1. مرحبا بكم في أسواق ستي أكبر المواقع التجارية شعبية
    إستبعاد الملاحظة

( وآآآي يا فضّيحة)))))))

الكاتب: مكاوية بعسل, بتاريخ ‏13 يناير 2011.

  1. مكاوية بعسل

    مكاوية بعسل تاجر مميز

    إنضم إلينا في:
    ‏2 يناير 2011
    المشاركات:
    346
    الإعجابات المتلقاة:
    0
    منقولة من كتاب:

    <TABLE id=table2 cellSpacing=0 cellPadding=0 width="100%" border=0 jQuery1294886340218="24"><TBODY jQuery1294886340218="23"><TR jQuery1294886340218="22"><TD vAlign=top align=middle width=260 rowSpan=3>

    حكتني أمي في الناموسية
    حكاوي حلوة حجازية


    </TD></TR></TBODY></TABLE>​

    - ( وآآآي يا فضّيحة)<O:p</O:p

    وحدوا الله..... لاإله إلا الله.<O:p
    والّليّ عليه ذنب وخطية يقول أستغفر الله.
    ولا يحلى الكلام إلى بذكر النبي عليه أفضل الصلاة والسلام.
    اللهم صلي على محمد وعلى آله وصحبه الكرام.<O:p
    كان ياما كان في قديم الزمان وسالف العصر والأوان. كان في رجّالْ إسمه عبدالوهاب ومرته سامية يبغوا يزوجوا بنتهم سميرة، وقاموا يستعدوا للفرح. قال عبدالوهاب : إيه رأيك نسوي الفرح في السطوح نفرشه وننصب الكوشة والذي منه . قالت سامّية: وآآآيّ يا فضّيحة لازم في سطوح الجيران أكبر وأشرح.قال: طيب حتسوي كُرْتِتْ{ فستان} زواج البنت عند الخياط إللّي جنبنا؟ قالت: وآآآي يا فضّيحة نسيب خياط الحارة المشهورة كدراجانة ونجي عند هذا المعفن اللّي خيوط الكرتة عنده تبان مليانة! قال: طيب العشا خمسة طليان تكفي ؟ قالت: أول الليّل نبغى تعتيمة{جبن وحلاوة وزيتون وشريك وغيره من النواشف} وفي آخر الليل عشا كوازي بالزبيب والوز المقمر والمكرونة.قال: ليه ما نسويه مخلوط أوفر لنا وأطعم ؟ قالت: وآآآيّ يا فضّيحة إيه يقولواعلينا الناس؟ وشوف فناجين الشاهي تجيبها أم راس مذهب وكاسات الموية قزاز.قال: طيب إيشبها السادة كمان ؟قالت: وآآآيّ يا فضّيحة إيش يقولوا علينا الناس . ولا تنسى الزلابية في يوم الصباحية, والله منيفة بنت خالها أحمد وأمينة بنت محمد وبنات عمها سراج وأسعد مو احسن منها . قال عبدالوهاب: ياشيخة أهلهم للآن بسددوا في الديون . قالت سامّية:أنا ماأفّهم يسير لبنّتي زيهم وأحسن أنا بأقلك على العموم.<O:p وهات تعٌد وتعدّد في طلبات لا لها أول من آخر. وكل ما قال لها شي قالت:
    {{وآآآي يا فضّيحة لا ما يصير إش يقولوا علينا الناس}}
    المهم خلاها عبدالوهاب تعد وتعدد وهات يا تبني وتهد,وشايلة هم كلام الناس وخايفة من الفضيحة وايش يقولوا عليها الناس .
    عد عبدالوهاب الفضايح لقاها أكثر من الف ومية لو ما سوى زّي ما طلبت منه زوجته سامّية
    طنت{طرأت} في راسه فكرة وراح على طول لبنته ينفذها، ولما عرفت البنت فكرة أبوها طلعت البنت عاقلة واتفاهم معاها على خطته, واعطى عريسها خبر بلي حيسويه في الليلة معاه . لبست البنت فستان أبيض بسيط و أتزينت وأخذت شنطة حوايجها بالدسّ عن أمها، وراحت مع أبوهاعلى بيت زوجها واتعشى الأبو معاهم, وسلم العروسة للعريس وأعطاهم قرطاس فيه مبلغ كبير من المال .وقال: الله يبارك لكم وهذه الفلوس أتوفرت لكم أشتروا بيها إللّي ناقص عليكم أواتّمشوا بيها إنتم أحرار ودعالهم ورجع على بيته.
    استقبلته سامية وقالت له: فين باقي الدبش والأغراض, وسميرة ماهي في البيت أخذتها على فين ؟قال الأبو : خلاص وديت البنت على بيت زوجها وأتعشيت معاهم ورجعت.<O:p
    قالت: وآآآيّ يا فضّيحة يا ندامة. إيه هذه الجوازة .؟فين أودي وجهي من الناس,قال لها: هذهِ فضيحة وحدة وتمت والحمدلله على خير وبركة وإنتِ عديت لي ألف فضيحة وفضيحة، الأفضل فضيحة وحدة ولا ألف فضيحة؟.
    صاحت سامية وناحت .وبكت وولولت. وفي الأخير ما لقت قدامها إلا إنها تسكت وتنكتم وعلى فضايحها تزيد وحدة كمان، وبعد ما راقت وفّاقت, راحت بعد كم يوم على بيت بنتها سميرة تبارك لها زواجها إلا يا فضيحة ما فرحت بيه زّي ما تفرح كل أم عروسة مسرفة مبذرة , وديون على ظهر زوجها مركبة ...
    <O:p

