1. مرحبا بكم في أسواق ستي أكبر المواقع التجارية شعبية
    إستبعاد الملاحظة

{{{يا ضيفي....}}}..

الكاتب: مكاوية بعسل, بتاريخ ‏23 يناير 2011.

  1. مكاوية بعسل

    مكاوية بعسل تاجر مميز

    إنضم إلينا في:
    ‏2 يناير 2011
    المشاركات:
    346
    الإعجابات المتلقاة:
    0
    منقولة من كتاب :


    لفيت
    السبع اللفات
    أدور حكم والغاز وحكايات.


    للأستاذة / عزيزة الصيرفي.



    يا ضيفي.

    <O:p


    <O:p


    يا ضيفي لا تباغتني بجيتك<O:p
    وعند الباب أتفاجأ بطلتك
    وبدل بأهلا وسهلا أستقبلك<O:p
    الدم يجري في عروقي من فجعتك. <O:p

    <O:p


    يا ضيفي بني آدم في بيته مستور<O:p
    يمكن يومها ما عنده حق الفطور<O:p
    وبدل ما تدخل عليه الفرح والسرور
    رميته في هم وغم من البحور .<O:p


    لا تقول لي إيش غير الأحوال
    زمان الناس كانت غير هادا الحال
    أهل أول معذورين ما كان عندهم تلفون أو جوال
    يا دوب يرسلوا الصبي إن لقيوه أو واحد من العيال . <O:p

    أهل أول بطبعهم مستورين
    علمتهم القلة يكونوا حامدين
    وصّلة لبّة على شويّة جبنة وبراد الشاهي تلقاهم مبسوطين
    وإذا خرجوا من عندك تسمعهم شاكرين.


    يا ضيفي سامحني أقولك هادا الكلام مجبور<O:p
    يوم تعطيني خبر بجيتك تلقاني مسرور
    واقفلك فرحان على الباب بالبخور
    وأفرشلك الأرض ورد وريحان وزهور.<O:p


    <O:p


    <O:p



    تفسير بعض الكلمات ..



    تباغتني : تفاجأني


    بجيتك : بحضورك. <O:p


    لبّة : خبز.<O:p
     
  2. ام ثوما

    ام ثوما تاجر مميز

    إنضم إلينا في:
    ‏11 أكتوبر 2010
    المشاركات:
    289
    الإعجابات المتلقاة:
    0
    الإقامة:
    مكه الغاليه
    صح لسانك وسلمت أناملك

    والله أعرف كثيييييييييييييييير يسووها ...... الله يهديهم
     
  3. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,635
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    قابلني ولا تغديني

    عارفة ليش الناس يامكاوية مايبغو الناس اللي تطب عليهم زي القرينة
    لانهم يشيلو هم كل واحد يخش البيت ايش بدنا نأكله ونسممه ولايكون البيت مكركب ويبغاله ترفيع
    وووووو

    من يوم ما ابتعدنا عن ماضينا انخربت عيشتنا
    اول ما كنا نستحي ولا نضايق
    وازا قابلنا اي احد في الزقاق هيا حياك الله يدخل يشرب شاهي والا ينقنق معانا في الغدا او العشا
    وزي مااتفضلتي الجود من الموجود

    بس اللسان كان قصير هديك الايام مع اننا كنا ناكل لسان الطلي
    الايام هادي بالعكس لو الضيف او الاقارب اعطوكي خبر انهم جايين
    رايحة تقلبي البيت حفلة
    اول مايدخلو كاسة موية
    شوية عصير
    وشوية بيتفور
    وشوية قهوة
    وشوية شاهي ودواهي وقليل معجنات
    وشوية ان كان ساطين وبطونهم مخروقة يقولوا مافي عشاااا
    وحتجيبي اقل شي تجيبي 2 كيلو مشويات سورية لانها اخف واسرع شي موجود

