1. مرحبا بكم في أسواق ستي أكبر المواقع التجارية شعبية
    إستبعاد الملاحظة

ما يسمى بحقوق المرأة ...

الكاتب: منكم وفيكم, بتاريخ ‏16 ديسمبر 2010.

  1. منكم وفيكم

    منكم وفيكم تاجر

    إنضم إلينا في:
    ‏26 يناير 2010
    المشاركات:
    47
    الإعجابات المتلقاة:
    0
    حقــــــــــــــــــــــــــــــوق المرأه باللهجه الحجازيه الجميلة :p5088:

    ما يرفع ضغطي شَي زَي كلمة حقوق المرأة .. وبالذات في السعودية .وهادي المشكلة طلعت متى؟

    بعد 11 سبتمبر .... سبحان الله .. يعني كانوا من ألف وأربعمية سنه نايمين .. وفجأة كده صحيوا

    وقالوا: وه ياندامة .. إيش هادا؟ أتْـرِنُّو إحنا لنا حقوق؟! مادام كده ...

    الإنتخابات البلدية ليه ما نشارك فيها؟ وليه ما نروح هناك ونرقع بالصوت؟

    يا أختي حلال عليكم البلدية كلها .. يعني إيش تبغوا تسووا؟

    تحطوا ضوابط إصدار الرخص لمحلات الحلاقة مثلا؟

    والا تناقشوا سفلتة الشارع اللي يودي على بيت أم إبتسام؟

    والا ليه الشارع الفلاني ما فيه كوفيرة مغربية وكل اللي فيه مصريات؟

    يا أختي ريِّحي راسك . اذا كثير من الرجال ما سوُّوا حاجه ... بالله عليكي حتسيبي بيتك وعيالك وشغلك ... عشان تناقشي مشروع إنتخابي؟ هادا من تمام الفضاوه..

    طيب قولوا لوحْدَه زواج أختها الليلة: بلاش تروحي للكوفيره اليوم يا مدام وتعالي نناقش حقوق المرأة أو نحضر المجلس البلدي و نتخذ قرارات مهمة .. وأترك لكم جوابها .. إيش يكون

    أما عن حقوق المرأة في السعودية .. فياسيدي الست هنا لها حقوق وواجبات ما تتنازل عنها.

    مثلا: في بلدان كثير عربيه وأوروبيه تلاقي شحط طويل عريض جالس في الباص ...وقدامه وحده في الشهر التاسع واقفه على رجولها وشايله طفل تاني على كتفها .... إن الشحط يتحرك؟ .. أبدا...

    إن الثور يحس؟ .....لايمكن.

    لكن هل يمكن يحصل هادا في السعودية؟ أبدا ..

    واللي يبغى يجرب.... الطريق قدامو .... يا عمي العملية كلها دلع حريم في دلع حريم ... رايح أعطيكم بعض الأمثلة وقولوا لي مين اللي آخِد حقُّوقه بالكامل وزياده؟

    وهل عندنا المرأة متساوية مع الرجل .. والا هي أحسن مِنُّو؟

    قال حقوق المرأة .. قال.

    منظر عام

    رجال محترمين زي الورد واقفين أمام صراف في بنك .. وتِجي أختنا في الله

    )اللي يقولو إنها مهضومة الحقوق)

    تتقدم للصراف (ِatm)مباشرة ولا على بالها من الطراطير اللي واقفين من ساعات ..

    وبعضهم مستأذنين من عملهم. طيب ليه ما توقِّف تِمسك سِرا ورا عشرين بنغالي... وثلاثين باكستاني ... وخمسين سعودي... واثنين معقبين معاهم شوية فواتير مقاس إكس لارج

    .. وإذا أحد كلمها وقال لها أتفضلي يا أختي ترد عليه وتقول: لا، معليش. المرأة زَيّ الرجال

    .... خليني في الطابور .... زَيِّي زيكم؟! .... ليش ما تقول كده؟! ... والا هي تماحيك وبَس !