    وتوتة توتة فرغت الحدوتة .<O:p></O:p>


    لو كان بيتي قريب كان جبت لكم شوية لوز وزبيب



    ولوكانت طاقية أنس ماهي مخروقة كان جيت لكم شوية مسلوقة.<O:p></O:p>

    .
     
  2. سكرالصباح

    سكرالصباح تاجر مميز

    إنضم إلينا في:
    ‏19 يونيو 2009
    المشاركات:
    188
    الإعجابات المتلقاة:
    0
    الله يسعدك على الحكاية الحلوة
    ااااه ياايام زمان وبيت جدي في حارة الشام
    بس اهم شي ام العروسة ما انجلطت على الراجل هههههه
     
  3. التاجرة الصغيرة

    التاجرة الصغيرة التاجرة الصغيرة ( فريسيا)

    إنضم إلينا في:
    ‏13 مارس 2009
    المشاركات:
    9,910
    الإعجابات المتلقاة:
    0
    الجنس:
    أنثى
    الوظيفة:
    مسوقة ومندوبة
    الإقامة:
    جدة
    جزاك الله خير
    ولو كل اب مثل هالاب كان كل البنات مستورات

    والله يوفق ام انس اللي كتبت وابدعت في حواديتها القديمة
     
  4. المكااااوي

    المكااااوي تاجر مميز

    إنضم إلينا في:
    ‏6 يونيو 2009
    المشاركات:
    520
    الإعجابات المتلقاة:
    0
    والله هذا الحاصل

    نتكبد فلووووووووووووووس القضى علشان النـــــــــــــــاس

    والله هدول الناس اللي ماني عرفهم واللي خايفين منهم ومن هرجهم

    وإذا طاح الواحد وما قدر يسدد هل الناس بيساعدوه اللي سواها علشانهم ؟؟!!

    ماحد قالك مد رجل زيادة عن لحافك

    ولا تسوي فيها الأفندي وكلها ساعتين ثلاثه بالكتير وترجع زي ما كنت فقري

    والله العظيم أعرف ناس وهم من الأرحام من الطبقة المخمليه وإسمهم في السوق معروف ومشهورين

    مناسباتهم عاديه وجمعاتهم حلوة وحتى زواجاتهم في بيوتهم ((ما شاء الله بيتهم قصر )) لكن إسمه بيتهم وبيسوا فيه

    وإحنا الناس العادي لما تجينا مناسبه زواج نبزخ بزخ وأفخم قاعة أفراح وهاتك من المصاريف اللي أكثرها تروح للشيطان

    ولما تقوهم سوا كدا إيش عليك من الناس تسمع الإجابه لييييييييييييييييش فلان أحسن مننا

    وليس ما نسوي ونبغى نفرح ووووو

    وكأن الفرح بالتبذير!!

