم غالبا هم اللي بيعزمو

    سامحوني طولت عليكم
    دعواااااتكم
    وفي امان الله <!-- / message -->
     
  2. جيل البيان

    جيل البيان تاجر مميز

    إنضم إلينا في:
    ‏24 ابريل 2009
    المشاركات:
    270
    الإعجابات المتلقاة:
    0
    صبحك الله بالخير عمنا الدهليز ...
    وتراني ماني بعيد عنك في العمر يمكن اصغر او اكبر الله اعلم ...
    العزيمه وحضورها تعتمد علي الشخص الداعي فاذا كان كثير الوصال للناس ويجيب الدعوات اذا دعي ويحب يشارك الصغير والكبير والغني والفقير فاعرف ان الناس تلبي دعوته ...
    اما اذا كان مقرود زي مايقولوا ويلسلس عزيمته للناس فاعرف ان الناس ماتجيه والفكه من جحا غنيمه ..
    واما حكايه زواجات القاعات وكروت النفر هذي فاعرف ناس كانت تكلفه كرت الدعوه فقط علي شكل دروع بهديه بـ 130 ريال والزواجه ما استمرت الا شهرين والبنت اتطلقت بعدها ..
    وبعدين زمان في الاعياد ماكنا نعرف الحلاوه الشكوليته هي ان ضربتها الحمي حلاوه لوزيه او حمبص وحلاوه ومشي حالك ...
    وجوازات زمان كانت قليله وكنا صغار نفرح لها كثير وكان تشوف ناس يحضروا لها وماتعرف من وين جو علشان ياكلوا الرز واللحم اللي ماكنا نعرفه وخاصه اللحم الا في العيد او الحج ...
    وكلام كثير يطول شرحه ...
    واذكر والله يا اخي الدهليز ماكنا نعرف المعلبات اللي هي جبنه وقشطه ومربي الا في عيد الفطر ..
    والفول يوم الجمعه نعبي غضاره بنصف ريال للعيله كلها ...
    هذا وسلامتك وسلامه السامعين ...
    اخوك ابو سعود ..
     
  3. أم الخطاب

    أم الخطاب تاجر مميز

    إنضم إلينا في:
    ‏30 أغسطس 2010
    المشاركات:
    365
    الإعجابات المتلقاة:
    1
    يسعد أوقاتك أخونا الدهليز.. معاك حق في أغلب ماكتبت لكن أتمنى كمان تكتب لنا عن معاناة الطرف الآخر" صاحب العزيمة " ترى برضه بيصير معاه بعض الإحراجات نبغاك تكتبها بأسلوبك لتعم المتعة والفائدة .. وشكرا .
     
  4. دلوعة القمر

    دلوعة القمر تاجر مميز

    إنضم إلينا في:
    ‏21 نوفمبر 2009
    المشاركات:
    675
    الإعجابات المتلقاة:
    0
    كلامك صح مية بالمية

    دعوة بالكروت حقت حجز الكراسي كرهتها وارفضها بسبب الاحراج

    وش عرفني بظروفها وقتها

    وحصلت لي هالموقف وماحضرت ويوم التاني قمت بعتذر لها الاجت الادمية تسال ليه ماحضرتي