    ونفس المنظرفي الجوازات .... والأحوال ... والتأمينات .. ويقدر أحد... يقول إنه من ظهر أبوه .... يفتح فمُّه؟ ... على طول يسمع العبارة الشهيرة ... ( عيب عليك .... إنت ماتستحي؟ .. هذه حرمة...إنت ما عندك أهل ...((!ويضطرالراجل إنُّه ينكتم ويسكت .. بل إن المرأة تشفع للراجل جوزها عشان يتقدم على الرجال الباقين. في المطار .. مثلا .. ما تشوفهم يطلِّعوا العوايل أوَّل .. وبعدين بقية الركاب؟

    قال حقوق المرأة ... هههه!

    اقتصاديا

    شوف الراجل.. السبع... الغضنفر.. المفتري...له ثوبين أوثلاثة في السنة .. يروح بها العمل، ويحضر بها عزايم وزواجات، ويقابل بها كبار المسؤولين، الخ، الخ، الخ...

    والمرأة بسلامتها .. بقيمة أدوات مكياجها فقط ...

    تقدر تفتح محل خياطة رجالي محترم . ويا ريت تحط من مكياجها في البيت.. لأ.

    دا بَس للخروج ... وقيمة صباع روج والا علبة بودرة تساوي قيمة جوال جوزها

    .. وكمان ازيدك من الشعر قصر .. مو بيت .. من حقوقها فستان لكل فرح. و مكياج.

    وكوفيرة..وجزمة..وشنطه. وكمان خُدوا هادي .. سابع بنت عمي. ملكة أخت جارتنا . ولازم هدية. واللطخ يدفع .مو مهم الفلوس جات من فين .. المهم يدفع .. والدنيا ممكن تنقلب على الراجل واللي خَلَّفوه علشان موضوع (مهم وحيوي زي كده.(

    قال إيه! حقوق المرأة.

    نفسيا

    الزوج مطالب يكون أربعة وعشرين ساعة رومنسي ومبتسم، ولا يبقى جلف وإبن ستين في سبعين..

    ويعني إيه عنده مشاكل في العمل؟! والا أقساط متأخره؟! والافواتير؟! والا مقاضي ما يعرف كيف يجيبها؟!

    مو مهم ..واجب عليه إنه يرجع من العمل للبيت مروِّق ومبسوط وبَس ... كإنه كان في شرم الشيخ مصيف مع نانسي عجرم .. ((مجرد مثل .. تف .. بره وبعيد(( ....

    والست بسلامتها من ساعة ما يرجع من عملو .. وقبل ما يفصخ حوايجو: شوف بزورتك (لاحظوا .. بزورتك) طفَّشوني .. إيش رأيك نغير غرفة النوم؟ التلفون ما فيه حراره ...

    جاتني رساله على الجوال يقولوا الفاتوره طلعت .. أَلحق سّدِّدو قبل ما يوقفوه عن الخدمه ... ... .. ... ومع هادا كُّلو ..لازم يبقى رومانسي.

    بينما هي وبكل سهولة تصحى بسلامتها في الظُهر...وتجد الكارثة الكبرى....يوه ... ما عندنا صلصه ...وبكل رقة تتصل...ألو ألو ...أبو خالد موجود؟ ممكن أكلمه لو سمحت؟ ألو .. إيوه... أنا ..

    حتكون مين يعني؟... المهم ... جيب معاك غدا ... ماهو إنت يا فالح نسيت تجيب صلصه معاك أمس.

    ولإنه موفاضي.. و قرفان من العمل.. يصدق المسكين إنه هو إللي نسي ويقول بكل شجاعة ..... طيب.