    وقصة زواجي قصة عجيبه لكن إيش نقول في ........

    أتغيرت لنفوس وأتبدل الحال الى حال الله به عليم

    ولما نذكر ايام زمان ويذروها يترحموا عليها ويقول آآآآآآآآآآآآآآه

    وهو ما وده يعيده ولا يستمر عليها

    الله المستعان

     
  5. لـمـار

    لـمـار تاجر محترف

    إنضم إلينا في:
    ‏15 مايو 2010
    المشاركات:
    1,224
    الإعجابات المتلقاة:
    0
    ( استغفر الله واتوب اليه )..
     
  6. مكاوية بعسل

    مكاوية بعسل تاجر مميز

    إنضم إلينا في:
    ‏2 يناير 2011
    المشاركات:
    346
    الإعجابات المتلقاة:
    0


    يا سكرالصباح .. وباقي الليل والنهار كمان.


    ويسعدك إنت كمان والحمدلله إن الحكاية عجبتكم .

    أم العروسة تحمد ربها بدل تنجلط طلع جوزها حكيم .

    مشكورة ياعمري على الرد إللّي زي العسل
     
  7. مكاوية بعسل

    مكاوية بعسل تاجر مميز

    إنضم إلينا في:
    ‏2 يناير 2011
    المشاركات:
    346
    الإعجابات المتلقاة:
    0
    التاجرة الصغيرة..
    وفي يوم نسمع تجارتها صارت كبيرة.

    الله يعافيك وبالرضى يغنيك ..

    مشكورة أخية على الرد والدعوة الحلوة لأم أنس.
    بس هل هي صاحبة الكتاب ؟؟وهل تعرفيها..؟؟
     
  8. مكاوية بعسل

    مكاوية بعسل تاجر مميز

    إنضم إلينا في:
    ‏2 يناير 2011
    المشاركات:
    346
    الإعجابات المتلقاة:
    0


    أخي المكااااوي...

    مشكور على الرد وصدقت بما علقت ..ولكن لفت إنتباهي حبي للقصص والروايات عندما قلت:
    {{{ وقصة زواجي قصة عجيبه لكن إيش نقول في ........ }}}.

    فهل لنا ان نعرف القصة مختصرة ...
    وبالذات إذا كان لها هدف وعبرة من سردها.؟!!! دون إحراج وإن لم ترغب بالإجابة عدي العبارة وكأنك لم تقرأها.ومشكور مقدما..ً
     
  9. مكاوية بعسل

    مكاوية بعسل تاجر مميز

    إنضم إلينا في:
    ‏2 يناير 2011
    المشاركات:
    346
    الإعجابات المتلقاة:
    0


    عدد خلقه وزنة عرشه ومداد كلماته ورضاء نفسه..
     
  10. المكااااوي

    المكااااوي تاجر مميز

    إنضم إلينا في:
    ‏6 يونيو 2009
    المشاركات:
    520
    الإعجابات المتلقاة:
    0
    قصتي بإختصار اقلك هيه

    بدأت زي أي عريس حالته ماهي اللي هيه

    واحسب حساب الميه قبل الخمسميه


    قلت لأهلي وفروا اللي بتصرفوه في الأمور الشيطانيه

    وأعطوني نصها اوسع على نفسي شويه

    وناخذ إستراحة صغيره والا نجمعهم في الديوانيه

    ونسمر مع الحبايب والأهليه

    قالوا لي لازم ناخد قاعه كبيرة ونصير أفنديه

    وصار اللي قالوا وطلعت ليله اللي هيه

    فرحه كم ساعة راحت الآف فوق الميه

    وهذة قصتي يا أختي مكاويه

    اليوم ماسك معايا سجع وكلام عُتقيه

    وتصبحوا على خير بكره العطله الأسبوعيه

    علشان اصحى بدري واجيب مقاضي الملوخيه
     
  11. شـروق الجمـال

    شـروق الجمـال تاجر محترف

    إنضم إلينا في:
    ‏28 ابريل 2009
    المشاركات:
    4,650
    الإعجابات المتلقاة:
    0
    الإقامة:
    مكــــة المكــــرمـة
    حتووتة اكتر من راائعه ياعسسل
    تسلمي ..
     
