1. مرحبا بكم في أسواق ستي أكبر المواقع التجارية شعبية
    إستبعاد الملاحظة

{{{{بيت العريس}}}.......

الكاتب: مكاوية بعسل, بتاريخ ‏2 يناير 2011.

  1. مكاوية بعسل

    مكاوية بعسل تاجر مميز

    إنضم إلينا في:
    ‏2 يناير 2011
    المشاركات:
    346
    الإعجابات المتلقاة:
    0
    منقول من كتاب
    لفيت
    السبع اللفات
    أدور حكم والألغاز وحكايات..
    للأستاذة/ عزيزة عبدالله محمد الصّيرفي.


    بيت العريس

    مساكين أهل العريس
    بعد المـُلكة يحمى الوطيس
    وتصير حالتهم خبيص
    هادا يمتر وهادا يقيس
    الكل فيهم حريص
    يطلع أحلى بيت بيت العريس..

    يقضوا الكنب إيطالي
    والأنتريه ألماني
    وغرفة نوم دمياطي
    حتى يقولوا الناس أحسن بيت بيت العريس..

    وتتملى الشقة بأجهزة كهربائية
    وغرفة طعام ماليزية
    وأطقم قزاز صينية
    ونجفات ملونة هندية
    حتى يقولوا الناس أجمل بيت بيت العريس..

    وبعد الجواز بكم شهر
    فراشهم غطاه التراب والغبر
    وأهلهم يستنوا عزيمة أوسمر
    لكن لا حس أو خبر
    من زي هادول البشر..

    ولو الواحد قـّـل عقله وقلهم في ليلة
    ليه ماتسووا للأهل عزيمة
    ومايهم العشى ولو تعتيمة
    المهم تجمعوا الحبايب والعيلة
    وبلاش تطول بينكم الغيبة
    ومن بعد تفكير كم يوم و ليلة
    يردوا عليك بتصريفة جميلة
    ياريت تخلوها في بيت ستي حسينة..

    ولا يقولوا لك:
    إيه رأيكم خلوها في مخطط
    بدل الشقة تنعدم وتزروط
    فكروا قبل الحكاية تتمطط.
    خلوا العيال تجري وتتنطط.
    والبنات تنبسط وتتزغطط..

    سؤال:
    ليه الكلفة بمية ألف وتزيد كمان
    ليه السلف من فلان وعلان
    مدام ما ينعرف لهم بيت أو مكان
    لا في عيد أو يوم جديد يبان..

    ياناس صدق إللي قايل
    إيشبها المساند والجلايل
    والطوالات والحنابل
    يتفرش بها بيت العريس
    مادام لا يجيهم أنيس أو جليس..

    والبلا في ناس زي كدة كتار
    وعيالهم كبار مملين الدار
    ما يبغوا يستقبلوا ضيوف أوزوار
    وزي ما قالت فيهم الأمثال والأشعار:
    لا بيتهم ينزار أو قدرهم ينعار ..

    الله يرحم أهل زمان
    صّلة الرّحم لهم عنوان
    عيالهم عارفين الأهل والجيران
    وبيوتهم ما كانت إلا فسحة ومخلوان
    ومبيت وخزانة وديوان
    وتلاقي الضيوف ممّلية المكان..

    يا هو....
    ترى الواحد ما هو بشهوة عفش
    ولا مشتهي يشوف فرش
    ولا جيعان للحّمة كبش
    ولا قروشت هرّج وحّش..



    ولو دق الكلام أحد منهم أنغص
    طنـّش ولا كإنه فهم أو حس
    أجل كيف تصير صلة الرحم بس
    لو كل واحد خاف على بيته وأندس!!!


    لا تزعلوا يللي بتقروا كلامي
    هو تفتيح عيون وادآني
    للي يكون على شاكلت الأول والتاني
    وعلى قول المثل:
    إللي على راسه بطحه يحسس عليها
    و إللي آكل لحمة نية تمغصه بطنه بيها.


    تفسير لبعض الكلمات..



