1. مرحبا بكم في أسواق ستي أكبر المواقع التجارية شعبية
    إستبعاد الملاحظة

سامحونا وفي أمان الله

الكاتب: الدهليز, بتاريخ ‏5 ديسمبر 2010.

  1. الدهليز

    الدهليز الـــــعـــــمـــدة العضوية الفضية

    إنضم إلينا في:
    ‏24 سبتمبر 2009
    المشاركات:
    9,635
    الإعجابات المتلقاة:
    4
    الجنس:
    ذكر
    الوظيفة:
    متسبب
    الإقامة:
    مكة الله يعمرها
    السلام عليكم ورحمـة الله وبركاته

    الله يسعدلي صباحكم بكل خير ورضا يا حبايبنا اعضاء وعضوات

    اسواق ستي ومشرفين ومراقبين وعلى راصهم اخويا ابو عمر وأقله ربي يوفقك دنيا واخرة
    تعبناك معانا زي ما بتتعب مع كتير من الاعضاء علشان تساعدهم بس فضلك يتحمل

    الحمد لله على كل حال

    "أتغيبت تقريبا كم يوم عن المنتدى

    لظروف الحمد لله على مقاديرو والله يرزقنا الصبر

    اللي بصراحة أعتبرو زي بيتي

    والاعضاء زي اهلي وناسي واخدمهم بعيني على قد مايقدرني الله
    واشكر كل اللي سألوا عننا

    وحتى الاعضاء كلهم وحشوني ووحشتني مشاركاتهم

    زماااااااااااااان كنت أخش يوميا ساعتين تلاتة

    طبعا متفرقة مو ورا بعض

    لكن كلمالو الواحد بيتعب وبينهلك

    حتى دخولنا صار في اليوم ساااااااعة شي طيب

    وشوية شوية صرنا كل كم يوم نخش مرة مرتين

    نطلطل عليكم ونسلم على الموجودين

    يعني الكلام ملخبط ومشعتر في راصي

    ومني عارف أهرج مزبوط

    حزنا على فراقكم

    يعني مني داري من فين أبدأ أو من فين انتهي

    بس على قولهم

    كل بداية ولها نهاية

    وكل أول له أخر

    وكل نار تصير رماد

    وكل حي مصيره الموت

    وزي مافيه دنيا في اخرة

    والله يحسن خاتمتنا

    وبصراحة يعني

    للأسف لازم علاقتنا معاكم تنتهي اليوم او بكرة بالكتير

    لكن يالله يوم زايد معاكم مكسب وشرف ليا

    وهادي سنة الحياة

    كان بودي أستمر

    معااااكم وأتواصل

    على طوووووول

    لكن هادي سنة الحياة

    وحكم القوي على الضعييييف

    وسبحان الله

    مين داري

    يمكن ألتقي معاكم مرة تانية؟؟

    بس ما اعتقد

    لأنو اللي يرووووح

    صعب يرجع

    الا ازا الله سبحانه وتعالى اراد

    قضيت معاكم ( وانتو قضيتو معايا )

    ايام جميلة و حلوة

    صحيح أحيانا تكون

    مرة حزينة

    ومرة سعيدة

    ومرة تبكي


    ومرة تضحك


    وهادي سنة الله في الحياة

    سبحانك يارب

    تمر الايام في لمح البصر

    كنت معاكم

    من بداية السنة

    واليوم هو موعد رحيلي

    المر والاليم عنكم

    والله يصبرنا على فرقاكم

    هيا اتوصوا في بعضكم خير

    ولاتزعلوا بعضكم بحاجات ما تستاهل

    وخلو صغيركم يحترم كبيركم

    وكبيركم يعطف على صغيركم

    وخلوكم على قلب واحد متفقين

    وشعاركم المحبة والطيبة والاخوة

    زي ما عودتوني دايما

    وكما هو معهود عن المكاويين

    والدنيا اصلا والمنتدى بدو يمشي سواء

    كنت موجود والا مني موجود

    يعني مهو هداك الفراغ اللي رايح اتركه برحيلي

    هيا لا أطول عليكم بالهرج والكلام

    واستودعكم الله وفي حفظه

    وربي يسعدكم ويبارك فيكم

    ويجعل بزورتكم أرضية فيكم

    واللي مو متجوز ربنا يبلغو الجواز والستر

    ويكرمو بالزرية الصالحة

    ويرزقكم من اوسع ابواب رزقو وفضلو

    وراقبو الله في تجارتكم في البيع والشراء واتأكدوا من المكسب انه يكون حلال
    علشان ربنا يبارك فيه

