1. مرحبا بكم في أسواق ستي أكبر المواقع التجارية شعبية
    إستبعاد الملاحظة

غلا مو طبيعي في الجبيل هل توافقوني الرأي ؟؟؟

الكاتب: o-badr-o, بتاريخ ‏1 يناير 2011.

  1. o-badr-o

    o-badr-o تاجر

    إنضم إلينا في:
    ‏3 أكتوبر 2010
    المشاركات:
    23
    الإعجابات المتلقاة:
    0
    بسم الله الرحمن الرحيم

    اخواني واخواتي في مدينة الجبيل الصناعيه من الملاحظ في الفتره الاخيره ان اغلب محلات الجبيل صارت اسعارها ناار وكل شي زاد سعره وكأن راعي المحل يقولك تبي والا اقلب وجهك في غيرك يجي يشتري بهالمبلغ اتركو محلات الملابس على جنب يعني يمكن الاغلب يشتري من ماركات والاسعار متحدده عندهم ويسوون لك قلق بهالسالفه لكن

    المطاعم : الاسعار مرتفعه جدا في مطاعم الجبيل بشكل خيالي حبه دجاج ب 30 ريال مع انها بالدمام تباع ب 24 ريال فرق سته ريال , نفر اللحم تاخذه ب 50 ريال الحين بالدمام ب 35 ريال فرق 15 ريال انا مني من النوع الي اخذ وامشي اشوف نوع الدجاج ويكون بلدي مو مستورد لاحظت بالدمام اغلب المحلات نفس الدجاج مافي فرق بل بالعكس يمكن بالدمام الطبخ افضل واطعم هذا حزء بسيط

    محلات الاثاث والسجاد والستاير , محلات الكمبيوتر , محلات الجوالات ومستلزماتها , الاجهزه الكهربائيه , البوفيهات الصغيره , بعض السوبر ماركت , الحلاقين حتى هم تجي بعدة الحلاقه وكل شي من عندك وياخذ عليك 15 ريال حق حلاقة دقن كل السالفه عشر دقايق .... وغيرها كثير

    لم اتحدث عن العقار وعن المحلات وعن وعن وعن والله شي يخليك تكره تتسوق بالجبيل بس انت مجبور

    المشكله ان اغلب الناس تدفع وهو مغلوب على امرهاا ..

    بل الان لما تروح للدمام والخبر ويعرف صاحب المحل انك من الجبيل يرفع عليك السعر ؟

    الامر جد محير والاغلب يشتكي من هذه الظاهره ..

    هل هذه ظاهره منتشره في الجبيل ام انه مجرد اوهام اتوهمها ؟؟
     
  2. هزاع11

    هزاع11 تاجر مميز

    إنضم إلينا في:
    ‏24 أكتوبر 2009
    المشاركات:
    116
    الإعجابات المتلقاة:
    0
    رد

    صدقت والله
    المشكله هالعماله الي في محلات و ليس عليهم رقابه من حمايه المستهلك
    كلن يبيع على كيفه
     
  3. للاسف لايوجد رقابه على الاشخاص الي يبيعو
     
  4. فهد الجبيل

    فهد الجبيل تاجر مميز

    إنضم إلينا في:
    ‏23 يونيو 2009
    المشاركات:
    257
    الإعجابات المتلقاة:
    0
    وش انسوي ما باليد حيله لا حسيب ولا رقيب
    يارب ترحم الحال بس
     
  5. kalid2009

    kalid2009 نور الظلام

    إنضم إلينا في:
    ‏30 نوفمبر 2008
    المشاركات:
    293
    الإعجابات المتلقاة:
    0
    بالنسبة لي والله الكثير من أغراضي اشتريها من الدمام

    الملابس وأدوات المدرسة والمواد الغذائية بالجملة آخذها من الدمام ،،

    الخضار والفواكه آخذها من الدمام أو إذا اضطريت آخذها من المشعان بالجبيل البلد ....

    والله فيه فرق كبير كبير جدا مابين اسعار الجبيل واسعار الدمام .

    وبعدين الدمام قريب يعني لو كل واحد يروح الخميس أو الجمعة ويأخذ جميع اغراضه من الدمام يكون أفضل .
     
  6. محترف الجبيل

    محترف الجبيل تاجر

    إنضم إلينا في:
    ‏12 ديسمبر 2010
    المشاركات:
    19
    الإعجابات المتلقاة:
    0
    مالك الا الصبر والعتب على المختصين في هذا المجال
     
  7. elama

    elama تاجر

    إنضم إلينا في:
    ‏23 فبراير 2010
    المشاركات:
    47
    الإعجابات المتلقاة:
    0
    انا معك بالفعل حتى العقار هبال مو طبيعي هنا ندفع 60 الف اجار لفيلا بالدمام
    تعيشني بقصر

    والخضار والفواكه فعلا ناخذها من الدمام او من الجبيل البلد سوق الخضار لانه مره غالي خيرات المزرعه وغيرهم الي بالفيحاء

    انتي تدرين لما رحنا مكه ارسلنا اخوي يجيب لنا ماي حار من مجمع زمزم اخذوا منه 5 ريال

    ولما ارسلنا خدامتنا الاندونيسية اخذوا منها ريالين

    وامور اخرى كثيرة يعني المسالة مسألة نصب بصريح العبارة

    ولعلمك عمتي وعمي بالرياض

    اذا جو للشرقية يشتكون من غلا الاسعار ويقولون الشرقية لالالا يبيلها ميزانية مره غاليه !!!!
     
