تكفووووون ياجماعة الخير وبالذات اهل الشرقيه اتمنى تساعدووني

تكفوووون ياجماعة الخير وبالذات اهل الشرقيه
(( الدمام - والخبر )) اتمنى انكم تساعدوني
والموضوووووع جااااااااد جدا
انا عندي هواية اصمم هدايا واغلفها واعمل بطاقات مميزه ( بزنس كارت - بوست كارد وغيره )
واعمل مخدات ( خياطه باليد ) بشكل حلو وحسب الطلب وفي برضو توزيعات للأعراس وللمواليد
وتلبيس صواني وكاسات الملكه والزواج للعرسان ودفتر الذكريات وتغليف ألبومات الصور بأي خامه تطلبها الزبونه ..
وخسرت كثير على هالمشروع وسويت اشياء كثير حلوه لكن مع الاسف حاولت اعرضها في كذا مكان وحتى لو جزء من محل صغير لكن بدون جدوى ،،، البعض عرض علي المساعده وطلب نص سعر كل قطعه والله حرام انا مخسره كثير يعني لو نسبه على كل قطعه مافي مانع
والبعض حاولو انهم يسرقون افكاري
ولما حصلت احد يعرض لي بمحله كود البضاعه عندهم مدة سنه ومااعطاني الا ربح بسيط منها
ورجع الباقي بس مع الاسف اغلبهم تالف ووعد انه يعطيني تعويض بس للحين ماستلمت اي شي
انا حابه احد من عيال الحلال او بنات الحلال يساعدوني ويتعانون معاي عشان اقدر اوقف على رجلي وانجح هالمشروع
وانا كتبت هالموضوع في هذا المنتدى لاني لاحظت كثير اعضاء متعاونين ويحبون يخدمون
والله يجزاكم كل خير يارب
واتمنى الجديه والتفاعل مع موضوعي وخوف الله في التعامل معاي


وانتظر ردودكم

ولكم جزيل الشكر
​

 

ابشري يا ام خالد

امري بس وش تبين

اذا عندك شي جاهز للعرض اقدر اعرضه لك واللي يطلع من خاطرك انا راضي فيه

وياليت تراسليني على الخاص

اخوك / ابو خالد

 

مووووووووووفقه يارب

 

اخوي ابو خالد
ياريت ترسل لي ايميلك على الخاص للتواصل والمفاهمه
لان الرسائل الخاصه مااشوفها تنرسل من عندي
ويعطيك الف عافيه

 

انا اشوف انك تفتحين محل صغير باسم اخوك او زوجك محل تغليف هدايا وجيبي فلبيني ينفذ افكارك وسوقي للمحل واعتمدي بعد الله على مجهودك لان نجاحك يعتمد على علاقاتك مع العملاء من النساء فقط ولاتقولي هذي اعمالي بل انسبيها للمحل لاننا للاسف مجتمع لايدعم ابناء الوطن بالشكل المطلوب وهناك جهات تدعم المشاريع الصغيرة مثل عبداللطيف جميل

 

اختي ام عزام شاكره لك مرورك وتعليقك



اخوي رجل اعمال
اشكر لك مرورك واقتراحك وانا فكرت في الكلام اللي قلته قبل كذا
لكن في معوقات وقفت في طريقي
وبالنسبه لعبداللطيف جميل شروطهم ماناسبتني وبنفس الوقت ماحصلت كفيل من اهلي
ممكن انه يكفل مشروعي
ولك جزيل الشكر

 

موفقة اختي العزيزة

 

اخوي الفارس اشكر لك مرورك وردك
يعطيك العافيه

 

هلا بك اختي..

والله لو عندي احد على راسي والله..

بس بشوف لك..

وبحاول اشوف لك ناس واعطيك خبر ان شالله..

بعدين اخوي ررجل اعمال..

صحيح في كثير يساعدون ويعطون مبالغ عشان تتنفذ المشاريع الصغيره ويساعدون فيها الناس...!

بس والله بصراحه شروطهم مو مره..!

