كاش مليون ريال لكن وين ؟

السلام عليكم اخوانى بعنا العقار وجاب مليون كاش احتاج فكرة ممتازة وجديدة ومربحة وبعيدة عن المخاطرة لاانى مااحب المخاطرة بعد الاسهم اللى عندة فكرة يساعدنى جزاة الله خير والله تعبت افكر المبلغ مايجيب عقار فية خير وخايف انى اقوم اسحب منها حتى تطير منى ارجوو منكم جميعااا ان لاتبخلوا على باافكاركم المميزة ودمتم بود

 

................................للرفع

 

................................................

 

اشتري بيت وستفيد اخوي

 

افتح محل تقسيط
بربع المبلغ
والله يرزقك بالرزق الحلال

 

شاكر مرورك العطر لكن انا مااعرف شى عن هالمجال واخاف من سالفة الربا ياليت توضح لنا طريقة التعامل والفائدة الشهرية وطرق التعامل بالعمل من اجل البعد عن الدخول فى الربا واشكر لك اهتمامك ونصيحتك

 

اشكر لك مرورك العطر والحمدلله املك بيت وسيارة وهدفى توظيف المبلغ بشكل صحيح والبعد عن المخاطرة والدخول فى مشاريع مكررة وغير مجدية

 

خذ قهوتك وشاهيك
وبسط بمعارض النسيم
واشتر لك هايلكس 2008 او اكثر بس ماتكون ماشية

وقسطها على الناس
وحط في بالك مساعدة الناس قبل الربح وشف البركة باذن الله
وخذ احتياطاتك على المشتري والكفيل

واقساط شهرية
ممكن تستثمر مبدئيا 300 الف
وبعد سنة اتوقع الارباح بشكل جيد واعلى


اذا تبغى شخص تستفتيه
خل المعارض على يمينك وانت طالع الى جهة مقبرة النسيم
لين توصل مسجد امام الدعوة محمد بن عبدالوهاب
تحصل امامه الشيخ فهد الفهيد

من تلاميذ الشيخ بن عثيمين رحمه الله
ولديه علم وتقى نحسبه كذلك ولانزكي على الله احدا




واذا اخذت بفكرة من افكاري لاتنس حقي من الدعاء
واذا تبي افكار ثانية نتواصل باذن الله


الله يوفقك ويبارك لك في رزقك

 

موفق يارب .....

 

السلام عليكم وررحمه الله وبركا ته

ياخي اشتريلك عماره او عمارتين وتستفيد من ايجاراتها

والله يرزقك من واسع فضله ويسهلك امورك

 

أضم صوتي للأخت دلع
( اشتر بيت ) ويفضل 3 أدوار
لكن حاول تقسم نظام شقق بمعنى الدور (الأول) الأرضي لا تسويله شيء ( أجره بما لا يقل عن 30 ألف )
والدور الثاني والثالث قسمة إلى نظام شقتين كل شقة أجرها لا يقل عن 15 ألف
يعني
دور الأول + الثاني + الثالث = 30 + 30 + 30 = 90 ألف بالسنة
بصراحة أشوف من المناسب تعمل زي كذا
وتقدر بإستطاعتك تزود المبلغ لين يوصل 100.000 ألف ريال وأنت وشطارتك
اسأل الله أن يرزقني وإياك الرزق الحلال ويجنبنا والمسلمين الحرام

تقبل مني خالص التحيه وكل الإحترام

 

مشكور اخوى على الفكرة وهى فى البال الله يجزاك خير

 

مشكور اخوى المبلغ المتوفر مايجيب الا قديم او متهالك او فى حى تعبان اشكر لك مرورك

 

انا شكلي كل يوم امر عليك اعطيك فكرة
خذ مثلا
محل وجبات سريعة ---فطائر وسندويتشات
بس لازم تعمل ديكور بشكل احترافي علشان باذن الله راح تشوف الشغل حلو
وتفتح الفرع الثاني من ارباح الاول وهكذا
فيكون الديكور موحد بك المحلات


انتظرني

 

الله يجزاك عنا كل خير خلاص ننتظر افكارك الجديدة