  8. ابوحمد.

    ابوحمد. تاجر محترف

    إنضم إلينا في:
    ‏11 مايو 2010
    المشاركات:
    7,377
    الإعجابات المتلقاة:
    3
    الجنس:
    ذكر
    الوظيفة:
    رجل اعمال
    الإقامة:
    الساحل الشرقي
    ياخي الغلا نتاج تسيب وعدم متابعه وصدقني الجشع في اغلب التجار واذا لم يكن هناك رادع فعلى الدنيا السلام
    الجبيل الصناعيه تقارن ببعض العواصم الاوربيه في الغلا وياليت فيه شي يستاهل !!!!!
    ولكن من امن العقوبه اساء الادب
     
  9. قم بس قم

    قم بس قم تاجر

    إنضم إلينا في:
    ‏7 يونيو 2010
    المشاركات:
    10
    الإعجابات المتلقاة:
    0
    اي والله والمشكله حتى وضائف مافيه انا كم ليه وانا ادور وضيفه عشان اساعد زوجي ما لقيت لان شهادتي ثانوي لكن مانقول الا الله المستعان
     
  10. روعة حضـوري

    روعة حضـوري تاجر مميز

    إنضم إلينا في:
    ‏26 أكتوبر 2008
    المشاركات:
    547
    الإعجابات المتلقاة:
    0
    الرواتب رواتب العشرينات الظاهر اول ما بدأ التوظيف

    في الخليج,, ماتغيرت الرواتب ولا زادت>>والله اخاف يجي يوم تنقص على منة هالـ15 بالمية!

    والاسعار اسعار الـ2030!!

    واشلون ما تبون الناس تستخف والوزير مكبر المخده ونايم طال عمره!

    واللي يقول يشتري من الدمام من زين الطريق اللي كل كيلو تمشيه حادث!!

    ما اوصل الدمام الا مسدودة نفسي من الحوادث وزحمة الطرق نص ساعة عشان

    بس تفتح الاشارة!الله المستعان بس.. كل ما نطقها عوجا اربط مجنونك لا يجيك اللي اجن منه!

     
  11. fahad2011

    fahad2011 تاجر

    إنضم إلينا في:
    ‏29 مارس 2010
    المشاركات:
    2
    الإعجابات المتلقاة:
    0
    اكثرو من الا ستغفار والتسبيح استغفر الله استغفر الله
    استغفر الله

    سبحان الله وبحمده ==سبحان الله العظيم
     
  12. ام شذى1

    ام شذى1 تاجر مميز

    إنضم إلينا في:
    ‏12 مايو 2010
    المشاركات:
    352
    الإعجابات المتلقاة:
    0
    لاوالكذبه الكبيره لاجيت عند اليماني يطق لك يمين انه ماباع بهذا السعرلغيرك من متى المعرفه الله يهديه الدمام صعب المشوار والجبيل نار يعني عميا تمشط مجنونه والتجار لويستثمرون بالجبيل والله يكسبون ذهب وبنفس الوقت يغيرون الكثير بالجبيل والله مومستفيد الاالعماله الاجنبيه اذا اشتغلوا اشتغلوا صح دايم اشوفهم يجيبون خضار من الدمام ويبيعونها بالجبيل وعيالنا مستحين من هالشغله موفالحين الاباستخدام البلاك بيري الله لايسامح من اخترعه
     
  13. alkanan1401

    alkanan1401 تاجر

    إنضم إلينا في:
    ‏24 مايو 2009
    المشاركات:
    92
    الإعجابات المتلقاة:
    0
    يا ناس احنا في نعمة
    صح الراتب كله اقساط
    والواحد ممكن ياخذ بيت بعد 60 سنة
    يعني ما يتهني فية
     
  14. japanese girl

    japanese girl تاجر

    إنضم إلينا في:
    ‏18 يوليو 2010
    المشاركات:
    27
    الإعجابات المتلقاة:
    0
    فعلا اوافق الراي
    الجبيل و خصوصا الصناعيه فيها اشياء غاليه بزايده مقارنه بالدمام
     
  15. mahae

    mahae تاجر

    إنضم إلينا في:
    ‏11 ديسمبر 2010
    المشاركات:
    6
    الإعجابات المتلقاة:
    0
    غلا موطبيعي • وأسعار مرتفعه ومن ينزل الراتب طار ع مقاضي البيت واستلزامات. لكن ندعو الله يرفع هالغلا عنا
     
جاري تحميل الصفحة...
المواضيع المشابهة التاريخ
خدمات مخيم للبيع في الجبيل الصناعيه ‏الإثنين في 15:32
تأجير سائق خاص في الجبيل الصناعية ‏18 نوفمبر 2016
مطلوب معلم لغة انجليزية اردني في الجبيل الصناعية ‏29 أكتوبر 2016
مواد غذائية مطعم للبيع في الجبيل البلد ‏6 أكتوبر 2016
مواد غذائية تم وصول عسل سدر الطايف ‏6 أكتوبر 2016

مشاركة هذه الصفحة