    ولسه بقولها ظرفي الا احرجتني انتي لوقلتي مايمديك كان عطينا الكرت لغيرك

    بس خسرنا فيه قيمة كده وكده بسببك وشوووووووف الاحراج

    حتى ماعرفت ارد غير كلمتين ومن بعديها البطايق ترجع لاصحابها

    عشان ماخسرهم على كلامهم خخخخخخ

    النقطة الثانية الدعوة بالنيابة برضوة قابلتني مثل هالشي

    تخيل جايبين قاعة بعدد محدود قلنا تنفع لعدد معازمنا

    وطبعا قيدنا كاتبين بالدفتر المعزومين عشان ماننسى احد

    الا وقت الفرح نحصل الدبل ول من فين جو او حتى مانعرفهم

    نعرف بعديها فلانه او علان عزم /ت من راسها

    تيب ليه احنا ضاربين حساب الكراسي والضيافة

    ومانبا الزحمة وصارت حوووسة والعالم تقول حج مو فرح

    بجد موقف مانننساه احراااااج كنا مسوين نظام وترتيبات

    كله على بعضه اختلف بنفس اليوم

    هدة العادة مارة موب حلوة انه الاقارب او الصداقة

    تعزم بدون اعلام صاحب الشأن على الاقل يضرب حساب المكان

    المكيف تكفي لتكييف العدد هع مع الزحمة صار حرر من كثره

    حطو موقفكم مكاني جد حسيت مهزلة

    واسفة للتطويل لكن هذة اضافة للي حصل

    والله يسعد الجميع بافراحه وتبقى المودة بينهم لايام مديدة
     
  5. ودالامل

    ودالامل تاجر مميز

    إنضم إلينا في:
    ‏24 مارس 2010
    المشاركات:
    467
    الإعجابات المتلقاة:
    0
    السلام عليكم
    :214:كن ودي اشارك معاكم في الموضوع بس لما شفت انو فرعون وهمان وقارون من ضمن المعازيم بصراحه خفت وقلت هذوالي معزومين في صالة افراح ولا في جهنم :cnf3:نسأل الله السلامه منها :D
     
  6. moony$

    moony$ تاجر مميز

    إنضم إلينا في:
    ‏8 أغسطس 2010
    المشاركات:
    386
    الإعجابات المتلقاة:
    0
    احيانا تكون ما تبغى تعزم فلانة ولا علانة لانه ما تشوفها الا فين و فين
    بس لازم تعزمها علشان من القرايب و علشان ما تنق و تقول ليش ما عزمونا:(
    طيب ايش رأيك في وحدة يمكن من قبل تلاتة سنين ما شفتها و تقول وي ليش ما عزمتينا و لمن تقول لها مختصرة تقول لك طيب مو مشكلة ان شاء الله في الفرح نجي
    يعني عزمت نفسها بنفسها:214:
    ولا وحدة تانية ما اطيقها بس لازم اعزمها قلت لها انتي و بنتك و مرة ولدك قالت وي انتي نسيتي مرة فلان(ولدها التاني)قلت ما نسيتها بس الدعوة مختصرة شوية قامت جات و ما جابت حريم اولادها جابت بنات اولادها الصغار :mad:
    ولا تتصل عليك علانة اللي ما تشوفها الا من العيد للعيد و ما تقرب لك لكن تقرب لفلانة اللي تقرب لك و تقول متى جواز البنت علشان نعبي الفساتين :021:
    باختصار في ناس ما تبغى تعزمهم لكن لازم تعزمهم علشان يقربوا لجد العروسة من بعيد:confused:
    علشان كدة بعض الناس يضطروا يعزموا مراكبية و اذا جو اهلا و سهلا و اذا ما جو عسى عمرهم وفروا:D
     
  7. CUTE-GIRL

    CUTE-GIRL ^_^

    إنضم إلينا في:
    ‏3 ديسمبر 2009
    المشاركات:
    1,832
    الإعجابات المتلقاة:
    0
    الوظيفة:
    طالبة
    الإقامة:
    TUNISIA
    بجد كل كلامك حقيقي دهليز
    و انا بصراحة ما بحضر افراح ابدا الا لصحباتي او جيراننا
    مررررة نادر حتى تمر عليا سنوات ما بحضر
    المهم بس بالصيف لما اسافر تونس اكتر من فرح بحضره لانه دايما بروح لحارة جدي
    وكلهم قريبيين من بعض ما تصدق يا دهليز قديش حلوة العيشة بينهم في الحارة الكل يسأل عن بعض ويوقفوا جنب بعض والافراح بتصير فوق السطوح او في حي الحارة لغير المقتدر وتكون الفرحة احلى واحلى كمان وانا دايما اول ما انزل لتونس اروح لبيت جدي الله يرحمه واعيش معاهم لانه هنا ما عاد صار زي زمان هلا محد بيسأل عن التاني الا وقت المصلحة وجيراننا ما بنعرفهم الا اللهم جيراننا بخاريين قديميين زينا في العمارة عشره مع بعض طبعا انا كلامي هاد على الحارات واكيد الطبقاات التانية مختلفين عن الحارات
    مرة حضرت فرح في صالة افراح والله العظيم ما انبسطت زي ما انبسط لما يكون الفرح فوق السطوح
    وهنا كمان حضرت كم فرح بس اكيد لناس اعرفهم معرفة كويسة وكان عادي بس انبسط اكتر لما اكون مع صحباتي ههههههه طبعا تعرف البنات وحركاتهم مع بعض
    وعجبني موضوعك مرررررة يسلمووو
    واتمنى تتقبل ردي
     
  8. ام ثوما

    ام ثوما تاجر مميز

    إنضم إلينا في:
    ‏11 أكتوبر 2010
    المشاركات:
    289
    الإعجابات المتلقاة:
    0
    الإقامة:
    مكه الغاليه
    السلام عليكم ورحمة الله وبركاته

    هلا أخوي.....