    لوطيس : الحركة.
    خبيص : إرتباك.
    يستنوا : ينتظروا.
    تعيمة : طعام متنوع من النواشف والحوادق
    يتضمن جبنة وزيتون وحلاويات.
    ونوع خاص من الخبز{الشريك}وغيرها .
    عزيمة : إجتماع الأهل والناس.
    مخطط : أرض واسعة وقد حددت للبناء
    فسحة : مسمّى قديم لغرفة في بيوت زمان
    مخلوان : مسمّى قديم لغرفة في بيوت زمان
    مبيت : مسمّى قديم لغرفة في بيوت زمان
    خزانة : مسمّى قديم لغرفة في بيوت زمان
    ديوان : مسمّى قديم لغرفة في بيوت زمان
    تزروط : أي تخرب
    تتمطط : تطول
    تتنطط : تلعب وتجري
    تزغطط : تفرح وتمرح.
    كبش : طلي أو خروف أو غنم.
    المساند : مايسند عليه الظهر.
    الجلايل : من أنواع الفرش
    الطوالات : من أنواع الفرش القديمة وماتزال.
    الحنابل : من أنواع الفرش القديمة وماتزال
    العفش : مجموعة من أثاث المنزل؟
    قروشت : كثر الغلبة والثرثرة.
    الهرج : الكلام
    حش : غيبة ونميمة
    طنش : الا مبالاة
    شاكلت : مثل.
    دمياطي : بلاد دمياط في مصر وخشبها من
    أجود الأنواع.
    <!-- / M.Ysser هاك حفظ حقوق الموضوع لموقعك تعديل وتطوير mr.product - برمجة -->
     
  2. المكااااوي

    المكااااوي تاجر مميز

    إنضم إلينا في:
    ‏6 يونيو 2009
    المشاركات:
    520
    الإعجابات المتلقاة:
    0


    كل كلمه من الواقع وهذا اللي بيصير في كثير من بيوتنا

    في القلب حسرة على ما وصلنا اليه

    وغير الأخت شايله على أختها وألأخ يقول لأخوة إنت إيش عندك أنا عندي أحسن

    وهات من هذا الكلام اللي ما يزيد الا شحن وبعد وقطيعه

    تسلم يدك اختي الكريمه على النقل الجميل والممتع
    والناس ماهي ناقصه أكل

    نبغى الجمعه ولم الشمل والقلوب تصفى


    يا هو....
    ترى الواحد ما هو بشهوة عفش
    ولا مشتهي يشوف فرش
    ولا جيعان للحّمة كبش
    ولا قروشت هرّج وحّش..
     
  3. الصوت البعيد

    الصوت البعيد تاجر مميز

    إنضم إلينا في:
    ‏20 أكتوبر 2010
    المشاركات:
    282
    الإعجابات المتلقاة:
    3
    سلمتي على روعه نقلك
     
  4. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    مشكورة يامكاوية

    وزي ماقال اخونا المكاوي الهدف هو الاجتماع
    والا الحمد لله والشكر لله كلنا اكلين شاربين في بيوتنا ومستورين بستر الله

    وزي ماقال المسل قابلني ولا تغديني

    غير الديون والسلف
    يعني بصراحة استغرب من الشباب يتجوز بالسلف والدين ويفرش بيته ويشتري سيارة بالاقساط
    ويدبش بالدين
    طيب ياولد الحلال ما تفكر شوية من فين رايح تسدد الديون هادي كللللللللللللها
    تبغى تعيش طول عمرك في هم وغم ونكد
    ليش ما تعيش انت وحرمتك على قدكم
    وانت ياحرمة ليش ما تكوني معينة لزوجك بتخفيف الطلبات
    وازا اهلك اتكلموا قولي لهم هادا جوزي شريك حياتي واحنا متفاهمين على كل شي

    غير البنات وعقلهم القاسي
    والله كم ملكة وشبكة حضرناها كل وحدة لا زم تتفاخر بليلتها انها احسن من صاحبتها وقريبتها
    هيا اسمعو الحاجات الجديدة

    كاسة عصير كبيرة كأنها جالون زمزم مزبرقة ومزينة علشان جوغمة اجارها بهديك الحسبة
    توازيع ومباشرات يمكن صحون التقديم وزينتها اغلىمن الاكل المحطوط جوتها
    دفتر للزكريات بهديك الحسبة
    مصورة على مستوى عااااااااالي تاخد نون ومايسطرون
    غير فرقة الاغاني والاشعار والقصايد
    والشي الجديد يستأجرو وحدة تغطرف
    ووحدة تطق رقبة واصباع

    حتى مفارش الطربيزات لازم يكون لونها زي لون فستان البنت
    والمشكلة الكبرى انو اهل البنت مستورين وعلى قد حالهم

    يعني يابنتي تبغي ابوكي يروح يتسلف والا يصرق !!!!!!!