    خاتمة بسيطة :

    ( يابن ادم عش ماشئت فأنك ميت وأحبب ما شئت
    فأنك مفارقه واعمل لدنياك كأنك تموت غدا
    واعمل لأخرتك كأنك تعيش أبدا )



    الوداااااااااااااااااع

    أصعب لحظة

    يعيشها الانساااان

    بس هيا سنة الحياة وشر لابد منه

    صحيح اللي قال

    بني ادم ضعيييييف زي الانسااااان !!!

    ماغلط







    هادا الكلام كلو اللي فوق قالوا لكم عاااام 1432
    وهو مودع ورايح :p5088:


    وان شاء الله نستقبل سنة جديدة تكون خير
    وسعادة على الجميع

    ويتحقق فيها كل اماني الاخوة والاخوات
    واللي يكون عايش ربي يطول في عمره على طاعة

    واللي اتوفى ومالحق السنة الجديدة ربنا يرحمه ويكفر عن ذنوبه وسيئاته

    هيا لاتنسو تشربو حليييييب في الصبح

    وملوخية في الغدا

    وسوبياااااا في الليل

    قال اسيبكم قال

    و اللي خالقك مني مفارقك :021:

    وفي امان الله

    قبل لا اروح

    ايش الهرجة اللي سمعناااها قبل كم يوم

    مدري سمعتوها والا لأ
    يقولو عند الساعة تلاتة صبح يعني اخر الليل
    عند بوابة مكة عارفينها
    هادي هيا والله كلفت الحكومة كتير علشان يبنوها وتكون معلم لمكة
    المهم جات الحكومة والدوريااات


    وقفلو الطريق
    يعني محد يروح لجدة
    ومحد يرجع لمكة
    يعني قبل البوابة بنص كيلو من الطريقين
    واتلمو العساكر والقوات الله يديهم العافية ويجزيهم بالخير ويحميهم من كل شر
    وما قصرو أول ما الناس أتصلو عليهم جو على الموقع على طوووووول


    المهم قربو من البوابة بشويش جماعات جماعات
    يعني انقسمو على شكل صفوف ولمن قربو
    شوية شوية على البوابة

    حصلو واحد عملااااق ملتم اظن قالو انو هندي على ما اعتقد

    المهم هرجوه بالمقرفونااااات وكلموه والا دمي مهو فاهم عليهم
    بس ويستنو كمانة زي نص ساااعة ساعة زمااان

    علين لمن جاء المترجم تبع الحكومة

    وبعد سلسلة من الحوارات والا خد والرد ما بين القوات والعساكر
    ومابين المترجم والهندي

    قالو العساكر للمترجم ايش يبغى هادا الهندي وليش جالس مدسوس فوق البوابة
    والسيارات تحتو ماشين بالهبل ومحد داري عنو
    جاء المترجم وقال الخبر الا كيد للعساكر


    قلهم بيقول الهندي
    والله العظيم
    والله العظيم
    والله العظيم
    مني نازل من فوق علين لمن




    أختم القرااااااان :p5088:<O:p</O:p

    هادي اخر تبابتيك الدهليز في عام1432
    وسامحونا اللي تعب من الوقفة يتفضل ويرتاح

    [​IMG]<

    :p5088::p5088::p5088::p5088:
     
  2. دروب الأمل

    دروب الأمل كن كالغيث أينما وقع نفع

    إنضم إلينا في:
    ‏19 أكتوبر 2010
    المشاركات:
    733
    الإعجابات المتلقاة:
    0
    الوظيفة:
    برج ساعة مكة الملكي
    الإقامة:
    الشرائع CiTy
    ههههههههه ... الله يرج ابليسكـ ياعمدة
    أما الهندي طلع تحفة


    كلـ عامـ وأنتـ وجميع الأعضاء
    والمسلمين
    بصحة وسلامة
    وسنة مباركة على الجميع
     
