1. مرحبا بكم في أسواق ستي أكبر المواقع التجارية شعبية
    إستبعاد الملاحظة

ادخل ولك اجر ان شاء الله

الكاتب: مكافحه, بتاريخ ‏23 ديسمبر 2010.

  1. مكافحه

    مكافحه تاجر

    إنضم إلينا في:
    ‏24 أغسطس 2009
    المشاركات:
    34
    الإعجابات المتلقاة:
    0
    السلام عليكم

    كيف الحال

    انا ابغى منكم مساعده

    ابغى محل يبيع سبح ملكيه حلوووه ويكون سعرها فيها يعني ماابغى اي سبحه

    انا جربت القزاز
    عبد الصمد القرشي
    ومحلات السبح
    وجربت مركات ثانيه
    بس ابغى وحد تكون حلوه وشكل راقي جدا ويكون فيها عوده يعني شي مرتب ويكون فيها كرستالات بس تكون رجاليه

    اللى يعرف محل يقولي عليه ولا يقصر معي
    واللى يعرف يصمم كمان لا يقصر عليه

    وكمان ابغى قلم حبر لاني احب الاقلام بس ماابغى من عند القزاز لانه حرامي صراحه مره عنده غاليه
     
  2. كب كيك

    كب كيك تاجر مميز

    إنضم إلينا في:
    ‏13 فبراير 2010
    المشاركات:
    400
    الإعجابات المتلقاة:
    0
    في محل في سوق ذي المجاز - الدور التاني عندو اشياء كلها بالأحجار الكريمة مرة حلوة
    موفقه
     
  3. جورى2010

    جورى2010 تاجر محترف

    إنضم إلينا في:
    ‏2 مايو 2010
    المشاركات:
    7,143
    الإعجابات المتلقاة:
    0
    ممموفقة بطلبك
     
  4. فرحة امل

    فرحة امل تاجر محترف

    إنضم إلينا في:
    ‏23 أكتوبر 2010
    المشاركات:
    1,162
    الإعجابات المتلقاة:
    0
    الله يوفقك
     
  5. مكافحه

    مكافحه تاجر

    إنضم إلينا في:
    ‏24 أغسطس 2009
    المشاركات:
    34
    الإعجابات المتلقاة:
    0
    الله يوفقكم

    ويسلمووعلى ردكم

    بس انتو ماتعرفون محل مخصص لسبح في مكه
     
  6. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    وعليكم السلام ورحمة الله وبركاته
    ياستي السبحية اشكلهم قفلو دكاكينهم مع الهدد بالزات اللي جمب الحرم

    في دكان كبير قبال مقبرة المعلاة مليااااااااااااان سبح اللهم صلي على النبي
    ويبيع بالجملة جربي روحي ووايقي على الانواع اللي عنده

    وبيني وبينك ازا انت رحتي المحلات الكبار وما ناسبتك مني داري هل الدكاكين الصغار تمشي الغرض
    لاني اللي فهمتو انتي شردتي منهم علشانهم مغلوانية
    بس لاتنسي انتي تدوري على الاحجار الكريمة و كريستالات ومعتقة بالعودة
    اكيد هادي المواصفات تكون غالية
    ومهما كان سعرها غالي في الاول والاخير محد رايح يضحك عليكي ويبيعك سبحة مقلدة او مغشوشة
    الا ازا كان عندك علم ودراية كفاية بعالم السبح

    وسبحان الله وبحمده سبحان الله العظيم
     
  7. مكافحه

    مكافحه تاجر

    إنضم إلينا في:
    ‏24 أغسطس 2009
    المشاركات:
    34
    الإعجابات المتلقاة:
    0
    انا الحمد الله في عندي خبره في السبح مااحد يقدر يضحك عليه لو شو ماااصار

    وبعدين انا ياااسيدي ماااااااااااتركت الماركات ان

    اخذت

    من عندهم وجربتها بس ماهي قد المواصفات اللى انا

    ابغااها


    وبعدين مو شرط تكون الكرستال يعني عادي لو العظم او

    العاج حق الفيل يعني شي عليه القيمه

    وهدا المحل اللى تقول عليه اعرفه اسمه الزهراني اللى

    انت تقصد عليه

    وبعدين انا ماااايهمني السعر ابغى شي مرتب
     
  8. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    والله ياستي مني عارف ايش اقول لك
    ازا كان رحتي للدكاكين الكبيرة والطحاطيح على قولهم وما ناسبك
    لانه الدكاكين الصغيرة يهمهم المكسب السريع والكتير
    وهادا مايقدرو يجيبوه الا بالسبح العايدية والرخيصة
    لانه السبح الغالية لها ناسها وزباينها
    وهدولاك الناس اغلبهم اخدين السبحة ديكور زي القلم والكبك او يقعد يلعب بها ويشوح بها في الهوا

    جربي تروحي ابراج البيت وقف الملك عبد العزيز الدكاكين اللي في الدور الارضي
    ملييييييييييانة اكسسوارات رجالية ومن بينها السبح بس سعرهم غاااااالي زي ماسمعت
    ومادام ماشاء الله تبارك الله عندك علم وخبرة في السبح يعني ما ينخاف عليكي
    ويمديكي تقدري السبح كم تسوى وهل المبلغ مبالغ فيه او لأ
    يمكن يختلف تقديرك مو لسعر السبحة للمكان المعروضة فيه السبحة
    يعني ممكن تلاقي سبحة ب50 ريال ونفس السبحة في ابراج البيت 150