    وشوية تجيبي لهم شي يبلعو به العشا والدسم ياشاهي اخضر والا بيبسي
    وازا ماكرعو حطي يودو ملعقتين في براد الشاهي
    وفوق هادا كلو يقلك شوفو مكاوية ايش جايبة اكل وضيافة زي وشها
    لا وكمان جابت العصير والبتفور والقهوة والشاهي ورا بعض
    ما تستنى شوية زي قولة يالله اطفحوا وانقلعو قواااام
    شكلها راصة الاكل في المطبخ من البارح
    وشكلو الاكل بايت
    يعني يعيبو فيكي وفي الاكل وفي الضيافة
    زي البساس ياكلو وينكرو
    وقد ما نخسر ما يبان فيهم

    من طبعي ما احب اكلف على الناس عارف في منهم مستور وفي منهم مقهور وفي منهم زي الجمل صبور
    حتى وقت ما اعيد على الناس في العيد وارد رجولهم اروح في حلق المغرب قوام قوام واكون صايم

    وازا الشخص اللي نبغى نزوره مضايق والا متكفرن والا صاحي من النوم المفروض ما نطول عليه
    كاسة شاهي نقربعها ونمشي مو نجلس ونبلط

    والله مرو علينا ناس لو مو الحيا اقلهم مو منكم كم اللي قلكم الله يحيكم

    دم زي البق لا هرج ولاضحك
    جالس ومتكوم فوق الباطرمة زي مغسل الاموات يستنى متى يقولوا يالله

    وتغلقي كل الضيافة اللي قدمتيها وهداك قاعد
    يعني مافي شي ناكله ولا نشربه
    وبرضو قاعد
    ايش تبغانا نعيد الضيافة من اولها
    ناس ما تكلح ولا تستحي على وشها من جد

    والطرق الجديدة للشردة من الناس اللي يجو على غفلة
    يدخلو السيارة جوة البيت في الحوش يسير محد يدري هو في والا مافي
    وحتى الجرس مايردو عليه
    يما يويقو من العين الساحرة والا يفكو الطاقة ويدلدلو روصهم منها ويشوفو الاوادم

    يالله لا نطول عليكم وفي امان الله




    مع انو ردي في الصبح واحنا ضيوف عند مكاوية ماجابت لنا لافطور ولاشاهي ولا دواهي
    وخلتنا ملطوعين وواقفين على حيلنا عند الباب
    يرضيكم الكلام هادا

    صدق المسل اللي يقول صباح الخير ياجاري خليك في حالك وانا في حالي
     
  4. بازارات

    بازارات تاجرة أمينة

    إنضم إلينا في:
    ‏18 يناير 2011
    المشاركات:
    16
    الإعجابات المتلقاة:
    0
    مشكورة على النقل الرائع
     
  5. مؤسسة الرونق المميز

    مؤسسة الرونق المميز متجر جمال حياتي سابقا

    إنضم إلينا في:
    ‏1 مارس 2010
    المشاركات:
    11,677
    الإعجابات المتلقاة:
    0
    ايام اول كانت حلوه

    والله اخبر جارتنا في الصبح كلهم يتجمعوا في بيت وا حد
    وكل وحده جايبه معاها صينيه ياما فيها خضار ولا ملوخيه وهما قاعدين على فنجان الشاهي والفطور
    يقطعوا الخضار والي تفرم الملوخيه وكانت قعدتهم ونااااااااسه وسعة صدر
    والجود من الموجود لا اتصلات واحنا جاين ولا شئ دقت عليك الباب لقيتكي صاحيه دخلت عندك ونادت باقي الجارات
    ايام حلوه لا فيها هم مباشره ولا هم عزايم وايش ماتحطي لضيفك
     
  6. شجرة كرز

    شجرة كرز تاجر

    إنضم إلينا في:
    ‏16 أغسطس 2010
    المشاركات:
    99
    الإعجابات المتلقاة:
    0
    على قولك زمان أول ما كان في تلفون ولا جوال لهم حق يطبوا
    لكن المشكلة أنه لسه في ناس يفكروا تفكرين ناس زمان أول ويطبوا عليك المشكلة ناس
    أول مرة تشوفيهم ويقولولك نحنا كنا نعرف الوالد وإنا كنا أهل وأصحاب
    وأنتي ولا مرة سمعتي بأسمهم في حياتك .
     