  3. tota-om yara

    tota-om yara ام يــــــارا - تاجرة ثقه

    إنضم إلينا في:
    ‏24 ابريل 2010
    المشاركات:
    7,041
    الإعجابات المتلقاة:
    0
    الوظيفة:
    تاجرة اطقم تقليد الذهب مس لازووردي باسعار ولا احلى
    الإقامة:
    جـــــــــــــــــــــــــــــــــده-http://mtgry.
    هههههههه وش الهرجه :d
     
  4. سامي طاهر

    سامي طاهر تاجر محترف

    إنضم إلينا في:
    ‏23 ابريل 2010
    المشاركات:
    2,176
    الإعجابات المتلقاة:
    0
    الوظيفة:
    برمجة وصيانة واستيراد قطع غيار
    الإقامة:
    مكة المكرمة
    بسم الله الرحمن الرحيم

    ههههههههههه وربي حسبت الرجال بيقول بروح انتحر ..

    بس الحمد لله ما طلعت انت طلعت السنة القديمة


    غير كذا

    بالله جد هرجة الهنيدي ؟ يبغى يختم ؟

    هههههههههههههههههههه يحسب انه القرآن الكريم اللي على مدخل مكة .. يجيب البركة. .


    الله يعين . .
     
  5. الشمعدان

    الشمعدان تاجر

    إنضم إلينا في:
    ‏10 نوفمبر 2010
    المشاركات:
    67
    الإعجابات المتلقاة:
    0
    هههههههههههههه

    ايش الحركات هذه يا عمدة

    والله جالس أقرأ كلامك من البداية قلت يا الله عسى ما شر

    لساني جديد ومسجل وما أخذنا وأعطينا مع حبيبنا العمدة وبيترك المنتدى ...؟؟

    قلت لأ هذه أكيد مو حركة ..!!

    رجال كبير

    ورزة

    ومحترم

    وكلاموا موزون ما شاء الله

    هههههههههههههههههه

    وصلت لوسط الكلام وأقرأ

    يا الله الكلام مو مزبوط ومشعتر وما ني عارف أزبطوا

    قلت برضه : الله يستر أكيد في حاجة الله يلطف بعبيده يارب ...

    وكمان نسلم على ابو عمر وعلي كزنبكة وحسن ترللي

    والأعضاء والعضوات ونوصيهم على بعض

    :D خ خ خ خ خ خ خ خ خ
    :D


    بس بصراحة

    سحبت فينا تسحيب ههههههههه الله يهديك

    المهم في الأخير جلست أضحك الين بطني عورتني

    وخاصة كمان مع هذا الهندي بيختم القرآن ها ههههههههههه

    وكمان يا دوب الواحد يدخل بس ساعة يطلطل على الأخوان والأخوات بالمنتدى

    أتاريك ما شاء الله تبارك الله عندك حركات الحارة حقين زمان

    وتطلعها في المنتدى

    :clapinghand:


    ههههههههههههههههه

    أسعد الله تواجدك

    ودمت ودمتم دوماً في خير

    كونوا بخير

    :p5088:

    كل عام والجميع بخير 1432 هـ

     
  6. ماسونة

    ماسونة ربي ارزقني من حيث لاأحتسب

    إنضم إلينا في:
    ‏16 نوفمبر 2010
    المشاركات:
    2,331
    الإعجابات المتلقاة:
    0
    الإقامة:
    قلب ايمن ^ــــــ^
    ههههههههههههههههههه

    فجعتني قلت بس الراجل صارلو شي و يبغى يسيبنا !!!!!

    الله يقطع ابليسك يا شيخ

    فطستني من الضحك عل الهندي ههههههههههههههههههههههههههههه

    يا سيدي سنة جديدة حلوة عليك و على بزورتك >>> إش تبغي هادي خخخ
     
  7. ميوره الاموره

    ميوره الاموره تاجر

    إنضم إلينا في:
    ‏25 يوليو 2010
    المشاركات:
    90
    الإعجابات المتلقاة:
    0
    وكل عام وانتم بخير هههههههه كنت عارفه مقلب منك يادهليز وربي ييعطينا كل خير في سنه الجديده سنه باذنالله مليئه بالخير والبركه يااااااااااااااارب
     