    وربي يختار لك الطيب ويلاقيكي بطلبك
     
  9. مكافحه

    مكافحه تاجر

    إنضم إلينا في:
    ‏24 أغسطس 2009
    المشاركات:
    34
    الإعجابات المتلقاة:
    0
    يسلموو يااااخي على النصااائح

    بس ياليتني احصلها 50 تعرف انا مره اشتريت من عند الزهراني سبحه 5000 ريال وعنده كمان 1000 بس هذي يعني عنده على حسب الذوق فيه باسعار اقل بس مايطلعها لزباين هذي تكون تحت يعني لما تروح تطلبها بالاسم بس انا صراحه مليت من الاشكال اللى عنده وابغى شي جديد

    انا كنت اعرف واحد يشتغل في كسوة الكعبه يعمل سبح مره كويسه بس جوالي انسرق وراح رقمه من عندي مره مقهوره عليه بس يالله ان شاء الله احصل واحد احسن منه
     
  10. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    مادام مجربة كم دكان وكم نوع
    روحي ابراج البيت منتي خسرانة شي
    واتفرجي ووايقي على الانواع اللي عارضينها هناك

    وازا جيتي للحق السبح الاصلية تلاقيها في الرياض اكتر من هنا
    لانه هناك ماشاء الله الشيوخ والناس الكبار موجودين وبكترة
    اعرف واحد من الحبايب جاب من الرياض سبحة ماشاء الله زي القزاز
    وريحتها عودة رميناها في الموية وندرناها والريحة ماسكة ومكلبشة في السبحة زي التهمة البعيد

    لكن عندنا في مكة وانا اولهم ادور على اي سبحة والسلام المهم الواحد يسبح بها
    وما ادقق على الشكل والنوع

    لانه الناس ما تخلي للواحد شي
    اشتريت مرة سبحة مرررررة حلوة ماشاء الله
    والناس جالسة توايق وتطالع فيها
    وانا طالع في الدرجة انقطع الحبل واتفرفطت في الدرجان زي المكارنة
    قلت الحمد لله جات في السبحة ولا فينا

    صدق المسل اللي يقول
    يحسدو الاعمى على كبر عينه

    ومو بس الزهراني كل دكان حتى محلات الدهب والجوهرجية
    يخلو البضايع الغالية على جمب للي يعرفها ويدور عليها بالاسم


    الله يرحم ايام الكسوة كانت تجيني عودة وكلتة من قماش الكعبة شيء روحاني سبحان الله
    بس اللي كنا نعرفهم اتقاعدو والباقين اتوفو الله يرحمهم
     
  11. مكافحه

    مكافحه تاجر

    إنضم إلينا في:
    ‏24 أغسطس 2009
    المشاركات:
    34
    الإعجابات المتلقاة:
    0
    يسلمووو يااااخي

    على قولتك بروح ان شاء الله اليوم وبدور واعطيك خبر

    بس دعواتك ان شاء الله احصل اللى في بالي واشتريها

    والله صراحه انا ابراج البيت مادورت فيها ان شاء الله اروح واحصل اللى ابغااه

    لاني صراحه انا ابغاها هدية ماابغي اهدي اي شي ابغى اهدي شي عليه القيمه ويرفع الراس
     
  12. @الوسمي@

    @الوسمي@ تاجر مميز

    إنضم إلينا في:
    ‏30 أغسطس 2010
    المشاركات:
    769
    الإعجابات المتلقاة:
    0
    الجنس:
    ذكر
    الوظيفة:
    أعمال حرة
    الإقامة:
    المملكة العربية السعودية
    السلام عليكم

    بكم حصلتي سبحة عاج الفيل....؟

    جزاك الله خير
     
  13. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    الله يوفقك ان شاء الله وتلاقي طلبك
    ومادام تبغيها هدية اكيد حتلاقي هناك تغليفات وعلب اشكالها فخمة ويكتبو لك عليها الاهداء
    مو زي السبح ابو ريالين يوزعوها في اكياس نايلو طويلة وتكون مربوطة بسلك وتر
     
  14. مكافحه

    مكافحه تاجر

    إنضم إلينا في:
    ‏24 أغسطس 2009
    المشاركات:
    34
    الإعجابات المتلقاة:
    0
    [​IMG]

    والله على حسب ياااخوي اسعارها يعني انا قبل فتره اخذت سبحه من عند الزهراني من العاج

    تغريبا 3500والله كويسه بس ضاعت عليا ماادري وين راحت

    بس تبغى تعرف الفرق بين العاج والعظم

    العاج يطون لون السبحه لبني كأنه شاي بالحليب

    ام العظم يكون لونها ابيض

    وفيه اقل من كدا في الاسعار فيه 550ريال



    هههههههههههههههههههههههههههههههههههههه


    الله يسعدك يارب والله ضحكتني ان شاء الله تحصل ربي يرزقك بسبحه مره حلووووه



    بس انا ماابغى زي هدا النوع ابغى نوع احسن وافخم من كدا بس هذي الصوره للعاج يعني لونه ونوعه كدا تغريبا
     
  15. المركز العالمي للتجارة

    المركز العالمي للتجارة تاجر محترف

    إنضم إلينا في:
    ‏20 أكتوبر 2010
    المشاركات:
    1,579
    الإعجابات المتلقاة:
    0
    تم ارسال على الخاص
     
جاري تحميل الصفحة...

مشاركة هذه الصفحة