    . وفي رمضان: تعبت ....أوف .....إنت داري عن حاجه؟ أنا أبغى خدامة... أنا خلااااااااص .. ومن ثالث يوم رمضان ....مقاضي العيد من جده ...أختي جابت ملابس لها ولعيالها .. إيش أقولَّك بس ... وخُد مشاوير لليييييييييييل ... والراجل المسكين لما ينزل السوق مع مرته ما يقدر يشتري ولااااا شَي لنفسو، لأنو طول الوقت ماشي وراها من دكان لدكان، وشايل زنابيل إلين ما كتفو يتخلع. وهي تطالع فيه وهو يتطوَّح من ثقل الزنابيل .. ولا تقول لُو فزعه .. حتى لو بالكِدِب. وآخرتها بعد ما يرجع البيت تقول لو إنها لِسَّه ما أشترت ملابس العيد!!!!!! وإذا فكَّر ينزل السوق لحالو عشان يشتري شي لنفسو ... على طول يكون مشبوه .. إيش ينزلك لوحدك وسط الحريم؟ .. طيب إنت مو كنت معايا في السوق .. أحد قال لك لا تشتري؟

    قال إيه؟ ... حقوق المرأة.

    شرعا

    المرأة لها حظ من أبوها .... وحظ من زوجها . هادا غيرأمها .. وأخوانها ... وأبناءها .. والراجل مطالب إنو هواللي يصرف عليها مهما كان عندها فلوس.

    وثانيا: الرجال لازم يروحوا للمسجد خمس مرات في اليوم .. جمع وجماعات . حر وبرد .. ليل وصبح .. لازم يروحوا ... بينما الست تصلي تحت المكيف ... في غرفتها... وأجرها زي الرجال تماما .... ياعيني .. يا عيني ..والله الإسلام أعطاكم كتير .... وياريتو يِبان فيكم

    منقوووول للأمانه
     
  2. الكواكب

    الكواكب تاجر محترف

    إنضم إلينا في:
    ‏30 مايو 2010
    المشاركات:
    2,663
    الإعجابات المتلقاة:
    0
    احنا مانبغى الا حقوق المراءة اللي ذكرت بلقران والسنة اللتي شرعها المولى عز وجل النفقة الشرعية من مسكن وملبس وطعام ووو من حر ماله ليس من وظيفتها
    الرحمة والمحبة للزوجة والاولاد
    العدل بين الزوجات تحكيم الشرع وليس القلب بينهم
    000000000000000000000000000000
    هذه هي حقوق المراءة اللتي اختفت من مجتمعنا روح المحاكم وشوف البعد عن الدين اوصلنا لماذا
     
  3. القبلان لتمويل الشخصي

    القبلان لتمويل الشخصي تاجر مميز

    إنضم إلينا في:
    ‏10 ديسمبر 2010
    المشاركات:
    459
    الإعجابات المتلقاة:
    0
    [​IMG]
     
  4. THAMIR

    THAMIR تاجر مميز

    إنضم إلينا في:
    ‏14 أكتوبر 2009
    المشاركات:
    464
    الإعجابات المتلقاة:
    0
    اتفق معك في بعض الاشياء ولكن النساء لهم حق الترشيح والسووواقه وكل شي يقدرون عليه

    المتفرغات <<< قابلني اذا لقيت وبالنسبه في السرا والزحمه ماارضى ع بنت بلدي الى اجبرته الظروف انه

    توقف مع الرجال من الادب انه نقدمهم
     
  5. ss.66ss

    ss.66ss تاجر محترف

    إنضم إلينا في:
    ‏18 أكتوبر 2009
    المشاركات:
    2,850
    الإعجابات المتلقاة:
    0
    وين الحقوق؟
    وين قول الرسول صلى الله عليه وسلم رفقا بالقوارير؟
     