  7. المكااااوي

    المكااااوي تاجر مميز

    إنضم إلينا في:
    ‏6 يونيو 2009
    المشاركات:
    520
    الإعجابات المتلقاة:
    0
    والله انا مع وضد في نفس الوقت

    لكن مع كل من يبغى البساطه بالعربي مافي تدقيق


    لكن المشكله اليوم كثر الهرج والمرج وفي الأخير خصام وتباعد

    وما تجي الا من القريب !
    اول الموجود يتقدم حتى لو مرقة هوا

    والموجود من العصير او الشاي والقهوه والمكسرات والأكل من طبخ البيت هداك اليوم

    وياما أكلوا الضيوف في الغدا عيش وجبنه وحلوا بحبحبه والحمد لله

    هذا المطلوب ادخل عندك واجيب اهلي ونسمر والا نقيل والجود من الموجود الخير موجود لكن ليش الدربكه وشيلي يابنت وارسل الولد هات مويه حاره تنفك اللحمة والا جيب من السوق ويصير البيت مرستان

    والضيوف جالسين لوحدهم في الصالون وكل شويه تروح وحدة والا واحد من أهل البيت وبتسم إبتسامه صفرا

    اليوم اذا ما تذبح وتسلخ ما يعتبر هذا اكل

    والمعجنات والحلويات بأنواعها والعصائر وحاااااااااااااااال ما يعلم به الا الله سبحانه من بذخ وتبذير

    وفي الأخير كله يزيد بالدبل واكثر

    وأنا ضد التكلفه والبهرجه الفاضية

    ومع البساطه لأن الضيف جاي مو علشان ياكل

    على قول المثل لاقيني ولا تغديني

    اليوم صار غديني ولا تلاقيني ولو ترسل لي العشا في البيت افضل !!


    وحتى لو كان في موعد مسبق اتمنى من كل واحد ووحدة تحسب كم التكاليف بس حقت ليله المناسبه الصغيرة اللي في البيت

    تتعدى الفين وثلاثه
    والراتب عند بعضهم والله ما يتعدى هذا المبلغ بكثير
     
  8. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,635
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    اوخ اوخ اوخ على مرقة الهوا وفوقها قليل سمن وكوشنة
    هيا ستي مكاوية زبطيلنا مرقة الهوا

    واللي مايعرفها بعدين نتكلم عنها
    سموها هوا علشان مافيها لا كوكو ولا أمبيع :021:

    تكشينة قوطة وبصل ونلغ القدر بالموية ونطفي التكشينة ولمن تتسبك المرقة شويتين
    ونلملم كل العيوش الموجودة في البيت ونفتها وبسم الله
    وزي ماقلنا تنرش عليها كوشنة التوم ودمعتين سمن بري وقرن فلفل ونص ليمونة وراص بصل

    وبالعااااافية

    الله يامكاوي الله يرحم اول وزمن اول
    ماكنا نعرف الحيا والكسوف من بعض مرررررررررة
    اللي عندي عندك واللي عندك عندي كيسنا واحد وتربيتنا وحدة
     
  9. ام ثوما

    ام ثوما تاجر مميز

    إنضم إلينا في:
    ‏11 أكتوبر 2010
    المشاركات:
    289
    الإعجابات المتلقاة:
    0
    الإقامة:
    مكه الغاليه
    حياالله المكاوي والدهليز وسلمت أناملكم ويعطيكم الف عاااااااااااافيه

    والله كفيتو ووفيتو ياأهل الجود والكرم ياأصحاب النخوه :clapinghand::clapinghand:

    ومن بعد كلامكم لا تعليق..............