  8. بنت الضيافة

    بنت الضيافة تاجر محترف

    إنضم إلينا في:
    ‏5 مايو 2010
    المشاركات:
    1,452
    الإعجابات المتلقاة:
    0
    يا الله ياسيدي من جد شربتني المقلب قسم ب الله دموعي نزلت
    وبعدها شوية صرت باضحك وربي اللي يشوفني يحسبني جنيت ماقول غير الله يسامحك على هيك عملة
    خليتني قعد ت اقول اشبو عمدتنا مو عارف معزتو عندنا ولا ايش
    على العموم مقبولة منك بس من جد لاتعيدها مرة تانية
    ياسيدي ربي يجعلها سنة خير وبركة وستر على المسلمين يارب
    ويخليك ويخليلك كل عزيز وغالي يارب
     
  9. ماسه**

    ماسه** تاجره معتمده

    إنضم إلينا في:
    ‏25 سبتمبر 2010
    المشاركات:
    6,711
    الإعجابات المتلقاة:
    0
    ههههههههههههههههههههههه
    مع اني ما اعرفك بس قلت اشبو
    بعدها موت من الضحك
    من فين جبت قصة الهندي العملاق !!!!!!!!!
    حلوه
    كل عام وانت بخير
     
  10. المكااااوي

    المكااااوي تاجر مميز

    إنضم إلينا في:
    ‏6 يونيو 2009
    المشاركات:
    520
    الإعجابات المتلقاة:
    0
    ههههههههههههههه

    اليوم داخل ابغى ختم للجوازات وورقه تعريف منك الا شفت اليافته:D



    يعطيك العافيه على السرد الجميل

    لكن ابغى أشرب حليب بتوت أخلي السنه كلها حمرا:p5088:

     
  11. بو زياد

    بو زياد تاجر

    إنضم إلينا في:
    ‏23 مارس 2010
    المشاركات:
    93
    الإعجابات المتلقاة:
    0
    الله يعطيك العافية ياشيخ المنتدى...وشكرا على التبابتيك الحلوة
     
  12. التاجرة اليمنية

    التاجرة اليمنية تاجرة حنة يمنية وعسل دوعن

    إنضم إلينا في:
    ‏22 يوليو 2010
    المشاركات:
    7,998
    الإعجابات المتلقاة:
    0
    الإقامة:
    جدة الله يحميها
    الله يحفظك يا عمو دهليز ويطول في عمرك على طاعتو
    يارب انتا وكل المحترمين امثالك
    والله اننا خفنا وشربنا المقلب شررررررررب<<<<صاااااار عصير مو مقلب خخخخ
    لكن الحمد لله انها طلعت مزحة
    والله المنتدى من غيرك مالو طعم
    الله يديم المحبة والمودة بيناتنا
    واما قصة الهندي دي كووووووم تااااني الله المستعان
    ما ادري متى عقولهم تصلح ههههههههه
    <<<<<<<<<قال ايش يختم القرآن<<<<<<<<
    وكل عام والكل بخير وطاعة وسعادة وقرب من الله عزوجل
     
  13. مكاوية والفخر ليه

    مكاوية والفخر ليه تاجر محترف

    إنضم إلينا في:
    ‏21 ديسمبر 2009
    المشاركات:
    1,084
    الإعجابات المتلقاة:
    0
    ههههههههههههههههههه
    وربي موتني ضحك بعد ماانفجعت
    عمدتنا لازم يكون معانا
    على العموم كل سنة وإنتا طيب ياخويا وربي يجعلها سنة سعيدة على الكل مليانة خير يارب
     
  14. tota-om yara

    tota-om yara ام يــــــارا - تاجرة ثقه

    إنضم إلينا في:
    ‏24 ابريل 2010
    المشاركات:
    7,041
    الإعجابات المتلقاة:
    0
    الوظيفة:
    تاجرة اطقم تقليد الذهب مس لازووردي باسعار ولا احلى
    الإقامة:
    جـــــــــــــــــــــــــــــــــده-http://mtgry.
    سؤال يسدح نفسه ايش يعني دهليز ؟:d
     
  15. مكاوية والفخر ليه

    مكاوية والفخر ليه تاجر محترف

    إنضم إلينا في:
    ‏21 ديسمبر 2009
    المشاركات:
    1,084
    الإعجابات المتلقاة:
    0
    أختي أنا أجاوبك ياقلبي بعد إذن العمده
    دهليز يعني السيب
    أو الممر طبعا بلهجة أهل أول
     
جاري تحميل الصفحة...

مشاركة هذه الصفحة