1. مرحبا بكم في أسواق ستي أكبر المواقع التجارية شعبية
    إستبعاد الملاحظة

مساعدتكم ياهل مكه ابي اخصائي تغذيه

الكاتب: الصوت البعيد, بتاريخ ‏16 يناير 2011.

  1. الصوت البعيد

    الصوت البعيد تاجر مميز

    إنضم إلينا في:
    ‏20 أكتوبر 2010
    المشاركات:
    282
    الإعجابات المتلقاة:
    3
    السلام عليكم

    يا ريت أحد يدلني على أفضل أخصائي أو أخصائية تغذية في مكة ..

    نفسي امتن حاولت بكل الطرق لكن جسمي لحد الان ماتغير :ang:

    اتمني احد يفيدني بي افضل اخصائي تغذيه

    وشكراااااااا
     
  2. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    وعليكم السلام ورحمة الله وبركاته
    يعني الا تبغانا نقلك يادووووووبة

    من جد لا النحيف راضي ولا المتين راضي

    روح الصيدلية واشتري حبوب فتح الشهية

    وافطر فول وعصيدة وسمن وعسل

    واتغدى زربيان والا كابلي وايدام معرق

    وحتى بين الوجبات لا تجلي ندر حلويات وكنايف وبلبع
    وغير كدة لا تتحرك كتير عود نفسك على الكسل يعني ارتاح واتفرطح
    وان شاء الله رايح تسير زي توني قاريا
     
  3. الصوت البعيد

    الصوت البعيد تاجر مميز

    إنضم إلينا في:
    ‏20 أكتوبر 2010
    المشاركات:
    282
    الإعجابات المتلقاة:
    3
    هههههههههههههههه

    تسلم اخوي الدهليز

    بس انا ابي اخصائي الله يسعدك
     
  4. مفتاح الأمل

    مفتاح الأمل تاجر مميز

    إنضم إلينا في:
    ‏30 مارس 2010
    المشاركات:
    147
    الإعجابات المتلقاة:
    0
    وأنااااااااااااااااااااااا بعد..
    رحت لأخصائية في مجمع الصفوة بس طفشت أستمريت ع الفيتامينات وكل شي وأرجع لها ووزني زي ماهو..
    وواحدة من صاحباتي مدحت لي دكتورة في بخش وان شاء الله بأروح لها وأذا ما متنت .. ما عاد بأتعب نفسي..ماعاد بأروح لأحد..
    الحمد لله اني سليمة وما عندي أمراض ..(وأنا أحسن من غيري)..
    أستغفر الله
     
  5. Lavita

    Lavita تاجر مميز

    إنضم إلينا في:
    ‏21 سبتمبر 2009
    المشاركات:
    978
    الإعجابات المتلقاة:
    0
    وعليكم السلام ورحمة الله وبركاته

    انا دايما عندي رأي ... اللي يبغى يمتن يتزوج مصرية .. او يعيش في مصر عند الصعايدة والفلاحين
    ماشاء الله من جد المصريين غذائهم صحي ويهتمو مرة بالاكل.. ماشاء الله ..
    يزغطوك ويخلوك دوبااا
    يطبخولك الاكل بالسمن البلدي ويهتمو بالفواكه والخضار.. واساسا الطيور عندهم هما اللي يربوها ويذبحوها بنفسهم يعني اكلهم صحي ومنوع .. غير كدا المصريات فنانات في الطبخ ماشاء الله .. كفاية المحاشي تمتن

    بصراحة انا ما احبذ فيتامينات او حبوب فتح الشهية او ما شابه
    اللي يبغى يمتن يشد حيله وياكل اكل صحي .. او ياكل مفتحات شهية طبيعية زي الفلفل وفحل البصل وغيرو ..

    وبالتوفيق .. ربنا يرزقكم الصحة و العافية ويحفظكم من كل شر
     
  6. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    في ناس ربنا خلقهم عودهم نحيف
    والله لو يجلس على دبيحة كل يوم ماراح يمتن

    زماااااااان كانوا يقولو
    اللي انخلق دب يجلس دب واللي انخلق مسخوط يقعد مسخوط

    واحد من الاقارب ولده ماشاء الله في الجامعة
    واللي يشوف جسمه يفكره في الكفاءة مرررررة جلدة وعضمة
    راح هنا وراح هناك مافي فايدة

    يمكن كلام الاخت لافيتا مقنع
    طيب ياستي اللي دووووبة ويبغى ينحف يتجوز من فين من الصومال مسلا
     
  7. Lavita

    Lavita تاجر مميز

    إنضم إلينا في:
    ‏21 سبتمبر 2009
    المشاركات:
    978
    الإعجابات المتلقاة:
    0
    صح سبحان الله .. بس ما هو مستحيل انو الشخص يمتن او ينحف لو فهم طبيعة جسمه واهتم بأكله..