  12. ملوك الاخرة

    ملوك الاخرة تاجر

    إنضم إلينا في:
    ‏3 مارس 2010
    المشاركات:
    37
    الإعجابات المتلقاة:
    0
    ههههههههههههههههههههههههههههههههههههههههههههههه
    ويريت نتعلم كلنا وسوي زي كدا
    لكن نحن نولللللللللللللللول ولانغير نخاف من الهرج او نبغ نفرح وكنو الفرح مايجي الافي التبدير
    والله بنهايه اننا نخرج خسرانين ماديا وجسديا
    لازم ناس يغامون وياكلو الفضيحة والهرج عشان نتغير
     
  13. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    تسلمي يا مكاوية وتسلم مجايبك
    هادا اللي يعجبك في اهل اول كل كلامهم وتصرفاته حكم
    يعني مافي شي بهللة وعلى الله وبالله

    الحريم مع احترامي لهم وتقديري
    بس ساعات الواحد لا يطاوعهم في كل شي
    لانه رايح يتقروش دماغه صح
    ومادام الرجال والحرمة مبسوطين وسعيدين باللي حيسووه
    ايشيلي ادخل نفسي بينهم هادي حياتهم وهم ادرى بها


    من حكم زمان

    بنت ميسورة اتجوزت واحد مستور
    عاشت عنده متنكدة ومو عاجبها الوضع
    شالت بعضها ودفست نفسها في العباية واتكلفتت وعلى بيت اهلها
    ابوها كان قاعد في المركاز جاء الولد الصغير قلو ياسيدي فلانة رجعت البيت تبكي
    قلو يريد الله خير
    ولمن راح البيت وعرف القصة
    قلها يابنتي عيشي على قد ما يقدر جوزك يعيشك مو على قد ما كان ابوك معيشك
    لانه ابوك رايح وجوزك هو اللي باقيلك

    وزهم على الجوز وصار يعطيه كل شهر مبلغ زي المساعدة علين تتحسن ظروفه
    والعطية هادي لوجه الله ومحد دري عنها علين مات


    وهادي قصة لفلان ستر وحدة
    اتجوزو واكتشف انها مو بنت يمكن الشيطان وزها ولعب بعقلها
    جلست تبكي وتقول للراجل استر عليا
    ومع انه لو يبغى يردها لأهلها ويطلقها محد يلومه
    ندر الراجل وفكر وفكر وفكر
    ورجع مرة تانية وستر عليها والبنت ماشاء الله سارت صالحة وحافضة للقران
    وجابو بزورة وعايشين في خير ونعمة سبحان الله يمكن لانه ستر عليها
    ربي فتحها عليهم ورزقهم رزق وفير من واسع علمه مع انو وضعهم المالي تعبااااان

    وزي ماقال المسل فقير اتجوز فقيرة خلفو وجع قلب

    قصرو

    لو حسبنا حساب الطيور مازرعنا في وادينا دخن
    والا مووووو
     
  14. assadd

    assadd تاجر محترف

    إنضم إلينا في:
    ‏6 أغسطس 2009
    المشاركات:
    5,374
    الإعجابات المتلقاة:
    0
    الوظيفة:
    ೋೋೋೋೋೋೋೋೋೋೋೋೋೋ
    الإقامة:
    ....
    هههههههههههههههههههههه

    احلى شئ سوووواه بدل خساائر ع الفاضي
     
  15. مكاوية بعسل

    مكاوية بعسل تاجر مميز

    إنضم إلينا في:
    ‏2 يناير 2011
    المشاركات:
    346
    الإعجابات المتلقاة:
    0


    عشت يامكااااوي على الكلمتين إلا هيّ.
    أهو حال أغلب الناس الشغلة ديّة.
    يوفق الله بينكم كمان مية سنة جية
    ويعوض عليكم وتصيروا ناس أفندية ...
     

مشاركة هذه الصفحة