    انا أروح للأهل والاقارب فقط ....

    ومرت علينا كثيييييييييير >>> والله شيء يضحك بصراحه

    ومره أنعزمنا في زواج أقارب وحددو أمي ووحده من أخواتي المهم

    عشان الزواج صغير وعلى قد الظروف وأحنا قدرنا ظروفهم وكان الزواج في قاعة أفراح

    لمن راحو لقيو الزواج كله زميلات بناتهم والناس الغالين على قلبهم

    وحتى الي أنعزمو مثلنا زعلو وأخذو في خاطرهم

    يعني أهل وفي نفس الوقت تحس نفسك ثقيل عليهم وما ودهم يعزموك لكن

    العادات وكلام الناس

    وموجوده الحركات هذي الى الأن

    ومره زوجي ماجاته عزيمه من نااااس يعرفهم ويوم الزواج العصر والله جا العريس يعتذر بشده

    منه ومعاه بطاقة الدعوه وبعد صلا ة العشاء أتصل على زوجي يذكره

    سبحان الله هذي الناس الي تستاهل الواحد يضغط على نفسه ويروح لهم

    لأنها ناس تقدر رغم الحوسه الي هو فيها يتصل ويعزم >>الله يسعدهم

    وأذا أفتكرت شيء أرجعلكم
     
  9. المكااااوي

    المكااااوي تاجر مميز

    إنضم إلينا في:
    ‏6 يونيو 2009
    المشاركات:
    520
    الإعجابات المتلقاة:
    0
    سلام مربع للدهليز على الموضوع المهم

    ولي رجعة في الموضوع والساعه عشرطعش دحين لكن شفت رد اختي نجوم الجميل


    درر منك اختي نجوم

    وهذا مربط الفرس اللي ذكرتيه

    الفشخرة والكدب على النفس والناس

    وشوفوني ولا تنسوني والمشكله مسويين انه الفرح ما صار احسن منه ولا عند سلطان بروناي

    والمصيبه وهم في الصاله يتوشوشوا عليهم هذا ناقص وهذا الصحن شكله شاحتينه

    والتانيه تقول هما اشتروا 10 و 3 مجاناً

    وهاتي من المسخرة

    غير الفستان حق العروسه والدقله حقت العريس وشوفي ولا تشوفي

    الله يهدي الجميع

    والله بزخ وتبزير وجميع المحرمات في بعض الزواجات
    هذا اللي شفته والله الين خمر ورش فلوس تقول في نايت مانت في مكه

    والله العظيم اتكلم عن واقع وليس خيال عن الخمر والتنقيط
     
  10. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    السلام عليكم ورحمة الله وبركاته
    الله يصبحكم بالخير جميعا حبايبي التجار والتاجرات والمتسوقين
    انستكم الرحمة جميعا والله يجعلها سنة خير وبركة على الجميع

    حياك الله سيدنا جيل البيان انست وشرفت والله
    وياسيدي انا اكبر انت اكبر الله اكبر :p5088:
    الله يكبرنا في طاعته جميعا وكلنا اخوان ان شاء الله
    وبرضنا ما نستغني عن كلام وردود الحبايب زيك وشروااااك


    صدقت في كلامك العزيمة تعتمد على حال المعزوم وموافاته للناس
    بس احيانا تسير للواحد ظروف تمنعه انه يحضر ورغم كدة الناس تاكل وشك ازا ماجيت

    او احيانا تكون طريقة العزيمة رفع عتب على قولهم
    واول الناس كان عددهم بسيط وقليل مهما كبير
    مو زي دحين ماشاء الله كل واحد متجوز ومجوز اوولاده واحفاده على وش جواز
    يعني ازا تبغى تعزم واحد لازم تعزم التاني والتاني يجر التالت والتالت يجر الرابع
    والرابع يجر الخامس ماصارت عزيمة صارت تعشيق سيارة :021:


    يامسبت العقل والدين كرت دعوة 130 ريال يعني لو عازم 100 اقل شي
    حتكلف 13000 ريال علشان بس نقول الله يحيكم :214:
    اللهم لاشماتة
    بس حكاية البت اللي قلت عليها واطلقت بعد شهرين والا حتى بعد سنة
    ويامكتر حالات الطلاق الكم الشهر اللي راحت
    والله لساع ما نسينا الجواز والعزيمة شويتين نسمع فلانة بنت فلان سربها جوزها على بيت اهلها
    بل قبل الحج وحدة دقت على الاهل وقالت حياك الله يا ستي القابلة يوم الخميس
    مسوية عزيمة لا تتأخري
    قلنا يمكن مسوية بداية للعروسة اترنو حفلة وعزيمة علشان اطلقت
    يعني تبغى توري الناس انه ماعلى بالها ومهي زعلانة على طلاقها وهيا البعيد كداااابة
    لانه ايش ماصار المطلق لها وضعها في البلد والراجل مايعيبه شي
    لكن المطلقة صعب ترجع تتجوز بكيفها لانه ماراح يرضى بالمطلق الا زيها او ارمل او او او

    اما شغلة الحلويات الله يحلي ايامك
    الكاكو ماكان موجود لكن الشوكيليتة موجودة بس مو بالوفرة والانتشار
    زي الحلويات القديمة اللوزية والحلقوم والحمبصية والفوفل الجنجاوة
    وهادا غير البتاسا وحلاوة مطو

    عجيب على زكرياتك يا ابو سعود

    فكرتني زي اكلات رمضان ماكنا نسويها الا بالسنة زمان
    زي الخشاف والمكارنة ابو اللبن
    بس الجبن البلدي والقشطة البلدي كنا ناكلها في غير اوقات العيد
    اللهم الزلابية واللقيمات والمنزلة والدبيازة هادي كنا نسويها برضو من السنة للسنة

    انستنا وشرفتنا والله يا ابو سعود
    مشكور وجمل الله حالك على الاضافة الحلوة

    وبنستنى بقية الحبايب حريم ورجال يشرفونا
    اكيد كل واحد او وحدة مر عليهم شغلات تفور الدم وتحمق الجمل
    ولهم نوادر وقصص

    وان شاء الله على قدام رايح نتكلم عن الجواز زمان ونقارنه بجوازات الايام هادي
    في نفس الموضوع لانه خلاص مادام انفكت السيرة خلينا نفك البقشة على قولهم

    وفي امان الله
     
  11. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    السلام عليكم ورحمة الله وبركاته
    الله يصبحكم بالخير جميعا

    مرحبابك ستي ام الخطاب وربي يسعد ايامك وكل اوقاتك

    انستينا ونورتينا
    اكيد صاحب العزيمة يتعب تعب الاولين والاخرين مو من العزيمة من بداية فكرة انو يسوي عزيمة
    وياما تسير احراجات مع المعازيم والا المطبخ
    وابشري نحاول نرستك الموضوع ونعرضه مرة وحدة بس اللي مفتكره دحين

    مرة كنا في عزا سلامة من قدامي

    والناس قدفت ماشاء الله امم اللي نعرفه فنجان القهوة يتلغ ونقرا الفاتحة وندعي للميت
    ونمسك الباب بس في ناس للاسف قليلين زوق يجو العزا ويبلطو من اول القراية علين اخرها
    وياريتهم ساكتين ولابدين غير هرج وضحك وطق حنك
    وهادا يسبب حرج لأهل العزا بالزات المستورين
    المهم وقت العشا نقصت الزلطات وايش نسوي ايش نسوي
    رحنا اشترينا مخلل وطرشي وحطيناه في الصوفر تمشية حال :052:
    ومرة عزيمة جايين يفضو اللبن في الصحون ينفقع الكيس في الارض
    شكلو الطباخ مو صافطه
    ومن سكااااات نروح اقرب بقالة ونشتري لبن زبادي ونجيب الكروانة ونحلو بالموية
    وقليل نعناع اتمسح اللبن وبقي الرز :021:

    وحدة سوت حول وجمعت اقاربها على اساس الاتفاق رز بحمبص
    قام الطباخ سوى كابلي :ang:
    وشر ليوم الشر وفي الاخير فلتت القدر عنده وجابت عشا لضيوفها
    علشان كدة اللي يروح لمطبخ لازم يشرف بنفسه وقت الكتابة عن الموعد ونوع الطلب
    ولا يستغر على العمال علشان لا تحصل اللخبطة والكساااايف