    وعموما دايما اللي يبغى يمتن يلاقي صعوبة .. مو زي اللي يبغى ينحف .. اللي يبغى ينحف اسهل ..
    بس برضو ماهو مستحيل لماا الدبه ينحف ولما النحيف يمتن ..
    واساسا المتن والنحف ماهو مهم اذا الشخص يتمتع بصحة جيدة
    بعضهم طبيعة جسمهم كدا سبحان الله وفي صحة جيدة

    بلاشي احد يغيرها اذا صحته كويسة .. بس اذا المتن والنحف يأثر على الصحة .. صح ديكا الساعة الواحد يحاول ويجاهد

    اما بالنسبة اذا الشخص يبغى ينحف يتزوج من فين .. بصراحة مدري لاني قلت رأيي عن اللي يبغى يمتن لاني متأكدة منه =)
    بس ممكن اللي يبغى ينحف يتزوج جاوية .. ماشاء الله الجاوا اهل الرشاقة واكلهم برضو صحي ولزيز هههه

    هو صح اهل الصومال اغلبهم نحاف بس بصراحة مدري ايش ياكلو :confused:


    الله يديم علينا الصحة والعافية ... وزي ما قلت الواحد يرضى بالخلقة اللي خلقه الله عليها .. الا في حالة انو فيه ضرر عليه .. يغير عشان صحته
     
  8. أم الخطاب

    أم الخطاب تاجر مميز

    إنضم إلينا في:
    ‏30 أغسطس 2010
    المشاركات:
    365
    الإعجابات المتلقاة:
    1
    والله ياأخوان فيه آرمال مركزعلاج بالفيتامينات والاعشاب يعني بيعطيك بودرة شوكولاتة تخلطها مع موية أوحليب .. هوثقيل شوية لكن يستساغ مع مداومة الاستعمال .. إذا ماهو معروف عند البعض فهوموجود في سوق ذي المجاز وسوق الحجاز .. وبالتوفيق .
     
  9. مرهفة الحس

    مرهفة الحس تاجر مميز

    إنضم إلينا في:
    ‏25 يناير 2011
    المشاركات:
    543
    الإعجابات المتلقاة:
    0
    والله من رايي ان الواحد يحمدربه على العافيه والسلامه.ناظروا الناس اللي عندهم غده بعيد عنكم وشلون عايشين,ترا السمن موب زين ,بعدين الرسول عليه الصلاة والسلام كان يتكلم في حديث شريف عن ناس باخر الزمان سمتهم انهم يظهر فيهم السمن.اتمنى ان ماكو احد يزعل من كلامي كلنا اخوان وشكرا.
     
  10. ميوره الاموره

    ميوره الاموره تاجر

    إنضم إلينا في:
    ‏25 يوليو 2010
    المشاركات:
    90
    الإعجابات المتلقاة:
    0
    هههههههههههه خخخخخخخخخ والله اخونا الدهليز مافي منه يموت الواحد من الضحك
    سبحان الله والله سبحان الله
    من جد الواحد ماهو عارف اذا متين يبغى ينحف واذا نحيف يبغى يمتن الله يعطينا الصحه والعافيه
    ياااارب بس اخوي ليه ماتروح المستفيات اكيد في اخصائيين تغذيه مو بس للمتن للنحاف كمان زي اللياقه في مستشفى الشفاء او مديكال جيم في العلوي التونسي
     
  11. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها

    ياستي في صلاتنا ندعي اللهم انا نسألك العفو والعافية
    والحمد لله الله اعطانا العافية ليش نشيلها :052:

    اما اللي يبغى يمتن
    يجلس مع المتان شوية ويشوف كيف وضعهم وحياتهم ومعيشتهم
    يعني يستفيد منهم يشوف مميزات المتن وسلبياته قبل لا يتورط :p5088:
    صحيح المتن له هيبة ووقار ودليل حكمة
    والا مووو

    الجاوة ياستي ماشاء الله عودهم نحيف حتى اكلهم صحي
    وحتى متان الجاوة مساخيط عندنا ونحاف
    والنحيف عندهم رضيع عندنا

    شهونتينا بالاكل الجاوي

    الصومال علشان المجاعة البعيد اللي عندهم تلاقيهم نحاااف
    الخوف لو المتين اتجوز صومالية وشاف المجاعة والفقر وما نحف زيهم
    لانه يحب الاكل ايش يسوي ساعتها ياكل حرمته زي الكيت كات
     
  12. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    ياستي ربي يسعدك

    ليا اقارب دبب راحو البنات في التونسي ونحفو ابسط ياعم

    ماغلق الشهر حق الاشتراك ورجعو مرة تانية

    واصلا الاكل حقهم حاشا نعمة الله كله مسلوق وشربة
    او انهم يسوو عمليات تصغير للمعدة :ang:
    طيب المعدة اصلا صغيرة تبغو تربطوها وتدبسوها لحد فين يعني
    تبغوها تسير قد كيس الفصفص حق الحجة :cnf3:

    ووحدة من الاقارب سوت رجيم وفضلت هادا ما اكله وهادا ما احطه في فمي
    علين اغمى عليها البعيد والضغط اتلخبط عندها