بعدين احس فيها تعجيز شوي..

طيب..

انا ابوي متقاعد اكيد 100% مافي مايبون هو اللي يكفلني.

وحاولت كذا مرره..

بعدين عبداللطيف جميل ويقولون باب رزق جميل من طرفهم.. وبعدين فيه الحين كثير صاوا يسوون كذا..

والله يعطيهم العافيه بس...

هم بنفس الشروط التعجيزيه ..

ياخي اللي بيسهل على الناس يسهل الشروط الشوي..

ويسلمو مره 2..

واسفه على المداخله الطويله..

 

باختصار

** دعاء الحوائج الدنيوية والرزق **
" اللهم أرزقني رزقا واسعا حلالا طيبا من غير كد.. واستجب دعائي من غير رد.. وأعوذ بك من الفضيحتين: الفقر والدّين.. اللهم يا رازق السائلين.. يا راحم المساكين.. ويا ذا القوة المتين.. ويا خير الناصرين.. يا ولي المؤمنين.. يا غياث المستغيثين.. إياك نعبد وإياك نستعين.. اللهم إن كان رزقي في السماء فأنزله.. و إن كان رزقي في الأرض فأخرجه.. و إن كان بعيدا فقربه.. و إن كان قريبا فيسره.. و إن كان كثيرا فبارك فيه يا أرحم الراحمين.. اللهم صلي على محمد وآل محمد.. واكفني بحلالك عن حرامك.. وبطاعتك عن معصيتك.. وبفضلك عمن سواك يا اله العالمين.. وصلى الله على محمد وآله وصحبه أجمعين"

 

<TABLE border=0 cellSpacing=1 cellPadding=4><TBODY><TR><TD class=thead></TD></TR></TBODY></TABLE>اختي الغاليه M-jaik's
اشكر لكي مرورك وكلماتك الرائعه ياعسل
وبالعكس والله انك ماقصرتي بكلامك الطيب
والله انك صادقه صحيح في الحين جهات متعدده للتسليف للمشاريع
لكن المشكله ان شروطهم صعبه
وبحكم ان احنا بنات واحيان كثيره تحكمنا ظروفنا هنا
وبرضو مثل ماتفضلتي وقلتي المشكله ان ابائنا متقاعدين
يعني صعب ان نلاقي اللي يكفلنا ويساعدنا ( الله سبحانه هو الرازق )
وللمعلوميه انا اتجهت لكذا جهه للتسليف لكن بدون جدوى ورجعت بخيبة الامل
واصبت بالاحباط لاني كنت بانيه احلام وطموحات على هالمشروع
ووقفت وماصرت اسوي اي شي ولا اصمم واصبت بالضيق والاحباط والاكتئاب
بالذات اذا كانت الوحده ماعندها دخل شهري وماخلت باب ماضربته عشان الوظيفه
لكن الامل بالله سبحانه كبير والله يرزقني ويرزقك ويرزق يارب جميع المسلمين كل خير

اشكرك للمره الثانيه على مرورك وشرفتيني بردك

 

اخوي رجل اعمال اشكرك من كل قلبي على الدعاء الرائع
والله يجزاك الجنه يارب
وشاكره لك مرورك والله يرزقك كل خير يارب ويوفقك

 

استغفر الله العظيم وأتوب إليه

 

الله يفتحلك ابواب الخير .. حبيبتي في باب رزق جميل كل شهر يسوون مهرجان تقريبا 4 او 3 ايام شاركي فيه ومنتي خسرانه شوفي كيف الاقبال اذا عجبك اتفقي معاهم انه كل مهرجان تشاركين فيه او تاخذين محل بالشهر واسعارهم بالمهرجان روعه الطاوله تقريبا ب 350 او ب 400 ماني فاكره انتي جربي والله يوفقك ..

 

اختي العزيزه مس جوري
تسلمين ياغاليه على مرورك
وردك الجميل

والله يوفقك ويسعدك ويرزقنا وياك الجنه