    أعظم النساء بركة أيسرهن مؤونة اللهم صلي وسلم على سيدنا محمد الى يوم الدين

    بعدين ندور البركة في بيوتنا ما نلاقيها
    والله الاهل حكوني البارح على كم بنت يعرفوها ماغلقت سنة او سنة ونص الا ومطلقين

    ياحراااااااام بنات صوغار ودخلو تحت مسمى مطلقة
    ايش رايحة تستفيد من الجخجخة والفخفخة اللي سوتها

    المهم التوفيق

    وازا جيت تتكلم يقلك كلها رفودة من الناس

    الرفد ياحبايب والجمايل هادي شيك مؤجل السداد
    يعني قرض بوفا

    يعني انا اعطيتكم رفد في جوازكم ب5000 ريال
    بكرة النهار لو سارت مناسبة عندي رايحين تردوها

    زمان يقولوا مافي بين الاقارب والحبايب جمايل

    لكن الزمن هادا للاسف كل مين يتمنن على التاني انه ساعده واعطاه

    وربي يهدي ماخلق

    وسامحونا لو قروشنا راصكم
     
  5. مكاوية بعسل

    مكاوية بعسل تاجر مميز

    إنضم إلينا في:
    ‏2 يناير 2011
    المشاركات:
    346
    الإعجابات المتلقاة:
    0
    أخي الكريم مكااااوي...تحية عطرة ..


    أولاً نعتذر عن التأخير بأسباب عطل النت .

    ثانياً: مشكور على رد ك الذي يثلج الصدر ..
    وصدقت الواحد ماهو بشهوة يشوف عفش.
    الواحد يبحث عن صلة الرحم وبس..

    طيب إيه رأيك فيما سأنقله لكم من أبيات
    {{عزيمة جواز}}
    أنتظرد ردك

    لاعدمناك مكااااوي.
     
  6. مكاوية بعسل

    مكاوية بعسل تاجر مميز

    إنضم إلينا في:
    ‏2 يناير 2011
    المشاركات:
    346
    الإعجابات المتلقاة:
    0
    أخي الدهليز .....تبارك الله عليك ..
    وفيت وكفيت بالرد على هذا الموضوع ...بس زدة زيادة مرة حلوة وعلى قولهم مرستكة ..

    {{{كاسة عصير كبيرة كأنها جالون زمزم مزبرقة ومزينة علشان جوغمة اجارها بهديك الحسبة
    توزيع ومباشرات يمكن صحون التقديم وزينتها اغلى من الاكل المحطوط جوتها
    دفتر للزكريات بهديك الحسبة..}}}.

    كلماتك ذكرتني بأبيات مشابه إسمها :
    {{{عزيمة جواز}}
    سأنزلها وأنتظر ردك.

    وكم أُحب الأمثال وأتناقلها لكن من أيت دهليز في مكة عترت على هادا المثل؟؟
    وعلى قولة المثل 000
    صندقة مرتبة 000 ولا قصر مكركب..
    عجبني جداً
     
  7. مكاوية بعسل

    مكاوية بعسل تاجر مميز

    إنضم إلينا في:
    ‏2 يناير 2011
    المشاركات:
    346
    الإعجابات المتلقاة:
    0
    أخي الصوت البعيد...

    مشكور على الرد لاعدمناك
     
  8. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    مرحبابك ياستي الحمد لله حصلنا ناس مهتمين بالتراث والشغلات القديمة
    لاني صاير زي الزوووعة في السوق :021:
    وكل مين يسأل هادا ايش معناه وهداك ايشكلو :cnf3:

    المسل هادا وغيره من الامسال من دهاليز الشامية والفلق :214: اللي راحت مع الهدد
    والله يرحم اهل اول سبحان الله ما عندهم هرج وطق حنك في الفاضي والمليان
    مايهرجوا الكلمة الا ولهم قصد وغاية
    والامسال تختصر كلام كتييييييير في كلمتين تجيب المعنى وتحلية للكلام على قولهم

    يالله هادي كم كلمة افتكرناها استلو عليها بكاسة حليب وفصفص :p5088:


    طل + وايق --- يعني شوف بعينك
    ابرشمك ---- يعني اخلط خلقتك في بعضها يسير ماتعرف الوش من القفا
    هات يدك --- يعني تعال ساعد وأفزع
    تعال اطفح + طافوحلي+ اتسمم -----يعني تعال كل
    برسيل ---- تايد
    جافيه ---- الشامبو
    دوا الغسيل ---- زي الكوروركس
    مخمج---- معفن
    مدخدخ+ مضخضخ ----- يعني وجعان وتعبان
    عساك اللسنة ---- يعني اسكت ربي يكتمك
    اللون القاحوطي ---- زي لون الطحينة
    شاهي بحليب ---- البيج
    افلاطوني ---- البنفسجي
    بمبة ----- وردي
    مستكاوي ---- نباااتي
    الله يلعن جرمك على جرك ----- يعني كلك على بعضك
    تكبيس ---- المروخ
    امسد الشماخ ----- يعني اكويه
    اقرض + اخمش التوب في الطشت ------يعني غسلو او غسل محل الوصاخة بالتحديد
    سكتم بكتم + جرمة + هنا حفرنا هنا دفنا -----يعني من غير محد يدري
    الله ينقور وينخور عينك ---- يعني الله يقلعها البعيد


    الهفقان ---- سرعة القلب من كتر الدقدقة
    مرمش اللحمة ---- يعني فصفص وقطع
    كركرة---- الضحك والصهللة
    كوركورة --- هادي الدلع حق اللحمة للبزورة



    الله يتبصر فيك يا بعيد ---- يعني الله يكافيك ويجازيك بحاجة مهي طيبة
    اهبط ---- يعني افتر وانطق وبلاشي حركة زايدة
    النفس---- العين والحسد
    الا كل صامد او صماااد --- يعني مافيلو ملح
    الاكل شرش ----- يعني ملحو زيااادة
    اكشك بالشاهي ---- يعني ارش عليك واروشك واحرقك البعيد
    اقدحو + اصنجو ---- يعني اضربو ولاترحمو
    كفتو --- يعني كلبشو
    اكفش------ امسك
    ولولة ---- يعني الزعيق بصوت عالي وخصو الحريم اللي من بيت الغجر
    البلبعة ---- يعني يشرب وياخد حاجات مهي مفيدة او ضااارة
    ادفس+ اترس في بطنك ---- يعني كل وملي
    العدوة ---- البطن
    النخفشة ---- يعني كيف اقلكم حاجة مدسوسة وباين طرفها تجلسو تلعبو با صباعكم وبيدكم علين تندروها
    الدسدسة----- الخشخشة
    ورور+ اكة+ نجفة ----- الراجل الحلو الوسيم اللهم صلي على النبي

    فااااالج ---- شلل البعيد



    واق ويق ---- غلبة وصراخ البزورة
    لاتقروشها --- يعني بلاشي من طول الكلام والهرج الكتير
    امسك الجاااادة --- يعني امسك طريقك
    الفرصعة +البحلقة + الفنجلة--- يعني زي ماتقول تفك عينك علين لمن بدها تسقط علشان تفجع البزورة
    هول الليل+ بسم الله +الجنانوة ---- هدول الجن اصحاب حبمباااا اللي يموت في بيض الكوكو
    يدي اتملخت --- يعني اتلوت وانشتلت
    امصع ادنك --- يعني افركها واقرصها علين تحمر
    ترللي+ دخلنا خرجنا ---- يعني زي المجنون ما ياخدو على كلاااامو
    ادمي فصوووولي ---- يعني يحب البكش والهرج معاه ما يزهق ولا يجيب الطفش
    قلبو قااابض --- يعني اللي قلبو كافش وحاسس انو حتسير شغلة مو قد كدة
    صدرو طاااابق ---- يعني مكتوم البعيد
    الله يكتم نسمك --- يعني نفسك
    الحق او الحوق ----- يقولوه على العلبة او على الكوووع
    فاشوش+ فشنك --- يعني كل الهرجة على فااااضي مهي مستاهلة
    الخوت ---- الدوخ والصرعة




    الدقلجة --- هادي البزرة لمن دوبها تتعلم المشي تمشي وتطيحتقوم وتجلس
    النقنقة+ التلبيبة + التصبيرة ---- كلها يقولها على الاكل الخفافي اللي بين الوجبات
    عساك الفقدة البعيد --- يعني الله يضيعك ويشردك عننا
    استمهل--- يعني على مهلك
    الساق ويق --- تعب والغلب
    الله يخرط بطنك ---- الله يجيبلك اسهال الله يكرمككم
    الله يقص حيلك ---- يعني من كتر الفجعة
    الفرطحة --- هو اللي يتمدد لاشغلة ولا مشغلة زي الضرب على الركب
    الهمبرة واللنقبة --- الدشرة والصرمحة وهادي تنقال للحرييييييييم
    عافية ربي ---- يخوفو بيها الصغار وقت المطرة يسير يبطلو الشقاوة وينطقو في محلهم
    حاجة مدردمة --- يعني مدورة
    دندرمة ---- ايسكريم
    ازنقك --- اعزقك