    اصلا الدكاترة مغسل يدي من زمان منهم
    لمن جاني السكر جلس ينبح الدكتور في خلقتي ما كأنوا الا ابويا
    وهادا لا تاكلوه وهادا لا تشربوه وكل حبة جبنة مثلثة ومنزوعة الدسم
    وكاسة لبن بدون دسم بس وفي الغدا مسلوقة بطاطس ولا تحط لحم ولا دجاج علشان الدسم
    ازا تبغى حط وصلة صدر بدون جلد ولا عضم
    المهم مشيت على البهللة هادي تلاتة ايام
    زهقت عمري واعصابي مولعة نار لاني لمن احلل السكر في 300 وطالع
    ماغلق الاسبوع مافيا امشي بغيت اتكسوح
    من بعدها بطلت تخاريف الدكاترة ورجعنا لأكلنا العايدي بس مسكنا الحمية

    ومادام اخونا يبغى يمتن مو مشكلة الرجال يمتنو لكن المشكلة في الحريم لانهم رايحين يدوخو ويتهد حيلهم
    ومن كترة البرمان في الاسواق علين يلاقو مقاسهم
    وازا غلبت الغلابة ياخدو قماش ويفصلوه
    بس حيكلفهم فلوس اكتر بالزات لو الحرمة اللهم صلي على النبي متينة
    ماراح يكفيها مترين وتلاتة
    طااااااااااااااقة ويالله الخراج

    ومو كل واحد يعرف يخيط للاحجام الكبيرة

    الحمد لله على الصحة والعافية قبل لايجيني السكر ويهد حيلي البعيد عنكم
    كنت اروح لخياط بنقالي وتعرفو البنقالة نحااااف وقصار
    كنت اوقف جمبه ماشاء الله اجيب لو الزغللة في عيونه
    مو عارف يقيس من هنا والا من هناك لانه كنت ماشاء الله طول بعرض
    وهو لابس المناضر ويرفع راصه يوايق فيا
    مو كأني ادمي زي زيو والا مفكرني ساعة الحرم :p5088:
    كان يمتر من رجولي الله يعزكم ويوصل للصدر وما يلحق اقله هات المتر انا اكملك القياس:021:
    يقلي عمي خلاص ما تتحرك علشان اخد القياس
    وساعات يجيلبك كرسي ويمتر من فوق ويرمي المتر الباقي على الارض

    والله لو انه يبغى يعمر عمارة كان خلص بس هو كان غشيييييييم وجديد في الصنعة
    والا الخياط المزبوط يقلك ياعمي جيب لك مقاس مزبوط واخيط لك عليه

    هادي نصيحة متين
    وانت لا تمتن زينا
    على القليل صلح جسمك شوية وامشي على طريقتي في ردي الاولاني
    ساعتها انت ماتعرف نفسك
     
  13. زهرة_الربيع

    زهرة_الربيع أم حسام

    إنضم إلينا في:
    ‏22 يونيو 2010
    المشاركات:
    3,027
    الإعجابات المتلقاة:
    0
    الوظيفة:
    مسوقة
    الإقامة:
    مكة المكرمة
    بكرة تتزوج وتسير كرشك متر قدام ^_^

    بصراحة ماعندي خلفية كيف الناس يمتنو ولا بدي اعرف @_@

    بس برفعلك موضوعك يمكن تلاقي حل ^_^

    (( دهليز الله يسعدك قول امين ههههههه ))
     
  14. الموفق

    الموفق تاجر مميز

    إنضم إلينا في:
    ‏13 نوفمبر 2008
    المشاركات:
    171
    الإعجابات المتلقاة:
    0
    من روائع الدهليز
     
  15. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    الله يسعدك يازهرة ويوفقك ياموفق
    ويمتنك ياللي في باااالي


    بس انتبي قبل كم يوم كتبو في جريدة المدينة مسكو اكياس تخسيس درور زي البودرة يعني
    للتخسيس قلك وهيا فيلها مواد كيماوية وتجيب هداك المرض البعيد عن من قدامي
    ومنتشرة الاكياس هادي واعلانتها في كل مكان

    علشان كدة ياحبايب اي حاجة في بلع واكل ولغلغة ازا ماكان عليها تصريح من وزارة الصحة
    لا تاخدوها لو البياع يلحس السما
    هيا ادوية وعليها فسح وتصريح وبتنكبنا وتهد حيلنا وتجيب لنا الكفية في اعمارنا
    ايش حال الادوية المجهول

    زي التكروني اللي مسكوه زمان في جرول ويبيع خلطات لاهل السكر
    جايب نعناع وملوخية وطحنها وحط علتبين دوالين وجلوكوفاج ادوية السكر ودردمها
    زي الكباب الميرو وكل خمسة حبات بتلاتة ريال
    واللي اخدها انقرن البعيد حسبي الله عليه من فقي
     
جاري تحميل الصفحة...
المواضيع المشابهة التاريخ
أجهزة معلم جبس مكه 0505561330 ‏20 نوفمبر 2016
مطلوب احمد ‏19 نوفمبر 2016
تأجير معلم جبس مكه ‏18 نوفمبر 2016
مطلوب معلم جبس مكه 0532662101 ‏29 أكتوبر 2016
خدمات معلم فنان جبس مكه ‏18 أكتوبر 2016

مشاركة هذه الصفحة