    صاحب العزيمة ياعيني يلبس مرتين في المناسبات
    من اول الليل يلبس اي توب وكوفية لانه مو فاضي ل استقبل وودع :p5088:
    المسكين داير في البيت ازا كانت المناسبة في البيت
    ويشرف بنفسه على كل حاجة من نضافة الحوش واللمبات وفرد الجلايل وكل التحضيرات
    ولمن ينزنق في الوقت والشغل ماغلق والمعازيم قربو يجو
    تلاقيه يحط حره في الناس اللي معاه سب ولعن والبعيد وحبة تحت اللسان اجارنا الله واياكم

    ولمن يجو الاوادم يلبس ويتخشلع ويجلس معاهم
    وشويتين يقرب ميعاد العشا ويرجع للبخة
    كل شوية يوايق في الساعة وليش المطبخ ماجاب الاكل او ازا رسل احد من الشباب
    يجيب له القلق في عمره ها ياواد فينك ايش حيرك هيا حط رجلك ولا تتلسلس:021:

    وبعد ما يغلقو الناس يشيل هم الكدوة والقرمبع والترفيع حق العزيمة
    ولو بدو يخلي الدنيا قايمة قاعدة ويرقد مايدري يمكن تحط مطرة وتنكب العفش اللي في الحوش
    وطيب ازا االناس اللي باقين في الاخيرة عندهم مروة وزوق يرفعو قليل
    ولو انه اغلب الناس اول ما يدقو الحريم ويقولوا يالله
    يندرو زي المساجين اللي جاهم عفووو

    علشان كدة الناس كرهت العزايم اللي في البيوت
    يقلك استكري استراحة ومالي الا ولد صالح احضر بطولي والاستراحة تتكفل بكل شي
    على العكس من زمان نحس بالفرحة ازا العزيمة كانت في البيت او في زقاق الحارة
    والوصلة هادي نتكلم عنها لمن نتكلم عن الجوازات

    واللي عنده حاجة يقيدها

    والله يجعل يومكم مبارك ويوفق الاولاد والبنات في اختباراتهم

    وفي اماااان الله
     
  12. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    للرفع

    مالي نفس اعلق بعد غشنة جدة رقم 2

    ازا روقنا في الصبحية ان شاء الله ارد عليكم تمسو وتباتو على خير
     
  13. CUTE-GIRL

    CUTE-GIRL ^_^

    إنضم إلينا في:
    ‏3 ديسمبر 2009
    المشاركات:
    1,832
    الإعجابات المتلقاة:
    0
    الوظيفة:
    طالبة
    الإقامة:
    TUNISIA
    انا بنتظر ردك عليا دهليز
    كل يوم ادخل للموضوع والاقي دوري لسه ما وصل هههههههههههههههه
    وان شاء الله نفسيتك تكون احسن في الصباح
     
  14. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    السلام عليكم ورحمة الله وبركاته

    كل الشكر والتقدير لك الحبايب اللي شاركو ونورونا في الموضوع
    الله يعز قدركم ومقداركم
    بس زي منتو شايفين شغلة جدة برجلت تفكيرنا ومسحت شريط الزكريات موقتا
    خلي الدنيا تروق شوية وابشرو والله من عيوني
    ارجع اعقب عليكم واحد واحد
    دحين البال مشغوووول على الاخر

    وسامحينا اختي ام نواف والله مني ناسي ولا احد شرفني في الموضوع
    بس فضلكم يستحمل ان شاء الله
    وليا رجعة معاكم ازا نشف البحر
     
  15. مكاوية بعسل

    مكاوية بعسل تاجر مميز

    إنضم إلينا في:
    ‏2 يناير 2011
    المشاركات:
    346
    الإعجابات المتلقاة:
    0
    سلاااااااااااااااام ياعم دهليز ...

    يعني كدا حلـّلتـُمْ {{العزيمة المراكبية}}.!!!...<O:p

    ونسيتوا السبعة الطليان .!!!<O:p
    وعلى طلبكم سليق وفواكة أشكال والوان.<O:p
    وصحون الأناناس والسلطة مرصوصة بإتقان
    <O:pقلنا ح جينا الدهليز وأصحاب المنتدى معاه كمان.
    لكن لاشفنا علان ولا زعطان<O:p
    وصارت الخساير علينا أكوام.


    ترى إحنا ياهووو من أهل المثل إلايقول:
    <O:p
    {عزيمة تشققق التياب. وما تقول الباب الباب}.
     

مشاركة هذه الصفحة