  6. قلم الابداع

    قلم الابداع تاجر مميز

    إنضم إلينا في:
    ‏27 ديسمبر 2008
    المشاركات:
    157
    الإعجابات المتلقاة:
    0
    هذي كلمة مخالفة للشريعة الاسلامية
    فالرجال ليسوا مساويين للمرأة ( الرجال قوامون على النساء )
    وقال تعالى ( كانتا تحت عبديين من عبادنا صالحين ) المعنى زوجاتهم وقال تحت لدلالة كون المرأة تحت الرجل كما قال العلامة عبد الرزاق عفيفي (عضو هيئة كبار العلماء ) رحمه الله

    الصحيح القول الاسلام جاء بالعدل بين الرجل والمراة وليس المساواة
    بالنسبة لكلمة حقوق المرأة والمقصود منها الحقوق في الشرعية كما تقول اخت الكواكب
    احنا الي نعرفه مصطلح حقوق المرأة اي الخروج من الدين والحقوق التي هي الخروج عن تعاليم الدين مثل المساواة مع الرجل وغيرها
    وان كان انتي قصدك حقوق اسلامية فمصطلح حقوق المرأة معروف من ندائات الغرب والفاسقات انه معنى سلبي ضد الدين وانتي تساعديهم على ضد الدين بكلامك حقوق المرأة وان كان قصدك خير
    قولي بالتصريح حقوقنا في الاكل وحقوقنا في القسمة وحقوقنا كذا وكذا من غير اطلاق التعميم في كلمة حقوق المرأة

    تحياتي لكم
     
  7. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,634
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    الله يكملك بعقلك ياكواكب
    كلام موزوووون ماشاء الله

    وياحبايبي حقوق الحرمة ماسمعنا بها الا دحين
    طووول عمرنا وزماننا عايشين مع الحريم قدر وغطا على بعض
    مافي حرمة اشتكت ولا اتشكت

    يعني مسلا الحريم زمان كانوا جهلة واغبياء
    محشومين وسلامتهم
    حتى انه حريم زمان الوحدة منهم تعدل 10 من حريم دحين مع احترامي للطيبين

    وان جينا للامانة حتى رجال دحين ماهم زي رجال زمان

    اختلاف العادات والطبايع لكل عايلة هو سبب اختلاف المعاملة بين الراجل وحرمته
    وعلشان كدة الحرمة مهي لاقية كل حاجة تبغاها ونفس الكلام الرجالمو لاقي طلباته اللي يبغاها

    لكن زمان تربيتي زي تربية التاني والتالت والمليون ان كانوا حريم والا رجال
    كلنا اهل حارة وحدة وعاداتنا وحدة وطباعنا وحدة
    يعني ازا انا ابغى اتجوز الاقي كل بنات الحارة في مقياس واحد من ناحية التربية والاخلاق والعادات

    لكن دحين الجيران جمب بعض وتلقي واحد في الشرق والتاني في الغرب

    تقديم الحرمة في السرا وغيره ان كان من باب الادب والاحترام مافيلو حاجة

    بس ايش رايكم في الموقف هادا
    في متجر المستهلك قبل كم سنة في الكعكية
    كنت ماشي على مهلي بالعربية ورايح للكونتر حق الحساب
    والاقي ماشاء الله قريب 3 انفار قدامي ومعاهم عربيات
    دوبي جي اوقف العربية ويسير ترتيبي الرابع في السرا
    جات حرمة ودفت العربية حقتي طرااااااخ وصقطت على السرا وحاربت وضاربت بالعربية
    علين وصلت للحساب ونزلت الاغراض
    بصراحة مدري كيف ساعتها انعمت بصايري وسبيت اللي واقفين
    وبعدين سبيت الحرمة وما خليت ولا بقيت
    يعني قلة احترام وتقدير للي واقفين او اخلاق حمير استغفر الله ربي يكرم السامعين
    يعني لو جات بالادب وقالت لو سمحتو ممكن تقدموني في السرا
    لكن داخلة عباطة ومسوية نفسها مهي شايفتنا
    ليش محنا رجال مملين عينها