    بيت الما --- الحمام الله يكرمكم
    المركب---- المطبخ
    الدقديق--- البطانية
    الدحديرة---النزلة الجاااامدة
    الكرمة حق التوب هادي تنحط في الكم يسووها زماااااان علشان الولد لمن يكبرويدو تسير طويلة
    يفتقو التنية الصغيرة ( قد اصباعين ) عند الكوع يسير يطول الكم

    زي الرصخ هادي الكلمة تنقال للحاجات التقيلة
     
  9. مكاوية بعسل

    مكاوية بعسل تاجر مميز

    إنضم إلينا في:
    ‏2 يناير 2011
    المشاركات:
    346
    الإعجابات المتلقاة:
    0
     
  10. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    مرحبابك ياستي وهادا من طيب اصلك
    وان شاء الله انا تحت امر مكة واهلها وزوارها على قد ما يقدرني ربي

    وجزاك الله خير على الدعوتين الحلوة ربي يحلي ايامك
     
  11. moony$

    moony$ تاجر مميز

    إنضم إلينا في:
    ‏8 أغسطس 2010
    المشاركات:
    386
    الإعجابات المتلقاة:
    0
    الله يعطيكي العافية يا مكاوية يا عسل على هذا النقل الحلو
    والله انك صادقة بكل كلمة
    ماحد صار فاضي لاحد و يمكن في السنة حسنة>>يعني في السنة مرة:pاذا صارت لمة ولا جَمعة و تصير في استراحة علشان البيت لا يتوسخ و ينعدم و يجيبوا مباشرات يخدموا
    و تلاقي كل وحدة ضاربة صدر>>>يعني متصدرة>>>يعني جالسة متفرطحة ما تشيل القشة من الارض:D
    و كل وحدة تجلس تِمكت التانية>>>تمكت يعني تنقض:021:
    الله يصلح الاحوال يا رب
     
  12. مكاوية بعسل

    مكاوية بعسل تاجر مميز

    إنضم إلينا في:
    ‏2 يناير 2011
    المشاركات:
    346
    الإعجابات المتلقاة:
    0
    أخي العزيز الدهليز..

    مشكور على الرد سيدي وتستاهل كل خير . مو بس دعوتين.
    هي جاك أول تفسير ... إيه معني {{سلبطة}}
     
  13. مكاوية بعسل

    مكاوية بعسل تاجر مميز

    إنضم إلينا في:
    ‏2 يناير 2011
    المشاركات:
    346
    الإعجابات المتلقاة:
    0
    ويعافيك ياعمري .moony$.....


    صدقتي الواحد مشغول فاضي في نفس الوقت ويتمنى جمعت الحبايب.بس خدي الأحلى ..
    إذا أتكرموا الأهل بمثل هادي الجمعات يتركوا الأولاد والبنات الكبار والقطع { من 10 ومافوق} إللّي لازم هم يتعرفوا على أهلهم وناسهم من خلال هادي الجمعات . ففي مرة بنات في المتوسطة زميلات أتقابلوا في إجتماع لناس من أهاليهم .. وبعد سين وجيم طلعوا قرايب.من اللحم والدم..هي إيه رأيك ؟!.

    مشكورة عزيزتي على الرد الله لايحرمنا من وصالكم..
     
  14. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    كيف نشرحلك هيا :021:

    فلان يحب السلبطة
    يعني ابو البلاش كتر منو
    مايحب يدفع ولا يسلم وعايش سفلقة :p5088: على خلق الله

    هيا لا تقولي ايش يعني سفلقة
    لاني حوضح معناها بكلمة يبغالها توضيح :021::021::021:
     
  15. مكاوية بعسل

    مكاوية بعسل تاجر مميز

    إنضم إلينا في:
    ‏2 يناير 2011
    المشاركات:
    346
    الإعجابات المتلقاة:
    0
    مشكور سيدي فهمت واكيد سفلقة أختها في المعنى .{رديفتها} لاعدمناك
     
جاري تحميل الصفحة...
المواضيع المشابهة التاريخ
خدمات وحدات سكنية للبيع داخل مشروع سكني بيت مكة 36 ‏14 أكتوبر 2016
خدمات وحدات سكنية للبيع داخل مشروع سكني بيت مكة 36 ‏10 أكتوبر 2016

مشاركة هذه الصفحة