    وين مكاويه عطشنا من الكتابه وما ضيفتنا :cnf3::cnf3:
     
  10. مكاوية بعسل

    مكاوية بعسل تاجر مميز

    إنضم إلينا في:
    ‏2 يناير 2011
    المشاركات:
    346
    الإعجابات المتلقاة:
    0

    عشتي ياأم توتة.صحيتي وصح بدنك وعلى قولك {{{ الله يهديهم}}. مشكورة على الرد لاعدمناك...
     
  11. مكاوية بعسل

    مكاوية بعسل تاجر مميز

    إنضم إلينا في:
    ‏2 يناير 2011
    المشاركات:
    346
    الإعجابات المتلقاة:
    0

    الله يسلمك ياعمري ...
    سلمت وسلم غاليك....
     
  12. مكاوية بعسل

    مكاوية بعسل تاجر مميز

    إنضم إلينا في:
    ‏2 يناير 2011
    المشاركات:
    346
    الإعجابات المتلقاة:
    0

    مشكور على الرد والتعليق إلا يفطس ضحك وكله من الواقع وليس غريب..وكل ماأعجبت بكلمة أم دقة قديمة زي منتى شايف اكبرها ليراها الكل ..


    مع انو ردي في الصبح واحنا ضيوف عند مكاوية ماجابت لنا لافطور ولاشاهي ولا دواهي
    وخلتنا ملطوعين وواقفين على حيلنا عند الباب
    يرضيكم الكلام هادا..



    لا ياسيدي ...سلامة الجميع من لطعة البيبان.
    حياكم الله في صدر الديوان.
    عشاكم بكرة على سبعة طليان.
    مظبي وسليق ورز بريان.
    مو فطور نواشف وفول ومعصوب وشوية أجبان.
    ومرقة هوا زي ماقالوا بعض الناس ومنزلة بإدام.
    هادي المكاوية يادهليز أم الضيفان.
    ولو إنه قدركم عالي ماينقاس بأكل وزفران.
    هيااااابلغ العزيمة على شرفكم رجال ونسوان.
    ومين تحبوا من الأهل والحبايب والخلان.
     
  13. مكاوية بعسل

    مكاوية بعسل تاجر مميز

    إنضم إلينا في:
    ‏2 يناير 2011
    المشاركات:
    346
    الإعجابات المتلقاة:
    0

    هي ياستي توتة بكرة إنتي من المعزومين على شرف سيدنا الدهليز .... هيا لاتتأخروا وتعتذروا بسبب الإمتحانات .. عشاكم والم من بعد صلاة العشا على طول .. وسلامتكم من العطش ..الله يروينا من حوض سيدنا محمد عليه أفضل الصلاة والسلام. نخن وأنتم والقارئين وجميع المسلمين.
     
  14. مكاوية بعسل

    مكاوية بعسل تاجر مميز

    إنضم إلينا في:
    ‏2 يناير 2011
    المشاركات:
    346
    الإعجابات المتلقاة:
    0
    أهلين جمال حياتي حياك الله .أسعدتني مشاركتك لكن خبرك عتيق بجارات أمهاتنا زمااااااااان . رحمهم الله ..

    مشكورة على الرد ....
     
  15. مكاوية بعسل

    مكاوية بعسل تاجر مميز

    إنضم إلينا في:
    ‏2 يناير 2011
    المشاركات:
    346
    الإعجابات المتلقاة:
    0
    ...صدقتي ياأحلى شجرة عندي الكرز.. زمان أول ما كان في تلفون ولا جوال لهم حق يطبوا ..ولو إنه كان في الصبيان أوعيالهم ... لكن إيه عذرأهل دحين؟؟؟؟؟. ياالله السلامة منهم ومن مفاجاتهم.
    سلمتي على الرد لاعدمناكم.
     

مشاركة هذه الصفحة