    بس الدنيا سكتت ساعتها ولمت بعضها الحرمة وجلست مخزية في الاخير
    دمي فار ساعتها وبطلت من المقاضي وخرجت بطولي

    والطريقة الجديدة اللي يسوها

    اجي اقلك لو سمحت انت ماشاء الله عندك مقاضي كتير
    انا عندي مقاضي قليل تسمحلي احاسب
    وعلين تعطيلو الدور شويتين تجي الحرمة حقتو وتجر عربية والرجال اللي كلمك
    يقول لحرمته يالله تعالي قوام

    علشان كدة يقلكم المسل ريح القرعة من كد الامشاط
    ان ابغى المستهلك
    اروح يوم الجمعة في الصبح مافي الا نفاخ النار على قولهم
    تتسوق وتتبضع برواااااااقة
    احسن من فورة الدم والنفرزة

    مشكور اخويا منكم واليكم وفيكم

    فكرتنا بالشيخ المسند الله يرحمه

    وفي امااااااااان الله

    سامحونا ياقوارير لو اتكينا عليكم في الرد
    بس والله مو تجني اللي حصل قدامي قلته

    ويارب تسيرو علب احسن من القوارير
    لانه الحرمة قصدري القارورة ازا انكسرت تجرح

    لكن العلبة ازا انفغصت ننفخ جوتها وترجع زي ماكانت

    خبرة سنين في علب السنتوب

    والا موووووووو
     
  8. منكم وفيكم

    منكم وفيكم تاجر

    إنضم إلينا في:
    ‏26 يناير 2010
    المشاركات:
    47
    الإعجابات المتلقاة:
    0
    الف شكر للجميع على المرور العطر
     
  9. منكم وفيكم

    منكم وفيكم تاجر

    إنضم إلينا في:
    ‏26 يناير 2010
    المشاركات:
    47
    الإعجابات المتلقاة:
    0
    سبحان الله وبحمده سبحان الله العظيم
     
  10. انسانـ عاديـ

    انسانـ عاديـ تاجر

    إنضم إلينا في:
    ‏12 ديسمبر 2010
    المشاركات:
    10
    الإعجابات المتلقاة:
    0
  11. أبوعبيدة

    أبوعبيدة تاجر مميز

    إنضم إلينا في:
    ‏29 يونيو 2009
    المشاركات:
    217
    الإعجابات المتلقاة:
    0
    يا هلا بالحريم كلهم

    حريمنا هم أمهاتنا وأخوتنا وبناتنا

    الله يحفظهم


    تعالو معي إلى ماقبل 30 سنه

    كيف كانو الحريم

    صراحة سمعت ان منهم الطيب والبطال

    لكن مش زي دحين

    أذكر أبوي يقول لي صارت الناس قلوبهم سوده يتكلم على اللحين

    وأجلس مع الكبار أسمع كلام عن زمان والله أنبسط

    لكن الحين أتغيرو الناس

    طبعاً إلى من رحم الله

    أروح جهة جامعة البنات في الزاهر

    والله إني أأ سف لم أشوف عبايات الطالبات

    ولمن أشوف المحشمة كأنها غراب بينهم أدعيلها بالخير

    والله ما أدري إيش أقول

    والله أفكر إني معد أجيب عيال للبلاوي إلى أتمنى إنها ما تجي قدام
    منكم

    تعجبني رواقتك
    شاكر لك
    كواكب

    بارك الله فيك وأسعدك الله ما دام تفكير كذا

    دهليز

    تعجبني فيك صراحتك ولهجتك

    والله أني أنبسط لمن أسمع لك

    ولا يهونو البقيه
     
  12. منكم وفيكم

    منكم وفيكم تاجر

    إنضم إلينا في:
    ‏26 يناير 2010
    المشاركات:
    47
    الإعجابات المتلقاة:
    0
    أبو عبيده الف شكر على مرورك
     
جاري تحميل الصفحة...

مشاركة هذه الصفحة